Iˇsaˬyaˇ 42:15 - Akha

¹⁵ Gawˬ jawˬ gawˬ duˇ deuˬ-ahˇ ngaˇ laˆ cawˆ-awˇ, sahˬ lahˬ aˇ bawˇ deuˬ bi koˆ-iˇ jiˇ ma. Lawˇ baˬ deh ga deuˬ-ahˇ kʼaˇ shuiꞈ shuiꞈ yaˇ bi pyeuꞈ-iˇ-awˇ, iˇ cuꞈ lah deuˬ bi gui-iˇ ma.

Iˇsaˬyaˇ 42:15 ပူးပေါင်းရင်းမြစ်များ

Jaceuq 18:7

Aˬyawꞈnui ma pehˇlaˇ-euˬkʼoeˇ, miˇtsaˬtahˬkʼawˇgah nyeh nyeh-awˇ, gawˬjawˬduˬpuˇyaˇlaˇ-euˬmeh.

Iˇsaˬyaˇ 41:15

Seuˬ yaw shuiꞈ taꞈ tsoꞈ-euˬ cehˇ diˬ lawˬ loꞈ-ehˇ, nawˬ-ahˇ ngaˇ bi pyeuꞈ laˇ ma. Gawˬ jawˬ deuˬ-ahˇ nawˇ diˬ meuˇ diˬ loeˇ-awˇ, gawˬ duˇ deuˬ-ahˇ kʼaˬ lehˇ laˆ lehˇ tehꞈ-a.

Iˇsaˬyaˇ 44:27

Ngaˇ dawˬ kʼaˆ tiˬ dawˬ biꞈ-awˇ, iˬ ma laˆ shaˆ-ahˇ bi gui-iˇ-euˬ ma.

Iˇsaˬyaˇ 49:11

“Gawˬ jawˬ nyiˬ tsehˆ-ehˇ gaˇ jawˬ shaˇ dahˇ-awˇ, ngaˬ-euˬ tsawˇ haˬ deuˬ gʼaˇ duˬ gaˇ ma bi dahˇ ma.

Iˇsaˬyaˇ 50:2

“Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu lehˇ ngaˇ iˇ ngeh, aˬ jeˬ miˇ neh aˬ yawꞈ maꞈ maˬ haw cawˬ laˇ ta. Aˬ jeˬ miˇ neh ngaˇ kuˇ ngeh aˬ yawꞈ maꞈ oˬ maˬ toˬ ta. Ngaˬ-euˬ aˬ laꞈ yaw nymˇ miˇ neh maˬ ka kʼoꞈ nya ta loˇ. Naw maꞈ-ahˇ ka kʼoꞈ nehˬ nya ni ngaˇ gʼaˬ maˬ loꞈ ta loˇ. Ngaˇ dawˬ biꞈ-awˇ iˬ ma laˆ shaˆ-ahˇ bi gui-iˇ nya ma. Iˇ cuꞈ lawˇ baˬ kʼaˇ shuiꞈ deh ga bi pyeuꞈ-iˇ-awˇ, iˇ cuꞈ maˬ dahˬ-eu miˇ neh ngaˬ shaˬ shiˇ jiˇ ni ngaˇ jahˇ nya ma.

Yeˬlaˬmiˇ 4:24

Gawˬ jawˬ deuˬ-ahˇ ngaˇ haw gʼeh ngeh, miˇ luˆ luˆ luꞈ gaˇ ya mawˇ-awˇ, gawˬ duˇ kʼaˇ ngeuˇ-eu nyeh laˇ taˬ-euˬ meh.

Yeˬsaˬgeˬlaˇ 38:19

Kʼoeˇ ngeh nah, Iˇsaˬleˬlaˆ miˇ kʼahˬ laꞈ kʼoe miˇ luˆ luˆ dui dui tehꞈ-a lehˇ, nui ma daˆ dui dui-eu laꞈ kʼoeˇ ngaˇ ehˇ-eu ma.

Yeˬsaˬgeˬlaˇ 38:20

Ngaˬ shaˬ aˇ jiˇ dawˬ tawˆ luꞈ maˬ ehˇ, jeˬ zaˬ yaw huiˬ yaw nyiˇ yawˬ jeˬ na luꞈ maˬ ehˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ zaˬ dawˬ tawˆ luꞈ maˬ ehˇ, ngaˬ-ahˇ guˆ-awˇ yaw dzuˬ dzuˬ tehꞈ-a. Gawˬ jawˬ coˬ le-awˇ, lo guˇ byaˆ-iˇ-eu uˬ taꞈ, meuˬ lahˇ kʼaˇ ngeuˇ-eu coˬ pyaˆ jiˇ tehꞈ-a.

Haˬgaiˇ 2:6

“Gʼawˬ myahˇ maˬ gʼeh-ehˇ, mˬ hawˇ-eu miˇ-ahˇ maˬ ehˇ, iˬ ma laˆ shaˆ hawˇ-eu dahˇ taˆ maˬ ehˇ, ngaˇ ngawˬ nyeh ma.

Zaˬkaˬliˇ 10:11

Shaˬ zahˬ laˆ shaˆ yawꞈ maꞈ tsehˆ ngeh, Sahˬpaˬ Miˬyehˇ pyeuꞈ-eu ngaˇ gʼaˬ, iˇ luˆ dzeh gaˇ daˇ cuiˇ zuiˆ-awˇ, naꞈ-eu Niˬlaˇ lawˇ baˬ baˬ ma, gui coˇ ni ya tsiˇ leˇ tehꞈ-a. Aˬshuˇliˆ nui ma ga juˬ-awˇ, Iˇjiˇtuˆ gʼaˬ baˬ-iˇ tehꞈ-a.

Panmaeq 11:13

Kʼoeˇ ngeh kʼaˆ tseuˆ ni, miˇ luˆ yaw kʼaˆ-ehˇ luˆ laˇ-euˬ baˬ da neh, meuˬ kʼoeˇ meuˬ-euˬ tseˇ bymˇ tiˬ bymˇ cawˆ-iˇ-awˇ, tsawˇ haˬ shiꞈ heˇ gʼaˬ shiˇ-euˬ meh. Dzeˇ-eu tsawˇ haˬ deuˬ guˆ dui dui-iˇ-awˇ, mˬ taˆ Miˬyehˇ huiˬ dui mahˇ dui dui gaˇ ja ceuˬ tehꞈ-a.

Panmaeq 16:12

Kʼoeˇ naˇ, mˬ taˆ gʼaˬ kʼehˇ koꞈ gʼaˬ tiˬ gʼaˬ aˬ yawꞈ-euˬ naˬ bo Uˇpaˬlaˇ lawˇ baˬ baˬ ma-ahˇ shehˆ daˆ-euˬ meh. Kʼoeˇ ngeh, nahˇ ma doˆ kʼehˬ paw neh oe-euˬ sahˬ paˬ deuˬ oe tsehˆ nya ni lawˇ baˬ gui-iˇ-euˬ meh.

Panmaeq 16:18

Mˬ myawꞈ myawꞈ-awˇ, teˇ saˇ gʼawˬ mya jeˬ mahˇ laˇ-awˇ, mˬ jeˬ jeˬ-eu uˬ taꞈ, miˇ luˆ luˆ dui dui-eu meh. Tsawˇ haˬ zaˬ-ahˇ beh ngeh neh iˬ nah keuˆ ni, kʼoeˇ naˆ naˆ-ehˇ miˇ luˆ luˆ-eu tiˬ jawˇ-iˬ maˬ jaˆ haw-aˬ. Kʼoeˇ-aˬ, miˇ luˆ luˆ-eu aˇ dzehˬ dzeuˇ-eu poˆ pyeuꞈ-eu meh.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.