Iˇsaˬyaˇ 43:17 - Akha

¹⁷ Mahˬ laˆ lawˬ hawˇ-eu mahˬ deuˬ myaˬ dui dui-eu baoˬ huiˬ-eu guiˇ maꞈ-ahˇ aˬ yawꞈ laˆ cawˆ-euˬ meh. Tsiˇ kʼmˬ bi baw miˆ-euˬ loꞈ-ehˇ, aˬ yawꞈ maꞈ coˬ-iˇ-awˇ maˬ paˇ tuˇ laˇ nya meh.

Iˇsaˬyaˇ 43:17 ပူးပေါင်းရင်းမြစ်များ

Jaceuq 118:12

Byaˬ baˬ maꞈ loꞈ-ehˇ ngaˬ-euˬ tiˬ jawˬ aˬ yawꞈ maꞈ uˇ le kʼawꞈ, aˬ gah baw duˆ-ahˇ miˬ dzaˬ puiˆ-eu loꞈ-ehˇ, tiˬ kʼehˇ laˇ kʼehˬ laꞈ kʼoeˇ bi puiˆ dzeh jiˇ-eu meh. Sahˬpaˬ Miˬyehˇ-euˬ baoˬ-ahˇ ngaˇ gʼoe-awˇ, aˬ yawꞈ maꞈ-ahˇ laˆ cawˆ nehˬ-euˬ ma.

Doˆ-iˇ 15:19

Iˇsaˬleˬlaˆ tsawˇ haˬ deuˬ-aˬ, gui coˇ ni gʼeh-eu miˇ tsaˬ-ahˇ nawˬ-awˇ, iˬ ma laˆ shaˆ tsehˆ doˆ-euˬ meh. Ehˇ kʼawꞈ, Iˇjiˇtuˆ tsawˇ haˬ-euˬ mahˬ laˆ lawˬ deuˬ hawˇ-eu, mahˬ laˆ lawˬ teh-eu tsawˇ haˬ deuˬ iˬ ma laˆ shaˆ laꞈ kʼoeˇ uˇ-iˇ ngeh, Sahˬpaˬ Miˬyehˇ iˇ cuꞈ paˇ bi dahˬ dzm laˇ-awˇ, aˬ yawꞈ maꞈ-ahˇ dahˬ pymˬ byoˆ-euˬ meh.

Doˆ-iˇ 15:4

“Iˇjiˇtuˆ guiˇ maꞈ hawˇ-eu mahˬ laˆ lawˬ deuˬ-ahˇ iˬ ma laˆ shaˆ laꞈ kʼoeˇ aˬ yawꞈ biˬ puꞈ-euˬ meh. Aˬ cawˬ naˆ maˬ tseˇ nya-eu aˬ yawꞈ maꞈ-eu aˬ yuiꞈ deuˬ, Iˬ ma laˆ shaˆ Yaw neˇ laꞈ kʼoeˇ ga puꞈ sehꞈ-euˬ meh.

Iˇsaˬyaˇ 1:31

Miˬ dzaˬ miˬ dzuiꞈ baˬ da neh gʼoˆ yoeˬ puiˆ dzaˬ-eu loꞈ-ehˇ, baoˬ ahˇ-eu tsawˇ haˬ neh mˇ-euˬ yaw haiˬ jeˬ yaw sahˇ deuˬ-ahˇ paˇ puiˆ dzaˬ-awˇ, deh miˆ nehˬ-eu gʼaˬ maˬ jawˇ-a.

Yeˬlaˬmiˇ 51:21

Mahˬ hawˇ-eu mahˬ dziˬ-eu deuˬ-ahˇ maˬ ehˇ, mahˬ laˆ lawˬ hawˇ-eu laˆ lawˬ teh-eu deuˬ-ahˇ maˬ ehˇ, laˆ cawˆ nehˬ-eu gʼaˇ duˬ nawˬ-ahˇ ngaˇ zmˬ-euˬ ma.

Yeˬsaˬgeˬlaˇ 38:4

Aˬ yawꞈ-ahˇ ngaˇ ngawˬ zeuˆ-awˇ, baˬ ngeuˇ-ahˇ kuˆ seuˬ kʼoˆ tsoˆ-awˇ, aˬ yawꞈ hawˇ-eu aˬ yawꞈ-euˬ guiˇ maꞈ dawˬ tawˆ luꞈ-ahˇ tsahˇ-awˇ cah ma. Mahˬ hawˇ-eu guiˇ deuˆ-eu mehˬ tsoeˬ tiˬ kawˆ loꞈ-ehˇ dm luꞈ-eu yehˇ deuˬ ahˇ-eu aˬ yawꞈ-euˬ guiˇ maꞈ myaˬ dui dui-awˇ, yehˇ yawˬ gʼaˬ na luꞈ dehˬ daˬ duˬ yuˇ-awˇ, mi cehˇ dawꞈ luꞈ-eu meh.

Maꞈtehˬ 12:20

Gʼaˬ byehˆ byehˆ-eu tsawˇ haˬ kʼoeˇ taˆ, aˬ yawꞈ nui nahˬ nui yu ahˇ-awˇ, shaˬ zahˬ naꞈ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ nehˬ tehꞈ-a. Yaw tsaˬ yaw dawˇ gʼaˬ leˇ ngeh keuˆ, aˬ yawꞈ leh jeh gʼaˬ maˬ byehˆ-aˇ.

Yaˇ kʼaˬ daˇ 4:16

Baˬyehˇ-aˬ, mahˬ laˆ lawˬ kʼoeˇ deuˬ hawˇ-eu yehˇ kʼoeˇ deuˬ-ahˇ, Gawˇiˆ miˇ kʼahˬ Haˬloˇshehˆ meuˬ-ahˇ keuˆ ni teh-awˇ, Siˇseˬlaˇ-euˬ guiˇ guiˇ maꞈ maꞈ lah-ehˇ, tiˬ gʼaˬ-iˬ maˬ law-iˇ ni bi sehꞈ jiˇ-euˬ meh.