Iˇsaˬyaˇ 42:22 - Akha

²² Ehˇ kʼawꞈ, nymˬ-mˇ aˬ yawꞈ-euˬ tsawˇ haˬ deuˬ, pyuˇ shuiˇ myawˬ gahˬ bi yuˇ jiˇ-awˇ, lo kʼahˬ doe ni bi nyehꞈ lahˇ-awˇ, paꞈ kuˆ doe ni bi nyehꞈ uˇ byoˆ-euˬ meh. Aˬ yawꞈ maꞈ-ahˇ ngehˬ gʼeh nehˬ-eu gʼaˬ maˬ jawˇ ni, tahˇ joe bi joe dzaˬ jiˇ-euˬ meh.

Iˇsaˬyaˇ 42:22 ပူးပေါင်းရင်းမြစ်များ

Jaceuq 102:20

Paꞈ kuˆ-ahˇ bi nyehꞈ uˇ taˬ-euˬ deuˬ mahˇ gaˇ aˬ yawꞈ gaˬ-awˇ, biˬ sehꞈ-eu lehˇ gʼeh-eu deuˬ-ahˇ pyehˬ nehˬ-eu meh.

Jaceuq 50:22

“Miˬyehˇ-ahˇ maˬ taˬ huiˬ-eu tsawˇ haˬ deuˬ-oˇ, gaˇ kawˆ heu naˇ haˬ-awˇ nui ma laꞈ kʼoeˇ juiˇ taˬ-awˬ. Maˬ ngeuˇ naˇ, ngaˬ neh laˆ cawˆ nehˬ-euˬ jeˬ-ahˇ naw maꞈ ya daˬ-awˇ, ka kʼoꞈ nehˬ-eu gʼaˬ maˬ jawˇ ni ya shaˬ tehꞈ-a.

Iˇsaˬyaˇ 1:7

Naw maꞈ-euˬ miˇ kʼahˬ pu tsoeˬ tsoeˬ jiˇ-awˇ, naw maꞈ-euˬ meuˬ deuˬ miˬ dzaˬ puiˆ byoˆ jiˇ-euˬ nga. Boeˇ miˬ siˬ kʼaˬ deuˬ naw maꞈ-euˬ mehˬ shi, naw maꞈ-euˬ miˇ kʼahˬ laˆ cawˆ-awˇ, yaw muiˬ tiˬ hmˬ-iˬ maˬ dzeˇ ni, neˇ leuꞈ ni jaˆ luꞈ nga.

Iˇsaˬyaˇ 14:17

Miˇ tsaˬ tahˬ kʼawˇ-ahˇ kʼaˇ shuiꞈ shuiꞈ yaˇ laˆ pyeuꞈ-awˇ, meuˬ deuˬ deh byaˆ jiˇ-awˇ, kʼaˇ nyehꞈ mi-euˬ tsawˇ haˬ-ahˇ maˬ pyehˬ nehˬ-eu kʼoeˇ gʼaˬ, aˬ yawꞈ maˬ ngeuˇ-a loˇ.

Iˇsaˬyaˇ 18:2

Miˇ kʼahˬ kʼoeˇ kʼahˬ neh pyehˬ leꞈ-euˬ tsawˇ kaˬ deuˬ, huˇ seu neh dzeuꞈ-euˬ lawˬ dziˬ-awˇ, Niˬlaˇ lawˇ baˬ gawˆ cawˬ oe ka-euˬ meh. Dawˬ mehˇ pyaˇ dui dui-eu tsawˇ kaˬ deuˬ-oˇ, baoˬ huiˬ-awˇ aˬ cawˬ tsawˇ jeuˬ-ahˇ gʼaˬ leˇ-eu miˇ neh, dawˬ peh gaˇ mahˇ jawˇ-eu tsawˇ jeuˬ deuˬ ya guˆ-eu, caˇ gawˬ goˇ-awˇ shaˬ jiˇ muiˬ-eu tsawˇ haˬ deuˬ jawˇ-eu, lawˇ baˬ gʼawˬ mya gawˆ yoeˇ paˆ luꞈ-eu naw maꞈ-euˬ miˇ kʼahˬ-ahˇ, yaw kawˇ-ehˇ gʼoꞈ leˇ-awˬ.

Iˇsaˬyaˇ 24:18

Guˆ-eu gaˆ-eu jeˬ-ahˇ cehˆ dzeuˇ-eu deuˬ, duˬ kʼahˬ-ahˇ ga ahˇ-awˇ, duˬ kʼahˬ-ahˇ cehˆ buˬ-euˬ deuˬ lahˇ ju-ahˇ paꞈ leˇ tehꞈ-a. Mˬ kʼoeˇ taˆ iˇ cuꞈ laˇ gʼoˆ pah-awˇ, miˇ tsaˬ tahˬ kʼawˇ dawˬ pehˬ luˆ laˇ tehꞈ-a.

Iˇsaˬyaˇ 24:22

Guiˇ deuˆ gaˇ nyehꞈ mi-euˬ tsawˇ haˬ deuˬ, duˬ kʼahˬ tiˬ teuˇ bi nyehꞈ ahˇ-euˬ loꞈ-ehˇ, aˬ yawꞈ maꞈ-ahˇ Miˬyehˇ nyehꞈ ahˇ tehꞈ-a. Aˬ yawꞈ maꞈ-ahˇ kʼehˬ-eu aˇ nah maˬ keuˆ siˬ kʼoeˇ, bi nyehꞈ lahˇ taˬ tehꞈ-a.

Iˇsaˬyaˇ 24:3

Miˇ tsaˬ tahˬ kʼawˇ luˬ-iˇ seˇ-iˇ jiˇ-awˇ, geuꞈ-eu jeˬ maˬ ahˇ ni pyeuꞈ-iˇ tehꞈ-a. Sahˬpaˬ Miˬyehˇ neh kʼaˇ ehˇ taˬ-euˬ jeˬ, dawˬ tawˆ luꞈ byah laˇ jiˇ tehꞈ-a.

Iˇsaˬyaˇ 36:1

Yuˇdaˆ miˇ kʼahˬ-ahˇ Heˬsaˬgiˇ uˆ lahˇ-eu tseˇ oeˬ kʼoꞈ tiˬ kʼoꞈ-ahˇ, Yuˇdaˆ miˇ kʼahˬ laꞈ kʼoeˇ jaˆ-eu ziꞈ dah ni gʼeh-eu meuˬ deuˬ-ahˇ Aˬshuˇliˆ sahˬ paˬ Saˬneˬkaˬliˇ deuˆ gʼaˬ-euˬ meh.

Iˇsaˬyaˇ 42:23

Dawˬ heu-ahˇ naw maꞈ aˬ suˇ gʼaˬ naˇ haˬ te. Nymˬ-mˇ neh dahˬ beh-awˇ yaw muiˬ paˬ-ehˇ naˇ haˬ ma loˇ.

Iˇsaˬyaˇ 42:7

Myaˆ behꞈ-ahˇ nawˇ myaˆ nuiˆ bi dahˇ laˇ-awˇ, yaw zahˇ laꞈ kʼoeˇ paꞈ kuˆ-ahˇ uˇ-eu tsawˇ haˬ deuˬ-ahˇ, nawˇ puiˇ pyehˬ nehˬ tehꞈ-a.

Iˇsaˬyaˇ 45:13

Yaw tsaˬ yaw dawˇ jeˬ bi mˇ-eu gʼaˇ duˬ, Guˇluˆ-ahˇ ngaˇ gʼeu tuˇ-euˬ ma. Aˬ yawꞈ iˇ-eu gaˇ ma ngaˇ shaˇ dawˇ ma. Ngaˬ-euˬ Yeˬluˇsaˬlehˬ meuˬ aˬ yawˬ gawˬ muiˬ-awˇ, aˬ cawˬ miˇ kʼahˬ-ahˇ nyehꞈ gʼeh-euˬ ngaˬ-euˬ tsawˇ haˬ deuˬ-ahˇ, aˬ yawꞈ pyehˬ kʼoꞈ doˆ laꞈ tehꞈ-a. Ehˇ kʼawꞈ, laꞈ nmꞈ nmꞈ-awˇ aˇ poeˬ biꞈ-euˬ miˇ neh, aˬ yawꞈ kʼoeˇ loꞈ-ehˇ mˇ-eu maˬ ngeuˇ-a” lehˇ, Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ ehˇ-eu meh.

Iˇsaˬyaˇ 5:29

Aˬ yawꞈ maꞈ lmˬ-eu teˇ saˇ, aˇ laˬ jaˬ shiˇ jeˬ zaˬ baꞈ-awˇ, tiˬ gʼaˬ-iˬ maˬ teh ka peuˬ ni, lmˬ lmˬ-ehˇ cah gaˇ duˇ tehꞈ-a.

Iˇsaˬyaˇ 51:23

Naw maꞈ-ahˇ gaˇ ma doe ni bi ga-awˇ, kʼaˬ lehˇ-ahˇ nawˬ-eu loꞈ-ehˇ naw maꞈ kʼoeˇ taˆ nawˬ-awˇ cah-eu, naw maꞈ-ahˇ kʼehˬ-eu tsawˇ haˬ kʼoeˇ deuˬ-ahˇ, kʼmˬ maˬ kʼoeˇ ngaˇ ciˬ nehˬ-awˇ bi dawˇ ma.”

Iˇsaˬyaˇ 56:9

Aˬ cawˬ tsawˇ jeuˬ-ahˇ Sahˬpaˬ Miˬyehˇ ehˇ nehˬ-eu, “Haiˬ-eu kʼaˬ zuiˬ kʼaˬ laˬ loꞈ-ehˇ oe-awˇ, ngaˬ-euˬ tsawˇ jeuˬ-ahˇ kawꞈ sehꞈ dzaˬ le-awˬ.

Yeˬlaˬmiˇ 50:17

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-aˬ, aˇ laˬ jaˬ shiˇ neh bi teh byaˆ-euˬ yawˇ deuˬ-ahˇ duˇ-eu meh. Yaw beh Aˬshuˇliˆ sahˬ paˬ neh bi kawꞈ sehꞈ dzaˬ-awˇ, kʼoeˇ naˇ, Baˬbuˇloˬ sahˬ paˬ Neˬbuˬkaˬneˬzaˬ neh shaˬ yoeˬ bi teuꞈ byoˆ jiˇ-euˬ meh.

Yeˬlaˬmiˇ 52:31

Iˇbiˇlaˆmeˬyawˇdaˆ Baˬbuˇloˬ sahˬ paˬ pyeuꞈ laˇ ngeh kʼoꞈ, Yuˇdaˆ sahˬ paˬ Yeˬhawˇyaˬciˬ-ahˇ aˬ yawꞈ gʼawˬ shaˬ gaˬ nehˬ-awˇ, paꞈ kuˆ laꞈ kʼoeˇ neh pyehˬ doˆ nehˬ-euˬ meh. Yeˬhawˇyaˬciˬ-ahˇ nyehꞈ ka gʼeh-euˬ smˬ tseˇ shiꞈ kʼoꞈ tiˬ kʼoꞈ, ba la tseˇ nyiꞈ siˬ tiˬ siˬ, nyiˬ tseˇ ngaˬ nah tiˬ nah-ahˇ, kʼoeˇ loꞈ-ehˇ pyehˬ nehˬ-euˬ meh.