Iˇsaˬyaˇ 38:20 - Akha

²⁰ Sahˬpaˬ Miˬyehˇ-oˇ, nawˇ ngaˬ-ahˇ laˆ taˬ nehˬ laꞈ-euˬ meh. Nga maꞈ deuˇ-mˬ diˬ-awˇ nawˬ-ahˇ ja ceuˬ-eu ma. Nga maꞈ yaw dehꞈ dehꞈ-eu tiˬ ziˇ, nawˬ-euˬ Uˬ duˬ tahˬ nymˇ nymˇ ma laꞈ kʼoeˇ, ja ceuˬ-eu caˇ dawˬ caˇ-eu ma.

Iˇsaˬyaˇ 38:20 ပူးပေါင်းရင်းမြစ်များ

Jaceuq 104:33

Ngaˬ-euˬ tiˬ ziˇ Sahˬpaˬ Miˬyehˇ-ahˇ caˇ-awˇ ja ceuˬ ma. Ngaˇ saꞈ kʼaˇ gʼawˇ kʼoeˇ keuˆ ni, ngaˬ-euˬ Miˬyehˇ-ahˇ caˇ-awˇ ja ceuˬ ma.

Jaceuq 116:2

Ngaˇ aˬ yawꞈ-ahˇ kʼaˇ kuˇ-eu yawˬ poˆ na luꞈ, aˬ yawꞈ naˇ haˬ nehˬ laꞈ-eu meh.

Jaceuq 145:1

Ngaˬ-euˬ sahˬ paˬ pyeuꞈ-eu ngaˬ-euˬ Miˬyehˇ-oˇ, Nawˇ huiˬ dui mahˇ dui dui-eu gaˇ kawˆ ngaˇ ja gaˬ ma. Mˬ maˬ maˬ byaˆ zaˇ ziˇ nawˬ-euˬ guiˬ lahˬ-ahˇ ngaˇ ja ceuˬ ma.

Jaceuq 145:2

Yawˬ nah na luꞈ nawˬ-euˬ guiˬ lahˬ-ahˇ ngaˇ ja ceuˬ ma. Mˬ maˬ maˬ byaˆ zaˇ ziˇ nawˬ-ahˇ ngaˇ ja ceuˬ ma.

Jaceuq 146:2

Ngaˇ yaw dehꞈ kʼaˇ dehꞈ kʼoeˇ keuˆ ni, Sahˬpaˬ Miˬyehˇ-ahˇ ja ceuˬ ma. Ngaˬ-euˬ Miˬyehˇ-ahˇ tiˬ ziˇ caˇ-awˇ ja ceuˬ ma.

Jaceuq 150:4

Tahˬ diˬ gaˇ nyeh nyeh-awˇ aˬ yawꞈ-ahˇ ja ceuˬ-awˬ. Deuˇ-mˬ diˬ, bawˬ law baw-awˇ ja ceuˬ-awˬ.

Jaceuq 33:1

Yaw tsaˬyaw dawˇtsawˇhaˬdeuˬ-oˇ, SahˬpaˬMiˬyehˇlaꞈkʼoeˇcehˇ-awˬ. Yawꞈ-euˬdawˬnaˇhaˬ-eu tsawˇhaˬ, yawꞈ-ahˇja ceuˬnehˬ-eu geuˇmeh.

Jaceuq 33:2

Deuˇ-mˬdiˬ-awˇja ceuˬnehˬ-awˬ. Tseˇcaˆtsoꞈ-eu deuˇ-mˬ diˬ-awˇ, yawꞈ-euˬguiˬlahˬ-ahˇja ceuˬ-awˬ.

Jaceuq 51:15

Sahˬ paˬ Miˬyehˇ-oˇ, ngaˇ dawˬ ngehˬ nya ni caw ba nehˬ laꞈ. Nawˬ-ahˇ ngaˇ ja ceuˬ ma.

Jaceuq 68:24

Miˬyehˇ-oˇ, nawˇ guiˇ deuˆ gʼaˬ-awˇ cah luꞈ gaˇ, yawˬ gʼaˬ na luꞈ mawˇ luꞈ meh. Ngaˬ-euˬ sahˬ paˬ pyeuꞈ-eu Miˬyehˇ-aˬ, aˬ yawꞈ-euˬ muiˬ-eu shawˇ-eu jawˇ duˬ-ahˇ iˇ luꞈ meh.

Jaceuq 68:25

Caˇ dawˬ caˇ-eu deuˬ mehˬ hu paw cah-awˇ, bawˬ law baw, deuˇ-mˬ diˬ-eu deuˬ mehˬ nah paw cah-awˇ, cehˇ lehˇ ciˆ-eu zaˬ miˬ aˬ buˇ deuˬ gʼahˇ ceh cah luꞈ meh.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Yawˇnaˆ 2:10

Kʼoeˇ naˇ, Yawˇnaˆ-ahˇ lawˇ deh-ahˇ meh dzeh doˆ-eu gʼaˇ duˬ ngaˬ shaˬ kʼoeˇ mawˇ-ahˇ Sahˬpaˬ Miˬyehˇ dawˬ biꞈ-awˇ, ngaˬ shaˬ kʼoeˇ mawˇ Yawˇnaˆ-ahˇ meh dzeh doˆ-euˬ meh.

Haˬbaˬkuˆ 3:19

Sahˬpaˬ Miˬyehˇ ngaˬ-euˬ Miˬyehˇ, ngaˬ-euˬ gʼaˬ kʼaˆ duˬ pyeuꞈ-eu ma. Kʼaˬ tsehˆ loꞈ-ehˇ kuiˇ toꞈ ziꞈ-awˇ, yaw goˇ-ahˇ daˆ keuˆ leˇ nya ni, aˬ yawꞈ ngaˬ-ahˇ gʼaˬ biꞈ-eu meh.