Iˇsaˬyaˇ 41:1 - Akha

¹ Miˬyehˇ ehˇ-eu, “Gaˇ mahˇ kaˬ gaˇ jaˆ-eu miˇ kʼahˬ deuˬ-oˇ, ciˬ cuˇ ni jawˇ-awˇ ngaˇ ehˇ gaˇ naˇ haˬ-awˬ. Naw maꞈ yaˇ kʼaˬ ja-eu gʼaˇ duˬ lehˬ hmˬ taˬ-awˬ. Naw maꞈ dawˬ ngehˬ-eu a kawˬ-aˬ jaˆ meh. Aˬ dui tiˬ kawˆ loꞈ-ehˇ uiˬ laˇ jiˇ-awˇ, aˬ geu gʼaˬ lehˬ nga lehˇ daˇ tsehˆ kaˇ-euˇ.

Iˇsaˬyaˇ 41:1 ပူးပေါင်းရင်းမြစ်များ

Yawˇbaˆ 38:3

Kʼaˬ dzeˇ zaˬ loꞈ-ehˇ tsawˬ tuˇ-awˇ yawꞈ-awˇ, ngaˇ naˇ haˬ-eu jeˬ ehˇ kʼoꞈ-awˬ.

Jaceuq 46:10

“Ngaˇ Miˬyehˇ meh lehˇ siˬ nya-awˇ, guiˇ deuˆ-eu naˬ leˇ-awˬ. Tsawˇ haˬ dawˬ tawˆ luꞈ kʼoeˇ taˆ huiˬ dzehˬ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu gʼaˬ, ngaˇ meh lehˇ siˬ nya-awˬ” lehˇ ehˇ-eu meh.

Iˇsaˬyaˇ 1:18

Sahˬpaˬ Miˬyehˇ ehˇ-eu, “Laˇ-awˬ tiˬ kawˆ loꞈ-ehˇ shaˇ noeˬ shaˇ sawˇ ma. Naw maꞈ-euˬ iˬ baˇ neˇ tseuˆ ni gʼeh kʼawꞈ, saˬ laˬ naˆ maˬ tseˇ pyuˇ laˇ tehꞈ-a. Naw maꞈ-euˬ iˬ baˇ shiˬ loꞈ-ehˇ neˇ kʼawꞈ, yawˇ zaˬ caꞈ hm loꞈ-ehˇ bi ba laˇ ma.

Iˇsaˬyaˇ 11:11

Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.

Iˇsaˬyaˇ 34:1

Tsawˇ jeuˬ dawˬ tawˆ luꞈ-oˇ, laˇ-awˇ naˇ haˬ laˇ-awˬ. Tsawˇ haˬ dawˬ tawˆ luꞈ-oˇ, naˬ bawˇ ciˬ kʼmˇ laˇ-awˬ. Miˇ tsaˬ tahˬ kʼawˇ hawˇ-eu miˇ tsaˬ zaˬ dawˬ tawˆ luꞈ, laˇ-awˇ naˇ haˬ laˇ-awˬ.

Iˇsaˬyaˇ 40:31

Ehˇ kʼawꞈ, Sahˬpaˬ Miˬyehˇ-ahˇ gʼoe-eu tsawˇ haˬ deuˬ, gʼaˬ yaw shuiꞈ paˇ ahˇ laˇ-eu meh. Kʼaˬ dzeˇ zaw-eu loꞈ-ehˇ aˬ yawꞈ maꞈ tuˇ laˇ-awˇ, cehˆ coeˬ coeˬ ngeh gʼaˬ doeˇ maˬ doeˇ leˇ-ehˇ, gaˇ ma cah ngeh gʼaˬ teˬ-iˇ-eu maˬ baw-a.

Iˇsaˬyaˇ 41:5

“Gaˇ mahˇ kaˬ gaˇ jawˇ-eu tsawˇ haˬ deuˬ, ngaˬ neh mˇ-euˬ gaˇ deuˬ-ahˇ ya mawˇ-awˇ, guˆ-awˇ yaw dzuˬ dzuˬ-eu laꞈ kʼoeˇ, tiˬ kawˆ loꞈ-ehˇ uiˬ leˇ-awˇ laˇ-eu meh.

Iˇsaˬyaˇ 43:26

Dzeuˇ yaꞈ-euˬ gaˇ kawˆ deuˬ ehˇ doˆ haw sheˇ. Naw maꞈ tsaˬ-euˬ gaˇ kawˆ ja dahˇ haw sheˇ. Gaˇ kawˆ heu-ahˇ tiˬ kawˆ loꞈ-ehˇ ja duˬ kaˇ-euˇ.

Iˇsaˬyaˇ 43:9

Tsawˇ jeuˬ dawˬ tawˆ luꞈ-ahˇ kuˇ-awˇ caw tseˇ duˬ-awˬ. Aˬ kaˇ mehˬ hu paw pyeuꞈ laˇ-eu gaˇ kawˆ deuˬ-ahˇ, aˬ yawꞈ maꞈ-euˬ miˬ yehˇ aˬ geu gʼaˬ ehˇ nya ta. Nymˬ-mˇ pyeuꞈ luꞈ-eu gaˇ kawˆ deuˬ, aˬ geu gʼaˬ neh ehˇ dzeuˇ taˬ-euˬ jaˆ ta. Miˬyehˇ kʼoeˇ deuˬ aˬ yawꞈ maꞈ neh ehˇ-euˬ tsaˬ-eu gaˇ kawˆ, aˬ yawꞈ maꞈ-euˬ dawˬ maˬ lehˬ-eu gaˇ kawˆ, saˇ kiˇ bi toeˬ mehˬ-awˬ.

Iˇsaˬyaˇ 48:16

“Ngaˬ-euˬ dawˬ peh jiˆ tuˆ laˇ-awˇ ngaˇ ehˇ gaˇ naˇ haˬ-awˬ. Aˇ dahˬ beh ngeh neh ngaˇ bya cehˆ ni ehˇ taˬ-euˬ jaˆ-awˇ, ngaˬ neh kʼaˇ ehˇ-euˬ jeˬ bi pyeuꞈ jiˇ laˇ-euˬ ma.” (Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ nymˬ-mˇ ngaˬ-ahˇ aˬ yawꞈ-euˬ baoˬ biꞈ nehˬ laꞈ-awˇ ngaˬ-ahˇ pyehˬ gʼeh leꞈ-euˬ meh.)

Iˇsaˬyaˇ 49:1

Gaˇ mahˇ kaˬ gaˇ jawˇ-eu tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Gaˇ mahˇ kaˬ gaˇ jaˆ-eu miˇ kʼahˬ deuˬ naˇ haˬ-awˬ. Ngaˇ maˬ dehꞈ doˆ le mi naˆ-ehˇ, Sahˬpaˬ Miˬyehˇ ngaˬ-ahˇ tseˇ-awˇ, aˬ yawꞈ-euˬ zaˬ kʼaˆ bi geuꞈ laꞈ-euˬ meh.

Iˇsaˬyaˇ 50:8

Miˬyehˇ ngaˬ-euˬ dawˬ peh jawˇ meh. Ngaˇ iˬ baˇ maˬ ahˇ-eu aˬ yawꞈ siˬ nya luꞈ meh. Ngaˬ nehˬ-ehˇ yaˇ kʼaˬ ja mawꞈ-eu aˬ suˇ jawˇ ta. Yaˇ kʼaˬ daˇ duˬ-ahˇ tiˬ gm-ehˇ le-awˇ, ngaˬ-euˬ gaˇ kawˆ bi ja haw-awˬ.

Haˬbaˬkuˆ 2:20

Ehˇ kʼawꞈ huiˬ-eu Sahˬpaˬ Miˬyehˇ, yawꞈ-euˬ muiˬ-eu nymˇ shawˇ pyeuꞈ-eu, Uˬ duˬ tahˬ nymˇ laꞈ kʼoeˇ jawˇ meh. Miˇ tsaˬ zaˬ yawˬ gʼaˬ yawˬ na luꞈ, aˬ yawꞈ mehˬ shi ciˬ cuˇ jawˇ-awˬ.

Zaˬkaˬliˇ 2:13

Tsawˇ haˬ yawˬ gʼaˬ na luꞈ Sahˬpaˬ Miˬyehˇ mehˬ shi ciˬ cuˇ ni jawˇ-awˬ. Aˬ jeˬ miˇ neh ehˇ naˇ, aˬ yawꞈ-euˬ muiˬ-eu shawˇ-eu jawˇ duˬ-ahˇ neh aˬ yawꞈ luˆ laˇ-awˇ oe luꞈ meh.