Iˇsaˬyaˇ 42:14 - Akha

¹⁴ Miˬyehˇ heu loꞈ-ehˇ ehˇ-eu meh. “Ngaˇ ciˬ cuˇ ni jawˇ luꞈ-eu aˇ yamˬ myahˇ laˇ-euˬ ma. Ngaˬ-euˬ tsawˇ jeuˬ-ahˇ dawˬ maˬ ngehˬ cawˬ-euˬ myahˇ laˇ-euˬ ma. Ehˇ kʼawꞈ, nymˬ-mˇ aˇ yamˬ tsaˬ laˇ taˬ-euˬ miˇ neh, zaˬ baw luꞈ-eu aˬ ma loꞈ-ehˇ ngaˇ guˇ-eu ma.

Iˇsaˬyaˇ 42:14 ပူးပေါင်းရင်းမြစ်များ

Yawˇbaˆ 32:18

Ngaˇ dawˬ ngehˬ mawꞈ-eu maˬ dzahˬ tehˬ coeˇ laˇ-euˬ miˇ neh, maˬ ngehˬ maˬ tmˇ ni maˬ jawˇ coeˇ nya.

Yawˇbaˆ 32:20

Maˬ dzahˬ tehˬ coeˇ laˇ-euˬ miˇ neh dawˬ ya ngehˬ-eu miˇ-a.

Jaceuq 50:2

Haw muiˬ dui dui-eu Ziˇoˬ meuˬ-ahˇ neh, Miˬyehˇ-euˬ yaw shehꞈ bya doˆ laˇ-eu meh.

Jaceuq 50:21

Naw maꞈ kʼoeˇ loꞈ-ehˇ dehꞈ doeˇ kʼawꞈ ngaˇ dawˬ maˬ tmˇ-eu miˇ neh, ngaˇ naw maꞈ-ahˇ nui kʼahˇ shiˇ meh lehˇ naw maꞈ noeˬ luꞈ meh. Ehˇ kʼawꞈ naw maꞈ maˬ muiˬ-eu gaˇ kawˆ ngaˇ ja doˆ-awˇ, naw maꞈ-euˬ yaw lehˬ bya cehˆ ni bi doˆ laˇ ma.

Iˇsaˬyaˇ 30:18

Naw maꞈ-ahˇ gʼawˬ shaˬ gaˬ nehˬ-eu gʼaˇ duˬ, Sahˬpaˬ Miˬyehˇ loꞈ luꞈ-eu meh. Aˬ yawꞈ aˬ myah luꞈ yaw tsaˬ yaw dawˇ miˇ neh, naw maꞈ-ahˇ gʼawˬ shaˬ gaˬ-eu lehˬ hmˬ taˬ-euˬ meh. Sahˬpaˬ Miˬyehˇ-ahˇ gʼoe-eu tsawˇ haˬ guiˬ lahˬ huiˬ-eu meh.

Iˇsaˬyaˇ 57:11

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-ahˇ jaˬ myawꞈ myawꞈ-awˇ ngehˇ byoˆ coeˇ ni, naw maꞈ-ahˇ laˆ guˆ-eu miˬyehˇ kʼoeˇ deuˬ aˬ suˇ gʼaˬ-a. Ngaˇ ciˬ cuˇ ni jawˇ myahˇ laꞈ-euˬ miˇ neh, naw maꞈ ngaˬ-ahˇ maˬ paˇ taˬ huiˬ ma loˇ.

Iˇsaˬyaˇ 64:12

Gaˇ kawˆ heu-ahˇ nawˇ laꞈ pyehꞈ pyehꞈ-awˇ haw te loˇ. Sahˬpaˬ Miˬyehˇ nawˇ tiˬ jeˬ-iˬ maˬ shaˇ noeˬ ni, maˬ shaˬ coeˇ gaˇ keuˆ ni nga maꞈ-ahˇ bi shaˬ-eu lehˇ gʼeh te loˇ.

Iˇsaˬyaˇ 65:6

“Aˬ yawꞈ maꞈ-ahˇ kʼehˬ-eu gʼaˇ duˬ ngaˇ noeˬ tsehˆ-awˇ, yaˇ kʼaˬ daˇ nehˬ-eu gʼaˇ duˬ boꞈ ahˇ gʼaˬ-euˬ ma. Aˬ yawꞈ maꞈ-euˬ yaw lehˬ maˬ oˇ dzeuˇ ni, lehˬ-eu shaˬ bymˇ bi tawˆ jiˇ ma.

Yeˬlaˬmiˇ 15:6

Naw maꞈ ngaˬ-ahˇ byehˇ dzeh-euˬ meh. Naw maꞈ ngaˬ-ahˇ naˇ kʼah ciˬ pyawˇ nehˬ laꞈ-euˬ meh. Kʼoeˇ baˬ da neh ngaˇ nui ma pehˇ-eu maˬ dzahˬ tehˬ coeˇ-ehˇ, ngaˬ-euˬ aˬ laꞈ cawˬ doˆ leꞈ-awˇ, naw maꞈ-ahˇ baꞈ deh leꞈ-euˬ ma.

Yeˬlaˬmiˇ 4:31

Zaˬ baw aˬ ma ngoeˇteˇ ngaˇ gaˬ-euˬ ma. Zaˬ nahˬ ciˬ ngeh naˇ-eu teˇ saˇ loꞈ-ehˇ, Yeˬluˇsaˬlehˬ shiˇ dehꞈ shiˇ teuˆ-awˇ, aˬ laꞈ cawˬ ja taˬ-awˇ ehˇ-eu, “Maˬ paˇ gʼeh nya miˇ-a. Aˬ cawˬ laꞈ-ahˇ ya shiˇ miˇ-a.”

Yeˬlaˬmiˇ 44:22

Iˬ nah naw maꞈ-euˬ miˇ kʼahˬ cawˆ-iˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ, guˆ dui dui laˇ paˬ-ehˇ pyeuꞈ-iˇ taˬ-euˬ miˇ neh, aˬ cawˬ yaˬ kʼehˇ yaˬ ngeh tsawˇ myahˇ kuˇ duˬ pyeuꞈ-iˇ-euˬ maˬ ngeuˇ-a loˇ. Naw maꞈ neh mˇ-euˬ yaw haiˬ jeˬ hawˇ-eu maˬ muiˬ maˬ jaˬ-eu jeˬ-ahˇ, Sahˬpaˬ Miˬyehˇ maˬ oˇ coeˇ laˇ-euˬ miˇ neh, kʼoeˇ loꞈ-ehˇ bi keuˆ le-euˬ maˬ ngeuˇ nga loˇ.

Luˇkaꞈ 18:7

Toˆ-ehˇ ngeuˇ naˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ shaˇ luꞈ-eu, Miˬyehˇ neh tseˇ doˆ-euˬ tsawˇ haˬ deuˬ-euˬ gʼaˇ duˬ, Miˬyehˇ yaˇ kʼaˬ maˬ daˇ nehˬ-aˇ loˇ. Aˬ yawꞈ nyi naˬ nyi naˬ-ehˇ jawˇ tehꞈ-a loˇ.

2 Beˬtuˆluˆ 3:15

Miˬyehˇ neh biꞈ-euˬ zaˬ siˬ nui gahˇ-ahˇ gʼoe-awˇ, aˬ dui gaˬ dui dui-eu aˬ yuiꞈ aˬ nyiˇ pyeuꞈ-eu Pawˇluˆ neh naw maꞈ-ahˇ sahˬ boꞈ boꞈ ahˇ laꞈ-euˬ loꞈ-ehˇ, naw maꞈ ka kʼoꞈ-eu jeˬ bi za-eu gʼaˇ duˬ Sahˬpaˬ Yeˬsuˇ oˇ oˇ-ehˇ dawˬ luꞈ meh lehˇ noeˬ siˬ noeˬ mawˇ-awˬ.