Iˇsaˬyaˇ 37:3 - Akha

³ Aˬ yawꞈ maꞈ-ahˇ Iˇsaˬyaˇ jawˇ gaˇ heu loꞈ-ehˇ bi ehˇ iˇ-euˬ meh. “Iˬ nah-aˬ, noeˬ shaˬ noeˬ zahˬ-eu aˇ nah meh. Zaˬ ciˬ deˇ le-awˇ maˬ ciˬ doˆ nya ni shaˬ gaˇ duˇ miˇ-a.

Iˇsaˬyaˇ 37:3 ပူးပေါင်းရင်းမြစ်များ

2 Sahˬpaˬ 19:3

Aˬ yawꞈ maꞈ-ahˇ, Iˇsaˬyaˇ jawˇ gaˇ heu loꞈ-ehˇ bi ehˇ gaˬ-iˇ-euˬ meh. “Iˬ nah-aˬ, ya noeˬ shaˬ ya noeˬ zahˬ-euˬ aˇ nah pyeuꞈ-eu meh. Aˬ dui -ahˇ aˬ cawˬ kʼehˬ nehˬ kʼaˆ nehˬ laꞈ-awˇ, shaˬ zahˬ naꞈ dui dui-eu aˇ nah keuˆ laˇ taˬ-euˬ meh. Aˬ nyiˇ ciˬ deˇ-euˬ kʼawꞈ, gʼaˬ maˬ ahˇ-eu miˇ neh maˬ ciˬ doˆ leꞈ nya-eu zaˬ baw aˬ ma tiˬ gʼaˬ-ahˇ aˬ dui duˇ miˇ-a.

2 Laˬsaˬbaˬ 15:4

Ehˇ kʼawꞈ, shaˬ-eu zahˬ-eu jeˬ-ahˇ ya tahˬ puˬ ngeh, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ aˬ yawꞈ maꞈ paˇ gʼoꞈ poˆ laˇ-euˬ meh.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Jaceuq 95:8

“Maˬ sah kʼaˇ shuiꞈ deh yaˇ-ahˇ jaˆ-eu Meˬliˇbaˬ lawˇ gawˆ-ahˇ, naw maꞈ-euˬ aˬ poeˬ aˬ bawˇ deuˬ nui ma gʼahˇ-euˬ loꞈ-ehˇ, naw maꞈ nui ma taˬ gʼahˇ. Kʼoeˇ ngeh nah aˬ yawꞈ maꞈ gʼeh-euˬ loꞈ-ehˇ, naw maꞈ taˬ gʼeh.

Iˇsaˬyaˇ 22:5

Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ, bi siˬ bi mawˇ-eu jeˬ-euˬ deh kʼawꞈ-ahˇ, shaˬ zahˬ guˆ gaˆ-eu jeˬ bi keuˆ le-eu aˇ yamˬ meh. Meuˬ meuˬ lahˇ bi laˆ byaˆ jiˇ-awˇ, ngoeˇ-eu teˇ saˇ gawˬ jawˬ-ahˇ tahˬ leˇ luꞈ meh.

Iˇsaˬyaˇ 25:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-aˬ, shiˇ-eu jeˬ-ahˇ mˬ maˬ maˬ byaˆ zaˇ ziˇ laˆ cawˆ nehˬ tehꞈ-a. Tsawˇ haˬ yawˬ gʼaˬ na luꞈ-euˬ myaˆ biˇ aˬ yawꞈ shiˆ shawˇ nehˬ-awˇ, miˇ tsaˬ kʼoeˇ taˆ kʼaˇ jawˇ-eu aˬ yawꞈ-euˬ tsawˇ haˬ deuˬ ya daˬ luꞈ-eu yaw doeˇ dawˬ tawˆ luꞈ-ahˇ, aˬ yawꞈ laˆ byoˆ nehˬ tehꞈ-a lehˇ, Sahˬpaˬ Miˬyehˇ ehˇ taˬ-eu jaˆ-eu meh.

Iˇsaˬyaˇ 26:16

Sahˬpaˬ Miˬyehˇ nawˇ nawˬ-euˬ tsawˇ haˬ-ahˇ, kʼehˬ nehˬ kʼaˆ nehˬ-euˬ baˬ da neh, aˬ yawꞈ maꞈ noeˬ shaˬ dui dui-eu laꞈ kʼoeˇ, nawˬ-ahˇ guiˬ lahˬ shaˇ luꞈ-eu meh.

Iˇsaˬyaˇ 29:2

Kʼoeˇ naˇ, Miˬyehˇ-euˬ lawˇ duˬ lehˇ kuˇ-euˬ meuˬ kʼoeˇ-ahˇ, Miˬyehˇ guˆ-eu gaˆ-eu jeˬ bi keuˆ le tehꞈ-a. Guˇ guˇ-ehˇ ngoeˇ-eu teˇ saˇ byah jiˇ-awˇ, meuˬ meuˬ lah-ehˇ shiˬ yoeˇ kʼaˇ-eu lawˇ duˬ-ahˇ duˇ tehꞈ-a.

Iˇsaˬyaˇ 33:2

Sahˬpaˬ Miˬyehˇ-oˇ, nga maꞈ-ahˇ gʼawˬ shaˬ gaˬ nehˬ laꞈ-awˬ. Nga maꞈ nawˬ-ahˇ noeˬ tmˬ luꞈ-eu ma. Yawˬ nah na luꞈ nga maꞈ-ahˇ haw piˇ-awˇ, guˆ-eu gaˆ-eu jeˬ laꞈ kʼoeˇ ka kʼoꞈ nehˬ laꞈ-awˬ.

Iˇsaˬyaˇ 66:7

“Ngaˬ-euˬ muiˬ-eu shawˇ-eu meuˬ-aˬ, uˬ maˆ maˬ naˇ ni zaˬ baw-euˬ aˬ ma-ahˇ duˇ-eu meh.

Iˇsaˬyaˇ 66:9

Ngaˬ-euˬ tsawˇ jeuˬ-ahˇ bi dehꞈ doˆ le-eu keuˆ laˇ-euˬ gaˇ, maˬ bi dehꞈ doˆ le ni ngaˇ laˆ tsoeˬ tehꞈ-a lehˇ taˬ noeˬ” lehˇ, Sahˬpaˬ Miˬyehˇ ehˇ taˬ-euˬ meh. %

Yeˬlaˬmiˇ 30:7

Guˆ laˇ paˬ-ehˇ gʼeh-eu aˇ nah keuˆ le luꞈ meh. Ngaˬ-euˬ tsawˇ haˬ shaˬ zahˬ naꞈ dui dui-eu, aˇ nah kʼoeˇ-ahˇ duˇ-eu yawˬ nah yawˬ maˬ jaˆ-a. Ehˇ kʼawꞈ, aˬ yawꞈ maꞈ ya buˬ-iˇ tehꞈ-a.”

Hawˇseˬ 13:13

Dehꞈ doˆ le yamˬ keuˆ laˇ-euˬ kʼawꞈ, uˬ maˆ laꞈ nyiˇ maˬ doˆ le-euˬ, aˬ li zaˬ nahˬ tiˬ gʼaˬ loꞈ-ehˇ Iˇsaˬleˬlaˆ dehꞈ ziˇ oꞈ kʼawꞈ, aˬ dzawˬ aˇ gah gah-eu miˇ neh, dehꞈ ziˇ kʼoeˇ-ahˇ maˬ za nya-a.

Hawˇseˬ 5:15

“Yawꞈ maꞈ iˬ baˇ noeˬ poˆ leˇ-awˇ, ngaˬ-euˬ myaˆ pyawˬ maˬ poˆ kʼoeˇ keuˆ, yawꞈ maꞈ-ahˇ ngaˇ byehˇ dzeh nehˬ ma. Yawꞈ maꞈ shaˬ zahˬ mˇ doeˇ laꞈ ngeh, ngaˬ-ahˇ poˆ laˇ-eu baw tehꞈ-a.”

Hawˇseˬ 5:9

Kʼehˬ-eu kʼaˆ-eu aˇ nah keuˆ ngeh, Iˇsaˬleˬlaˆ ya cawˆ-iˇ meh. Iˇsaˬleˬlaˆ tsawˇ haˬ deuˬ-oˇ, ya cawˆ-iˇ-eu yaw duˬ baw meh.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.