Iˇsaˬyaˇ 37:38 - Akha

³⁸ Tiˬ nah keuˆ laˇ ngeh, aˬ yawꞈ-euˬ miˬ yehˇ pyeuꞈ-eu Niˇsaˬloˆ miˬ yehˇ-euˬ uˬ duˬ tahˬ nymˇ-ahˇ aˬ yawꞈ uˬ duˬ tahˬ luꞈ ngeh, aˬ yawꞈ-euˬ aˬ li Aˬdaˬlaˬmeˬlehˆ hawˇ-eu Shaˬleˬzaˬ aˬ nyaꞈ nmˇ, aˬ yawꞈ-ahˇ mi cehˇ neh sehꞈ-awˇ, Aˬyaˬyaˇ miˇ kʼahˬ-ahˇ cehˆ-euˬ meh. Kʼoeˇ naˇ, aˬ yawꞈ-euˬ aˬ li Eˇsaˬhaˬdoˬ gʼaˬ aˬ yawꞈ-euˬ dah zaˇ sahˬ paˬ geuꞈ-euˬ meh.

Iˇsaˬyaˇ 37:38 ပူးပေါင်းရင်းမြစ်များ

Aˇ dahˬ 8:4

Ba la shiꞈ siˬ tiˬ siˬ tseˇ shiꞈ nah tiˬ nah keuˆ laˇ ngeh, Aˬyaˬyaˇ gawˬ jawˬ jawˬ ma-ahˇ taꞈ-eu gawˬ jawˬ tiˬ jawˬ kʼoeˇ taˆ, saˇ baoˬ kʼoeˇ laˇ ga naˬ-iˇ-euˬ meh.

2 Laˬsaˬbaˬ 32:14

Miˇ kʼahˬ kʼoeˇ deuˬ-euˬ miˬ yehˇ deuˬ nga maꞈ-euˬ laꞈ-ahˇ neh aˬ yawꞈ maꞈ-euˬ miˇ kʼahˬ-ahˇ ka kʼoꞈ doˆ nehˬ-euˬ aˬ myah gaˬ haw teˬ. Toˆ-ehˇ ngeuˇ naˇ, naw maꞈ-euˬ miˬ yehˇ naw maꞈ-ahˇ ka kʼoꞈ nehˬ laꞈ tehꞈ-a lehˇ aˬ jeˬ miˇ neh noeˬ te.

2 Laˬsaˬbaˬ 32:19

Tsawˇ haˬ zaˬ-euˬ aˬ laꞈ neh tehˆ taˬ-euˬ tahˬ pahˬ aˬ ma mawˇ kawˇ pyeuꞈ-eu tsawˇ jeuˬ nui deuˬ-euˬ miˬ yehˇ deuˬ gaˇ kawˆ aˬ yawꞈ maꞈ ja gaˇ duˇ ni, Yeˬluˇsaˬlehˬ-euˬ Miˬyehˇ gaˇ kawˆ aˬ yawꞈ maꞈ ja-eu meh.

2 Laˬsaˬbaˬ 32:21

Sahˬpaˬ Miˬyehˇ neh mˬ taˆ gʼaˬ kʼehˇ pyehˬ gʼeh leꞈ-awˇ, Aˬshuˇliˆ guiˇ maꞈ-euˬ yehˇ deuˬ hawˇ-eu yaw huiˬ yaw mahˇ deuˬ-ahˇ bi sehꞈ-euˬ meh. Kʼoeˇ miˇ neh, Aˬshuˇliˆ sahˬpa kʼoeˇ gʼaˬ nui ma cawˆ-eu laꞈ kʼoeˇ, aˬ yawꞈ-euˬ miˇ kʼahˬ-ahˇ gʼoꞈ leˇ-euˬ meh. Kʼoeˇ naˇ, aˬ yawꞈ-euˬ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ jawˇ luꞈ-eu aˇ nah tiˬ nah-ahˇ, aˬ yawꞈ-euˬ aˬ li tiˬ deuˬ mi cehˇ yuˇ-awˇ aˬ yawꞈ-ahˇ sehꞈ-euˬ meh.

Eˇzaˬlaˬ 4:2

Kʼoeˇ miˇ neh, Zeˬluˇbaˬbeˬlaˇ hawˇ-eu tsawˇ jeuˬ tsawˇ ca deuˬ kʼoeˇ taˆ aˬ yuiꞈ geuꞈ-eu deuˬ jawˇ gaˇ aˬ yawꞈ maꞈ iˇ-awˇ, heu loꞈ-ehˇ ehˇ nehˬ-euˬ meh. “Nga maꞈ jiˇ naw maꞈ Uˬ duˬ tahˬ nymˇ nymˇ ma tsoˆ gaˇ caw ba ma. Nga maꞈ gʼeh naw maꞈ uˬ duˬ tahˬ luꞈ-eu Miˬyehˇ-ahˇ uˬ duˬ tahˬ luꞈ-awˇ, Aˬshuˇliˆ sahˬ paˬ Eˇsaˬhaˬdoˬ neh nga maꞈ-ahˇ heu gaˇ bi jawˇ laˇ ngeh neh, naw maꞈ-euˬ Miˬyehˇ-ahˇ nga maꞈ lawˇ luꞈ shehˇ luꞈ-eu ma.”

Iˇsaˬyaˇ 14:12

Shawˬ ga shawˬ muiˇ-ahˇ duˇ-eu Baˬbuˇloˬ sahˬ paˬ-oˇ, mˬ kʼoeˇ taˆ neh aˬ joˆ-ehˇ ga ka le teˬ. Dzeuˇ laˇ ngeh tsawˇ jeuˬ dawˬ tawˆ luꞈ kʼoeˇ taˆ nawˬ tehˬ-euˬ tsawˇ haˬ, aˬ joˆ-ehˇ miˇ tsaˬ kʼoeˇ taˆ bi biˬ ka teˬ.

Iˇsaˬyaˇ 14:9

“Nawˬ-ahˇ ha laˬ laˇ-eu gʼaˇ duˬ, shiˇ-eu miˇ kʼahˬ lawꞈ gʼa luꞈ meh. Nawˬ-ahˇ bi ha geuꞈ-eu gʼaˇ duˬ, shiˇ dzeuˇ-euˬ yaw huiˬ yaw mahˇ deuˬ-eu saꞈ laˇ-ahˇ aˬ yawꞈ maꞈ laˆ noeˬ luꞈ-awˇ, miˇ kʼahˬ sahˬ paˬ deuˬ-euˬ saꞈ laˇ deuˬ-ahˇ, nuiˇ mahˬ-ahˇ nuiˇ luꞈ-eu laˆ tuˇ luꞈ meh.

Iˇsaˬyaˇ 36:15

Sahˬpaˬ Miˬyehˇ-ahˇ gʼoe-awˬ lehˇ Heˬsaˬgiˇ naw maꞈ-ahˇ mehˬ gaˇ taˬ naˇ haˬ. Sahˬpaˬ Miˬyehˇ naw maꞈ-ahˇ ka kʼoꞈ nehˬ le-awˇ, naw maꞈ-euˬ meuˬ-ahˇ nga maꞈ Aˬshuˇliˆ guiˇ maꞈ deuˬ maˬ bi deuˆ gʼaˬ ni Sahˬpaˬ Miˬyehˇ laˆ tsoeˬ tehꞈ-a lehˇ taˬ noeˬ.

Iˇsaˬyaˇ 36:18

Sahˬpaˬ Miˬyehˇ naw maꞈ-ahˇ ka kʼoꞈ nehˬ laꞈ tehꞈ-a lehˇ Heˬsaˬgiˇ ehˇ gaˇ naˇ haˬ-awˇ gaˇ ma taˬ bi sheuˬ bahˬ. Aˬshuˇliˆ sahˬ paˬ-euˬ aˬ laꞈ laꞈ oˆ, yawˬ ha-euˬ miˬ yehˇ neh bi ka kʼoꞈ haw-euˬ miˇ kʼahˬ jaˆ meh loˇ.

Iˇsaˬyaˇ 37:10

Yuˇdaˆ miˇ kʼahˬ-ahˇ heu loꞈ-ehˇ tsaꞈ ahˇ gʼeh-euˬ meh. “Yeˬluˇsaˬlehˬ meuˬ Aˬshuˇliˆ sahˬ paˬ-euˬ laꞈ-ahˇ maˬ ahˇ leˇ-aˇ lehˇ, nawˇ jah luꞈ-eu Miˬyehˇ ehˇ gaˇ taˬ naˇ haˬ.

Iˇsaˬyaˇ 37:7

Sahˬ paˬ kʼoeˇ gʼaˬ aˬ yawꞈ-euˬ miˇ kʼahˬ-ahˇ maˬ gʼoꞈ leˇ-ehˇ maˬ jawˇ tehˬ nya ni, gaˇ kawˆ gʼawˬ mya jeˬ aˬ yawꞈ-euˬ naˬ bawˇ-ahˇ bi gaˬ le-awˇ, aˬ yawꞈ-euˬ miˇ kʼahˬ laꞈ kʼoeˇ aˬ yawꞈ-ahˇ bi sehꞈ ni Sahˬpaˬ Miˬyehˇ jahˇ tehꞈ-a.”

Yeˬlaˬmiˇ 51:27

“Guiˇ deuˆ-eu gʼaˇ duˬ, paˇ loˬ paˇ lehˇ ka tuˇ nehˬ-awˬ. Tsawˇ jeuˬ dawˬ tawˆ luꞈ-ahˇ gaˬ leˇ ni daˇ heh baw-awˬ. Baˬbuˇloˬ miˇ kʼahˬ-ahˇ guiˇ deuˆ-eu gʼaˇ duˬ, tsawˇ jeuˬ dawˬ tawˆ luꞈ bi lehˬ hmˬ-awˬ. Aˬyaˬyaˇ miˇ kʼahˬ, Miˇniˇ miˇ kʼahˬ hawˇ-eu, Aˬshaˇgaˬnaˆ miˇ kʼahˬ deuˬ-ahˇ, Baˬbuˇloˬ miˇ kʼahˬ-ahˇ guiˇ deuˆ le-awˬ lehˇ ehˇ nehˬ-awˬ. Guiˇ deuˆ gaˇ aˬ yuiꞈ bi geuꞈ-eu tiˬ gʼaˬ tseˇ doˆ-awˬ. Nyehˇ bahˇ baˬ maꞈ oe-eu loꞈ-ehˇ, mahˬ mahˬ maꞈ teh ka laꞈ-awˬ.