Iˇsaˬyaˇ 44:26 - Akha

²⁶ Ehˇ kʼawꞈ, ngaˬ-euˬ zaˬ kʼaˆ aˬ kaˇ pyeuꞈ-eu gaˇ kawˆ mehˬ ngeh, ngaˬ-euˬ gʼaˬ kʼehˇ-ahˇ ngaˇ pyehˬ gʼeh leꞈ-awˇ, ngaˬ neh lehˬ hmˬ taˬ-euˬ gaˇ kawˆ bi ja mehˬ ngeh, aˬ yawꞈ neh kʼaˇ ehˇ-euˬ jeˬ ngaˇ bi pyeuꞈ laˇ ma. Yeˬluˇsaˬlehˬ meuˬ-ahˇ tsawˇ haˬ paˇ jawˇ byah-awˇ, Yuˇdaˆ meuˬ deuˬ paˇ teˬ ziꞈ jiˇ tehꞈ-a lehˇ ehˇ-euˬ ma. Meuˬ meuˬ tsoeˬ kʼoeˇ deuˬ meuˬ shuiꞈ paˇ shuiꞈ laˇ tehꞈ-a.

Iˇsaˬyaˇ 44:26 ပူးပေါင်းရင်းမြစ်များ

2 Sahˬpaˬ 7:16

Kʼoeˇ naˇ, Saˬmaˬliˆ meuˬ-ahˇ jawˇ-eu tsawˇ haˬ deuˬ coeˬ doˆ gʼeh-awˇ, Suˇliˆ tsawˇ haˬ deuˬ-euˬ taˆ-ahˇ myawˬ poˆ geuꞈ leˇ-euˬ meh. Kʼoeˇ ngeh, Sahˬpaˬ Miˬyehˇ neh ehˇ taˬ-euˬ loꞈ-ehˇ, muiˬ dui dui-eu cehˇ pyuˇ smˇ pehˬ-euˬ pyuˇ maˇ byaˆ tiˬ byaˆ-ahˇ keuˆ ni ga le-awˇ, lawˬ loeˇ koꞈ pehˬ-euˬ pyuˇ maˇ byaˆ tiˬ byaˆ-ahˇ keuˆ ni ga le-euˬ meh.

2 Sahˬpaˬ 7:18

“Ni shawˬ nah heu yamˬ-ahˇ, muiˬ dui dui-eu cehˇ pyuˇ smˇ pehˬ-euˬ pyuˇ maˇ byaˆ tiˬ byaˆ-ahˇ keuˆ ni ga le-awˇ, lawˬ loeˇ koꞈ pehˬ-euˬ pyuˇ maˇ byaˆ tiˬ byaˆ-ahˇ keuˆ ni ga le tehꞈ-a” lehˇ, sahˬ paˬ-ahˇ Eˇliˇshehˇ ehˇ nehˬ taˬ-euˬ jaˆ-eu meh.

2 Sahˬpaˬ 7:20

Eˇliˇshehˇ neh ehˇ taˬ-euˬ loꞈ-ehˇ aˬ yawꞈ kʼoeˇ taˆ keuˆ le-awˇ, meuˬ lahˇ kʼehˬ-ahˇ aˬ cawˬ neh bi nawˬ tehˬ sehꞈ-euˬ meh.

Eˇzaˬlaˬ 2:70

Piˇ ma deuˬ, Leˬbiˇ tsawˇ haˬ deuˬ hawˇ-eu miˇ kʼahˬ zaˬ tiˬ paˆ na deuˬ-aˬ, Yeˬluˇsaˬlehˬ meuˬ laꞈ kʼoeˇ hawˇ-eu meuˬ dawˬ peh jawˇ duˬ dah-euˬ meh. Caˇ dawˬ caˇ-eu deuˬ, Uˬ duˬ tahˬ nymˇ nymˇ ma-ahˇ loꞈ-eu deuˬ hawˇ-eu, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu deuˬ-aˬ, dawˬ peh jaˆ-eu meuˬ deuˬ laꞈ kʼoeˇ jawˇ duˬ dah-euˬ meh. Iˇsaˬleˬlaˆ tsawˇ haˬ nui deuˬ-aˬ, aˇ hu aˬ yawꞈ maꞈ-euˬ aˬ poeˬ aˬ bawˇ deuˬ jawˇ-euˬ meuˬ deuˬ-ahˇ jawˇ duˬ dah-euˬ meh.

Neˬhaˬmiˇ 1:3

Baˬbuˇloˬ miˇ kʼahˬ-ahˇ neh paˇ gʼoꞈ jawˇ-iˇ-euˬ deuˬ-ahˇ, dawˬ peh jawˇ luꞈ-eu aˬ cawˬ tsawˇ jeuˬ deuˬ taˬ nyiˇ dui dui-eu miˇ neh ya shaˬ ya zahˬ luꞈ-eu gaˇ kawˆ aˬ yawꞈ maꞈ ngaˬ-ahˇ dzawˇ nehˬ laꞈ-euˬ meh. Yeˬluˇsaˬlehˬ meuˬ-euˬ meuˬ lahˇ byaˆ-iˇ taˬ-awˇ, miˬ dzaˬ keuˬ dzeh taˬ-euˬ meuˬ lahˇ laˇ gʼoˆ deuˬ kʼawꞈ maˬ laˆ muiˬ-ehˇ jaˆ luꞈ meh lehˇ dzawˇ-eu meh.

Neˬhaˬmiˇ 2:3

Ehˇ kʼawꞈ aˬ yawꞈ-ahˇ ngaˇ heu loꞈ-ehˇ ehˇ kʼoꞈ nehˬ-euˬ ma. “Sahˬ paˬ-oˇ, nawˇ ziˇ baw ziˇ za luꞈ-uˇ. Ngaˬ-euˬ aˬ poeˬ aˬ bawˇ deuˬ-euˬ lmˬ bymˇ jaˆ-eu meuˬ cawˆ-iˇ-awˇ, meuˬ lahˇ laˇ gʼoˆ deuˬ-ahˇ miˬ dzaˬ puiˆ dzeh jiˇ-euˬ miˇ neh, ngaˬ-ahˇ maˬ noeˬ shaˬ-ehˇ maˬ jawˇ tehˬ coeˇ nya.”

Jaceuq 102:17

Byehˇ dzeh taˬ-euˬ aˬ yawꞈ-euˬ tsawˇ jeuˬ shaˇ dawˬ-awˇ, aˬ yawꞈ naˇ haˬ geuꞈ nehˬ tehꞈ-a.

Jaceuq 147:2

Yeˬluˇsaˬlehˬ meuˬ-ahˇ Sahˬpaˬ Miˬyehˇ tsoˆ muiˬ luꞈ-awˇ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ-ahˇ sheuˬ kʼoꞈ leꞈ-eu lehˇ gʼeh-eu meh.

Jaceuq 69:35

Yeˬluˇsaˬlehˬ meuˬ-ahˇ aˬ yawꞈ maꞈ ka kʼoꞈ-awˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ aˬ yawꞈ tsoˆ muiˬ tehꞈ-a. Aˬ yawꞈ-euˬ tsawˇ haˬ deuˬ kʼoeˇ gaˇ ya jawˇ-awˇ, miˇ kʼahˬ kʼoeˇ aˬ yawꞈ maꞈ-ahˇ oꞈ tehꞈ-a.

Jaceuq 69:36

Aˬ yawꞈ-euˬ zaˬ kʼaˆ deuˬ-euˬ zaˬ deuˬ uˆ deuˬ, miˇ kʼahˬ kʼoeˇ kʼahˬ jeˬ biˇ za-awˇ, aˬ yawꞈ-ahˇ gaˬ-eu tsawˇ haˬ deuˬ kʼoeˇ gaˇ ya jawˇ tehꞈ-a.

Dawˬ tsoˆ 3:3

Sehꞈ-eu aˇ yamˬ baw-eu loꞈ-ehˇ, jaˆ gʼaˬ yaˇ-eu aˇ yamˬ baw meh. Deh pyaˆ-eu yamˬ baw-eu loꞈ-ehˇ, tsoˆ muiˬ kʼoꞈ-eu yamˬ baw-eu meh.

Iˇsaˬyaˇ 40:9

Yeˬluˇsaˬlehˬ-oˇ, gawˬ jawˬ yaw goˇ-ahˇ daˆ leˇ-awˇ, laˬ kʼaˬ cehˇ-eu guiˬ lahˬ dawˬ guˇ gaˬ-awˬ. Ziˇoˬ gawˬ jawˬ-oˇ, teˇ saˇ yaw kʼaˆ kʼaˆ-ehˇ guˇ-awˇ, laˬ kʼaˬ cehˇ-eu guiˬ lahˬ dawˬ tsaꞈ gaˬ-awˬ. Maˬ guˆ ni dawˬ tmˇ dawˬ dzawˇ mˇ-awˇ, Yuˇdaˆ miˇ kʼahˬ-ahˇ jaˆ-eu meuˬ deuˬ-ahˇ, aˬ yawꞈ maꞈ-euˬ Miˬyehˇ oe luꞈ meh lehˇ ehˇ gaˬ nehˬ-awˬ.

Iˇsaˬyaˇ 42:19

Ngaˬ-euˬ zaˬ kʼaˆ maˬ tseˇ myaˆ behꞈ behꞈ-eu gʼaˬ jawˇ ta loˇ. Ngaˬ neh pyehˬ gʼeh leꞈ-euˬ gʼaˬ naˆ maˬ tseˇ naˬ bawˬ bawˬ-eu gʼaˬ jawˇ ta loˇ.

Iˇsaˬyaˇ 42:9

Ngaˬ neh ngehˬ taˬ ehˇ taˬ-euˬ jeˬ iˬ nah byah laˇ luꞈ-awˇ, aˬ kaˇ pyeuꞈ laˇ-eu jeˬ nymˬ-mˇ, maˬ pyeuꞈ laˇ mi naˆ-ehˇ nawˬ-ahˇ ngaˇ ehˇ nehˬ ma.”

Iˇsaˬyaˇ 49:8

Aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ ehˇ-eu, “Nawˬ-ahˇ ka kʼoꞈ-eu aˇ yamˬ tsaˬ laˇ ngeh, nawˬ-euˬ myaˆ pyawˬ naˇ mehˇ-ahˇ ngaˇ haw-awˇ, nawˬ-euˬ shaˇ dawˬ ngaˇ naˇ haˬ ma. Nawˬ-ahˇ ngaˇ bo saˆ haw piˇ-awˇ, nawˬ-ahˇ gʼoe-eu laꞈ kʼoeˇ tsawˇ jeuˬ dawˬ tawˆ luꞈ-ahˇ, ngaˇ dawˬ ma saˇ jaˇ dzaˬ taꞈ ma. Nymˬ-mˇ yaw cawˆ-ehˇ jaˆ-eu nawˬ-euˬ miˇ kʼahˬ-ahˇ, nawˬ-ahˇ paˇ bi jawˇ kʼoꞈ laˇ ma.

Iˇsaˬyaˇ 52:9

Yeˬluˇsaˬlehˬ laꞈ kʼoeˇ cawˆ-iˇ taˬ-euˬ jawˇ duˬ dawˬ tawˆ, laˬ kʼaˬ tiˬ cehˇ guˇ kʼaˆ leꞈ-awˬ. Sahˬpaˬ Miˬyehˇ aˬ yawꞈ-euˬ meuˬ-ahˇ ka kʼoꞈ-awˇ, aˬ yawꞈ-euˬ tsawˇ haˬ-ahˇ nui saˇ bi oꞈ tehꞈ-a.

Iˇsaˬyaˇ 54:3

Nawˬ-euˬ miˇ kaˬ yawˬ pyawˬ na luꞈ teh jiˆ taˬ-awˬ. Aˬ cawˬ tsawˇ jeuˬ neh ceh geuꞈ taˬ-euˬ miˇ tsaˬ deuˬ, nawˬ-euˬ tsawˇ haˬ deuˬ paˇ za kʼoꞈ tehꞈ-a. Meuˬ tsoeˬ tsoeˬ-iˇ-euˬ meuˬ kʼoeˇ deuˬ, tsawˇ haˬ paˇ jawˇ byah jiˇ tehꞈ-a.

Iˇsaˬyaˇ 55:11

ngaˬ-euˬ kʼaˬ meh-ahˇ pyehˬ doˆ-euˬ dawˬ kʼawꞈ, ngaˬ-euˬ nui kʼahˇ mˇ byah yaꞈ-awˇ, ngaˬ neh kʼaˇ kʼehˇ-euˬ jeˬ maˬ mˇ luiˆ kʼoeˇ keuˆ ni, ngaˇ jawˇ gaˇ yawˬ ngehꞈ-ehˇ maˬ gʼoꞈ laˇ-a.

Iˇsaˬyaˇ 58:12

Aˇ hu ba neh cawˆ-iˇ dzeuˇ-euˬ jeˬ-ahˇ, dawˬ pehˬ yaw oeˇ aˬ yawꞈ kʼoeˇ taˆ, nawˬ-euˬ tsawˇ haˬ deuˬ paˇ tsoꞈ ziꞈ leˇ tehꞈ-a. Byaˆ-iˇ taˬ-euˬ meuˬ lahˇ paˇ gawˬ ziꞈ-awˇ, nymˇ yaw cawˆ deuˬ paˇ tsoˆ muiˬ-eu tsawˇ haˬ nga lehˇ, aˬ cawˬ naw maꞈ-ahˇ kuˇ tehꞈ-a.”

Iˇsaˬyaˇ 60:10

Yeˬluˇsaˬlehˬ-ahˇ Sahˬpaˬ Miˬyehˇ ehˇ-eu, “Boeˇ miˬ siˬ kʼaˬ deuˬ nawˬ-euˬ meuˬ lahˇ gawˬ muiˬ-awˇ, aˬ yawꞈ maꞈ-euˬ sahˬ paˬ deuˬ nawˬ-ahˇ ya mˇ cu tehꞈ-a. Nui ma pehˇ-eu laꞈ kʼoeˇ nawˬ-ahˇ ngaˇ kʼehˬ-euˬ kʼawꞈ, nawˬ-euˬ myaˆ pyawˬ-ahˇ ngaˇ haw-awˇ gʼawˬ shaˬ gaˬ ma.

Iˇsaˬyaˇ 61:4

Cawˆ-iˇ taˬ-euˬ myahˇ laˇ-euˬ meuˬ deuˬ-ahˇ, aˬ yawꞈ maꞈ paˇ tsoˆ muiˬ tehꞈ-a.

Yeˬlaˬmiˇ 1:10

Miˇ kʼahˬ tsawˇ jeuˬ dawˬ tawˆ luꞈ kʼoeˇ taˆ, iˬ nah ngaˇ nawˬ-ahˇ baoˬ biꞈ-eu ma. Aˬ yawꞈ maꞈ-ahˇ ngawˬ lehˆ-awˇ deh kʼehꞈ-eu gʼaˇ duˬ maˬ ehˇ, laˆ cawˆ-awˇ teh byoˆ nehˬ-euˬ gʼaˇ duˬ maˬ ehˇ, tsoˆ muiˬ ka muiˬ nehˬ-eu gʼaˇ duˬ maˬ ehˇ, nawˬ-ahˇ ngaˇ baoˬ biꞈ nehˬ-eu ma.”

Yeˬlaˬmiˇ 28:9

Ehˇ kʼawꞈ, nui saˇ oꞈ-eu jeˬ keuˆ le tehꞈ-a lehˇ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ, aˬ diˇ aˬ maˇ Sahˬpaˬ Miˬyehˇ neh pyehˬ gʼeh leꞈ-euˬ Miˬyehˇ gʼaˇ duˬ ngehˬ dah-eu tsawˇ haˬ ngeuˇ-eu maˬ ngeuˇ-eu-aˬ, aˬ yawꞈ neh ngehˬ dah-euˬ loꞈ-ehˇ pyeuꞈ laˇ gʼaˬ miˇ tsa maˬ ngeuˇ naˇ maˬ ehˇ nya-aˇ.”

Yeˬlaˬmiˇ 30:18

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ haˬ deuˬ yawˬ ha miˇ kʼahˬ-ahˇ paˇ bi gʼoꞈ jawˇ leˇ-awˇ, nymˇ jiˇ yawˬ jiˇ na luꞈ kʼoeˇ taˆ, ngaˇ gʼawˬ shaˬ gaˬ nehˬ ma. Yeˬluˇsaˬlehˬ meuˬ paˇ bi gawˬ muiˬ-awˇ, sahˬ paˬ jawˇ-eu hawˇ nymˇ paˇ bi tsoˆ ziꞈ ma.

Yeˬlaˬmiˇ 31:4

Miˬ shuiꞈ-ahˇ duˇ-eu Iˇsaˬleˬlaˆ-oˇ, nawˬ-ahˇ paˇ bi dehꞈ doˆ laˇ ma. Nawˇ cehˇ lehˇ ciˆ ciˆ-ehˇ, laˬ kʼaˬ cehˇ-awˇ gaˇ nyeh ya nyeh tehꞈ-a.

Yeˬlaˬmiˇ 32:15

Miˇ kʼahˬ heu kʼahˬ laꞈ kʼoeˇ, nymˇ, deh yaˇ hawˇ-eu aˬ gaꞈ yaˇ kmˇ deuˬ paˇ ya zeuˇ geuꞈ-eu aˇ nah keuˆ le tehꞈ-a’ lehˇ, Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ ehˇ taˬ-euˬ meh.”

Yeˬlaˬmiˇ 32:44

Miˇ kʼahˬ zaˬ deuˬ deh yaˇ zeuˇ-awˇ, tsawˇ kaˬ deuˬ-euˬ mehˬ shi laꞈ ma dehˬ dehˬ-ehˇ jmˬ diˬ tehꞈ-a. Beˬyaˬmiˬ miˇ kʼahˬ laꞈ kʼoeˇ maˬ ehˇ, Yeˬluˇsaˬlehˬ meuˬ-euˬ tahˬ gʼoꞈ tahˬ jawˇ jaˆ-eu pu deuˬ laꞈ kʼoeˇ maˬ ehˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ laꞈ kʼoeˇ maˬ ehˇ, gawˬ jawˬ dawˬ dahˬ-ahˇ maˬ ehˇ, Yuˇdaˆ miˇ kʼahˬ laꞈ oˆ dzaˬ-ahˇ maˬ ehˇ, kʼoeˇ loꞈ-ehˇ deh yaˇ zeuˇ tehꞈ-a. Ngaˬ-euˬ tsawˇ haˬ deuˬ-ahˇ, aˬ yawꞈ maꞈ-euˬ miˇ kʼahˬ laꞈ kʼoeˇ paˇ bi gʼoꞈ jawˇ laˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 33:7

Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ-ahˇ ngaˇ bi baw bi za le-awˇ, dzeuˇ laˇ ngeh loꞈ-ehˇ paˇ bi dehꞈ dzaˬ laˇ ma.

Yeˬsaˬgeˬlaˇ 36:10

“Naw maꞈ-ahˇ ngaˇ bi jeuˬ bi o le ma. Meuˬ deuˬ laꞈ kʼoeˇ naw maꞈ jawˇ-awˇ, kʼaˇ laˆ cawˆ taˬ-euˬ jeˬ naw maꞈ gawˬ muiˬ tsoˆ muiˬ tehꞈ-a.

Yeˬsaˬgeˬlaˇ 38:17

Aˇ hu ba neh, Iˇsaˬleˬlaˆ tsawˇ haˬ deuˬ-ahˇ Miˬyehˇ gʼaˇ duˬ bi ngehˬ dah-euˬ ngaˬ-euˬ zaˬ kʼaˆ deuˬ-ahˇ zmˬ-awˇ bi gaˬ doe-iˇ-euˬ gaˇ kawˆ pyeuꞈ-eu, aˬ kaˇ tiˬ nah Iˇsaˬleˬlaˆ miˇ kʼahˬ-ahˇ guiˇ bi deuˆ le-eu gʼaˇ duˬ, ngaˇ tsawˇ haˬ pyehˬ gʼeh leꞈ ma lehˇ ehˇ-euˬ kʼoeˇ-aˬ, nawˬ-ahˇ ehˇ-euˬ jeˬ pyeuꞈ-eu ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Daˬyeˬlaˇ 9:12

Nga maꞈ hawˇ-eu nga maꞈ kʼoeˇ taˆ uˆ lahˇ-eu deuˬ kʼoeˇ taˆ bi keuˆ le ma lehˇ ehˇ taˬ-euˬ jeˬ, nawˇ bi keuˆ le-euˬ meh. Miˇ tsaˬ kʼoeˇ taˆ jaˆ-eu meuˬ tiˬ meuˬ-iˬ maˬ ya daˬ haw-euˬ kʼehˬ-eu kʼaˆ-eu jeˬ-ahˇ, Yeˬluˇsaˬlehˬ meuˬ ya daˬ-euˬ meh.

Daˬyeˬlaˇ 9:25

Gaˇ kawˆ heu gʼoˆ shaw-awˇ juiˇ taˬ-awˬ. Yeˬluˇsaˬlehˬ meuˬ bi tsoˆ muiˬ-eu gʼaˇ duˬ dawˬ biꞈ-euˬ aˇ yamˬ-ahˇ neh, Miˬyehˇ neh tsiˇ shehˆ daˆ-awˇ tseˇ doˆ taˬ-euˬ uˆ lahˇ-eu gʼaˬ oe keuˆ ngeh keuˆ ni, shiꞈ kʼoꞈ, shiꞈ poˆ myahˇ tehꞈ-a. Yeˬluˇsaˬlehˬ meuˬ hawˇ-eu meuˬ laꞈ kʼoeˇ jaˆ-eu gaˇ ma deuˬ gawˬ muiˬ tsoˆ muiˬ jiˇ-awˇ, muiˇ-eu deuˬ guiˇ maˬ bi deuˆ gʼaˬ laˇ nya ni, ziꞈ dah ni gʼeh-eu taˆ deuˬ gawˬ ziꞈ tsoˆ ziꞈ gʼaˬ-awˇ, koꞈ tseˇ nyiꞈ kʼoꞈ, shiꞈ poˆ keuˆ ni gmˬ tehꞈ-a. Ehˇ kʼawꞈ, aˇ yamˬ kʼoeˇ yamˬ-aˬ, shaˬ zahˬ naꞈ-eu aˇ yamˬ pyeuꞈ tehꞈ-a.

Aˬmoˆ 9:14

Ngaˬ-euˬ tsawˇ jeuˬ Iˇsaˬleˬlaˆ, aˬ cawˬ miˇ kʼahˬ-ahˇ shaˬ luꞈ-eu, yawˬ ha miˇ kʼahˬ-ahˇ sheuˬ kʼoꞈ ma. Cawˆ-iˇ-euˬ meuˬ deuˬ tsoˆ muiˬ-awˇ, yawꞈ maꞈ jawˇ duˬ dah leˇ tehꞈ-a. Aˬ gaꞈ yaˇ kmˇ paˇ mˇ poˆ-awˇ, aˬ gaꞈ dzaˇ uiˇ ya dawˇ tehꞈ-a. Myawˬ kmˇ yaˇ kmˇ paˇ mˇ poˆ-awˇ, ka-eu loꞈ-ehˇ ya dzaˬ tehꞈ-a.

Haˬgaiˇ 1:13

Kʼoeˇ naˇ, “Ngaˇ naw maꞈ nehˬ-ehˇ jawˇ ma” lehˇ, Sahˬpaˬ Miˬyehˇ neh ehˇ-euˬ dawˬ kʼoeˇ dawˬ, Sahˬpaˬ Miˬyehˇ gʼaˇ duˬ ngehˬ dah-eu Haˬgaiˇ neh aˬ yawꞈ maꞈ-ahˇ ehˇ nehˬ-euˬ meh.

Zaˬkaˬliˇ 1:17

“Ngaˬ-euˬ meuˬ deuˬ paˇ dehꞈ dzaˬ poˆ laˇ-awˇ, Yeˬluˇsaˬlehˬ meuˬ-ahˇ ngaˇ caw ba-awˇ, ngaˬ-euˬ meuˬ paˇ bi geuꞈ ma” lehˇ, Sahˬpaˬ Miˬyehˇ neh ehˇ-euˬ dawˬ kʼoeˇ dawˬ kʼawꞈ dzawˇ gaˬ-iˇ-eu gʼaˇ duˬ, mˬ taˆ gʼaˬ kʼehˇ kʼoeˇ gʼaˬ ngaˬ-ahˇ ehˇ-eu meh.

Zaˬkaˬliˇ 1:6

Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ-euˬ dawˬ biꞈ-eu laꞈ kʼoeˇ, dehꞈ paˇ-eu gʼaˇ duˬ yaw kʼaˆ kʼaˆ-ehˇ mehˬ nehˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, yaw kʼaˆ-ehˇ ya shaˬ-euˬ meh. Kʼoeˇ naˇ, aˬ yawꞈ maꞈ iˬ baˇ noeˬ poˆ-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh noeˬ tsehˆ taˬ-euˬ loꞈ-ehˇ, aˬ yawꞈ maꞈ-ahˇ oꞈ-eu geuˇ-eu kʼehˬ-eu kʼaˆ-eu jeˬ bi keuˆ le-euˬ meh lehˇ, aˬ yawꞈ maꞈ noeˬ siˬ noeˬ mawˇ-euˬ meh.”

Zaˬkaˬliˇ 12:6

“Aˇ yamˬ kʼoeˇ yamˬ keuˆ laˇ ngeh jawˇ, Yuˇdaˆ tsawˇ jeuˬ tsawˇ ca deuˬ-ahˇ, aˇ bawˇ sahˬ kʼaˆ hawˇ-eu cehˇ myah laˇ-euˬ cehˇ yaˇ-ahˇ puiˆ-eu miˬ dzaˬ loꞈ-ehˇ bi pyeuꞈ laˇ ma. Dawˬ peh jaˆ-eu miˇ kʼahˬ dawˬ tawˆ luꞈ-ahˇ aˬ yawꞈ maꞈ laˆ cawˆ jiˇ tehꞈ-a. Yeˬluˇsaˬlehˬ tsawˇ haˬ deuˬ-aˬ, meuˬ laꞈ kʼoeˇ saˇ lehˆ ni ya jawˇ tehꞈ-a.

Zaˬkaˬliˇ 2:4

Mˬ taˆ gʼaˬ kʼehˇ yaw beh gʼaˬ, aˬ yawꞈ jawˇ gaˇ oe-euˬ mˬ taˆ gʼaˬ kʼehˇ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Yaw kawˇ-ehˇ cehˆ coeˬ coeˬ-awˇ, daˇ dza aˇ caˆ yuˇ luꞈ-eu zaˬ guˬ kʼoeˇ gʼaˬ-ahˇ heu loꞈ-ehˇ ehˇ nehˬ-iˇ-awˬ. Yeˬluˇsaˬlehˬ meuˬ laꞈ kʼoeˇ, jeˬ zaˬ hawˇ-eu tsawˇ haˬ aˇ dzehˬ myaˬ dzeuˇ-eu miˇ neh, meuˬ meuˬ lahˇ kʼoeˇ maˬ deˇ leˇ-a. Teu miˇ neh meuˬ meuˬ lahˇ maˬ bi jaˆ nya-a lehˇ ehˇ nehˬ-awˬ.

Maꞈtehˬ 26:56

Ehˇ kʼawꞈ, Miˬyehˇ gʼaˇ duˬ ngehˬ dah-eu deuˬ neh Jaˇliꞈ laꞈ kʼoeˇ kʼaˇ boꞈ taˬ-euˬ loꞈ-ehˇ byah laˇ ni, heu loꞈ-ehˇ bi pyeuꞈ laˇ-euˬ meh.” Kʼoeˇ ngeh, zaˬ lahˇ dawˬ tawˆ luꞈ, aˬ yawꞈ-ahˇ byehˇ dzeh yaꞈ-awˇ cehˆ jiˇ-euˬ meh.

Maꞈtehˬ 5:18

Ngaˇ naw maꞈ-ahˇ dawˇ coe ni ehˇ nehˬ nyaˇ. Mˬ hawˇ-eu miˇ kʼaˇ ziꞈ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ kʼaˇ ahˇ-eu jeˬ dawˬ tawˆ luꞈ maꞈ byah laˇ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ aˇ boꞈ boꞈ zaˬ tiˬ boꞈ tehꞈ-ehˇ kʼawꞈ maˬ byoˆ-iˇ-aˇ.

Luˇkaꞈ 24:44

Kʼoeˇ naˇ, aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ sahˬ boꞈ deuˬ laꞈ kʼoeˇ maˬ ehˇ, Ja ceuˬ-eu sahˬ boꞈ laꞈ kʼoeˇ maˬ ehˇ, ngaˬ-euˬ gaˇ kawˆ boꞈ taˬ-euˬ yawˬ jeˬ na luꞈ, heu loꞈ-ehˇ pyeuꞈ laˇ-awˇ ya byah laˇ meh lehˇ, ngaˇ naw maꞈ nehˬ-ehˇ jawˇ ngeh neh naw maꞈ-ahˇ ehˇ nehˬ-euˬ ma.”