Iˇsaˬyaˇ 44:7 - Akha

⁷ Ngaˬ neh mˇ-euˬ gaˇ-ahˇ nui gʼaˬ mˇ nya meh loˇ. Aˇ dahˬ beh ngeh hawˇ-eu aˇ saˬ saˬ ngeh keuˆ ni, kʼaˇ pyeuꞈ laˇ-eu jeˬ tsaˬ tsehˆ nya-eu aˬ suˇ gʼaˬ jawˇ ta.

Iˇsaˬyaˇ 44:7 ပူးပေါင်းရင်းမြစ်များ

Iˇsaˬyaˇ 19:12

Iˇjiˇtuˆ sahˬ paˬ-oˇ, nawˬ-ahˇ nui noeˬ nui duˇ biꞈ-eu tsawˇ gahˇ ahˇ-eu deuˬ, aˬ gaˇ jawˇ ta. Iˇjiˇtuˆ miˇ kʼahˬ kʼoeˇ taˆ bi keuˆ le-eu lehˇ, Sahˬpaˬ Miˬyehˇ neh lehˬ hmˬ taˬ-euˬ jeˬ, aˬ yawꞈ maꞈ nawˬ-ahˇ bi dzawˇ mehˬ haw sheˇ.

Iˇsaˬyaˇ 41:22

Mehˬ hu paw keuˆ le-eu jeˬ-ahˇ nga maꞈ ya siˬ taˬ ni, aˬ kaˇ pyeuꞈ laˇ-eu gaˇ kawˆ deuˬ, laˇ-awˇ ja mehˬ laˇ sheˇ. Pyeuꞈ dzeuˇ yaꞈ-euˬ gaˇ kawˆ, saˇ naˇ-ahˇ dzawˇ laˇ-awˇ, dawˬ tsuiꞈ ehˇ mehˬ laꞈ sheˇ.

Iˇsaˬyaˇ 41:23

Naw maꞈ miˬyehˇ ngaˇ lehˇ nga maꞈ ya siˬ duˬ ni, mehˬ hu paw pyeuꞈ laˇ-eu gaˇ kawˆ ja mehˬ laꞈ sheˇ. Nga maꞈ guˆ-awˇ tsoˆ leˇ paˬ-ehˇ, lahˬ hawˇ-eu dawˇ tiˬ jeˬ bi keuˆ le haw sheˇ.

Iˇsaˬyaˇ 41:26

Naw maꞈ neh ehˇ-euˬ tsaˬ ngaˇ lehˇ ja ceuˬ paˬ-ehˇ, heu loꞈ-ehˇ pyeuꞈ laˇ tehꞈ-a lehˇ, aˬ geu gʼaˬ ehˇ taˬ-euˬ jaˆ te. Gaˇ kawˆ heu naw maꞈ tiˬ gʼaˬ-iˬ maˬ ehˇ-aˬ. Naw maꞈ heu loꞈ-ehˇ ehˇ-eu tiˬ gʼaˬ-iˬ maˬ gaˬ-aˬ.

Iˇsaˬyaˇ 41:4

Kʼoeˇ loꞈ-ehˇ bi pyeuꞈ laˇ-euˬ gʼaˬ aˬ suˇ gʼaˬ-a. Miˇ kʼahˬ shaˇ ka hawˇ-eu tsawˇ haˬ gaˇ kawˆ, dehˬ paˇ nehˬ-eu kʼoeˇ gʼaˬ aˬ suˇ gʼaˬ-a. Sahˬpaˬ Miˬyehˇ pyeuꞈ-eu ngaˇ-aˬ, aˇ dahˬ beh ngeh neh kʼoeˇ gaˇ jawˇ luꞈ-awˇ, aˇ saˬ saˬ ngeh keuˆ ni jawˇ ma.

Iˇsaˬyaˇ 43:12

Mehˬ hu paw pyeuꞈ laˇ-eu gaˇ kawˆ ngaˇ ja mehˬ-awˇ, naw maꞈ-ahˇ caw ba nehˬ-euˬ ma. Kʼoeˇ loꞈ-ehˇ mˇ taˬ-eu boeˇ miˬ siˬ kʼaˬ-euˬ miˬ yehˇ maˬ jawˇ-a. Naw maꞈ ngaˬ-euˬ saˇ kiˇ pyeuꞈ luꞈ-eu meh.

Iˇsaˬyaˇ 43:9

Tsawˇ jeuˬ dawˬ tawˆ luꞈ-ahˇ kuˇ-awˇ caw tseˇ duˬ-awˬ. Aˬ kaˇ mehˬ hu paw pyeuꞈ laˇ-eu gaˇ kawˆ deuˬ-ahˇ, aˬ yawꞈ maꞈ-euˬ miˬ yehˇ aˬ geu gʼaˬ ehˇ nya ta. Nymˬ-mˇ pyeuꞈ luꞈ-eu gaˇ kawˆ deuˬ, aˬ geu gʼaˬ neh ehˇ dzeuˇ taˬ-euˬ jaˆ ta. Miˬyehˇ kʼoeˇ deuˬ aˬ yawꞈ maꞈ neh ehˇ-euˬ tsaˬ-eu gaˇ kawˆ, aˬ yawꞈ maꞈ-euˬ dawˬ maˬ lehˬ-eu gaˇ kawˆ, saˇ kiˇ bi toeˬ mehˬ-awˬ.

Iˇsaˬyaˇ 45:21

Naw maꞈ gaˇ kawˆ ja duˬ laˇ sheˇ. Tiˬ kawˆ loꞈ-ehˇ bawˬ dzaˬ-awˇ ja duˬ sheˇ. Mehˬ hu paw pyeuꞈ laˇ-eu gaˇ kawˆ deuˬ-ahˇ, aˇ hu ba neh ehˇ jiˇ taˬ-euˬ aˬ suˇ gʼaˬ-aˬ. Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu Miˬyehˇ pyeuꞈ-eu, ngaˇ Sahˬpaˬ Miˬyehˇ neh ehˇ jiˇ taˬ-euˬ maˬ ngeuˇ-a loˇ. Miˬ yehˇ nui gʼaˬ aˬ gaˇ jawˇ ta.

Gʼaˬkʼehˇ 17:26

Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.

Dawˬmehˬ 32:8

Huiˬ dui mahˇ dui dui-eu Miˬyehˇ, miˇ tsaˬ zaˬ-ahˇ miˇ kʼahˬ biˇ-awˇ, jawˇ duˬ pehˇ tsahˇ tsaˬ tsoˆ nehˬ-awˇ, miˬ yehˇ deuˬ neh bi dzoeˬ-euˬ meh.