Iˇsaˬyaˇ 38:15 - Akha

¹⁵ Sahˬpaˬ Miˬyehˇ neh mˇ-euˬ gaˇ heu-ahˇ, ngaˇ aˬ jeˬ paˇ ehˇ leˇ nya nmˇ. Ngaˬ-euˬ nui ma naˇ-eu miˇ neh, maˬ yuꞈ kʼaˆ leˇ coeˇ nya.

Iˇsaˬyaˇ 38:15 ပူးပေါင်းရင်းမြစ်များ

1 Sahˬpaˬ 21:27

Eˇliˇyaˆ dawˬ ngehˬ gʼaˬ ngeh, Aˬhaˆ gʼaˬ yawˬ ha-euˬ mehˬ tsoeˬ gʼeu pyaˬ gʼeu shaˇ-awˇ, guˬ daˇ pehˇ zeuˇ mehˬ tsoeˬ dm-euˬ meh. Aˬ yawꞈ maˬ dzaˬ maˬ dawˇ ni, guˬ daˇ pehˇ zeuˇ dm-awˇ yuꞈ-eu laꞈ kʼoeˇ, noeˬ shaˬ dui dui-awˇ myaꞈ dehˬ ni pyeuꞈ-iˇ-euˬ meh.

2 Sahˬpaˬ 4:27

Ehˇ kʼawꞈ, Eˇliˇshehˇ jawˇ gaˇ aˬ yawꞈ laˇ keuˆ ngeh, Eˇliˇshehˇ-euˬ aˬ kuiˇ-ahˇ aˬ yawꞈ byaˇ cuꞈ taˬ-euˬ meh. Kʼoeˇ ngeh, zaˬ miˬ zaˬ kʼoeˇ gʼaˬ-ahˇ Geˬhaˬziˇ gʼeu dzeh-eu lehˇ gʼeh-eu meh. Ehˇ kʼawꞈ, Eˇliˇshehˇ ehˇ-eu, “Aˬ yawꞈ-ahˇ taˬ gʼeu dzeh. Aˬ yawꞈ nui ma cawˆ dui dui luꞈ-eu nawˇ maˬ mawˇ te loˇ. Gaˇ kawˆ heu gaˇ taꞈ leˇ-awˇ, Sahˬpaˬ Miˬyehˇ ngaˬ-ahˇ tiˬ jeˬ-iˬ maˬ ehˇ nehˬ laꞈ-aˬ siˬ.”

Eˇzaˬlaˬ 9:10

“Ehˇ kʼawꞈ ni, Miˬyehˇ-oˇ, nymˬ-mˇ heu loꞈ-ehˇ pyeuꞈ laˇ gʼaˬ taˬ-euˬ miˇ neh, nga maꞈ aˬ joˆ-ehˇ paˇ ya ehˇ nmˇ. Nawˬ-euˬ gʼaˇ duˬ ngehˬ dah-eu nawˬ-euˬ zaˬ kʼaˆ deuˬ-ahˇ gʼoe-awˇ nawˇ nga maꞈ-ahˇ biꞈ taˬ-euˬ zahˇ dawˬ kʼoꞈ dawˬ deuˬ-ahˇ nga maꞈ byehˇ dzeh gʼaˬ-euˬ ma. Aˬ yawꞈ maꞈ-ahˇ gʼoe-awˇ nawˇ nga maꞈ-ahˇ ehˇ taˬ-eu dawˬ heu loꞈ-ehˇ jaˆ-eu meh. Naw maꞈ jawˇ uˇ leˇ-eu lehˇ gʼeh-eu miˇ kʼahˬ kʼoeˇ kʼahˬ-aˬ, maˬ muiˬ maˬ shawˇ-eu miˇ kʼahˬ pyeuꞈ-eu meh. Aˬ jeˬ miˇ neh ehˇ naˇ, kʼoeˇ gaˇ jawˇ luꞈ-eu tsawˇ haˬ deuˬ-aˬ, miˇ kʼahˬ kʼoeˇ kʼahˬ-euˬ kʼoeˇ dzeˇ heu dzeˇ doˆ ni jawꞈ dui dui-eu jeˬ tehꞈ-ehˇ mˇ byah jiˇ taˬ-euˬ meh.

Yawˇbaˆ 10:1

Ngaˇ yaw dehꞈ maˬ paˇ dehꞈ coeˇ miˇ-a. Ngaˇ nui ma naˇ-awˇ toˇ gaˇ naˇ haˬ nehˬ laꞈ sheˇ.

Yawˇbaˆ 21:25

Yawˬ gʼaˬ yawˬ-aˬ, yaw dehꞈ dehꞈ-eu laˬ kʼaˬ cehˇ-eu jeˬ tiˬ pawꞈ-iˬ maˬ ahˇ-ehˇ, nui saˇ maˬ oꞈ ni ziˇ dehꞈ jiˇ-euˬ meh.

Yawˇbaˆ 7:11

Kʼoeˇ miˇ neh ciˬ cuˇ ni maˬ jawˇ tehˬ coeˇ nya. Ngaˇ nui ma pehˇ-awˇ, nui ma naˇ dui dui-eu miˇ neh, maˬ ngehˬ maˬ tmˇ-ehˇ maˬ jawˇ coeˇ nya.

Jaceuq 116:1

Ngaˬ-euˬ shaˇ dawˬ-ahˇ Sahˬpaˬ Miˬyehˇ naˇ haˬ-eu miˇ neh, Sahˬpaˬ Miˬyehˇ-ahˇ ngaˇ gaˬ-eu ma.

Dawqdaq 31:6

Jiˇ baˬ hawˇ-euˬ aˬ gaꞈ dzaˇ uiˇ-aˬ, shiˇ leˇ luꞈ-eu deuˬ hawˇ-eu nui ma cawˆ dui dui-eu deuˬ gʼaˇ duˬ meh.

Iˇsaˬyaˇ 38:17

Ngaˇ nui ma naˇ luꞈ-eu saˇ laˇ miˇ-a. Guˆ-eu gaˆ-eu jeˬ dawˬ tawˆ luꞈ laꞈ kʼoeˇ, ngaˬ-euˬ saꞈ laˇ-ahˇ nawˇ ka kʼoꞈ doˆ nehˬ laꞈ-awˇ, ngaˬ-euˬ iˬ baˇ dawˬ tawˆ pyehˬ dzeh nehˬ laꞈ-euˬ meh.

Yoˇhaˬ 12:27

“Ngaˬ-euˬ nui ma shaˬ zahˬ naꞈ dui dui nya. A joˆ-ehˇ ehˇ paˬ maˬ siˬ miˇ-a. ‘Aˬ da-oˇ, aˇ yamˬ heu yamˬ ngaˬ-euˬ kʼoeˇ taˆ taˬ bi keuˆ le laꞈ’ lehˇ ehˇ naˇ muiˬ-eu maˬ siˬ. Ehˇ kʼawꞈ, heu-euˬ gʼaˇ duˬ ngaˇ oe-euˬ jeˬ pyeuꞈ-eu ma. Kʼoeˇ miˇ neh, shaˬ zahˬ heu ngaˇ ya pi meh.

Yawˇshuˆ 7:8

Sahˬpaˬ Miˬyehˇ-oˇ, muiˇ-eu deuˬ neh Iˇsaˬleˬlaˆ tsawˇ haˬ deuˬ-ahˇ bi teh gʼoꞈ leꞈ-euˬ-aˬ, ngaˇ aˬ jeˬ paˇ ehˇ nya nmˇ.

1 Saˬmeuˬlaˆ 1:10

Haˬnahˬ nui ma cawˆ dui dui-eu laꞈ kʼoeˇ, guˇ guˇ-ehˇ ngoeˇ-awˇ, Sahˬpaˬ Miˬyehˇ-ahˇ guiˬ lahˬ shaˇ-euˬ meh.