Iˇsaˬyaˇ 4:4 - Akha

⁴ Sahˬpaˬ Miˬyehˇ aˬ yawꞈ-euˬ baoˬ-ahˇ gʼoe-awˇ, aˬ yawꞈ-euˬ tsawˇ jeuˬ-ahˇ yaˇ kʼaˬ daˇ-awˇ bi muiˬ bi shawˇ laˇ-eu laꞈ kʼoeˇ, Yeˬluˇsaˬlehˬ meuˬ-euˬ iˬ baˇ hawˇ-eu, kʼoeˇ gaˇ yoeˇ dzeh-euˬ shiˬ deuˬ tsiˬ shawˇ nehˬ tehꞈ-a.

Iˇsaˬyaˇ 4:4 ပူးပေါင်းရင်းမြစ်များ

Jaceuq 51:2

Ngaˬ-euˬ laꞈ kʼoeˇ ahˇ-eu yaw haiˬ jeˬ dawˬ tawˆ luꞈ-ahˇ tsiˬ shawˇ nehˬ laꞈ-awˇ, iˬ baˇ laꞈ kʼoeˇ ngaˬ-ahˇ bi shawˇ-iˇ laꞈ-awˬ.

Dawˬ caˇ 3:11

Ziˇoˬ meuˬ-ahˇ jawˇ-eu zaˬ miˬ zaˬ deuˬ-oˇ, sahˬ paˬ Sawˇlaˬmoˬ-ahˇ haw laˇ sheˇ. Aˬ yawꞈ gʼaˇ duˬ byawˬ dui dui-eu aˇ nah pyeuꞈ-eu, oeˇ mˇ baˇ ngeh nah-ahˇ, aˬ yawꞈ aˬ ma neh nyehꞈ kʼoˆ nehˬ-eu shuiˇ uˬ kʼoˆ kʼoeˇ siˬ aˬ yawꞈ kʼoˆ luꞈ-eu meh.

Iˇsaˬyaˇ 1:15

Naw maꞈ aꞈ laꞈ cawˬ ja-awˇ guiˬ lahˬ shaˇ ngeh, naw maꞈ-ahˇ ngaˇ maˬ haw cawˬ. Naw maꞈ-euˬ aˬ laꞈ-ahˇ shiˬ lehꞈ-eu miˇ neh, naw maꞈ guiˬ lahˬ shaˇ sehꞈ leꞈ kʼawꞈ, ngaˇ maˬ naˇ haˬ nehˬ.

Iˇsaˬyaˇ 1:25

Nawˬ-ahˇ ngaˇ do yuˇ ma. Pyuˇ baw guiˇ-awˇ laˆ shawˇ geuꞈ-eu loꞈ-ehˇ, nawˬ-euˬ iˬ baˇ ngaˇ laˆ shawˇ ma.

Iˇsaˬyaˇ 1:31

Miˬ dzaˬ miˬ dzuiꞈ baˬ da neh gʼoˆ yoeˬ puiˆ dzaˬ-eu loꞈ-ehˇ, baoˬ ahˇ-eu tsawˇ haˬ neh mˇ-euˬ yaw haiˬ jeˬ yaw sahˇ deuˬ-ahˇ paˇ puiˆ dzaˬ-awˇ, deh miˆ nehˬ-eu gʼaˬ maˬ jawˇ-a.

Iˇsaˬyaˇ 27:9

Lawˇ ciꞈ zaˬ-euˬ lawˇ duˬ kʼaˬ lo kʼoeˇ deuˬ, lu boeˬ kʼaˬ lo loꞈ-ehˇ deh meuˇ jiˇ-awˇ, yaw saw jeˬ doꞈ damˬ-euˬ lawˇ duˬ hawˇ-eu, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ, tiˬ hmˬ kʼaˇ dzeˇ kʼoeˇ keuˆ ni, Iˇsaˬleˬlaˆ tsawˇ jeuˬ-ahˇ iˬ baˇ maˬ pyehˬ nehˬ-a.

Iˇsaˬyaˇ 28:6

Yaˇ kʼaˬ daˇ-eu tsawˇ haˬ deuˬ-ahˇ, yaw tsaˬ yaw dawˇ jeˬ aˬ yawꞈ biꞈ-awˇ, meuˬ lahˇ kʼehˬ-ahˇ guiˇ deuˆ piˇ-eu tsawˇ haˬ deuˬ-ahˇ, gʼaˬ biꞈ lahˬ nehˬ tehꞈ-a.

Iˇsaˬyaˇ 9:19

Baoˬ huiˬ-eu Sahˬpaˬ Miˬyehˇ-euˬ nui pehˇ baˬ da neh, miˇ kʼahˬ kʼahˬ lah-ehˇ miˬ dzaˬ doꞈ laˇ tehꞈ-a. tsawˇ haˬ zaˬ miˬ dzaˬ miˬ doꞈ loꞈ-ehˇ bi puiˆ dzaˬ-awˇ, mehˇ nmˇ yaw kaˬ gʼawˬ shaˬ maˬ gaˬ nya-aˇ.

Iˇsaˬyaˇ 9:5

Guiˇ deuˆ-eu deuˬ nawˬ-eu sehˬ nawˆ hawˇ-eu shiˬ lehꞈ-eu aˬ yawꞈ maꞈ-euˬ mehˬ tsoeˬ miˬ dzaˬ-ahˇ bi dzah puiˆ jiˇ tehꞈ-a.

Yeˬlaˬmiˇ 9:6

Kʼehˬ-eu kʼoeˇ taˆ kʼaˆ-eu jeˬ baꞈ bymˇ-awˇ, jaˬ myawꞈ kʼoeˇ taˆ mehˇ shuiˇ geu daˆ-eu meh. “Aˬ yawꞈ maꞈ ngaˬ-ahˇ maˬ haw nahˇ-a” lehˇ, Sahˬpaˬ Miˬyehˇ ehˇ luꞈ-eu meh.

Ngoeˇ dawˬ 1:9

Pi di yaw jawꞈ mawˇ jiˇ laˇ-awˇ, yawˬ ha-euˬ daˬ maˬ shaˇ noeˬ-a. Coˬ dzeh-iˇ-euˬ naˇ dui dui-awˇ, haw cawˬ nehˬ-eu gʼaˬ maˬ jawˇ-a. “Sahˬpaˬ Miˬyehˇ ngaˬ-ahˇ haw sheˇ. Muiˇ-eu deuˬ ngaˬ-ahˇ gʼaˬ leˇ-awˇ, ngaˇ ya daˬ luꞈ gaˇ haw le sheˇ.”

Yeˬsaˬgeˬlaˇ 22:15

Nawˬ-euˬ tsawˇ haˬ deuˬ-ahˇ miˇ kʼahˬ yawˬ kʼahˬ na luꞈ doe ni, aˬ cawˬ tsawˇ jeuˬ kʼaˇ jawˇ gaˇ ngaˇ teh byaˆ nehˬ-awˇ, nawˬ neh mˇ-euˬ yaw haiˬ jeˬ aˇ saˬ bi saˬ ma.

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Yeˬsaˬgeˬlaˇ 36:29

Naw maꞈ-ahˇ kʼaˇ bi jawꞈ-iˇ-eu yawˬ jeˬ na luꞈ laꞈ kʼoeˇ ngaˇ ka kʼoꞈ ma. Naw maꞈ tiˬ jawˇ-iˬ maˬ paˇ ya mehꞈ ya shuꞈ-eu gʼaˇ duˬ, dzaˬ la gʼo cehˇ za le ni ngaˇ dawˬ biꞈ ma.

Yawˇlaˆ 3:21

Shiˬ laˆ yoeˇ-euˬ tsawˇ haˬ deuˬ-ahˇ, maˬ bi dzeuˇ-iˇ ni kʼehˬ nehˬ ma. Sahˬpaˬ Miˬyehˇ pyeuꞈ-eu ngaˇ-aˬ, Ziˇoˬ gawˬ jawˬ kʼoeˇ taˆ jawˇ ma.”

Zeˬpaˬniˇ 3:1

Aˬ cawˬ-ahˇ nawˬ dzaˬ kʼaˆ dzaˬ-awˇ, yaw cawˆ mˇ-awˇ puiˬ mawꞈ-eu meuˬ, yaw kʼaˆ-ehˇ ya noeˬ shaˬ tehꞈ-a.

Zaˬkaˬliˇ 13:1

Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-euˬ iˬ baˇ yaw jawꞈ yaw laꞈ tsiˬ shawˇ-eu gʼaˇ duˬ, iˇ cuꞈ lawˇ kʼawꞈ tiˬ gawˆ pah tehꞈ-a.

Zaˬkaˬliˇ 13:9

Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Maꞈtehˬ 23:37

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ nawˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ uˬ moˆ ya ciˆ ya zaˬ deuˬ-ahˇ uˆ kaˬ nehˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-eu nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-a.