Iˇsaˬyaˇ 37:33 - Akha

³³ “Aˬshuˇliˆ sahˬ paˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ taˬ-euˬ meh. ‘Meuˬ heu meuˬ-ahˇ aˬ yawꞈ maˬ ya uˇ keuˆ laˇ-eu uˬ taꞈ, kaˆ myaˬ tiˬ myaˬ-iˬ maˬ ya beuˆ ahˇ laꞈ-a. Dehˬ daˬ duˬ baꞈ luꞈ-eu aˬ yawꞈ-euˬ yehˇ tiˬ gʼaˬ-iˬ meuˬ dawˬ peh maˬ ya laˇ tehˬ-eu uˬ taꞈ, meuˬ-ahˇ deuˆ -eu gʼaˇ duˬ meuˬ lahˇ jawˬ jawˬ-ehˇ taˆ maˬ ya tsoˆ goˇ-a.

Iˇsaˬyaˇ 37:33 ပူးပေါင်းရင်းမြစ်များ

Iˇsaˬyaˇ 17:12

Naˇ haˬ sheˇ. Iˬ ma laˆ shaˆ iˇ luˆ dzeh-eu teˇ saˇ loꞈ-ehˇ, miˇ kʼahˬ tsawˇ jeuˬ luiˬ gʼa luꞈ meh. Naˇ haˬ sheˇ. Huiˬ-eu iˇ kʼawˇ ciˬ tahˬ ciˬ tuˆ-eu loꞈ-ehˇ, miˇ kʼahˬ tehˬ laˇ-euˬ teˇ saˇ mahˇ luꞈ meh.

Iˇsaˬyaˇ 17:14

Uˬ ciꞈ paw keuˆ le-eu guˆ-eu gaˆ-eu jeˬ, uˬ bya maˬ bya laˇ mi naˆ-ehˇ byoˆ jiˇ-eu meh. Aˬ dui miˇ kʼahˬ-ahˇ guiˇ deuˆ le-awˇ, myawˬ gahˬ ceh geuꞈ le-eu deuˬ-euˬ guiˬ lahˬ, kʼoeˇ naˆ ni doeˇ-eu meh.

Iˇsaˬyaˇ 33:20

Aˬ dui uˬ duˬ tahˬ-eu zahˇ sahˇ kʼoꞈ bawˬ-iˬ gʼeh-euˬ, Ziˇoˬ meuˬ-ahˇ haw sheˇ. Yeˬluˇsaˬlehˬ meuˬ-ahˇ haw gʼeh-iˬ sheˇ. Aˇ naˆ ni nui saˇ oꞈ-eu jawˇ duˬ pyeuꞈ-eu nga. Daˇtaꞈ tiˬ jawˇ-iˬ maˬ gʼeu lehˆ doˆ-ehˇ, aˇ caˆ tsehˆ-iˇ-euˬ maˬ baw-eu, jawˇ zaˇ maˬ paˇ-eu sehˬ gʼawˆ-ahˇ duˇ leˇ-eu meh.

Yeˬlaˬmiˇ 32:24

“Yeˬluˇsaˬlehˬ meuˬ-ahˇ deuˆ gʼaˬ-eu gʼaˇ duˬ Baˬbuˇloˬ tsawˇ haˬ deuˬ meuˬ jawˬ jawˬ-ehˇ miˇ tsaˬ ciˬ goˇ-awˇ guiˇ deuˆ luꞈ meh. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ baˬ da neh, meuˬ heu meuˬ aˬ yawꞈ maꞈ-euˬ laꞈ-ahˇ ya ahˇ leˇ-eu yaw duˬ baw-eu meh. Nawˬ neh kʼaˇ ehˇ taˬ-euˬ jeˬ keuˆ le taˬ-euˬ gaˇ nawˇ mawˇ luꞈ meh.

Yeˬlaˬmiˇ 6:6

Baoˬ huiˬ-eu Sahˬpaˬ Miˬyehˇ-aˬ, Sahˬ paˬ kʼoeˇ deuˬ-ahˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ deuˆ-eu gʼaˇ duˬ, aˇ bawˇ tuˇ-awˇ jeh guiˇ guiˇ-awˬ. Kʼehˬ-eu kʼaˆ-eu jeˬ byah luꞈ-eu miˇ neh. meuˬ heu meuˬ-ahˇ ngaˇ kʼehˬ nehˬ ma.

Yeˬsaˬgeˬlaˇ 21:22

Nymˬ-mˇ poˆ jawˇ, aˬ yawꞈ-euˬ aˇ maˇ laꞈ-ahˇ, Yeˬluˇsaˬlehˬ meuˬ-ahˇ iˇ-awˬ lehˇ kʼehˇ-eu kaˆ myaˬ tuˆ tehˬ taˬ-euˬ meh. Kaˆ myaˬ kʼoeˇ aˬ yawꞈ-ahˇ heu loꞈ-ehˇ ehˇ-eu meh. Meuˬ meuˬ lahˇ tahˬ pyaˆ-eu dmˬ ma jahˇ tsoꞈ-awˇ, guiˇ deuˆ-eu dawˬ guˇ-awˇ, meuˬ lahˇ tahˬ pyaˆ-eu dmˬ ma kʼoeˇ meuˬ lahˇ-ahˇ ciˬ tsehꞈ-awˇ, miˇ tsaˬ ciˬ goˇ-awˇ, duˬ kʼahˬ kʼahˬ-awˬ lehˇ ehˇ-eu meh.

Dawˬmehˬ 20:20

Aˇ siˬ aˇ bawˇ maˬ ngeuˇ-eu aˇ bawˇ nui deuˬ tuˇ-awˇ, guiˇ deuˆ gaˇ zmˬ nya meh.