Iˇsaˬyaˇ 4:5 - Akha

⁵ Kʼoeˇ naˇ, Ziˇoˬ gawˬ jawˬ hawˇ-eu kʼoeˇ gaˇ kʼaˇ uiˬ leˇ taˬ-euˬ tsawˇ haˬ deuˬ kʼoeˇ taˆ, nah gʼahˇ paw Sahˬpaˬ Miˬyehˇ mˬ dmˇ pyehˬ gʼeh leꞈ-awˇ, uˬ ciꞈ paw miˬ dzaˬ miˬ lmˇ hawˇ-eu uˬ kʼoeˬ pyehˬ gʼeh leꞈ tehꞈ-a. Meuˬ meuˬ lah ni kʼoeˇ taˆ Miˬyehˇ-euˬ yaw shehꞈ kʼahˬ sehˇ uˆ tehˬ-awˇ, haw piˇ nehˬ tehꞈ-a.

Iˇsaˬyaˇ 4:5 ပူးပေါင်းရင်းမြစ်များ

Neˬhaˬmiˇ 9:12

Nah gʼahˇ paw mˬ dmˇ neh gaˇ ma mehˬ-awˇ, uˬ ciꞈ paw miˬ dzaˬ bya nehˬ-eu laꞈ kʼoeˇ, aˬ yawꞈ maꞈ-ahˇ nawˇ sheuˬ gʼeh-euˬ meh.

Jaceuq 105:39

Aˬ yawꞈ-euˬ tsawˇ haˬ deuˬ-ahˇ mˬ dmˇ joe shmˇ nehˬ-awˇ, uˬ ciꞈ paw miˬ dzaˬ yaw shehꞈ bya nehˬ-euˬ meh.

Jaceuq 111:1

Sahˬpaˬ Miˬyehˇ-ahˇ ja ceuˬ-awˬ. Sahˬpaˬ Miˬyehˇ-euˬ tsawˇ haˬ deuˬ uiˬ laˇ taˬ-euˬ mehˬ shi, ngaˬ-eu nui ma gʼawˇ mawˇ dawˬ tawˆ luꞈ, Sahˬpaˬ Miˬyehˇ-ahˇ ja ceuˬ ma.

Jaceuq 78:14

Nah gʼahˇ paw mˬ dmˇ neh bi sheuˬ gʼeh-euˬ meh.

Jaceuq 85:9

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ-ahˇ aˬ diˇ aˬ maˇ ka kʼoꞈ nehˬ-awˇ, ka kʼoꞈ-eu guiˬ lahˬ yaw dzahˇ aˬ dui-euˬ miˇ kʼahˬ heu kʼoeˇ taˆ jaˆ tehꞈ-a.

Jaceuq 89:7

Muiˬ-eu shawˇ-eu deuˬ-euˬ baꞈ dzah laꞈ kʼoeˇ, nawˬ-ahˇ yaw zeu ya baw-awˇ, dawˬ tawˆ luꞈ nawˬ-euˬ mehˬ shi tsoˆ leˇ-awˇ yawꞈ-eu meh.

Doˆ-iˇ 14:24

Sahˬpaˬ Miˬyehˇ-aˬ, uˬ bya maˬ bya shawˇ laˇ mi naˆ-ehˇ, mˬ dmˇ kʼawˇ zeuˇ hawˇ-eu miˬ dzaˬ kʼawˇ zeuˇ jaˆ gaˇ neh Iˇjiˇtuˆ guiˇ maꞈ jawˇ gaˇ haw ka gʼeh-awˇ, laˆ bahˬ laˆ baˆ nehˬ-awˇ bi shaˬ-euˬ meh.

Doˆ-iˇ 24:16

Sahˬpaˬ Miˬyehˇ-euˬ yaw shehꞈ kʼahˬ sehˇ Siˇnaˆ gawˬ jawˬ kʼoeˇ taˆ zaꞈ le-awˇ, koꞈ nah keuˆ ni gawˬ jawˬ kʼoeˇ jawˬ-ahˇ mˬ dmˇ dehˬ kaˬ taˬ-euˬ meh. Shiꞈ nah tiˬ nah-ahˇ, mˬ dmˇ laꞈ kʼoeˇ neh, Moˇseˬ-ahˇ Sahˬpaˬ Miˬyehˇ kuˇ-euˬ meh.

Doˆ-iˇ 26:1

“Nyoeˇ leuˬ leuˬ-eu, neˇ naˆ naˆ-eu hawˇ-eu neˇ tseuˆ ni gʼeh-eu saˬ kahˇ deuˬ neh zaꞈ taˬ-awˇ, Jeˬluˇbeˬ aˇ baˇ aˇ boꞈ boꞈ taˬ-euˬ shawˇ jehˆ ni gʼeh-eu saˬ paˇ tseˇ dzeh yuˇ-awˇ, Ngaˇ jawˇ-eu gʼaˇ duˬ, muiˬ-eu shawˇ-eu sehˬ gʼawˆ tsoˆ-awˬ.

Doˆ-iˇ 26:7

“Sehˬ gʼawˆ-ahˇ joe kaˬ-eu gʼaˇ duˬ, ciꞈ myehꞈ caꞈ hm neh saˬ paˇ tseˇ tiꞈ dzeh zaꞈ-awˬ.

Iˇsaˬyaˇ 32:18

Miˬyehˇ-euˬ tsawˇ haˬ deuˬ kʼahˬ lahˇ kʼaˇ maˬ za-ehˇ, nui saˇ oꞈ-eu nymˇ jiˇ laꞈ kʼoeˇ ya jawˇ tehꞈ-a.

Iˇsaˬyaˇ 33:20

Aˬ dui uˬ duˬ tahˬ-eu zahˇ sahˇ kʼoꞈ bawˬ-iˬ gʼeh-euˬ, Ziˇoˬ meuˬ-ahˇ haw sheˇ. Yeˬluˇsaˬlehˬ meuˬ-ahˇ haw gʼeh-iˬ sheˇ. Aˇ naˆ ni nui saˇ oꞈ-eu jawˇ duˬ pyeuꞈ-eu nga. Daˇtaꞈ tiˬ jawˇ-iˬ maˬ gʼeu lehˆ doˆ-ehˇ, aˇ caˆ tsehˆ-iˇ-euˬ maˬ baw-eu, jawˇ zaˇ maˬ paˇ-eu sehˬ gʼawˆ-ahˇ duˇ leˇ-eu meh.

Iˇsaˬyaˇ 37:35

Ngaˬ-euˬ myaˆ pyawˬ naˇ mehˇ gʼaˇ duˬ maˬ ehˇ, ngaˬ-euˬ zaˬ kʼaˆ Daˬbiˇ-ahˇ ngaˬ neh saˇ jaˇ dzaˬ taˬ-euˬ baˬ da neh maˬ ehˇ, meuˬ heu meuˬ-ahˇ ngaˇ bo saˆ haw piˇ ma.’ lehˇ ehˇ taˬ-euˬ meh.”

Iˇsaˬyaˇ 46:13

Gʼaˬ leˇ-eu aˇ nah kʼoeˇ ngaˇ bi peh le luꞈ ma. Gaˇ mahˇ maˬ paˇ kaˬ meh. Ngaˇ gʼaˬ leˇ-eu aˇ nah maˬ paˇ nyi naˬ nya meh. Yeˬluˇsaˬlehˬ meuˬ-ahˇ ngaˇ ka kʼoꞈ-awˇ, Iˇsaˬleˬlaˆ-ahˇ kʼoeˇ gaˇ ciˬ huiˬ nehˬ ma.”

Iˇsaˬyaˇ 60:1

Yeˬluˇsaˬlehˬ meuˬ-oˇ, tuˇ-awˬ. Nawˬ-euˬ yaw shehꞈ keuˆ le-euˬ meh. Sahˬpaˬ Miˬyehˇ-euˬ yaw shehꞈ kʼahˬ sehˇ, nawˬ-euˬ kʼoeˇ taˆ doˆ laˇ luꞈ meh.

Iˇsaˬyaˇ 60:2

Tsawˇ jeuˬ nui deuˬ yaw zahˇ bi pymˬ tehˬ kʼawꞈ, nawˬ-euˬ kʼoeˇ taˆ Sahˬpaˬ Miˬyehˇ-euˬ yaw shehꞈ bya le-awˇ, aˬ yawꞈ yaw shehꞈ kʼahˬ sehˇ nawˬ nehˬ-ehˇ jawˇ tehꞈ-a.

Maꞈtehˬ 18:20

Aˬ jeˬ miˇ neh ehˇ naˇ, ngaˬ-euˬ tsawˇ myahˇ uˬ moˆ tsawˇ haˬ nyiˬ gʼaˬ smˇ gʼaˬ kʼaˇ uiˬ leˇ ngeh, aˬ yawꞈ maꞈ-euˬ gʼahˇ ceh ngaˇ jawˇ ma.”

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”