Iˇsaˬyaˇ 38:16 - Akha

¹⁶ Sahˬpaˬ Miˬyehˇ-oˇ, nawˬ-euˬ gʼaˇ duˬ ngaˇ dehꞈ ma. Nawˬ-euˬ gʼaˇ duˬ tehꞈ-ehˇ yaw dehꞈ dehꞈ ma.

Iˇsaˬyaˇ 38:16 ပူးပေါင်းရင်းမြစ်များ

Jaceuq 119:25

Ngaˇ noeˬ dui-awˇ kʼaˬ lehˇ tsahˬ-ahˇ ga luꞈ-eu ma. Nawˬ neh saˇ jaˇ dzaˬ taˬ-euˬ loꞈ-ehˇ gʼaˬ yaw shuiꞈ biꞈ laꞈ-awˬ.

Jaceuq 119:71

Ngaˬ-ahˇ kʼehˬ nehˬ kʼaˆ nehˬ laꞈ-euˬ jeˬ muiˬ-eu meh. Aˬ jeˬ miˇ neh ehˇ naˇ, nawˬ-euˬ dawˬ-ahˇ ngaˇ siˬ nya laˇ ni jahˇ nehˬ laꞈ-euˬ meh.

Jaceuq 119:75

Sahˬpaˬ Miˬyehˇ-oˇ, nawˇ yaˇ kʼaˬ daˇ-eu jeˬ yaw tsaˬ yaw dawˇ meh lehˇ ngaˇ siˬ nya ma. Nawˇ saˇ jaˇ ziꞈ-eu miˇ neh ngaˬ-ahˇ kʼehˬ nehˬ laꞈ-euˬ meh lehˇ ngaˇ siˬ nya ma.

Jaceuq 30:3

Shiˇ-eu lmˬbymˇ maˬbi keuˆni, ngaˬ-euˬsaꞈlaˇ-ahˇ ka kʼoꞈ-awˇ, duˬkʼahˬ-ahˇmaˬbi ga byoˆni, ngaˬ-ahˇnawˇbi dehꞈlaꞈ-euˬmeh.

Jaceuq 39:13

Tiˬjawˇ-iˬ maˬpaˇgʼoꞈlaˇ ni, ngaˇmaˬya iˇbyoˆ-euˬnmˇkaˬ, laˬkʼaˬcehˇ-eu tiˬkʼehˬ oꞈ ni, nawˇmaˬhaw tsoˆni bi dehꞈlaꞈ.

Jaceuq 71:20

Ngaˬ-euˬ kʼoeˇ taˆ shaˬ zahˬ naˇ gawˇ nawˇ bi keuˆ le-euˬ meh. Ehˇ kʼawꞈ, nawˇ ngaˬ-ahˇ gʼaˬ paˇ bi kʼoꞈ laˇ-awˇ, shiˇ-eu miˇ kʼahˬ-ahˇ maˬ ya keuˆ ni ka kʼoꞈ nehˬ laꞈ tehꞈ-a.

Iˇsaˬyaˇ 64:5

Yaw tsaˬ yaw dawˇ jeˬ mˇ gaˇ laˬ kʼaˬ cehˇ-eu deuˬ hawˇ-eu, nawˬ-euˬ nui kʼahˇ poˆ-eu deuˬ-ahˇ nawˇ maˬ ngehˇ-a. Nawˇ nga maꞈ-ahˇ nui ma pehˇ kʼawꞈ, nga maꞈ iˬ baˇ mˇ-eu maˬ byehˇ dzeh-aˬ. Nawˇ nui ma pehˇ dui dui-euˬ kʼawꞈ, aˇ hu ba neh yaw lehˬ jeˬ nga maꞈ mˇ ka leꞈ-euˬ ma.

Maꞈtehˬ 4:4

Yeˬsuˇ ehˇ-eu, “‘Dzaˬ-eu jeˬ baˬ da neh tehꞈ-ehˇ tsawˇ haˬ zaˬ yaw dehꞈ dehꞈ nya-eu maˬ ngeuˇ-a. Miˬyehˇ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ baˬ da neh dehꞈ nya-eu meh’ lehˇ, Jaˇ liꞈ laꞈ kʼoeˇ boꞈ taˬ-euˬ meh.”

1 Gawˇliˬtu 11:32

Ehˇ kʼawꞈ, Sahˬpaˬ Yeˬsuˇ aˬ dui-ahˇ yaˇ kʼaˬ daˇ-awˇ kʼehˬ nehˬ laꞈ-eu kʼoeˇ-aˬ, miˇ tsaˬ zaˬ deuˬ nehˬ-ehˇ tiˬ kawˆ loꞈ-ehˇ yaˇ kʼaˬ daˇ nehˬ-eu jeˬ-ahˇ maˬ bi daˬ-eu gʼaˇ duˬ pyeuꞈ-eu meh.

2 Gawˇliˬtu 4:17

Tiˬ kʼehˬ tiˬ yamˬ laꞈ kʼoeˇ nga maꞈ ya daˬ luꞈ-eu ehˇ nyaꞈ maˬ nyeuˆ-eu shaˬ zahˬ heu-aˬ, maˬ shaˇ cehˆ nya gaˇ keuˆ ni huiˬ-eu mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ-ahˇ za nya ni lehˬ hmˬ luꞈ gaˇ duˇ-eu ma.

Dawˬmehˬ 8:3

Aˬ yawꞈ naw maꞈ-ahˇ bi mehꞈ bi shuꞈ-awˇ, naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ ya dzaˬ haw-euˬ maˬ naˆ kaˬ muˇ naw maꞈ-ahˇ aˬ yawꞈ bi dzaˬ-euˬ meh. Dzaˬ-eu dawˇ-eu jeˬ -ahˇ tehꞈ-ehˇ gʼoe-awˇ tsawˇ haˬ zaˬ yaw dehꞈ ya dehꞈ-eu maˬ ngeuˇ-a. Ehˇ kʼawꞈ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ jeˬ baˬ da neh tsawˇ haˬ zaˬ yaw dehꞈ ya dehꞈ-eu gaˇ kawˆ naw maꞈ-ahˇ mehˬ nehˬ tsoˆ nehˬ mawꞈ-euˬ miˇ neh, aˬ yawꞈ kʼoeˇ loꞈ-ehˇ mˇ mehˬ-euˬ meh.

HeˬByehˇ 12:9

Aˬ dui-euˬ zaˬ baw aˬ da deuˬ kʼawꞈ, aˬ dui-ahˇ diˬ laˇ-eu meh. Ehˇ kʼawꞈ, yawˬ ha-euˬ aˬ da-ahˇ aˬ dui yaw zeu baw-eu ma. Toˆ-ehˇ ngeuˇ naˇ, mˬ kʼoeˇ taˆ jawˇ-eu aˬ dui-euˬ Aˬ da pyeuꞈ-eu Miˬyehˇ-ahˇ aˬ dui aˇ naˆ ni yaw zeu baw-awˇ dehꞈ paˬ nga.