Iˇsaˬyaˇ 37:29 - Akha

²⁹ Nawˇ ngaˬ-ahˇ guiˇ deuˆ le-euˬ gaˇ kawˆ hawˇ-eu, nawˇ nui ma huiˬ luꞈ mahˇ luꞈ-eu gaˇ kawˆ deuˬ ngaˇ ya gaˬ gʼaˬ jiˇ-euˬ ma. Nawˬ-euˬ naˇ mehˇ-ahˇ ngaˇ shmˇ kuˆ seuˬ diˬ ceuˬ-awˇ, nawˬ-euˬ kʼaˬ meh-ahˇ shmˇ daˇ ceh taꞈ tsoˆ-awˇ, nawˬ neh oe-euˬ gaˇ ma kahˇ li nawˬ-ahˇ ngaˇ tsahˇ kʼoꞈ gʼeh ma.”

Iˇsaˬyaˇ 37:29 ပူးပေါင်းရင်းမြစ်များ

Yawˇbaˆ 41:2

Byaˆ yahˬ-ahˇ nawˇ naˇ kaˬ smˇ nya-awˇ, mehˬ law-ahˇ kuˆ seuˬ tahˇ byoe nya te loˇ.

Jaceuq 32:9

Mehˬkaꞈdawˆ-awˇya zuiˆgʼaˬ-eu, haiˬ-eu mahˬpaˬloꞈ-ehˇtaˬgʼeh.”

Jaceuq 46:6

Tsawˇ jeuˬ dawˬ tawˆ luꞈ laˇ baˇ-iˇ-awˇ, miˇ kʼahˬ dawˬ tawˆ luꞈ yaw dzuˬ dzuˬ-eu meh. Miˬyehˇ lmˬ laˇ ngeh, miˇ tsaˬ tahˬ kʼawˇ byaˆ-iˇ meuˇ-iˇ-eu meh.

Jaceuq 74:23

Nawˬ-ahˇ muiˇ-eu deuˬ nui ma pehˇ-awˇ guˇ gaˇ taˬ ngehˇ. Nawˬ-ahˇ muiˇ-eu kʼoeˇ deuˬ maˬ naˬ leˇ ni guˇ luꞈ gaˇ taˬ ngehˇ.

Jaceuq 74:4

Nawˬ-ahˇ muiˇ-eu deuˬ nawˬ-euˬ Uˬ duˬ tahˬ nymˇ nymˇ ma laꞈ kʼoeˇ guˇ-eu meh. Aˬ yawꞈ maꞈ-euˬ paˇ loˬ paˇ lehˇ kʼoeˇ gaˇ ka tuˇ-awˇ, aˬ yawꞈ maꞈ gʼaˬ leˇ-euˬ gaˇ kawˆ saˇ kiˇ bi geuꞈ-euˬ meh.

Jaceuq 83:2

Haw sheˇ, nawˬ-ahˇ muiˇ-eu deuˬ tsawˬ tuˇ laˇ-awˇ, nawˬ-ahˇ bye-eu deuˬ puiˬ luꞈ meh.

Iˇsaˬyaˇ 10:12

Ziˇoˬ gawˬ jawˬ hawˇ-eu Yeˬluˇsaˬlehˬ meuˬ kʼoeˇ taˆ, mˇ paˬ-ehˇ gʼeh-eu gaˇ deuˬ-ahˇ Sahˬpaˬ Miˬyehˇ mˇ gʼaˬ ngeh, nui ma huiˬ-eu mahˇ-eu laꞈ kʼoeˇ kʼahˬ sehˇ jehˆ luꞈ-eu Aˬshuˇliˆ sahˬ paˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a.

Iˇsaˬyaˇ 30:28

Aˬ yawꞈ saꞈ gʼawˇ ka ngeh, kawˬ lahˇ-ahˇ keuˆ-eu iˇ jeuˬ oe gaˇ duˇ-awˇ, yawˬ jeˬ na luꞈ hehˇ dzaˬ gʼeh-eu loꞈ-ehˇ, miˇ kʼahˬ tsawˇ jeuˬ hawˇ-eu aˬ yawꞈ maꞈ-euˬ yaw haiˬ dawˬ tawˆ luꞈ hehˇ dzaˬ gʼeh-eu meh.

Iˇsaˬyaˇ 36:10

Sahˬpaˬ Miˬyehˇ ngaˬ-ahˇ maˬ caw ba nehˬ laꞈ ni, naw maꞈ-euˬ miˇ kʼahˬ-ahˇ ngaˇ guiˇ deuˆ-awˇ laˆ cawˆ le-euˬ nga lehˇ naw maꞈ noeˬ te loˇ. Miˇ kʼahˬ heu kʼahˬ-ahˇ guiˇ deuˆ-awˇ laˆ cawˆ nehˬ-eu gʼaˇ duˬ, Sahˬpaˬ Miˬyehˇ ngaˬ-ahˇ dawˬ biꞈ laꞈ-eu meh.”

Iˇsaˬyaˇ 36:4

“Aˬ jeˬ baˬ da neh sahˬ paˬ Heˬsaˬgiˇ yawˬ haˇ yawˬ ha nui kʼaˬ tsmˬ-eu gaˇ kawˆ-ahˇ, Aˬshuˇliˆ sahˬ paˬ siˬ nya mawꞈ meh” lehˇ, aˬ ha smˇ gʼaˬ-ahˇ Aˬshuˇliˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ ehˇ nehˬ-euˬ meh.

Iˇsaˬyaˇ 37:10

Yuˇdaˆ miˇ kʼahˬ-ahˇ heu loꞈ-ehˇ tsaꞈ ahˇ gʼeh-euˬ meh. “Yeˬluˇsaˬlehˬ meuˬ Aˬshuˇliˆ sahˬ paˬ-euˬ laꞈ-ahˇ maˬ ahˇ leˇ-aˇ lehˇ, nawˇ jah luꞈ-eu Miˬyehˇ ehˇ gaˇ taˬ naˇ haˬ.

Iˇsaˬyaˇ 37:34

Meuˬ heu meuˬ-ahˇ maˬ ya uˇ keuˆ laˇ ni, aˬ yawꞈ oe-euˬ gaˇ ma caw caw-ehˇ paˇ ya gʼoꞈ kʼoꞈ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Iˇsaˬyaˇ 37:7

Sahˬ paˬ kʼoeˇ gʼaˬ aˬ yawꞈ-euˬ miˇ kʼahˬ-ahˇ maˬ gʼoꞈ leˇ-ehˇ maˬ jawˇ tehˬ nya ni, gaˇ kawˆ gʼawˬ mya jeˬ aˬ yawꞈ-euˬ naˬ bawˇ-ahˇ bi gaˬ le-awˇ, aˬ yawꞈ-euˬ miˇ kʼahˬ laꞈ kʼoeˇ aˬ yawꞈ-ahˇ bi sehꞈ ni Sahˬpaˬ Miˬyehˇ jahˇ tehꞈ-a.”

Yeˬsaˬgeˬlaˇ 29:4

Nawˬ-euˬ baˬ ngeuˇ kuˆ seuˬ ceuˬ-awˇ, nawˬ-euˬ lawˇ baˬ ngaˬ shaˬ kʼoeˇ deuˬ, nawˬ-ahˇ bi myahˬ tehˬ leˇ jiˇ-awˇ, Ngaˬ shaˬ kʼoeˇ deuˬ nehˬ-ehˇ nawˬ-ahˇ, lawˇ baˬ lawˇ dzeˇ ngaˇ gʼeu doˆ ma.

Yeˬsaˬgeˬlaˇ 35:13

Nawˇ nui ma huiˬ-awˇ kʼahˬ sehˇ jehˆ-eu laꞈ kʼoeˇ, ngaˬ-ahˇ yehˬ bawˬ-ehˇ kʼaˇ ehˇ-euˬ dawˬ ngaˇ gaˬ jiˇ taˬ-euˬ ma.”

Yeˬsaˬgeˬlaˇ 38:4

Aˬ yawꞈ-ahˇ ngaˇ ngawˬ zeuˆ-awˇ, baˬ ngeuˇ-ahˇ kuˆ seuˬ kʼoˆ tsoˆ-awˇ, aˬ yawꞈ hawˇ-eu aˬ yawꞈ-euˬ guiˇ maꞈ dawˬ tawˆ luꞈ-ahˇ tsahˇ-awˇ cah ma. Mahˬ hawˇ-eu guiˇ deuˆ-eu mehˬ tsoeˬ tiˬ kawˆ loꞈ-ehˇ dm luꞈ-eu yehˇ deuˬ ahˇ-eu aˬ yawꞈ-euˬ guiˇ maꞈ myaˬ dui dui-awˇ, yehˇ yawˬ gʼaˬ na luꞈ dehˬ daˬ duˬ yuˇ-awˇ, mi cehˇ dawꞈ luꞈ-eu meh.

Aˬmoˆ 4:2

Baoˬ huiˬ-eu Sahˬpaˬ Miˬyehˇ-aˬ, muiˬ-eu shawˇ-eu gʼaˬ pyeuꞈ-eu loꞈ-ehˇ, heu loꞈ-ehˇ saˇ jaˇ dzaˬ taˬ-euˬ meh. “Aˬ cawˬ naw maꞈ-ahˇ shmˇ kuˆ seuˬ ceuˬ-awˇ tsahˇ byoˆ gʼeh-eu aˇ nah keuˆ le tehꞈ-a. Naw maꞈ yawˬ gʼaˬ na luꞈ ngaˬ juiꞈ-ahˇ paꞈ leˇ-euˬ ngaˬ shaˬ-ahˇ duˇ tehꞈ-a.

Maꞈtehˬ 27:24

Aˬ yawꞈ neh ehˇ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-eu uꞈ taꞈ, miˇ kʼahˬ zaˬ deuˬ luiˬ gʼa laˇ-awˇ suˬ saˬ laˇ-eu gaˇ ma dahˇ gaˇ sahˬ paˬ Piˇlaˆ haw mawˇ ngeh, iˇ cuꞈ ciˬ-awˇ tsawˇ haˬ aˇ maꞈ maꞈ ma mehˬ shi aˬ laꞈ dzuiˬ dzeh-awˇ ehˇ-eu, “Tsawˇ haˬ heu gʼaˬ ya shiˇ-eu gaˇ kawˆ heu ngaˬ-ahˇ tiˬ jeˬ-iˬ maˬ taꞈ. Naw maꞈ neh mˇ-euˬ gaˇ meh.”

Gʼaˬkʼehˇ 22:22

Dawˬ kʼoeˇ dawˬ ngehˬ laˇ gaˇ keuˆ ni, Pawˇluˆ ehˇ gaˇ aˬ yawꞈ maꞈ ciˬ cuˇ ni naˇ haˬ luꞈ-eu meh. Ehˇ kʼawꞈ, dawˬ kʼoeˇ dawˬ-ahˇ ya gaˬ ngeh, aˬ yawꞈ maꞈ yaw kʼaˆ-ehˇ guˇ-awˇ ehˇ-eu, “Tsawˇ haˬ teu gʼaˬ-ahˇ taˬ paˇ bi dehꞈ. Sehꞈ-awˬ. Yaw dehꞈ bi dehꞈ-eu maˬ paˇ geuˇ ngaˇ.”

Gʼaˬkʼehˇ 9:4

Aˬ yawꞈ miˇ tsa coˬ dzeh-awˇ, heu loꞈ-ehˇ ehˇ-eu teˇ saˇ-ahˇ ya gaˬ-euˬ meh. “Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te.”