Aˬ yawꞈ maꞈ-aˬ, iˬ ma laˆ shaˆ lawˇ taw jawˇ-eu tsawˇ jeuˬ deuˬ hawˇ-eu, iˇ jaw lahˇ deuˬ laꞈ kʼoeˇ jawˇ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh. Heu-aˬ, tsawˇ jeuˬ beu gaˇ-awˇ, miˇ kʼahˬ maˬ taꞈ-eu Yaˬpahˇ-euˬ zaˬ deuˬ uˆ deuˬ pyeuꞈ-eu meh. Aˬ yawꞈ maꞈ yawˬ ha tsawˇ jeuˬ-euˬ dawˬ yawˬ ha baw-eu meh.
Iˇsaˬyaˇ 40:15 - Akha15 Miˬyehˇ mehˬ shi miˇ kʼahˬ tsawˇ jeuˬ dawˬ tawˆ, iˇ cuꞈ tiˬ dzaˆ loˆ ni tehꞈ meh. Gaˇ mahˇ kaˬ gaˇ jaˆ-eu iˇ jaw lahˇ kʼoeˇ deuˬ kʼawꞈ, kʼaˬ lehˇ loꞈ-ehˇ pyaˇ sawˆ ni gʼeh-eu meh. အခန်းကိုကြည့်ပါ။ |
Iˇsaˬyaˇ 40:15
17 ပူးပေါင်းရင်းမြစ်များ
Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.
Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. “Ehˇ kʼawꞈ aˬ yawꞈ maꞈ tiˬ paˆ na deuˬ-ahˇ ngaˇ maˬ kʼehˬ ni bi dzeuˇ-iˇ-awˇ, ngaˇ tsawˇ myahˇ doˆ-eu gaˇ kawˆ maˬ ya gaˬ haw-ehˇ, ngaˬ-euˬ baoˬ hawˇ-eu yaw shehꞈ kʼahˬ sehˇ-ahˇ maˬ ya mawˇ haw-euˬ tsawˇ jeuˬ deuˬ hawˇ-eu, gaˇ mahˇ kaˬ gaˇ jaˆ-eu miˇ kʼahˬ deuˬ-ahˇ, aˬ yawꞈ maꞈ-ahˇ ngaˇ pyehˬ gʼeh ma. Saˬbeˬ miˇ kʼahˬ hawˇ-eu Liˆbyaˇ miˇ kʼahˬ-ahˇ maˬ ehˇ, kaˆ beuˆ nya dui dui-eu deuˬ jawˇ-eu Luˇdeˬ miˇ kʼahˬ-ahˇ maˬ ehˇ, Tuˇbaˬlaˇ miˇ kʼahˬ hawˇ-eu Heˬlaˬsaˇ miˇ kʼahˬ-ahˇ maˬ ehˇ, aˬ yawꞈ maꞈ-ahˇ ngaˇ pyehˬ gʼeh ma. Miˇ kʼahˬ heu deuˬ laꞈ kʼoeˇ, ngaˬ-euˬ yaw shehꞈ kʼahˬ sehˇ gaˇ kawˆ aˬ yawꞈ maꞈ ja byah tehꞈ-a.
Kʼoeˇ naˇ, iˬ ma laˆ shaˆ paw neh aˬ cawˬ miˇ kʼahˬ-ahˇ aˬ yawꞈ guiˇ deuˆ-awˇ, gʼawˬ mya kʼahˬ-ahˇ deuˆ gʼaˬ tehꞈ-a. Ehˇ kʼawꞈ, aˬ cawˬ tsawˇ jeuˬ-euˬ aˬ yuiꞈ aˬ tsu tiˬ gʼaˬ aˬ yawꞈ-ahˇ guiˇ deuˆ gʼaˬ-awˇ, aˬ yawꞈ neh aˬ dzawˬ aˇ gah gah-euˬ jeˬ aˇ saˬ bi saˬ tehꞈ-a. Aˬ diˇ aˬ maˇ Suˇliˆ sahˬ paˬ neh mˇ-euˬ yaw doeˇ jeˬ, Suˇliˆ sahˬ paˬ kʼoeˇ taˆ paˇ keuˆ le ni aˬ yawꞈ jahˇ kʼoꞈ nehˬ tehꞈ-a.
Tsawˇ haˬ baꞈ tsahˬ laꞈ kʼoeˇ nawˬ-ahˇ teh dzeh-awˇ, bawˇ tsahˬ jeˬ zaˬ nehˬ-ehˇ ya jawˇ-iˇ-awˇ, shiꞈ kʼoꞈ keuˆ ni mawˇ neˇ loꞈ-ehˇ yaˇ moꞈ ya dzaˬ tehꞈ-a. Kʼoeˇ ngeh jawˇ, dawˬ tawˆ kʼoeˇ taˆ huiˬ-eu Miˬyehˇ tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, nawˇ siˬ duˬ tehꞈ-a.”
ကြော်ငြာတွေ