Iˇsaˬyaˇ 44:23 - Akha

²³ Mˬ-oˇ, laˬ kʼaˬ cehˇ-awˇ guˇ-awˬ. Miˇ tsaˬ yaw naꞈ tsahˇ-oˇ, guˇ-awˬ. Gawˬ jawˬ deuˬ laˬ kʼaˬ cehˇ-awˇ yaw kʼaˆ-ehˇ guˇ-awˬ. Sahˬ kʼaˆ-ahˇ kʼaˇ dehꞈ-eu aˇ bawˇ yawˬ bawˇ na luꞈ guˇ-awˬ. Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ ka kʼoꞈ-eu laꞈ kʼoeˇ, aˬ yawꞈ huiˬ-eu mahˇ-eu gaˇ kawˆ bi mawˇ-euˬ meh.

Iˇsaˬyaˇ 44:23 ပူးပေါင်းရင်းမြစ်များ

1 Laˬsaˬbaˬ 16:31

Mˬ hawˇ-eu miˇ laˬ kʼaˬ cehˇ yawˬ. Sahˬpaˬ Miˬyehˇ sahˬ paˬ meh lehˇ, tsawˇ jeuˬ dawˬ tawˆ-ahˇ dzawˇ nehˬ yawˬ.

1 Laˬsaˬbaˬ 16:32

Laˆ shaˆ hawˇ-eu laˆ shaˆ zaˬ deuˬ dawˬ tawˆ luꞈ yaw kʼaˆ-ehˇ guˇ yawˬ. Miˇ maˬ hawˇ-eu miˇ ma zaˬ deuˬ dawˬ tawˆ luꞈ laˬ kʼaˬ caw cehˇ yawˬ.

1 Laˬsaˬbaˬ 16:33

Miˇ tsaˬ-ahˇ yawꞈ uˆ lahˇ le ngeh, sahˬ lahˬ aˇ bawˇ dawˬ tawˆ luꞈ kʼawꞈ, Sahˬpaˬ Miˬyehˇ jawˇ-eu mehˬ shi, laˬ kʼaˬ cehˇ-awˇ guˇ laˇ tehꞈ-a.

Jaceuq 148:7

Miˇ tsaˬ kʼoeˇ taˆ kʼaˇ jawˇ-eu deuˬ Sahˬpaˬ Miˬyehˇ-ahˇ ja ceuˬ-awˬ. Laˆ shaˆ byaˆ yahˬ hawˇ-eu naꞈ-eu iˬ ma laˆ shaˆ maˬ ehˇ,

Jaceuq 148:9

Gawˬ jawˬ gawˬ duˇ deuˬ aˬ yawꞈ-ahˇ ja ceuˬ-awˬ. Aˇ siˬ aˇ bawˇ hawˇ-euˬ aˇ bawˇ sahˬ kʼaˆ deuˬ kʼawꞈ ja ceuˬ-awˬ.

Jaceuq 65:13

Deh ga-ahˇ yawˇ tiˬ byah jawˇ-awˇ, deh kʼawꞈ-ahˇ cehˇ tiˬ byah dehꞈ luꞈ meh. Yawˬ jeˬ na luꞈ laˬ kʼaˬ cehˇ-awˇ guˇ-eu laꞈ kʼoeˇ, caˇ-eu dawˬ caˇ luꞈ meh.

Jaceuq 69:34

Mˬ hawˇ-eu miˇ tsaˬ tahˬ kʼawˇ-oˇ, Miˬyehˇ-ahˇ ja ceuˬ-awˬ. Iˬ ma laˆ shaˆ hawˇ-eu kʼoeˇ gaˇ kʼaˇ uˇ-eu jeˬ dawˬ tawˆ luꞈ aˬ yawꞈ-ahˇ ja ceuˬ-awˬ.

Jaceuq 69:35

Yeˬluˇsaˬlehˬ meuˬ-ahˇ aˬ yawꞈ maꞈ ka kʼoꞈ-awˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ aˬ yawꞈ tsoˆ muiˬ tehꞈ-a. Aˬ yawꞈ-euˬ tsawˇ haˬ deuˬ kʼoeˇ gaˇ ya jawˇ-awˇ, miˇ kʼahˬ kʼoeˇ aˬ yawꞈ maꞈ-ahˇ oꞈ tehꞈ-a.

Jaceuq 89:13

Nawˇ aˇ naˆ ni baoˬ huiˬ-eu nga. Nawˇ aˇ naˆ ni gʼaˬ kʼaˆ-eu nga.

Doˆ-iˇ 18:9

Gaˇ kawˆ kʼoeˇ deuˬ dawˬ tawˆ luꞈ-ahˇ ya gaˬ ngeh, Yeˬdaˬyoˇ laˬ kʼaˬ cehˇ dui dui-eu meh.

Iˇsaˬyaˇ 12:5

Sahˬpaˬ Miˬyehˇ huiˬ-eu gaˇ deuˬ mˇ-euˬ miˇ neh, aˬ yawꞈ-ahˇ caˇ-awˇ ja ceu-awˬ. Mˬ dzeˇ miˇ dzeˇ doˆ ni, gaˇ kawˆ kʼoeˇ dzawˇ gaˬ-awˬ.

Iˇsaˬyaˇ 26:15

Nga maꞈ miˇ kʼahˬ bi huiˬ bi mahˇ laˇ-awˇ, miˇ kaˬ oeˬ pyawˬ luꞈ bi jeˇ laˇ-euˬ miˇ neh, nawˬ-euˬ yaw shehꞈ kʼahˬ sehˇ huiˬ dui dui meh.

Iˇsaˬyaˇ 43:1

Iˇsaˬleˬlaˆ-oˇ, nawˬ-ahˇ beh-euˬ Miˬyehˇ heu loꞈ-ehˇ ehˇ-eu meh. “Taˬ guˆ. Nawˬ-ahˇ ngaˇ ka kʼoꞈ ma. Nawˬ-ahˇ ngaˇ tsawˇ myahˇ kuˇ-awˇ tseˇ-euˬ ma. Nawˇ ngaˬ-euˬ tsawˇ haˬ ma.

Iˇsaˬyaˇ 43:7

Aˬ yawꞈ maꞈ ngaˬ-euˬ tsawˇ haˬ ma. Ngaˬ-euˬ yaw shehꞈ kʼahˬ sehˇ bi doˆ laˇ ni, aˬ yawꞈ maꞈ-ahˇ ngaˇ beh-euˬ ma.”

Iˇsaˬyaˇ 46:13

Gʼaˬ leˇ-eu aˇ nah kʼoeˇ ngaˇ bi peh le luꞈ ma. Gaˇ mahˇ maˬ paˇ kaˬ meh. Ngaˇ gʼaˬ leˇ-eu aˇ nah maˬ paˇ nyi naˬ nya meh. Yeˬluˇsaˬlehˬ meuˬ-ahˇ ngaˇ ka kʼoꞈ-awˇ, Iˇsaˬleˬlaˆ-ahˇ kʼoeˇ gaˇ ciˬ huiˬ nehˬ ma.”

Iˇsaˬyaˇ 49:13

Mˬ-oˇ, caˇ-awˇ ja ceuˬ-awˬ. Miˇ-oˇ, laˬ kʼaˬ cehˇ-awˇ guˇ-awˬ. Gawˬ jawˬ deuˬ kʼawꞈ yaw kʼaˆ-ehˇ caˇ-awˇ ja ceuˬ-awˬ. Aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ nui saˇ bi oꞈ tehꞈ-a. Kʼehˬ-eu kʼaˆ-eu gaˇ ya daˬ-euˬ aˬ yawꞈ-euˬ tsawˇ haˬ-ahˇ, aˬ yawꞈ gʼawˬ shaˬ gaˬ nehˬ tehꞈ-a.

Iˇsaˬyaˇ 49:3

Aˬ yawꞈ ngaˬ-ahˇ heu loꞈ-ehˇ ehˇ-eu meh. “Iˇsaˬleˬlaˆ-oˇ, nawˇ ngaˬ-euˬ zaˬ kʼaˆ ma. Nawˇ baˬ da neh miˇ tsaˬ zaˬ deuˬ ngaˬ-ahˇ ja ceuˬ tehꞈ-a.”

Iˇsaˬyaˇ 52:9

Yeˬluˇsaˬlehˬ laꞈ kʼoeˇ cawˆ-iˇ taˬ-euˬ jawˇ duˬ dawˬ tawˆ, laˬ kʼaˬ tiˬ cehˇ guˇ kʼaˆ leꞈ-awˬ. Sahˬpaˬ Miˬyehˇ aˬ yawꞈ-euˬ meuˬ-ahˇ ka kʼoꞈ-awˇ, aˬ yawꞈ-euˬ tsawˇ haˬ-ahˇ nui saˇ bi oꞈ tehꞈ-a.

Iˇsaˬyaˇ 60:21

Nawˬ-euˬ tsawˇ haˬ dawˬ tawˆ yaw tsaˬ yaw dawˇ jeˬ-ahˇ mˇ-awˇ, mˬ maˬ maˬ byaˆ zaˇ ziˇ miˇ kʼahˬ heu za tehꞈ-a. Ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, aˬ yawꞈ maꞈ-ahˇ ngaˬ neh ka-awˇ, ngaˬ neh mˇ taˬ-euˬ kuiˇ zaˇ laꞈ zaˇ pyeuꞈ-eu ma.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Yeˬlaˬmiˇ 31:11

Iˇsaˬleˬlaˆ tsawˇ jeuˬ-ahˇ ngaˇ bi buˬ-iˇ-awˇ, baoˬ huiˬ-eu tsawˇ jeuˬ-euˬ laꞈ-ahˇ neh ka kʼoꞈ doˆ-euˬ ma.

Yeˬlaˬmiˇ 51:48

Laꞈ taˆ paw pyawˬ-ahˇ neh oe-awˇ laˆ cawˆ le-euˬ deuˬ-euˬ laꞈ-ahˇ Baˬbuˇloˬ miˇ kʼahˬ cawˆ-iˇ ngeh, mˬ hawˇ-eu miˇ kʼoeˇ taˆ kʼaˇ jawˇ kʼaˇ jaˆ-eu jeˬ dawˬ tawˆ luꞈ, laˬ kʼaˬ cehˇ-awˇ guˇ tehꞈ-a.

Yeˬsaˬgeˬlaˇ 35:14

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Ngaˇ nawˬ-ahˇ ciˬ cuˇ ni laˆ pyeuꞈ nehˬ ngeh, nawˬ-ahˇ deuˬ leˇ-euˬ gaˇ miˇ tsaˬ dawˬ tawˆ luꞈ laˬ kʼaˬ cehˇ tehꞈ-a.

Yeˬsaˬgeˬlaˇ 36:1

Sahˬpaˬ Miˬyehˇ ehˇ-eu, “Tsawˇ haˬ zaˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ-awˬ lehˇ, Iˇsaˬleˬlaˆ gawˬ jawˬ deuˬ-ahˇ ehˇ nehˬ-awˬ.

Yeˬsaˬgeˬlaˇ 36:8

Ehˇ kʼawꞈ, ngaˬ-euˬ tsawˇ haˬ pyeuꞈ-eu Iˇsaˬleˬlaˆ tsawˇ jeuˬ-oˇ, Iˇsaˬleˬlaˆ gawˬ jawˬ deuˬ kʼoeˇ taˆ dehꞈ-eu aˇ bawˇ deuˬ baw nmˬ paˇ nmˬ laˇ-awˇ, naw maꞈ gʼaˇ duˬ aˇ siˬ siˬ le tehꞈ-a. Naw maꞈ gʼawˬ myahˇ maˬ gʼeh-ehˇ, iˇ kahˇ-ahˇ paˇ ya gʼoꞈ jawˇ laˇ tehꞈ-a.

Yeˬsaˬgeˬlaˇ 39:13

Miˇ kʼahˬ zaˬ yawˬ gʼaˬ na luꞈ tsawˇ haˬ kʼoeˇ deuˬ baꞈ pahˬ gaˇ caw ba le-awˇ, kʼoeˇ loꞈ-ehˇ jahˇ-euˬ aˇ poeˬ, ngaˇ gʼaˬ leˇ-eu aˇ nah kʼoeˇ nah-ahˇ aˬ yawꞈ maꞈ-ahˇ taˬ huiˬ taˬ mahˇ nehˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Eˇpeˇsu 3:21

Miˬyehˇ-ahˇ, Ka li zaˬ aˇ muˇ laꞈ kʼoeˇ maˬ ehˇ, Yeˬsuˇ ka li laꞈ kʼoeˇ maˬ ehˇ, mˬ maˬ maˬ byaˆ zaˇ ziˇ aˬ myah luꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ.

Eˇpeˇsu 4:9

“Aˬ yawꞈ daˆ leˇ-euˬ” lehˇ ehˇ-eu kʼoeˇ, aˬ jeˬ-ahˇ ehˇ mawꞈ ta. Heu loꞈ-ehˇ ehˇ mawꞈ-eu meh. Yaw beh miˇ tsaˬ heu-euˬ naꞈ dui dui-eu tsahˇ-ahˇ aˬ yawꞈ oe ka-euˬ meh.

1 Beˬtuˆluˆ 4:11

Mˬ maˬ maˬ byaˆ zaˇ ziˇ yaw shehꞈ kʼahˬ sehˇ hawˇ-eu baoˬ ahˇ-eu gʼaˬ pyeuꞈ-eu Miˬyehˇ-ahˇ, yawˬ jeˬ na luꞈ laꞈ kʼoeˇ Yeˬsuˇ Ka li-ahˇgʼoe-awˇ aˬ cawˬ ja ceuˬ ni, dawˬ mehˬ mehˬ-eu tsawˇ haˬ deuˬ Miˬyehˇ dawˬ kawˬ mehˬ-awˇ, aˬ cawˬ-ahˇ caw ba-eu tsawˇ haˬ deuˬ kʼawꞈ, Miˬyehˇ neh biꞈ-euˬ baoˬ-ahˇ gʼoe-awˇ caw ba-awˬ. Aˬ miˬ

Panmaeq 12:12

Kʼoeˇ miˇ neh, mˬ hawˇ-eu mˬ kʼoeˇ taˆ kʼaˇ jawˇ kʼaˇ deuˬ laˬ kʼaˬ cehˇ-awˬ. Ehˇ kʼawꞈ, miˇ tsaˬ hawˇ-eu iˬ ma laˆ shaˆ naw nyaꞈ aˇ naˆ ni noeˬ shaˬ paˬ-ehˇ gʼeh-eu nga. Aˬ jeˬ miˇ neh ehˇ naˇ, Nehꞈ sahˬ paˬ naw nyaꞈ jawˇ gaˇ zaꞈ ka keuˆ le-awˇ, aˬ yawꞈ gʼaˇ duˬ aˇ yamˬ ui cuiˆ maˬ ngeuˇ naˇ maˬ paˇ jaˆ meh lehˇ siˬ nya-eu miˇ neh, nui ma pehˇ dui dui-eu meh.

Panmaeq 18:20

Aˬ yawꞈ luˬ-iˇ seˇ-iˇ-euˬ gaˇ, Mˬ-oˇ laˬ kʼaˬ cehˇ-awˬ. Miˬyehˇ-euˬ tsawˇ haˬ deuˬ, Miˬyehˇ-euˬ gʼaˬ kʼehˇ deuˬ hawˇ-eu, bawˇ lawˇ peh deuˬ laˬ kʼaˬ cehˇ-awˬ. Naw maꞈ gʼaˇ duˬ meuˬ kʼoeˇ meuˬ-ahˇ, Miˬyehˇ yaˇ kʼaˬ daˇ nehˬ-euˬ meh.”