Iˇsaˬyaˇ 4:1 - Akha

¹ Aˇ nah aˇ yamˬ kʼoeˇ keuˆ le ngeh, kʼaˬ dzeˇ zaˬ tiˬ gʼaˬ-ahˇ zaˬ miˬ zaˬ shiꞈ gʼaˬ nyehꞈ cuꞈ-awˇ, heu loꞈ-ehˇ ehˇ tehꞈ-a. “Nga maꞈ ya dzaˬ ya dawˇ, ya dm ya gʼaˬ ni, yawˬ haˇ yawˬ ha mˇ cu nya ma. Ehˇ kʼawꞈ, nga maꞈ kʼaˬ dzeˇ zaˬ maˬ baw-eu miˇ neh, miˬ dzeˇ dzeˇ-iˇ-euˬ nga lehˇ aˬ cawˬ neh bi ehˇ-awˇ daˬ maˬ ya ga ni, nga maꞈ-ahˇ nawˬ-euˬ miˬ zaˬ ma lehˇ myahˇ nehˬ laꞈ-awˬ.”

Iˇsaˬyaˇ 4:1 ပူးပေါင်းရင်းမြစ်များ

Aˇ dahˬ 30:23

Aˬ yawꞈ aˬ nyiˇ pi leˇ-awˇ, aˬ li tiˬ li ciˬ-euˬ meh. Kʼoeˇ ngeh, “Miˬyehˇ ngaˬ-ahˇ aˬ li tiˬ li bi jawˇ le-awˇ, aˬ cawˬ ja bu-eu jeˬ laꞈ kʼoeˇ, ngaˬ-ahˇ bi buˬ-iˇ laꞈ-euˬ meh.

2 Saˬmeuˬlaˆ 6:23

Sawˇluˆ-euˬ aˬ buˇ Miˇkaˬlaˇ-aˬ, ziˇ jiˇ ngeh keuˆ ni zaˬ tiˬ gʼaˬ-iˬ maˬ jawˇ le-a.

Iˇsaˬyaˇ 10:20

Buˬ-iˇ-euˬ Iˇsaˬleˬlaˆ tsawˇ haˬ deuˬ, aˬ yawꞈ maꞈ-ahˇ laˆ cawˆ le-euˬ miˇ kʼahˬ-ahˇ maˬ paˇ gʼoe-ehˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe-eu aˇ nah keuˆ le tehꞈ-a.

Iˇsaˬyaˇ 13:12

Tsawˇ haˬ zaˬ shuiˇ myaˆ-ehˇ maˬ myaˬ ni bi pyeuꞈ-iˇ-awˇ, Awˇpiˇlaˆ miˇ kʼahˬ-ahˇ jaˆ-eu shuiˇ miˇ tsaˬ zaˬ dawˬ tawˆ luꞈ myaˆ maˬ tseˇ myaˬ tehꞈ-a.

Iˇsaˬyaˇ 17:7

Aˇ nah aˇ yamˬ kʼoeˇ keuˆ le ngeh, Beh-euˬ yaw sahˇ Iˇsaˬleˬlaˆ-euˬ muiˬ-eu shawˇ-eu Miˬyehˇ-ahˇ,

Iˇsaˬyaˇ 2:11

Aˬ cawˬ-ahˇ zuiˆ gʼaˬ-euˬ myaˆ nuiˆ ga juˬ-iˇ-awˇ, tsawˇ haˬ zaˬ nui ma huiˬ-eu jeˬ bi nawˬ awˆ tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 2:17

Tsawˇ haˬ zaˬ nui ma huiˬ-eu jeˬ bi dehˬ awˆ-awˇ, jahˇ gʼeh haw-eu nui ma bi gʼeu ka tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 3:6

Tsawˇ haˬ tiˬ gʼaˬ aˬ yawꞈ aˬ da-euˬ nymˇ-ahˇ, aˬ yawꞈ-euˬ mehˇ nmˇ-ahˇ tsuˆ tehˬ-awˇ, “Nawˇ pehˇ kʼahˬ dm gʼoeˬ-eu ahˇ nga siˬ. Teu miˇ neh nga maꞈ kʼoeˇ taˆ aˬ yuiꞈ geuꞈ-awˇ, yaw cawˆ heu deuˬ dawˬ tawˆ luꞈ-ahˇ, haw nehˬ pyaˆ nehˬ laꞈ-awˬ” lehˇ, ehˇ-eu aˇ nah keuˆ le tehꞈ-a.

Iˇsaˬyaˇ 54:4

Maˬ guˆ ni jawˇ-awˬ. Nawˇ ya shaꞈ dawˇ-eu jeˬ maˬ paˇ jaˆ meh. Maˬ noeˬ shaˬ ni dehꞈ-awˬ. Nawˇ daˬ maˬ paˇ ga meh. Miˬ daꞈ daꞈ ngeh nawˇ ya shaꞈ dawˇ-euˬ jeˬ hawˇ-eu, miˬ coeˬ miˬ ma pyeuꞈ ngeh daˬ ga-euˬ jeˬ dawˬ tawˆ, ya ngehˇ byoˆ jiˇ tehꞈ-a.

Yeˬlaˬmiˇ 15:8

Laˆ shaˆ lawˇ deh jaˆ-eu kʼaˇ shuiꞈ maˬ tseˇ, naw maꞈ miˇ kʼahˬ miˬ coeˬ miˬ ma myaˬ meh. Loˆ laˇ-euˬ zaˬ yo deuˬ-ahˇ ngaˇ sehꞈ-awˇ, aˬ ma deuˬ-ahˇ shaˬ zahˬ bi naꞈ-euˬ ma. Guˆ dui dui-iˇ-awˇ laˇ baˇ-iˇ paˬ-ehˇ, aˬ yawꞈ maꞈ kʼoeˇ taˆ ngaˇ shaˆ shiˇ pyehˬ gʼeh-euˬ ma.

Luˇkaꞈ 1:25

Aˬ yawꞈ ehˇ-eu, “Nymˬ-mˇ poˆ jawˇ-aˬ, tsawˇ haˬ mehˬ shi ngaˇ daˬ maˬ paˇ ya ga ni, Sahˬpaˬ Miˬyehˇ ngaˬ-ahˇ caw ba nehˬ laꞈ-euˬ meh.”

Luˇkaꞈ 21:22

Aˬ jeˬ miˇ neh ehˇ naˇ, kʼoeˇ-aˬ, Jaˇliꞈ laꞈ kʼoeˇ kʼaˇ ehˇ taˬ-euˬ jeˬ bi byah laˇ-eu gʼaˇ duˬ, kʼehˬ-eu kʼaˆ-eu aˇ nah deuˬ pyeuꞈ-eu meh.

2 Teˇsaˬloˇni 3:12

Tsawˇ haˬ kʼoeˇ deuˬ yaw muiˬ muiˬ-ehˇ dehꞈ-awˇ yawˬ ha ya dzaˬ ya dawˇ laˇ ni mˇ-eu shaˇ-eu gʼaˇ duˬ, Sahˬpaˬ Yeˬsuˇ Ka li-euˬ tsawˇ myahˇ uˬ moˆ nga maꞈ dawˬ biꞈ-eu ma.

1 Saˬmeuˬlaˆ 1:6

Sahˬpaˬ Miˬyehˇ Haˬnahˬ-ahˇ zaˬ maˬ bi jawˇ le-eu miˇ neh, aˬ yawꞈ nui ma shaˬ zahˬ mˇ-awˇ ya shaꞈ dawˇ ni, aˬ yawꞈ-ahˇ bye-eu Peˬniˇnaˬ gʼaˬ, aˬ yawꞈ-ahˇ ja bu ja doeˇ nehˬ-eu meh.