Iˇsaˬyaˇ 43:18 - Akha

¹⁸ Ehˇ kʼawꞈ, Sahˬpaˬ Miˬyehˇ ehˇ-eu, “Aˇ hu-euˬ gaˇ kawˆ deuˬ-ahˇ taˬ noeˬ muiˬ, Pyeuꞈ dzeuˇ yaꞈ-euˬ gaˇ kawˆ-ahˇ taˬ shaˇ noeˬ,

Iˇsaˬyaˇ 43:18 ပူးပေါင်းရင်းမြစ်များ

1 Laˬsaˬbaˬ 16:12

Miˬyehˇ-euˬ zaˬ kʼaˆ geuꞈ yaꞈ-euˬ, aˬ da Yaˬkoˆ-euˬ zaˬ deuˬ-oˇ, Miˬyehˇ tseˇ doˆ-euˬ gʼaˬ pyeuꞈ-eu, Iˇsaˬleˬlaˆ-euˬ zaˬ deuˬ-oˇ, Miˬyehˇ mˇ-euˬ kʼaˆ-eu gaˇ deuˬ, Miˬyehˇ yaˇ kʼaˬ daˇ dzeuˇ-euˬ deuˬ, maˬ ngehˇ ni noeˬ taˬ juiˇ taˬ yawˬ.

Iˇsaˬyaˇ 46:9

Aˇ hu pyeuꞈ dzeuˇ-euˬ gaˇ kawˆ noeˬ mawˇ-awˬ. Ngaˇ tehꞈ-ehˇ Miˬyehˇ pyeuꞈ-eu siˬ nya-awˇ, ngaˬ-ahˇ duˇ-eu nui gʼaˬ maˬ jawˇ-eu siˬ duˬ-awˬ.

Iˇsaˬyaˇ 65:17

Sahˬpaˬ Miˬyehˇ heu loꞈ-ehˇ ehˇ-eu meh. “Mˬ yaw shuiꞈ miˇ yaw shuiꞈ ngaˇ beh luꞈ ma. Kʼaˇ pyeuꞈ dzeuˇ-euˬ jeˬ dawˬ tawˆ luꞈ ya ngehˇ byoˆ jiˇ tehꞈ-a.

2 Gawˇliˬtu 3:10

Maˇ maˇ ni ehˇ naˇ, nymˬ-mˇ-euˬ yaw shehꞈ kʼahˬ sehˇ heu hmˬ bya dzehˬ-eu miˇ neh, aˇ hu bya dui dui-euˬ yaw shehꞈ kʼahˬ sehˇ kʼoeˇ hmˬ miˆ-iˇ-euˬ gaˇ duˇ meh.

2 Gawˇliˬtu 5:17

Tsawˇ haˬ tiˬ gʼaˬ Ka li laꞈ kʼoeˇ jawˇ naˇ, yaw shuiꞈ beh paˇ-euˬ tsawˇ haˬ pyeuꞈ-eu meh. Yaw oeˇ byoˆ tsehˆ-awˇ, yaw shuiꞈ paˇ laˇ-euˬ meh.

Dawˬmehˬ 7:18

Aˬ yawꞈ maꞈ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇjiˇtuˆ sahˬ paˬ hawˇ-eu aˬ yawꞈ-euˬ tsawˇ haˬ deuˬ-ahˇ jahˇ nehˬ-euˬ gaˇ noeˬ keuˆ-awˬ.

Dawˬmehˬ 8:2

Naw maꞈ-euˬ nui ma-ahˇ ya mawˇ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ caw teh-eu hawˇ-eu maˬ caw teh-eu ya siˬ-eu gʼaˇ duˬ, dzeuˇ laˇ-euˬ oeˬ tseˇ kʼoꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ bawˇ tsahˬ bawˇ dahˇ laꞈ kʼoeˇ gʼawˬ myahˇ ni sheuˬ sheuˬ-ehˇ cah-awˇ, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ lawˬ haw-euˬ gaˇ noeˬ keuˆ-awˬ.