Iˇsaˬyaˇ 41:17 - Akha

¹⁷ “Ngaˬ-euˬ tsawˇ haˬ iˇ cuꞈ mehꞈ-awˇ poˆ ngeh, aˬ yawꞈ maꞈ-euˬ kuˬ byahˬ gui ngeh, Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-euˬ shaˇ dawˬ naˇ haˬ nehˬ ma. Iˇsaˬleˬlaˆ-euˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ tiˬ jawˇ-iˬ maˬ byehˇ dzeh.

Iˇsaˬyaˇ 41:17 ပူးပေါင်းရင်းမြစ်များ

Aˇ dahˬ 28:15

Haw taˬ-awˬ, ngaˇ nawˬ nehˬ-ehˇ jawˇ-awˇ, nawˇ kʼaˇ iˇ kʼaˇ laˇ gaˇ nawˬ-ahˇ ngaˇ haw piˇ-eu laꞈ kʼoeˇ, miˇ kʼahˬ heu kʼahˬ-ahˇ, nawˬ-ahˇ paˇ bi gʼoꞈ keuˆ laˇ ma. Nawˬ-ahˇ ngaˇ saˇ jaˇ dzaˬ taˬ-euˬ dawˬ heu deuˬ maˬ mˇ byah jiˇ kʼoeˇ keuˆ ni, ngaˇ nawˬ-ahˇ maˬ byehˇ dzeh.”

1 Sahˬpaˬ 17:8

Kʼoeˇ naˇ, Eˇliˇyaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

2 Laˬsaˬbaˬ 6:17

Kʼoeˇ miˇ neh, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ zaˬ kʼaˆ Daˬbiˇ-ahˇ nawˬ neh saˇ jaˇ dzaˬ taˬ-euˬ yawˬ jeˬ na luꞈ nymˬ-mˇ bi byah laˇ-awˬ.

Jaceuq 22:15

Kuˬbyahˬ lehˇtsaˇloꞈ-ehˇgui-awˇ, mehˬlaˇ mehˬtaˆmyahˬleˇ miˇ-a. Kʼaˬlehˇ tsahˬ-ahˇbi shiˇ-eu lehˇ, nawˇngaˬ-ahˇbyehˇdzeh laꞈ-euˬnga.

Jaceuq 34:6

Iˇshaˬzaˬdeuˬkuˇ-eu teˇsaˇ, SahˬpaˬMiˬyehˇnaˇhaˬnehˬ-awˇ, shaˬzahˬlaꞈkʼoeˇka kʼoꞈ-eu meh.

Jaceuq 37:25

Ngaˬ-euˬtiˬziˇdehꞈmawˬlaꞈ-euˬ, tsawˇmuiˬ-ahˇSahˬpaˬMiˬyehˇneh, byehˇdzeh nehˬ-euˬmaˬya mawˇ-ehˇ, aˬyawꞈmaꞈ-euˬzaˬdeuˬuˆdeuˬ, hawˬshaˇshaˇ-eu maˬmawˇhaw-aˬ.

Jaceuq 42:2

Iˇcuꞈmehꞈdui dui-eu loꞈ-ehˇ, dehꞈluꞈ-eu ngaˬ-euˬMiˬyehˇ-ahˇ, ngaˬ-euˬsaꞈlaˇmehꞈluꞈ-eu ma. Nawˬ-euˬmehˬshi ngaˇle keuˆ-awˇ, aˬmyah uˬduˬya tahˬleˇnmˇ.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 74:21

Aˬ cawˬ nawˬ dzaˬ kʼaˆ dzaˬ gaˇ ya daˬ luꞈ-eu deuˬ kʼoeˇ taˆ, shaꞈ dawˇ-eu jeˬ taˬ bi keuˆ le. Shaˬ-eu zahˬ-eu tsawˇ haˬ kʼoeˇ deuˬ nawˬ-ahˇ bi ja ceuˬ-awˬ.

Jaceuq 94:14

Sahˬpaˬ Miˬyehˇ-aˬ, aˬ yawꞈ-euˬ tsawˇ haˬ deuˬ-ahˇ maˬ ngehˇ-a. Aˬ yawꞈ-ahˇ taꞈ-eu tsawˇ haˬ deuˬ-ahˇ aˬ yawꞈ maˬ byehˇ dzeh-a.

Doˆ-iˇ 17:3

Ehˇ kʼawꞈ, tsawˇ haˬ kʼoeˇ deuˬ iˇ cuꞈ mehꞈ-eu miˇ neh, Moˇseˬ-ahˇ iˬ baˇ taˬ-eu maˬ tsehˆ leˇ-a. “Aˬ jeˬ miˇ neh nga maꞈ-ahˇ nawˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ teˬ. Nga maꞈ hawˇ-eu nga maꞈ-euˬ zaˬ deuˬ maˬ ehˇ, nga maꞈ-euˬ jeˬ zaˬ deuˬ maˬ ehˇ, bi shiˇ jiˇ-eu lehˇ sheuˬ doˆ laꞈ teˬ loˇ” lehˇ aˬ yawꞈ maꞈ ehˇ-euˬ meh.

Doˆ-iˇ 17:6

Siˇnaˆ gawˬ jawˬ lo guˇ kʼoeˇ taˆ, nawˬ-euˬ mehˬ shi ngaˇ yawꞈ luꞈ ma. Lo guˇ-ahˇ juiꞈ-awˬ. Iˇsaˬleˬlaˆ tsawˇ haˬ deuˬ dawˇ-eu gʼaˇ duˬ iˇ cuꞈ yoeˇ doˆ le tehꞈ-a.” Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-euˬ mehˬ shi, Moˇseˬ kʼoeˇ loꞈ-ehˇ mˇ-euˬ meh.

Iˇsaˬyaˇ 30:19

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ tiˬ jawˇ-iˬ noeˬ shaˬ-awˇ maˬ paˇ ya ngoeˇ meh. Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, caw ba nehˬ laꞈ lehˇ naw maꞈ aˬ yawꞈ-ahˇ shaˇ ngeh, naw maꞈ-euˬ shaˇ dawˬ-ahˇ naˇ haˬ nehˬ laꞈ tehꞈ-a.

Iˇsaˬyaˇ 42:16

“Myaˆ behꞈ tahˬ sawˇ pyeuꞈ-eu ngaˬ-euˬ tsawˇ haˬ deuˬ-ahˇ, maˬ iˇ haw-euˬ gaˇ ma tiˬ kahˇ ngaˇ sheuˬ gʼeh ma. Aˬ yawꞈ maꞈ-euˬ yaw zahˇ-ahˇ ngaˇ yaw shehꞈ bi bya laˇ-awˇ, duˬ kʼahˬ duˬ kʼawꞈ myaˬ-eu miˇ kʼahˬ, aˬ yawꞈ maꞈ-euˬ mehˬ shi bi dzm laˇ ma. Heu-aˬ, ngaˬ-euˬ saˇ jaˇ dawˬ deuˬ pyeuꞈ-awˇ, maˬ byehˇ ni ngaˇ mˇ byah nehˬ ma.

Iˇsaˬyaˇ 43:20

Ngaˬ neh tseˆ doˆ-euˬ tsawˇ jeuˬ-ahˇ iˇ cuꞈ biꞈ-eu gʼaˇ duˬ, kʼaˇ shuiꞈ deh ga-ahˇ ngaˇ iˇ cuꞈ bi yoeˇ le ngeh, bawˇ tsahˬ jeˬ zaˬ deuˬ ngaˬ-ahˇ taˬ huiˬ-awˇ, bawˇ tsahˬ aˬ kuiˬ hawˇ-eu law taw aˇ jiˇ kʼoeˇ deuˬ, ngaˬ-ahˇ ja ceuˬ tehꞈ-a.

Iˇsaˬyaˇ 44:3

“Iˇ cuꞈ mehꞈ-eu miˇ kʼahˬ-ahˇ ngaˇ iˇ cuꞈ biꞈ-awˇ, miˇ tsaˬ gui gaˇ lawˇ gawˆ bi yoeˇ le ma. Nawˬ-euˬ zaˬ deuˬ uˆ deuˬ kʼoeˇ taˆ ngaˇ baoˬ shehˆ daˆ nehˬ-awˇ, nawˬ-eu zaˬ deuˬ uˆ deuˬ-ahˇ ngaˇ guiˬ lahˬ biꞈ ma.

Iˇsaˬyaˇ 48:21

Gui coˇ ni gʼeh-awˇ lahˇ dui dui-eu kʼaˇ shuiꞈ deh yaˇ-ahˇ, aˬ yawꞈ-euˬ tsawˇ haˬ-ahˇ Sahˬpaˬ Miˬyehˇ sheuˬ tsehˆ gʼeh ngeh, aˬ yawꞈ maꞈ-ahˇ iˇ cuꞈ maˬ bi mehꞈ-aˬ. Aˬ yawꞈ maꞈ gʼaˇ duˬ kʼaˬ lo-ahˇ iˇ cuꞈ doˆ le-euˬ meh. Kʼaˬ lo-ahˇ aˬ yawꞈ maˇ byoe bi dahˇ laˇ-awˇ, iˇ cuꞈ bi yoeˇ doˆ le-euˬ meh.

Iˇsaˬyaˇ 49:10

Aˬ yawꞈ maꞈ-ahˇ gaˬ-eu gʼaˬ neh sheuˬ gʼeh nehˬ-euˬ miˇ neh, aˬ yawꞈ maꞈ mehꞈ-eu shuꞈ-eu maˬ baw-ehˇ, nahˇ tsaˇ hawˇ-eu kʼaˇ shuiꞈ deh ga yaw lahˇ, aˬ yawꞈ maꞈ-ahˇ maˬ coeˬ leˇ-a. Iˇ cuꞈ lawˇ baˬ yoeˇ-eu dawˬ peh, aˬ yawꞈ maꞈ-ahˇ aˬ yawꞈ sheuˬ gʼeh tehꞈ-a.

Iˇsaˬyaˇ 55:1

Sahˬpaˬ Miˬyehˇ heu loꞈ-ehˇ ehˇ-eu meh. “Iˇ cuꞈ kʼaˇ mehꞈ-eu tsawˇ haˬ deuˬ, iˇ cuꞈ jaˆ gaˇ laˇ-awˬ. Pyuˇ maˬ ahˇ-eu tsawˇ haˬ deuˬ kʼawꞈ, zeuˇ dzaˬ zeuˇ dawˇ laˇ-awˬ. Pyuˇ maˬ ahˇ-ehˇ aˇ poeˬ maˬ biꞈ nya kʼawꞈ, aˬ gaꞈ dzaˇ uiˇ hawˇ-eu mawˇ neˇ aˬ coeˇ zeuˇ dawˇ laˇ-awˬ.

Iˇsaˬyaˇ 58:11

Kʼoeˇ naˇ naw maꞈ-ahˇ ngaˇ aˬ myah luꞈ sheuˬ gʼeh-awˇ, muiˬ-eu guiˬ lahˬ shehˬ byah lawˇ byah nehˬ-eu laꞈ kʼoeˇ, gʼoeˇ mˇ-awˇ jawˇ saˇ bi doˆ-eu miˇ neh, iˇ cuꞈ tiˬ byah za-eu yaˇ kmˇ hawˇ-eu, maˬ tsiˇ leˇ-eu lawˇ gawˆ-ahˇ naw maꞈ duˇ tehꞈ-a.

Iˇsaˬyaˇ 61:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ yaw sahˇ, ngaˬ-euˬ kʼoeˇ taˆ keuˆ le-euˬ meh. Yaw shaˬ zaˬ-ahˇ laˬ kʼaˬ cehˇ-eu guiˬ lahˬ dawˬ tsaꞈ gaˬ-eu gʼaˇ duˬ, nui ma tsawˬ paˆ-euˬ deuˬ-ahˇ laˆ saˆ-eu gʼaˇ duˬ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ hawˇ-eu, paꞈ kuˆ laꞈ kʼoeˇ ka lahˇ taˬ-euˬ tsawˇ haˬ deuˬ-ahˇ, ya buˬ ya law-iˇ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-awˇ pyehˬ gʼeh leꞈ-euˬ meh.

Iˇsaˬyaˇ 62:12

“Miˬyehˇ-euˬ muiˬ-eu shawˇ-eu tsawˇ jeuˬ” lehˇ, “Sahˬpaˬ Miˬyehˇ neh ka kʼoꞈ nehˬ-euˬ tsawˇ jeuˬ” lehˇ, aˬ cawˬ naw maꞈ-ahˇ kuˇ tehꞈ-a. “Miˬyehˇ gaˬ-eu meuˬ” lehˇ, “Miˬyehˇ maˬ byehˇ dzeh-eu meuˬ” lehˇ, Yeˬluˇsaˬlehˬ meuˬ-ahˇ ya kuˇ tehꞈ-a.

Iˇsaˬyaˇ 65:13

Kʼoeˇ miˇ neh ngaˬ-euˬ dawˬ naˇ haˬ-awˇ, ngaˬ-ahˇ uˬ duˬ tahˬ-eu deuˬ, maˬ dzaˬ maˬ dawˇ jiˇ coeˇ ni jaˆ le kʼawꞈ, naw maꞈ ya mehꞈ ya shuꞈ tehꞈ-a lehˇ ehˇ-eu ma. Aˬ yawꞈ maꞈ laˬ kʼaˬ cehˇ luꞈ ngeh, naw maꞈ noeˬ shaˬ-awˇ daˬ ya ga tehꞈ-a.

Iˇsaˬyaˇ 65:24

Aˬ yawꞈ maꞈ guiˬ lahˬ shaˇ gʼaˬ-euˬ maˬ dah ni, aˬ yawꞈ maꞈ shaˇ-eu jeˬ ngaˇ biꞈ nehˬ ma.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Yeˬlaˬmiˇ 31:25

Nui ma shaˬ zahˬ mˇ-euˬ tsawˇ haˬ deuˬ-ahˇ nui saˇ bi za-awˇ, mehꞈ-eu shuꞈ-eu baˬ da neh gʼaˬ baˬ-eu tsawˇ haˬ deuˬ-ahˇ, bi dzaˬ bi dawˇ dehˆ ma.

Ngoeˇ dawˬ 4:4

Iˇ cuꞈ mehꞈ-awˇ kuˬ byahˬ gui-eu, mehˬ laˇ kʼoeˇ taˆ paw myahˬ leˇ-awˇ, hawˬ mehꞈ mehꞈ-eu kaˬ muˇ shaˇ kʼawꞈ, zaˬ-ahˇ haw cawˬ-eu maˬ jawˇ-a.

Yeˬsaˬgeˬlaˇ 47:8

Tsawˇ haˬ kʼoeˇ gʼaˬ ngaˬ-ahˇ heu loꞈ-ehˇ ehˇ-eu meh. “Lawˇ baˬ heu gawˆ-aˬ, miˇ kʼahˬ heu kʼahˬ nyiˬ tsehˆ-ehˇ nahˇ ma doˆ kʼehˬ paw yoeˇ ka gʼeh-awˇ, Yawˇdaˬ lawˇ baˬ-ahˇ yoeˇ tsmˇ-iˇ-awˇ, shiˇ-eu iˬ ma laˆ shaˆ-ahˇ yoeˇ ahˇ-eu meh. Shiˇ-eu iˬ ma laˆ shaˆ-ahˇ yoeˇ ahˇ ngeh, kʼoeˇ gaˇ dahˬ-eu saˬ deuꞈ kuiˇ-eu iˇ cuꞈ-ahˇ, saˬ deuꞈ maˬ kuiˇ-eu iˇ cuꞈ iˇ lahˬ ka nehˬ gaˇ duˇ-eu meh.

Maꞈtehˬ 5:3

“Nui ma laꞈ kʼoeˇ shaˬ-eu zahˬ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, mˬ taˆ miˇ kʼahˬ-aˬ, aˬ yawꞈ maꞈ-euˬ miˇ kʼahˬ pyeuꞈ-eu meh.

Maꞈtehˬ 5:6

“Yaw tsaˬ yaw dawˇ jeˬ-ahˇ mehꞈ-eu shuꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, yaw tsaˬ yaw dawˇ jeˬ-ahˇ aˬ yawꞈ maꞈ ya dzaˬ ya dawˇ dehˆ tehꞈ-a.

Luˇkaꞈ 16:24

Kʼoeˇ ngeh, aˬ yawꞈ guˇ-awˇ ehˇ-eu, ‘Aˬ da Aˬbyaˬhaˬ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Laˬzaˬluˇ-euˬ laꞈ noeˇ iˇ cuꞈ-ahˇ bi cawˬ duiˆ-awˇ, ngaˬ-euˬ mehˬ laˇ coꞈ-iˇ ni tiˬ poˆ bi dzaˆ aˬ le sheˇ. Miˬ dzaˬ lahˇdui dui-eu miˇ neh tiˬ pawꞈ-iˬ maˬ daˬ coeˇ nya.’

2 Gawˇliˬtu 12:9

Ehˇ kʼawꞈ, aˬ yawꞈ ngaˬ-ahˇ ehˇ-eu, “Ngaˬ-euˬ guiˬ lahˬ yaw dzahˇ nawˬ-euˬ gʼaˇ duˬ loꞈ luꞈ meh. Aˬ jeˬ miˇ neh ehˇ naˇ, nawˇ gʼaˬ baˬ luꞈ ngeh, ngaˬ-euˬ baoˬ nawˬ-euˬ gʼaˇ duˬ byah dzehˬ-eu meh.” Ka li-euˬ baoˬ ngaˬ-ahˇ haw piˇ nehˬ laꞈ nya ni, ngaˇ gʼaˬ baˬ-eu gaˇ kawˆ laˬ kʼaˬ cehˇ cehˇ-ehˇ kʼahˬ sehˇ jehˆ ma.

Panmaeq 21:6

Aˬ yawꞈ paˇ ehˇ-eu, “Jiˇ-euˬ ma. Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma. Dahˬ beh-eu jeˬ hawˇ-eu aˇ saˬ saˬ-eu jeˬ ma. Iˇ cuꞈ kʼaˇ mehꞈ-eu tsawˇ haˬ-ahˇ, dehꞈ-eu saꞈ laˇ lawˇ gawˆ-euˬ iˇ cuꞈ yawꞈ ngehꞈ-ehˇ bi dawˇ ma.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.