Iˇsaˬyaˇ 42:12 - Akha

¹² Yawˬ kʼahˬ yawˬ miˇ yawˬ-ahˇ jawˇ-eu tsawˇ haˬ, Sahˬpaˬ Miˬyehˇ-ahˇ ciˬ huiˬ ciˬ mahˇ-awˬ.

Iˇsaˬyaˇ 42:12 ပူးပေါင်းရင်းမြစ်များ

Jaceuq 22:27

Miˇtsaˬtsawˇjeuˬtsawˇca dawˬtawˆ, SahˬpaˬMiˬyehˇ-ahˇnoeˬlaˇ-awˇ, aˬyawꞈjawˇgaˇ gʼoꞈkʼoꞈlaˇ-awˇ, aˬyawꞈ-ahˇuˬduˬtahˬtehꞈ-a.

Jaceuq 66:2

Aˬ yawꞈ-euˬ tsawˇ myahˇ yaw shehꞈ kʼahˬ sehˇ huiˬ-eu gaˇ kawˆ caˇ-awˬ. Aˬ yawꞈ-euˬ yaw shehꞈ kʼahˬ sehˇ-ahˇ ja ceuˬ-awˬ.

Jaceuq 97:1

Sahˬpaˬ Miˬyehˇ sahˬ paˬ pyeuꞈ-eu meh. miˇ tsaˬ tahˬ kʼawˇ laˬ kʼaˬ cehˇ-awˬ. Iˬ ma laˆ shaˆ iˇ jaw lahˇ deuˬ kʼawꞈ laˬ kʼaˬ cehˇ-awˬ.

Iˇsaˬyaˇ 12:4

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ yawꞈ bi ngehˬ gʼeh le-eu gʼaˇ duˬ kuˇ-awˬ. Aˬ yawꞈ neh mˇ-euˬ gaˇ deuˬ gaˇ kawˆ, tsawˇ jeuˬ dawˬ tawˆ luꞈ-ahˇ dzawˇ nehˬ-awˬ. Aˬ yawꞈ huiˬ dui mahˇ dui dui-eu gaˇ kawˆ, aˬ yawꞈ maꞈ-ahˇ dzawˇ mehˬ nehˬ-awˬ.

Iˇsaˬyaˇ 42:4

Noeˬ tmˬ-eu jeˬ hawˇ-eu nui ma kʼaˬ duˬ ni taˬ-euˬ jeˬ, byoˆ-iˇ ni aˬ yawꞈ maˬ mˇ-ehˇ, miˇ tsaˬ kʼoeˇ taˆ yaw tsaˬ yaw dawˇ jeˬ-ahˇ aˬ yawꞈ laˆ ziꞈ tehꞈ-a. Gaˇ mahˇ kaˬ gaˇ jawˇ-eu miˇ kʼahˬ tsawˇ jeuˬ, aˬ yawꞈ-euˬ zahˇ dawˬ kʼoꞈ dawˬ-ahˇ noeˬ tmˬ tehꞈ-a.”

Iˇsaˬyaˇ 43:21

Aˬ yawꞈ maꞈ-aˬ ngaˬ-euˬ gʼaˇ duˬ, ngaˬ neh beh-euˬ tsawˇ jeuˬ pyeuꞈ-awˇ, ngaˬ-ahˇ ja ceuˬ-euˬ caˇ dawˬ-ahˇ, aˬ yawꞈ maꞈ caˇ tehꞈ-a.”

1 Saˬmeuˬlaˆ 6:5

Kʼoeˇ loꞈ-ehˇ jahˇ naˇ, naw maꞈ-ahˇ maˬ ehˇ, naw maꞈ-euˬ miˬ yehˇ deuˬ-ahˇ maˬ ehˇ, naw maꞈ-euˬ miˇ kʼahˬ-ahˇ maˬ ehˇ, aˬ yawꞈ maˬ paˇ kʼehˬ nehˬ laꞈ ni byehˇ-eu duˇ.