Iˇsaˬyaˇ 38:14 - Akha

¹⁴ Ngaˇ dawˬ maˬ ngehˬ doˆ coeˇ ni pyeuꞈ-iˇ-awˇ, kʼaˬ kʼoeˬ duˇ-eu naˆ ni mahˇ-euˬ tehꞈ ma. Mˬ-ahˇ gʼawˇ leuˇ haw-euˬ miˇ neh, ngaˬ-euˬ myaˆ nuiˆ gʼah dui dui nya. Sahˬpaˬ Miˬyehˇ-oˇ, shaˬ zahˬ heu laꞈ kʼoeˇ, ngaˬ-ahˇ ka kʼoꞈ laꞈ-awˬ.

Iˇsaˬyaˇ 38:14 ပူးပေါင်းရင်းမြစ်များ

Yawˇbaˆ 17:3

Miˬyehˇ-oˇ, ngaˇ yaw sui yaw dawˇ ma. Ngaˬ-euˬ dawˬ-ahˇ ha geuꞈ nehˬ laꞈ-awˬ. Ngaˬ neh ngehˬ-euˬ dawˬ ngeuˇ meh lehˇ ehˇ nehˬ laꞈ-eu tiˬ gʼaˬ-iˬ maˬ jawˇ-a.

Yawˇbaˆ 30:29

Ngaˬ-euˬ teˇ saˇ-aˬ, cawˬ maˬ baw-ehˇ mahˇ-eu bawˇ tsahˬ aˬ kuiˬ teˇ saˇ hawˇ-eu, bo-mˬ bo lo teˇ saˇ-ahˇ duˇ miˇ-a.

Jaceuq 119:82

Nawˬ neh saˇ jaˇ dzaˬ-euˬ jeˬ-ahˇ ngaˇ myaˆ nuiˆ haw doˆ shaw-iˬ miˇ-a. Nawˇ ngaˬ-ahˇ aˬ myah caw ba le-eu gʼeh ta lehˇ ngaˇ ehˇ luꞈ-eu ma.

Jaceuq 143:7

Sahˬpaˬ Miˬyehˇ-oˇ, ngaˬ-euˬ shaˇ dawˬ naˇ haˬ nehˬ laꞈ. Noeˬ tmˬ kʼaˇ maˬ za miˇ-a. Shiˇ-eu miˇ kʼahˬ-ahˇ iˇ dzeuˇ-euˬ tsawˇ haˬ deuˬ jawˇ gaˇ, ngaˇ ya iˇ-eu keuˆ laˇ taˬ-euˬ miˇ neh, nawˬ-euˬ myaˆ pyawˬ taˬ ciˬ zaꞈ nehˬ laꞈ.

Jaceuq 55:2

Ngaˇ ehˇ gaˇ naˇ haˬ-awˇ, ngaˬ-ahˇ ehˇ kʼoꞈ nehˬ laꞈ-awˬ. Ngaˇ noeˬ shaˬ dui dui-awˇ, nui ma cawˆ dui dui nya.

Jaceuq 69:3

Caw ba nehˬ laꞈ-awˬ lehˇ guˇ doeˇ guˇ gʼa-awˇ, kuˬ byahˬ kuˬ shuˇ guˇ shuˇ-euˬ ma. Nawˇ caw ba le gaˇ haw luꞈ-eu, myaˆ nui haw gʼah laꞈ-euˬ ma.

Iˇsaˬyaˇ 59:11

Nga maꞈ guˆ-awˇ nui ma cawˆ luꞈ-eu ma. Kʼehˬ-eu kʼaˆ-eu jeˬ hawˇ-eu yaw lehˬ jeˬ laꞈ kʼoeˇ, Miˬyehˇ ka kʼoꞈ le gaˇ loꞈ kʼawꞈ, keuˆ le-eu maˬ baw-a.

Ngoeˇ dawˬ 4:17

Myaˆ nuiˆ haw doˆ-eu keuˆ laˇ kʼawꞈ, caw ba le-eu gʼaˬ maˬ jawˇ-a. Kawˬ lahˇ loꞈ kʼehꞈ-eu keuˆ laˇ kʼawꞈ, ngehˬ gʼeh le-eu gʼaˬ maˬ jawˇ-a.

Yeˬsaˬgeˬlaˇ 7:16

Tiˬ paˆ na deuˬ-aˬ, deh ga-ahˇ bi teh tuˇ-euˬ kʼaˬ kʼoeˬ loꞈ-ehˇ, gawˬ jawˬ paw cehˆ dzeuˇ tehꞈ-a. Yawˬ gʼaˬ na luꞈ yawˬ ha-euˬ iˬ baˇ gaˇ kawˆ toˇ toˇ-ehˇ ya jawˇ tehꞈ-a.

Naˬhmˬ 2:7

Sahˬ paˬ ma-ahˇ aˬ cawˬ nyehꞈ-awˇ, zaˬ kʼaˆ deuˬ noeˬ shaˬ-eu miˇ neh, yawˬ ha-euˬ kʼahˬ-ahˇ teˇ teˇ-ehˇ, kʼaˬ kʼoeˬ zaˬ loꞈ-ehˇ mahˇ tehꞈ-a.

Naˬhmˬ 2:8

Iˇ tsahˇ daˬ paˆ doˆ-euˬ loꞈ-ehˇ, Niˇnaˬbeˬ tsawˇ haˬ teuˆ byaˆ-awˇ, “Taˬ cehˆ. Taˬ cehˆ” lehˇ guˇ nehˬ kʼawꞈ, tiˬ gʼaˬ-iˬ maˬ ciˬ pyawˇ haw-aˇ.

HeˬByehˇ 7:22

Beu gaˇ duˬ kʼoeˇ loꞈ-ehˇ jaˆ-eu baˬ da neh, Yeˬsuˇ-aˬ, muiˬ dzehˬ byah dzehˬ-eu dawˬ ma saˇ jaˇ heu hmˬ-euˬ yaw duˬ yaw ciˇ pyeuꞈ-eu meh.