Iˇsaˬyaˇ 40:27 - Akha

²⁷ Teu miˇ neh Iˇsaˬleˬlaˆ-oˇ, nawˬ-euˬ shaˬ zahˬ Sahˬpaˬ Miˬyehˇ maˬ siˬ nya-ehˇ, maˬ tsaˬ-eu jeˬ nawˇ ya daˬ ngeh, ngehˬ maˬ gʼeh laꞈ nga lehˇ aˬ jeˬ miˇ neh nawˇ mahˇ luꞈ te.

Iˇsaˬyaˇ 40:27 ပူးပေါင်းရင်းမြစ်များ

Yawˇbaˆ 23:14

Ngaˬ-euˬ gʼaˇ duˬ aˬ yawꞈ neh lehˬ hmˬ taˬ-euˬ loꞈ-ehˇ aˬ yawꞈ mˇ byah tehꞈ-a. Kʼoeˇ loꞈ-ehˇ lehˬ hmˬ taˬ-euˬ jeˬ aˬ yawꞈ-euˬ nui ma laꞈ kʼoeˇ maˬ ehˇ jiˇ coeˇ ni jaˆ luꞈ meh.

Yawˇbaˆ 27:2

“Ngaˬ-euˬ kʼoeˇ taˆ yaw tsaˬ yaw dawˇ jeˬ maˬ bi keuˆ le-ehˇ, ngaˇ yaw dehꞈ dehꞈ-eu jeˬ-ahˇ kʼaˬ jehꞈ ni bi pyeuꞈ laˇ-euˬ gʼaˬ pyeuꞈ-eu, Baoˬ huiˬ-eu Miˬyehˇ mehˬ shi ngaˇ heu loꞈ-ehˇ ehˇ tsehˆ-eu ma.

Yawˇbaˆ 34:5

Yawˇbaˆ aˬ yawꞈ iˬ baˇ maˬ ahˇ gaˇ, Miˬyehˇ yaw tsaˬ yaw dawˇ dawˇ-ehˇ maˬ jahˇ nehˬ laꞈ nga lehˇ ehˇ luꞈ-eu meh.

Iˇsaˬyaˇ 25:1

Sahˬpaˬ Miˬyehˇ-oˇ, nawˇ ngaˬ-euˬ Miˬyehˇ ma. Nawˬ-ahˇ ngaˇ taˬ huiˬ taˬ mahˇ-awˇ, nawˬ-euˬ tsawˇ myahˇ-ahˇ ja ceuˬ ma. Zahˬ leˇ paˬ-ehˇ gʼeh-eu gaˇ deuˬ nawˇ mˇ-euˬ meh. Aˇ hu ba neh nawˬ neh kʼaˇ noeˬ taˬ-euˬ jeˬ, saˇ jaˇ ziꞈ-eu laꞈ kʼoeˇ nawˇ mˇ byah luꞈ-eu meh.

Iˇsaˬyaˇ 44:21

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ-oˇ, gaˇ kawˆ heu-ahˇ nawˇ taˬ ngehˇ. Nawˇ ngaˬ-euˬ zaˬ kʼaˆ pyeuꞈ-eu gaˇ kawˆ-ahˇ taˬ ngehˇ. Ngaˬ-euˬ zaˬ kʼaˆ bi geuꞈ-eu lehˇ nawˬ-ahˇ ngaˬ neh beh-awˇ, nawˬ-ahˇ ngaˇ tiˬ jawˇ-iˬ maˬ byehˇ dzeh ma.

Iˇsaˬyaˇ 49:14

Ehˇ kʼawꞈ, Yeˬluˇsaˬlehˬ tsawˇ haˬ ehˇ-eu, “Sahˬpaˬ Miˬyehˇ nga maꞈ-ahˇ byehˇ dzeh laꞈ-euˬ meh. Nga maꞈ-ahˇ aˬ yawꞈ ngehˇ-euˬ meh.”

Iˇsaˬyaˇ 49:4

Ehˇ kʼawꞈ, ngaˇ heu loꞈ-ehˇ ehˇ nehˬ-euˬ ma. “Ngaˇ gaˇ mˇ-euˬ noeˬ tmˬ kʼaˇ maˬ za-a. Ngaˬ-euˬ gʼaˬ jiˇ-euˬ kʼawꞈ gaˇ dahˇ maˬ tsoeˬ leˇ-a.” Ehˇ kʼawꞈ Sahˬpaˬ Miˬyehˇ noeˬ muiˬ nehˬ laꞈ gaˇ noeˬ tmˬ ma. Ngaˬ neh mˇ-euˬ aˇ poeˬ aˬ yawꞈ haw tsaˬ nehˬ laꞈ tehꞈ-a.

Iˇsaˬyaˇ 54:8

Nui ma pehˇ dui dui-eu miˇ neh, ngaˬ-euˬ myaˆ pyawˬ tiˬ kʼehˇ laˇ kʼehˬ ciˬ zaꞈ-euˬ ma. Ngaˬ-euˬ nui gaˬ mˬ maˬ maˬ byaˆ zaˇ ziˇ, nawˬ-ahˇ bi mawˇ ma” lehˇ, nawˬ-ahˇ ka kʼoꞈ-euˬ Sahˬpaˬ Miˬyehˇ ehˇ-eu meh.

1 Saˬmeuˬlaˆ 27:1

Daˬbiˇ-euˬ nui ma laꞈ kʼoeˇ heu loꞈ-ehˇ shaˇ noeˬ luꞈ-eu meh. “Sawˇluˆ ngaˬ-ahˇ sehꞈ laˇ-eu aˇ nah tiˬ nah jaˆ laˇ-eu nga. Piˇliˇtiˆ miˇ kʼahˬ-ahˇ cehˆ jawˇ-iˇ-eu-aˬ, ngaˬ-euˬ gʼaˇ duˬ zaˬ dzehˬ-eu nga. Kʼoeˇ loꞈ-ehˇ jahˇ naˇ, Iˇsaˬleˬlaˆ miˇ kʼahˬ laꞈ kʼoeˇ Sawˇluˆ ngaˬ-ahˇ maˬ paˇ poˆ nya-eu miˇ neh, ngaˇ ya buˬ-iˇ tehꞈ-a.”