Iˇsaˬyaˇ 42:1 - Akha

¹ Sahˬpaˬ Miˬyehˇ ehˇ-eu, “Heu-aˬ, ngaˬ-euˬ zaˬ kʼaˆ ma. Ngaˇ hehˇ tehˇ nehˬ luꞈ-eu gʼaˬ ma. Aˬ yawꞈ-ahˇ ngaˇ tseˇ doˆ-awˇ, nui kʼahˇ shiˇ luꞈ-eu gʼaˬ ma. Aˬ yawꞈ kʼoeˇ taˆ ngaˬ-euˬ Yaw sahˇ jawˇ-awˇ, tsawˇ jeuˬ yawˬ jeuˬ na luꞈ kʼoeˇ taˆ, yaw tsaˬ yaw dawˇ jeˬ aˬ yawꞈ bi keuˆ le tehꞈ-a.

Iˇsaˬyaˇ 42:1 ပူးပေါင်းရင်းမြစ်များ

Aˇ dahˬ 49:10

Sahˬ paˬ-euˬ gawˬ yoeˬ-ahˇ aˬ yawꞈ tuˆ tehˬ taˬ-awˇ, Aˬ yawꞈ-euˬ zaˬ deuˬ tiˬ ziˇ saˇ-iˬ tiˬ ziˇ dzoeˬ dzaˬ oꞈ tehꞈ-a. Aˬ cawˬ tsawˇ jeuˬ deuˬ aˬ yawꞈ jawˇ gaˇ pyuˇ shuiˇ myawˬ gahˬ taꞈ ha laˇ-awˇ, Aˬ yawꞈ mehˬ shi awˆ byaˆ-eu laꞈ kʼoeˇ aˬ yawꞈ ehˇ dawˬ naˇ haˬ tehꞈ-a.

Jaceuq 72:4

Sahˬ paˬ gʼaˬ shaˬ zaˬ zahˬ zaˬ deuˬ-ahˇ dawˇ coe ni yaˇ kʼaˬ daˇ luꞈ-uˇ. Iˇ shaˬ zaˬ deuˬ-ahˇ aˬ yawꞈ caw ba nehˬ-awˇ, aˬ yawꞈ maꞈ kʼoeˇ taˆ nawˬ dzaˬ kʼaˆ dzaˬ-eu deuˬ-ahˇ, aˬ yawꞈ kʼehˬ luꞈ-uˇ.

Jaceuq 89:4

‘Nawˬ-euˬ zaˬ nawˬ-euˬ uˆ aˬ myah luꞈ sahˬ paˬ ya geuꞈ tehꞈ-a. Nawˬ-eu dzoeˬ dzaˬ mˬ maˬ maˬ byaˆ zaˇ ziˇ bi ziꞈ ma.”’

Iˇsaˬyaˇ 2:4

Miˇ kʼahˬ tsawˇ jeuˬ yaw kaˬ-ahˇ aˬ yawꞈ yaˇ kʼaˬ daˇ-awˇ, miˇ tsaˬ zaˬ-ahˇ aˬ yawꞈ laˆ tsaˬ laˆ tsahˇ nehˬ tehꞈ-a. Guiˇ deuˆ-eu mi cehˇ-ahˇ aˬ yawꞈ maꞈ nyoˬ tsehˬ tehˆ pyeuꞈ-awˇ, guiˇ deuˆ-eu gahˬ-ahˇ yehˬ kʼoꞈ tehˆ pyeuꞈ tehꞈ-a. Tsawˇ jeuˬ tiˬ jeuˬ tiˇ jeuˬ guiˇ maˬ paˇ deuˆ-ehˇ, guiˇ deuˆ-eu gaˇ kawˆ maˬ mehˬ maˬ sawˇ ni byehˇ tehꞈ-a.

Iˇsaˬyaˇ 32:16

Miˇ kʼahˬ heu yawˬ coeˇ yawˬ na luꞈ, yaw tsaˬ yaw dawˇ jeˬ byah tehꞈ-a.

Iˇsaˬyaˇ 41:8

“Ehˇ kʼawꞈ, ngaˬ-euˬ zaˬ kʼaˆ Iˇsaˬleˬlaˆ-oˇ, nawˇ ngaˬ neh tseˇ doˆ-eu tsawˇ jeuˬ pyeuꞈ-awˇ, ngaˬ-euˬ cawˬ Aˬbyaˬhaˬ-euˬ zaˬ deuˬ uˆ deuˬ meh.

Iˇsaˬyaˇ 41:9

Mˬ dzeˇ miˇ dzeˇ-ahˇ neh nawˬ-ahˇ ngaˇ sheuˬ doˆ-awˇ, gaˇ mahˇ kaˬ-eu miˇ ma laꞈ coeˇ-ahˇ neh kuˇ doˆ laꞈ-awˇ, nawˇ ngaˬ-euˬ zaˬ kʼaˆ ma lehˇ ehˇ-euˬ ma. Nawˬ-ahˇ ngaˇ maˬ byehˇ dzeh byoˆ-euˬ uˬ taꞈ, tseˇ doˆ geuꞈ taˬ-euˬ ma.

Iˇsaˬyaˇ 42:2

Aˬ yawꞈ teˇ saˇ yaw kʼaˆ-ehˇ maˬ guˇ ni, gaˇ ma kʼoeˇ taˆ aˬ yawꞈ-euˬ dawˬ maˬ ya gaˬ-a.

Iˇsaˬyaˇ 43:10

“Iˇsaˬleˬlaˆ tsawˇ haˬ deuˬ-oˇ, naw maꞈ-aˬ, ngaˬ-euˬ saˇ kiˇ ma. Naw maꞈ ngaˬ-ahˇ siˬ nya-awˇ jah laˇ ni, ngaˇ tiˬ gʼaˬ tehꞈ-ehˇ Miˬyehˇ pyeuꞈ-eu meh lehˇ siˬ nya ni, ngaˬ-euˬ zaˬ kʼaˆ bi geuꞈ-eu lehˇ, naw maꞈ-ahˇ ngaˇ tseˇ doˆ-euˬ ma. Ngaˇ uˬ taꞈ miˬ yehˇ nui gʼaˬ maˬ jawˇ. Aˇ dahˬ beh ngeh neh maˬ jawˇ-euˬ loꞈ-ehˇ, aˇ saˬ saˬ ngeh kʼawꞈ maˬ jawˇ-aˇ.

Iˇsaˬyaˇ 50:10

Naw maꞈ laꞈ kʼoeˇ Sahˬpaˬ Miˬyehˇ-ahˇ guˆ-eu siˬ nya-awˇ, aˬ yawꞈ-euˬ zaˬ kʼaˆ ehˇ dawˬ naˇ haˬ-eu deuˬ dawˬ tawˆ luꞈ, naw maꞈ cah-eu gaˇ ma zahˇ dui dui meh. Ehˇ kʼawꞈ Sahˬpaˬ Miˬyehˇ-ahˇ naw maꞈ jah-awˇ, Miˬyehˇ-ahˇ gʼoe-eu jeˬ-ahˇ taˬ ngehˇ.

Iˇsaˬyaˇ 52:13

Sahˬpaˬ Miˬyehˇ ehˇ-eu, “Ngaˬ-euˬ zaˬ kʼaˆ aˬ yawꞈ-ahˇ doˇ-eu gaˇ mˇ jiˇ tehꞈ-a. Ciˬ huiˬ ciˬ mahˇ nehˬ-eu guiˬ lahˬ-ahˇ aˬ yawꞈ za tehꞈ-a.

Iˇsaˬyaˇ 53:11

Shaˬ-eu zahˬ-euˬ jeˬ-ahˇ aˬ yawꞈ dehꞈ dzeuˇ gʼaˬ ngeh, nui saˇ oꞈ-eu laꞈ kʼoeˇ paˇ ya dehꞈ-awˇ, shaˬ-eu zahˬ-eu jeˬ-ahˇ ya daˬ-euˬ kʼoeˇ, yawˬ ngehꞈ maˬ ngeuˇ-a lehˇ ya siˬ tehꞈ-a. Ngaˇ nui kʼahˇ shiˇ-eu ngaˬ-euˬ zaˬ kʼaˆ-aˬ, tsawˇ haˬ gʼawˬ mya gʼaˇ duˬ kʼehˬ-eu kʼaˆ-eu jeˬ-ahˇ daˬ-awˇ, aˬ yawꞈ baˬ da neh tsawˇ haˬ kʼoeˇ deuˬ-ahˇ ngaˇ iˬ baˇ pyehˬ ma.

Iˇsaˬyaˇ 59:21

Kʼoeˇ naˇ, naw maꞈ nehˬ-ehˇ ngaˇ dawˬ ma saˇ jaˇ dzaˬ ma. Mˬ maˬ maˬ byaˆ zaˇ ziˇ naw maꞈ bi geuꞈ tsehˆ-eu gʼaˇ duˬ, ngaˬ-euˬ baoˬ hawˇ-eu ngaˬ-euˬ dawˬ deuˬ, naw maꞈ-ahˇ ngaˇ biꞈ gʼaˬ-euˬ ma. Nymˬ-mˇ neh aˇ dahˬ beh-awˇ ngaˬ-euˬ dawˬ-ahˇ naw maꞈ ya naˇ haˬ geuꞈ-awˇ, naw maꞈ-euˬ zaˬ hawˇ-eu oeˬ paˬ oeˬ ma deuˬ-ahˇ kʼawꞈ, mˬ maˬ maˬ byaˆ zaˇ ziˇ jiˇ ni ya mehˬ daˆ leꞈ meh.”

Iˇsaˬyaˇ 61:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ yaw sahˇ, ngaˬ-euˬ kʼoeˇ taˆ keuˆ le-euˬ meh. Yaw shaˬ zaˬ-ahˇ laˬ kʼaˬ cehˇ-eu guiˬ lahˬ dawˬ tsaꞈ gaˬ-eu gʼaˇ duˬ, nui ma tsawˬ paˆ-euˬ deuˬ-ahˇ laˆ saˆ-eu gʼaˇ duˬ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ hawˇ-eu, paꞈ kuˆ laꞈ kʼoeˇ ka lahˇ taˬ-euˬ tsawˇ haˬ deuˬ-ahˇ, ya buˬ ya law-iˇ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-awˇ pyehˬ gʼeh leꞈ-euˬ meh.

Iˇsaˬyaˇ 63:1

“Eˬdoˬ miˇ kʼahˬ Bawˇzaˬlahˬ meuˬ-ahˇ neh oe-euˬ, tsawˇ haˬ kʼoeˇ gʼaˬ aˬ suˇ gʼaˬ-a. Yaw shehꞈ kʼahˬ sehˇ huiˬ-eu mehˬ tsoeˬ paˇ neˇ dm-awˇ, baoˬ hawˇ-eu gʼaˬ huiˬ dui dui-eu laꞈ kʼoeˇ, mehˬ hu paw oe luꞈ-eu kʼoeˇ gʼaˬ aˬ suˇ gʼaˬ-a. Kʼoeˇ-aˬ, ka kʼoꞈ-eu baoˬ ahˇ-eu Sahˬpaˬ Miˬyehˇ pyeuꞈ-awˇ, aˬ yawꞈ gʼaˬ leˇ-eu gaˇ kawˆ ja gaˬ-eu lehˇ oe-eu meh.”

Haˬgaiˇ 2:23

Ngaˬ-euˬ zaˬ kʼaˆ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ-oˇ, aˇ nah kʼoeˇ nah-ahˇ ngaˇ nawˬ-ahˇ sheuˬ laˬ le-awˇ, ngaˬ-euˬ tsawˇ myahˇ uˬ moˆ uˆ lahˇ-eu gʼaˬ bi geuꞈ ma. Nawˇ-aˬ, ngaˬ neh tseˇ doˆ-euˬ tsawˇ haˬ ma” lehˇ, Baoˬ huiˬ-eu Sahˬpaˬ Miˬyehˇ ehˇ-eu meh.

Zaˬkaˬliˇ 3:8

Piˇ ma yaw huiˬ gʼaˬ pyeuꞈ-eu Yawˇshuˆ hawˇ-eu, Yawˇshuˆ-euˬ gaˇ mˇ cawˬ pyeuꞈ-eu Yawˇshuˆ mehˬ shi nuiˇ luꞈ-eu piˇ ma deuˬ naˇ haˬ sheˇ. Naw maꞈ- aˬ, mehˬ hu paw yaw muiˬ jeˬ keuˆ le-eu gaˇ kawˆ, saˇ kiˇ pyeuꞈ-eu meh. Aˇ bawˇ uˬ pyaˬ lehˇ myahˇ-euˬ ngaˬ-euˬ zaˬ kʼaˆ, naw maꞈ-ahˇ ngaˇ mehˬ nehˬ ma.

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Maꞈtehˬ 17:5

Beˬtuˆluˆ kʼoeˇ loꞈ-ehˇ ehˇ luꞈ ngeh, yaw shehꞈ bya-eu mˬ dmˇ aˬ yawꞈ maꞈ kʼoeˇ taˆ zaꞈ le-awˇ, “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ zaˬ maˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ” lehˇ, mˬ dmˇ laꞈ kʼoeˇ dawˬ ngehˬ doˆ laˇ-euˬ meh.

Luˇkaꞈ 3:22

Muiˬ-eu shawˇ-eu Yaw sahˇ Miˬyehˇ kʼaˬ kʼoeˬ loꞈ-ehˇ aˬ yawꞈ-euˬ kʼoeˇ taˆ zaꞈ le-euˬ meh. Mˬ paw neh teˇ saˇ mahˇ doˆ le-awˇ ehˇ-eu, “Nawˇ-aˬ, ngaˇ zawˇ gaˬ-eu ngaˬ-euˬ Zaˬmaˇ ma. Nawˬ-ahˇ ngaˇnui kʼahˇ shiˇ dui dui ma.”

Luˇkaꞈ 4:18

“Sahˬpaˬ Miˬyehˇ-euˬ Yaw sahˇ-aˬ, ngaˬ-euˬ kʼoeˇ taˆ keuˆ le-euˬ meh. Aˬ jeˬ miˇ neh ehˇ naˇ, shaˬ-eu zahˬ-eu tsawˇ haˬ deuˬ-ahˇ, guiˬ lahˬ dawˬ bi mehˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-euˬ meh. paꞈ taˬ-euˬ deuˬ-ahˇ pyehˬ nehˬ-awˇ, myaˆ behꞈ deuˬ myaˆ nuiˆ mawˇ laˇ ni, bi kʼehˬ-euˬ deuˬ ya law-iˇ ni, dawˬ tsaꞈ dawˬ dzawˇ mˇ-eu gʼaˇ duˬ, aˬ yawꞈ ngaˬ-ahˇ kʼehˇ leꞈ-euˬ meh.

Luˇkaꞈ 4:19

Sahˬpaˬ Miˬyehˇ gʼawˬ shaˬ gaˬ-eu, aˇ kʼoꞈ keuˆ le taˬ-euˬ gaˇ kawˆ, ngaˇ tsaꞈ gaˬ guˇ gaˬ le-euˬ ma.”

Luˇkaꞈ 9:35

Mˬ dmˇ laꞈ kʼoeˇ ehˇ doˆ laꞈ-eu, “Heu-aˬ, ngaˬ neh tseˇ doˆ-euˬ ngaˇ gaˬ dui dui-eu ngaˬ-euˬ Zaˬmaˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ.”

Yoˇhaˬ 16:32

Naw maꞈ dawˬ tawˆ luꞈ bi teh byaˆ jiˇ-awˇ, yawˬ ha-euˬ nymˇ-ahˇ yawˬ ha cehˆ gʼoꞈ jiˇ-awˇ, ngaˬ-ahˇ tehꞈ-ehˇ byehˇ dzeh yaꞈ-eu aˇ yamˬ keuˆ le luꞈ meh. Aˇ yamˬ kʼoeˇ aˬ diˇ keuˆ le taˬ-euˬ meh. Ehˇ kʼawꞈ, ngaˇ-aˬ, tiˬ gʼaˬ tehꞈ maˬ ngeuˇ. Aˬ jeˬ miˇ neh ehˇ naˇ, Aˬda ngaˬ nehˬ-ehˇ jawˇ ma.

Yoˇhaˬ 3:34

Miˬyehˇ neh kʼehˇ gʼeh leꞈ-euˬ gʼaˬ-aˬ, Miˬyehˇ-euˬ dawˬ ngehˬ-eu meh. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ-euˬ Yaw sahˇ tiˬ byah ni biꞈ taˬ-euˬ meh.

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

Gʼaˬkʼehˇ 10:38

Naˬzaˬlehˇ tsawˇ haˬ Yeˬsuˇ gaˇ kawˆ maˬ ehˇ, aˬ yawꞈ-euˬ kʼoeˇ taˆ Miˬyehˇ neh Muiˬ-eu shawˇ-eu Yaw sahˇ Miˬyehˇ hawˇ-eu baoˬ aˬ joˆ-ehˇ shehˆ daˆ nehˬ-euˬ gaˇ kawˆ maˬ ehˇ, naw maꞈ siˬ luꞈ meh. Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ yawˬ gaˇ na luꞈ iˇ doe-awˇ, yaw muiˬ jeˬ mˇ mˇ-ehˇ, Nehꞈ-euˬ baoˬ uˬ moˆ shaˬ luꞈ-eu tsawˇ haˬ deuˬ-ahˇ naˇ gawˇ laˆ taˬ nehˬ-euˬ meh.

Gʼaˬkʼehˇ 11:18

Kʼoeˇ loꞈ-ehˇ dzawˇ mehˬ nehˬ gaˇ aˬ yawꞈ maꞈ ya gaˬ ngeh, Beˬtuˆluˆ-ahˇ iˬ baˇ maˬ taˬ ni byehˇ-awˇ, heu loꞈ-ehˇ ehˇ-eu meh. “Miˬyehˇ-aˬ, Yuˇdaˆ tsawˇ haˬ maˬ ngeuˇ-eu aˬ cawˬ tsawˇ jeuˬ deuˬ-ahˇ kʼawꞈ, iˬ baˇ noeˬ poˆ-awˇ dehꞈ nya ni aˬ kawˬ-aˬ biꞈ-euˬ nga.”

Gʼaˬkʼehˇ 28:28

Kʼoeˇ naˇ, Pawˇluˆ aˇ saˬ saˬ-eu dawˬ ngehˬ-eu, “Naw maꞈ heu loꞈ-ehˇ siˬ nya-awˬ. Miˬyehˇ-euˬ ka kʼoꞈ-eu guiˬ lahˬ dawˬ heu-ahˇ, aˬ cawˬ tsawˇ jeuˬ deuˬ-ahˇ bi mehˬ-iˇ-euˬ meh. Aˬ yawꞈ maꞈ naˇ haˬ geuꞈ tehꞈ-a lehˇ siˬ nya-awˬ.”

Gʼaˬkʼehˇ 9:15

Sahˬpaˬ Yeˬsuˇ ehˇ-eu, “Iˇ-awˬ. Aˬ jeˬ miˇ neh ehˇ naˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, miˇ kʼahˬ sahˬ paˬ deuˬ maˬ ehˇ, Iˇsaˬleˬlaˇ tsawˇ haˬ deuˬ maˬ ehˇ, ngaˬ-euˬ tsawˇ myahˇ-ahˇ siˬ nya laˇ ni bi mˇ-eu gʼaˇ duˬ, aˬ yawꞈ-ahˇ ngaˇ tseˇ doˆ taˬ-euˬ ma.

Eˇpeˇsu 1:4

Miˬyehˇ-euˬ mehˬ shi aˬ dui muiˬ-awˇ shawˇ-awˇ, iˬ baˇ taˬ kʼaˇ maˬ bi za-eu gʼaˇ duˬ, miˇ tsaˬ tahˬ kʼawˇ heu maˬ beh mi naˆ-ehˇ Yeˬsuˇ Ka li laꞈ kʼoeˇ Miˬyehˇ neh aˬ dui-ahˇ tseˇ doˆ taˬ-euˬ meh.

Eˇpeˇsu 1:6

Aˬ yawꞈ-euˬ huiˬ dui muiˬ dui dui-eu gʼawˬ shaˬ gaˬ-eu guiˬ lahˬ kʼoeˇ, aˬ yawꞈ gaˬ dui dui-eu aˬ yawꞈ-euˬ Zaˬmaˇ laꞈ kʼoeˇ aˬ dui-ahˇ biꞈ laꞈ-euˬ miˇ neh, Miˬyehˇ-ahˇ ja ceuˬ kaˇ-euˇ.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

Piˇliˇpiˆ 2:7

Dawˬ tawˆ luꞈ byehˇ dzeh yaꞈ jiˇ-awˇ, zaˬ kʼaˆ tiˬ gʼaˬ loꞈ-ehˇ oe-awˇ, tsawˇ haˬ loꞈ-ehˇ dehꞈ le-euˬ meh.

Gawˇlawˇsehˇ 1:13

Yaw zahˇ-euˬ baoˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-awˇ, aˬ yawꞈ-euˬ Zaˬmaˇ-euˬ miˇ kʼahˬ laꞈ kʼoeˇ aˬ dui-ahˇ sheuˬ ahˇ nehˬ laꞈ-euˬ meh.

1 Beˬtuˆluˆ 2:4

Tsawˇ haˬ zaˬ neh maˬ poeˬ maˬ lawˬ-a lehˇ sawˇ-awˇ baꞈ dzeh-euˬ kʼawꞈ, Miˬyehˇ neh poeˬ dui lawˬ dui dui meh lehˇ sawˇ-awˇ tseˇ doˆ taˬ-euˬ dehꞈ luꞈ-eu kʼaˬ lo pyeuꞈ-eu Sahˬpaˬ Yeˬsuˇ jawˇ gaˇ laˇ-awˬ.

1 Beˬtuˆluˆ 2:6

Aˬ jeˬ miˇ neh ehˇ naˇ,Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Poeˬ-eu kʼaˬ lo ngaˇ tseˇ doˆ-awˇ, Ziˇoˬ meuˬ-ahˇ gawˬ-eu laꞈ kʼoeˇ, laꞈ coeˇ lo ziꞈ bi geuꞈ-euˬ ma. Aˬ yawꞈ-ahˇ kʼaˇ jah-eu tsawˇ haˬ, daˬ ga-awˇ maˬ ya shaꞈ dawˇ-aˇ.”