Iˇsaˬyaˇ 40:7 - Akha

⁷ Sahˬpaˬ Miˬyehˇ jaˬ lehˇ bi baw leꞈ ngeh, yaˇ moꞈ nyoeˬ-iˇ-awˇ, aˇ yehˆ juˬ-iˇ-eu meh. Tsawˇ haˬ zaˬ yaˇ moꞈ naˆ maˬ tseˇ gmˬ-eu maˬ ngeuˇ-a.

Iˇsaˬyaˇ 40:7 ပူးပေါင်းရင်းမြစ်များ

Yawˇbaˆ 14:2

Yaw kawˇ-ehˇ poˬ laˇ-eu aˇ yehˆ, yaw kawˇ-ehˇ nyoeˬ-iˇ gaˇ duˇ-awˇ, naˇ shmˇ loꞈ-ehˇ byoˆ-iˇ-eu meh.

Yawˇbaˆ 4:9

Miˬyehˇ nui ma pehˇ-eu laꞈ kʼoeˇ jaˬ lehˇ lehˇ ma baw-eu loꞈ-ehˇ aˬ yawꞈ maꞈ-ahˇ laˆ cawˆ-eu meh.

Yawˇbaˆ 41:21

Aˬ yawꞈ saꞈ gʼawˇ ngeh miˬ dzaˬ doꞈ laˇ-awˇ, aˬ yawꞈ-euˬ kʼaˬ meh-ahˇ miˬ dzaˬ miˬ lmˇ doˆ-eu meh.

Jaceuq 102:4

Ngaˬ-euˬ gʼawˇ mawˇ diˬ meuˇ taˬ-euˬ yaˇ moꞈ yaw koˆ-ahˇ duˇ-awˇ, dzaˇ dzaˬ mawꞈ-eu nui ma maˬ ahˇ nya.

Jaceuq 103:15

Aˬ dui yaw dehꞈ dehꞈ-eu yaˇ moꞈ loꞈ-ehˇ tehꞈ meh. Bawˇ tsaˬ aˇ yehˆ loꞈ-ehˇ aˬ dui yehˆ laˇ poˬ laˇ kʼawꞈ,

Jaceuq 103:16

jaˬ lehˇ neh bi hehˇ dzaˬ gʼeh-awˇ, tiˬ jawˇ-iˬ maˬ paˇ ya mawˇ meh.

Jaceuq 90:5

Iˇ jeuˬ jeuˬ-eu loꞈ-ehˇ nga maꞈ-ahˇ nawˇ hehˇ byoˆ gʼeh-awˇ, ngaˬ maꞈ-euˬ ziˇ yuꞈ maˆ maˆ-eu loˆ ni tehꞈ meh. Nga maꞈ yaw dehꞈ dehꞈ-eu jeˬ-aˬ, uˬ shawˬ paw dehꞈ doˆ laˇ-awˇ,

Jaceuq 90:6

nah gʼahˇ paw loˆ laˇ-awˇ aˇ yehˆ yehˆ kʼawꞈ, uˬ ciꞈ uˬ taw paw nyoeˬ-iˇ koˆ-iˇ-eu yaˇ moꞈ loꞈ-ehˇ, tiˬ kʼehˇ kʼehˬ gmˬ-eu tehꞈ miˇ-a.

Iˇsaˬyaˇ 11:4

Iˇ shaˬ zaˬ-ahˇ yaw tsaˬ yaw dawˇ jeˬ bi mawˇ-awˇ, zaˬ coeˬ zaˬ-ahˇ di dehˬ ni haw tehꞈ-a. Aˬ yawꞈ kʼaˬ meh dawˬ ngehˬ dawˬ tmˇ, miˇ tsaˬ zaˬ-ahˇ daˇ cuiˇ sheu juiꞈ nya-awˇ, aˬ yawꞈ mehˬ luˬ-ahˇ gʼawˇ-eu saꞈ, yaw haiˬ deuˬ-ahˇ sehꞈ dzeh tehꞈ-a.

Iˇsaˬyaˇ 37:27

Kʼoeˇ gaˇ jawˇ-eu tsawˇ haˬ deuˬ gʼaˬ maˬ ahˇ-a. Aˬ yawꞈ maꞈ guˆ-awˇ tsoˆ leˇ jiˇ taˬ-euˬ meh. Aˬ yawꞈ maꞈ-aˬ, nahˇ ma doˆ kʼehˬ paw neh baw gʼeh laꞈ-euˬ jaˬ lehˇ zaw leˇ ngeh nyoeˬ-iˇ koˆ-iˇ-eu daˬ yawˬ hawˇ-eu, nymˇ mˬ-ahˇ dehꞈ-eu jaˆ gaˆ-ahˇ duˇ-eu meh.

Iˇsaˬyaˇ 40:24

Aˬ yawꞈ maꞈ-aˬ ka-euˬ tiˬ dehˬ pyeuꞈ-awˇ, duˬ ciˇ maˬ toeˬ ziꞈ-euˬ sahˬ lahˬ-ahˇ duˇ-eu meh. Sahˬpaˬ Miˬyehˇ jaˬ lehˇ bi baw laꞈ ngeh, aˬ yawꞈ maꞈ koˆ-iˇ-awˇ gʼoˆ yoeˬ loꞈ-ehˇ bi baw byoˆ gʼeh-eu meh.

Iˇsaˬyaˇ 51:12

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ gʼaˬ biꞈ nehˬ-eu gʼaˬ ngaˇ ma. Daˬ yawˬ yaˇ moꞈ loˆ ni gʼeh-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ aˬ jeˬ miˇ neh naw maꞈ guˆ te.

Haˬgaiˇ 1:9

“Naw maꞈ cehˇ gʼawˬ mya ni mˇ za ma lehˇ noeˬ kʼawꞈ, ui cuiˆ tehꞈ-ehˇ za le-eu meh. Naw maꞈ cehˇ pi kʼoꞈ leꞈ ngeh, ngaˇ baw dzeh-euˬ ma. Aˬ jeˬ miˇ neh ngaˇ kʼoeˇ loꞈ-ehˇ jahˇ-euˬ nga lehˇ duˇ-eu nya. Ngaˬ-euˬ Uˬ duˬ tahˬ nymˇ nymˇ ma yaw pyaˆ-ehˇ jaˆ ngeh, naw maꞈ yawˬ ha-euˬ nymˇ laꞈ kʼoeˇ gaˇ myaˬ luꞈ-eu miˇ neh, ngaˇ kʼoeˇ loꞈ-ehˇ jahˇ-euˬ ma.

Yaˬkoˆ 1:10

Smˇ muiˬ muiˬ-eu Ka li zaˬ tiˬ gʼaˬ-aˬ, Miˬyehˇ aˬ yawꞈ-ahˇ taˬ awˆ nehˬ ngeh laꞈ kʼaˬ cehˇ-eu tsaˬ meh. Aˬ jeˬ miˇ neh ehˇ naˇ, smˇ muiˬ muiˬ-eu tsawˇ haˬ-aˬ, yaˇ moꞈ aˇ yehˆ loꞈ-ehˇ ya byoˆ-iˇ tehꞈ-a.

Yaˬkoˆ 1:11

Nahˇ ma doˆ laˇ-awˇ nahˇ tsaˇ kʼaˆ laˇ ngeh, yaˇ moꞈ kʼoeˇ nyoeˬ-iˇ koˆ-iˇ-eu meh. Kʼoeˇ ngeh jawˇ, aˇ yehˆ kʼoeˇ ga ka-awˇ haw muiˬ-eu jeˬ cawˆ-iˇ jiˇ-eu meh. Kʼoeˇ gaˇ duˇ ni, smˇ muiˬ muiˬ-eu tsawˇ haˬ kʼawꞈ, yawˬ ha-euˬ gaˇ-ahˇ kʼoꞈ gʼa luꞈ ngeh ya luˬ ya seˇ-iˇ tehꞈ-a.