Iˇsaˬyaˇ 44:18 - Akha

¹⁸ Kʼoeˇ loꞈ-ehˇ gʼeh-eu tsawˇ haˬ deuˬ-aˬ, aˬ dzawˬ dzawˬ dui dui-awˇ, yawˬ ha aˬ jeˬ mˇ luꞈ-eu gaˇ kawˆ yawˬ ha maˬ siˬ nya-a. Aˬ yawꞈ maꞈ myaˆ nuiˆ miˆ tehˬ-awˇ, nui ma piˬ tehˬ taˬ-euˬ miˇ neh, yaw tsaˬ yaw dawˇ jeˬ-ahˇ maˬ siˬ nya-a.

Iˇsaˬyaˇ 44:18 ပူးပေါင်းရင်းမြစ်များ

Jaceuq 81:12

Kʼoeˇ miˇ neh aˬ yawꞈ maꞈ nui ma gʼahˇ-eu loꞈ-ehˇ yawˬ ha-euˬ nui noeˬ nui loˆ bi geuꞈ-euˬ ma.

Jaceuq 92:6

Maˬ gahˇ-eu tsawˇ haˬ deuˬ gaˇ kʼoeˇ deuˬ-ahˇ maˬ siˬ nya-ehˇ, aˬ dzawˬ aˇ gah deuˬ maˬ noeˬ mawˇ nya-a.

Dawqdaq 28:5

Haiˬ-eu tsawˇ haˬ deuˬ yaw tsaˬ yaw dawˇ jeˬ-ahˇ maˬ siˬ nya-a. Ehˇ kʼawꞈ, Sahˬpaˬ Miˬyehˇ-ahˇ uˬ duˬ tahˬ-eu tsawˇ haˬ deuˬ yaw tsaˬ yaw dawˇ jeˬ-ahˇ yaw muiˬ paˬ-ehˇ siˬ nya-eu meh.

Iˇsaˬyaˇ 1:3

Mawˇ neˇ kʼawꞈ yawˬ ha-euˬ yaw sahˇ-ahˇ siˬ nya-awˇ, mahˬ tahˬ laˆ kʼawꞈ, yaw sahˇ gʼaˬ-euˬ mahˬ dzaˇ kʼawˇ lawˬ siˬ nya meh. Ehˇ kʼawꞈ, Iˇsaˬleˬlaˆ kʼoeˇ loꞈ-ehˇ maˬ siˬ nya-a. Ngaˬ-euˬ tsawˇ haˬ deuˬ maˬ noeˬ siˬ nya-a.”

Iˇsaˬyaˇ 26:11

Nawˇ kʼehˬ-eu kʼaˆ-eu lehˇ gʼeh-eu gaˇ kawˆ-ahˇ, nawˬ-ahˇ muiˇ-eu kʼoeˇ deuˬ maˬ siˬ nya-a. Sahˬpaˬ Miˬyehˇ-oˇ, aˬ yawꞈ maꞈ-ahˇ bi shaꞈ dawˇ-awˇ, shaˬ zahˬ bi mˇ-awˬ. Nawˬ neh lehˬ hmˬ taˬ-euˬ kʼehˬ-eu kʼaˆ-eu jeˬ, aˬ yawꞈ maꞈ kʼoeˇ taˆ bi keuˆ le-awˇ, nawˬ-euˬ tsawˇ jeuˬ-ahˇ nawˇ aˇ naˆ ni gaˬ-eu gaˇ kawˆ, aˬ yawꞈ maꞈ bi siˬ bi mawˇ-awˬ.

Iˇsaˬyaˇ 27:11

Aˇ bawˇ uˬ laꞈ deuˬ gui-iˇ kʼehꞈ-iˇ-awˇ, zaˬ miˬ zaˬ deuˬ miˬ dzaˬ gʼoˆ uiˬ tehꞈ-a. Tsawˇ haˬ kʼoeˇ deuˬ guiˬ lahˬ-ahˇ maˬ siˬ nya-eu miˇ neh, aˬ yawꞈ maꞈ-ahˇ beh-euˬ yaw sahˇ, aˬ yawꞈ maꞈ-ahˇ gʼawˬ shaˬ maˬ gaˬ nehˬ-a.

Iˇsaˬyaˇ 29:10

Naw maꞈ yuꞈ kʼaˆ byoˆ ni, Sahˬpaˬ Miˬyehˇ jahˇ-euˬ meh. Miˬyehˇ gʼaˇ duˬ ngehˬ dah-eu deuˬ myaˆ nuiˆ bi dehˬ kaˬ-awˇ, nyiˇ paˬ shaˆ ma deuˬ myaˆ maˬ mawˇ nya-a.

Iˇsaˬyaˇ 44:19

Tahˬ pahˬ aˬ ma mawˇ kawˇ jahˇ-eu tsawˇ haˬ deuˬ heu loꞈ-ehˇ tiˬ jawˇ-iˬ maˬ ehˇ-a. “Daˇ kawˬ tiˬ tm-ahˇ miˬ dzaˬ doꞈ-awˇ, miˬ jiˆ kʼoeˇ taˆ hawˬ tahˬ puiˆ dzaˬ-awˇ, shaˬ jiˇ tehˬ ba dzaˬ-euˬ ma. Kʼoeˇ naˇ, daˇ kawˬ tiˬ tm-ahˇ tahˬ pahˬ aˬ ma mawˇ kawˇ pyaꞈ-euˬ ma. Nymˬ-mˇ ngaˇ daˇ kawˬ diˬ tm-ahˇ uˬ duˬ tahˬ luꞈ-eu ma” lehˇ tiˬ jawˇ-iˬ maˬ ehˇ-a.

Iˇsaˬyaˇ 44:20

Kʼoeˇ-aˬ, kʼaˬ lehˇ tawˆ dzaˬ-eu naˆ ni dawˇ ga ga gaˇ duˇ-eu meh. Aˬ dzawˬ aˇ gah-euˬ nui noeˬ neh bi sheuˬ pyawˇ taˬ-euˬ miˇ neh, aˬ yawꞈ-ahˇ ngehˬ maˬ paˇ gʼeh nehˬ nya meh. Aˬ yawꞈ-euˬ aˬ laꞈ-ahˇ tuˆ tehˬ taˬ-euˬ tahˬ pahˬ aˬ ma mawˇ kawˇ kʼoeˇ miˬ yehˇ maˬ ngeuˇ-eu gaˇ kawˆ, aˬ yawꞈ-ahˇ maˬ mehˬ paˇ nya-a.

Iˇsaˬyaˇ 44:9

Tahˬ pahˬ aˬ ma mawˇ kawˇ-ahˇ uˬ duˬ kʼaˇ tahˬ-eu deuˬ, tsawˇ haˬ dawˇ ga pyeuꞈ-awˇ, aˬ yawꞈ maꞈ taˬ huiˬ taˬ mahˇ luꞈ-eu miˬ yehˇ tiˬ jeˬ-iˬ gaˇ dahˇ maˬ tsoeˬ-a. Miˬ yehˇ kʼoeˇ deuˬ-ahˇ uˬ duˬ kʼaˇ tahˬ-eu tsawˇ haˬ deuˬ myaˆ behꞈ-ahˇ duˇ-awˇ zaˬ siˬ tsawˇ gahˇ maˬ ahˇ-eu miˇ neh, ya shaꞈ dawˇ gaˇ keuˆ tehꞈ-a.

Iˇsaˬyaˇ 45:20

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ dawˬ tawˆ luꞈ-oˇ, tiˬ kawˆ loꞈ-ehˇ uiˬ laˇ jiˇ-awˬ. Miˇ kʼahˬ byaˆ-iˇ gaˇ cehˆ buˬ-euˬ tsawˇ haˬ dawˬ tawˆ, laˇ-awˇ bi pyehˆ tseˇ duˬ laˇ sheˇ. Daˇ kawˬ jahˇ-euˬ tahˬ pahˬ aˬ ma mawˇ kawˇ-ahˇ cehˇ gʼa-awˇ, maˬ ka kʼoꞈ nehˬ nya-eu miˬ yehˇ deuˬ-ahˇ guiˬ lahˬ shaˇ-eu, tsawˇ haˬ kʼoeˇ deuˬ dawˇ ga tehꞈ meh.

Iˇsaˬyaˇ 56:11

Biꞈ dehˆ-euˬ maˬ baw-eu aˬ kuiˬ loꞈ-ehˇ, aˬ yuiꞈ aˬ tsu kʼoeˇ deuˬ noeˬ siˬ nya-eu jeˬ maˬ ahˇ-ehˇ, yawˬ gʼaˬ na luꞈ yawˬ ha nui kʼahˇ poˆ-awˇ, yawˬ ha-ahˇ muiˬ laˇ ni leh jeh-eu meh.

Yeˬlaˬmiˇ 10:14

Kʼoeˇ gaˇ mawˇ ngeh tsawˇ haˬ yawˬ gʼaˬ na luꞈ, yawˬ ha aˬ dzawˬ aˇ gah nya lehˇ siˬ duˬ-euˬ meh. Tahˬ pahˬ aˬ ma mawˇ kawˇ tehˆ-eu tsawˇ haˬ daˬ ga-eu meh. Aˬ jeˬ miˇ neh ehˇ naˇ aˬ yawꞈ maꞈ neh tehˆ-euˬ miˬ yehˇ, miˬ yehˇ maˬ ngeuˇ-ehˇ saꞈ maˬ gʼawˇ nya-a.

Yeˬlaˬmiˇ 10:8

Aˬ yawꞈ maꞈ dawˬ tawˆ luꞈ aˬ dzawˬ aˇ gah tehꞈ meh. Daˇ kawˬ neh jahˇ taˬ-euˬ tahˬ pahˬ aˬ ma, aˬ yawꞈ maꞈ-ahˇ aˬ jeˬ paˇ mehˬ nya nmˇ.

Yeˬlaˬmiˇ 5:21

Myaˆ nuiˆ tsoꞈ-awˇ maˬ mawˇ nya-eu, naˬ bawˇ tsoꞈ-awˇ maˬ gaˬ nya-eu, aˬ dzawˬ aˇ gah deuˬ naˇ haˬ sheˇ.

Yeˬlaˬmiˇ 51:17

Tsawˇ haˬ dawˬ tawˆ aˬ dzawˬ-ahˇ duˇ-eu meh. Tahˬ pahˬ aˬ ma mawˇ kawˇ saꞈ maˬ gʼawˇ-ehˇ, miˬ yehˇ maˬ ngeuˇ-eu baˬ da neh, mawˇ kawˇ tehˆ-euˬ deuˬ daˬ ga dui dui meh.

Yeˬsaˬgeˬlaˇ 12:2

“Tsawˇ haˬ zaˬ-oˇ, nawˇ-aˬ ngaˬ-ahˇ puiˬ-eu tsawˇ haˬ deuˬ nehˬ-ehˇ jawˇ luꞈ-eu meh. Aˬ yawꞈ maꞈ myaˆ nuiˆ tsoꞈ kʼawꞈ maˬ mawˇ nya-ehˇ, naˬ bawˇ tsoꞈ kʼawꞈ maˬ gaˬ nya-a. Aˬ jeˬ miˇ neh ehˇ naˇ, aˬ yawꞈ maꞈ ngaˬ-ahˇ puiˬ-euˬ meh.

Daˬyeˬlaˇ 12:10

Tsawˇ haˬ gʼawˬ mya ni muiˬ laˇ shawˇ laˇ tehꞈ-a. Haiˬ-eu tsawˇ haˬ deuˬ-aˬ, gaˇ kawˆ heu maˬ siˬ nya ni yaw haiˬ jeˬ mˇ mˇ-ehˇ jawˇ tehꞈ-a. Ehˇ kʼawꞈ, tsawˇ gahˇ ahˇ-eu deuˬ-aˬ, gʼoˆ shaw nya tehꞈ-a.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Maꞈtehˬ 12:34

Aˇ lawˇ uiˇ naˆ-euˬ zaˬ deuˬ-oˇ, naw maꞈ haiˬ dui dui-eu tsawˇ haˬ pyeuꞈ-eu-aˬ, dawˬ yaw muiˬ aˬ joˆ-ehˇ ngehˬ doˆ laꞈ nya nmˇ. Kʼaˬ meh-aˬ, nui ma laꞈ kʼoeˇ tiˬ byah ni shaˇ dawˆ taˬ-euˬ jeˬ ngehˬ doˆ laꞈ-eu meh.

Yoˇhaˬ 5:44

Naw maꞈ tiˬ gʼaˬ tiˇ gʼaˬ ja ceuˬ nehˬ laꞈ-eu jeˬ-ahˇ geuꞈ mawꞈ-eu meh. Ehˇ kʼawꞈ, aˬ yawꞈ tiˬ gʼaˬ tehꞈ-ehˇ Miˬyehˇ pyeuꞈ-eu gʼaˬ neh bi ja ceuˬ ni naw maꞈ maˬ dehꞈ-a. Kʼoeˇ miˇ neh, naw maꞈ ngaˬ-ahˇ aˬ joˆ-ehˇ jah nya nmˇ.

Yoˇhaˬ 8:43

Ngaˇ ehˇ gaˇ aˬ jeˬ miˇ neh naw maꞈ maˬ gʼoˆ shaw nya ta lehˇ naw maꞈ siˬ nya ma loˇ. Ngaˬ-euˬ dawˬ-ahˇ naw maꞈ maˬ naˇ haˬ nahˇ-eu miˇ neh meh.

Gʼaˬkʼehˇ 14:16

Dzeuˇlaˇ-euˬ aˇ yamˬ-ahˇ, tsawˇ jeuˬ dawˬ tawˆ luꞈ yawˬ ha-euˬ zahˇ yawˬ ha tawˬ-awˇ bi dehꞈ tawˬ-euˬ meh.

Lormav 1:28

Miˬyehˇ gaˇ kawˆ dawˇ coe ni siˬ nya taˬ paˬ-ehˇ gʼeh-eu jeˬ-ahˇ aˬ yawꞈ maꞈ maˬ shaˇ noeˬ-eu baˬ da neh, aˬ yawꞈ maꞈ maˬ mˇ kʼmˬ-eu jeˬ mˇ ni, bahˬ dui jawꞈ dui dui-eu jeˬ mˇ-eu nui ma jaˆ gaˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh.

2 Beˬtuˆluˆ 2:14

Aˬ yawꞈ maˬ-euˬ myaˆ nuiˆ-aˬ, aˬ cawˬ nehˬ-ehˇ joe mawꞈ-eu nui ma ahˇ-eu zaˬ miˬ zaˬ deuˬ-ahˇ tehꞈ-ehˇ haw mawꞈ-eu meh. Iˬ baˇ mˇ dehˆ-euˬ maˬ baw-a. Gʼaˬ baˬ-eu tsawˇ haˬ deuˬ-ahˇ lahˇ ju-ahˇ teh paꞈ-eu meh. Pyuˇ shuiˇ myawˬ gahˬ-ahˇ mehˇ juiˇ juiˇ dui dui-eu meh. Aˬ yawꞈ maꞈ-aˬ, Miˬyehˇ neh yaˬ kʼehˇ bi yaˬ-euˬ tsawˇ haˬ meh.