Iˇsaˬyaˇ 38:12 - Akha

¹² Ngaˬ-euˬ ziˇ bi deuˆ tsehˆ dzeh-awˇ, bi gʼeu coˬ-euˬ yaˇ cmˇ hawˇ-eu, saˬ nmˇ-ahˇ bi tehˬ tsehˆ doˆ-euˬ saˬ paˇ loꞈ-ehˇ, Miˬyehˇ ngaˬ-ahˇ ziˇ bi jiˇ le miˇ-a lehˇ noeˬ-euˬ ma.

Iˇsaˬyaˇ 38:12 ပူးပေါင်းရင်းမြစ်များ

Yawˇbaˆ 14:2

Yaw kawˇ-ehˇ poˬ laˇ-eu aˇ yehˆ, yaw kawˇ-ehˇ nyoeˬ-iˇ gaˇ duˇ-awˇ, naˇ shmˇ loꞈ-ehˇ byoˆ-iˇ-eu meh.

Yawˇbaˆ 17:1

Ngaˇ ziˇ jiˇ le-eu peh laˇ miˇ-a. Ngaˬ-ahˇ saꞈ maˬ paˇ gʼawˇ coeˇ laˇ miˇ-a. Ngaˬ-euˬ gʼaˇ duˬ lmˬ bymˇ maˬ ngeuˇ naˇ nui jeˬ maˬ paˇ jaˆ meh.

Yawˇbaˆ 4:20

Tsawˇ haˬ tiˬ gʼaˬ uˬ shawˬ paw dehꞈ luꞈ kʼawꞈ, uˬ ciꞈ maˬ ciꞈ le mi naˆ-ehˇ tiˬ gʼaˬ-iˬ maˬ ya siˬ ni shiˇ nya-eu meh.

Yawˇbaˆ 6:9

Aˬ yawꞈ ngaˬ-ahˇ sehꞈ law nmˇ-aˬ, ngaˬ-euˬ gʼaˇ duˬ zaˬ dzehˬ tehꞈ-a.

Jaceuq 102:11

Ngaˇ yaw dehꞈ dehꞈ-eu uˬ ciꞈ uˬ taw paw naˇ shmˇ shmˇ gaˇ duˇ-awˇ, yaˇ moꞈ koˆ-iˇ gaˇ duˇ miˇ-a.

Jaceuq 119:23

Sahˬ paˬ sahˬ ma deuˬ ngaˬ-ahˇ yaw doeˇ jahˇ-eu lehˇ mehˬ bawˬ mˇ kʼawꞈ, nawˬ-euˬ zahˇ sahˇ kʼoꞈ-ahˇ ngaˇ dzaw geuꞈ ma.

Jaceuq 31:22

“Ngaˬ-ahˇteh dzeh laꞈ-euˬngaˇ” lehˇ, ngaˇguˆ-eu laꞈkʼoeˇ ehˇ-euˬma. Ehˇ kʼawꞈ, caw ba laꞈlehˇguˇngeh, nawˇnaˇhaˬgeuꞈnehˬlaꞈ-euˬmeh.

Jaceuq 73:14

Miˬyehˇ-oˇ, nawˇ ngaˬ-ahˇ nah ga-ehˇ bi shaˬ bi zahˬ laꞈ-awˇ, yawˬ shawˬ na luꞈ nawˇ ngaˬ-ahˇ kʼehˬ nehˬ laꞈ-euˬ meh.

Jaceuq 90:5

Iˇ jeuˬ jeuˬ-eu loꞈ-ehˇ nga maꞈ-ahˇ nawˇ hehˇ byoˆ gʼeh-awˇ, ngaˬ maꞈ-euˬ ziˇ yuꞈ maˆ maˆ-eu loˆ ni tehꞈ meh. Nga maꞈ yaw dehꞈ dehꞈ-eu jeˬ-aˬ, uˬ shawˬ paw dehꞈ doˆ laˇ-awˇ,

Iˇsaˬyaˇ 1:8

Yeˬluˇsaˬlehˬ meuˬ tiˬ meuˬ dzeˇ-eu kʼawꞈ, aˬ cawˬ neh bi jawˬ lahˇ taˬ-awˇ, aˬ gaꞈ yaˇ kmˇ-ahˇ gʼawˆ taˬ-euˬ sehˬ gʼawˆ hawˇ-eu siˬ kʼoˬ kʼoˬ yaˇ-ahˇ jaˆ-eu yaˇ cmˇ loꞈ-ehˇ tiˬ jeˬ-iˬ maˬ mˇ doˆ luꞈ-a.

Iˇsaˬyaˇ 13:20

Tsawˇ haˬ tiˬ gʼaˬ-iˬ kʼoeˇ gaˇ maˬ jawˇ-ehˇ pyeuꞈ-iˇ-awˇ, Aˬlaˆ tsawˇ haˬ kʼoeˇ gaˇ sehˬ gʼawˆ gʼawˆ-awˇ maˬ paˇ naˬ-ehˇ, yawˇ bo laˇ-eu tsawˇ haˬ maˬ jawˇ-ehˇ pyeuꞈ-iˇ tehꞈ-a.

2 Gawˇliˬtu 5:1

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ aˬ dui jawˇ luꞈ-eu yaˇ cmˇ pyeuꞈ-eu aˬ dui-euˬ gʼawˇ mawˇ heu cawˆ-iˇ ngeh, aˬ dui bi jawˇ-eu gʼaˇ duˬ Miˬyehˇ neh mˬ kʼoeˇ taˆ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu nymˇ jaˆ ma lehˇ aˬ dui siˬ nya ma.

2 Gawˇliˬtu 5:4

Miˇ tsaˬ heu kʼoeˇ taˆ jaˆ-eu yaˇ cmˇ laꞈ kʼoeˇ aˬ dui kʼaˆ behˆ kah-eu miˇ neh mahˇ luꞈ ma. Ehˇ kʼawꞈ, miˇ tsaˬ shiˬ shaˬ jiˇ gʼawˇ mawˇ heu-ahˇ lehˆ dzeh mawꞈ-eu miˇ neh mahˇ-eu maˬ ngeuˇ. Buꞈ-iˇ cehˇ-iˇ nya-eu jeˬ-ahˇ maˬ buꞈ maˬ cehˇ-iˇ nya-eu jeˬ neh bi myoꞈ ahˇ-eu gʼaˇ duˬ, mˬ taˆ-euˬ nymˇ dm daˆ mawꞈ-eu miˇ neh mahˇ-eu ma.

HeˬByehˇ 1:12

Pehˇ kʼahˬ byaˆ dmˇ kʼoꞈ-eu loꞈ-ehˇ, kʼoeˇ deuˬ-ahˇ nawˇ byaˆ dmˇ kʼoꞈ-awˇ, mehˬ tsoeˬ dzeˇ paˇ paˇ-eu loꞈ-ehˇ, yaw shuiꞈ bi beˬ paˇ jiˇ tehꞈ-a. Ehˇ kʼawꞈ nawˇ maˬ poˆ maˬ paˇ-ehˇ, nawˬ-euˬ ziˇ maˬ jiˇ le nya-a.

Yaˬkoˆ 4:14

Ni shawˬ nah nawˇ yaw dehꞈ dehꞈ-eu aˬ joˆ-ehˇ pyeuꞈ laˇ-eu gaˇ kawˆ nawˇ siˬ nya te loˇ. Naw maꞈ-aˬ, tiˬ kʼehˇ kʼehˬ tehꞈ-ehˇ ya mawˇ-awˇ byoˆ-iˇ-eu iˇ cuꞈ saꞈ kʼoeˬ-ahˇ duˇ-eu meh.