Iˇsaˬyaˇ 37:27 - Akha

²⁷ Kʼoeˇ gaˇ jawˇ-eu tsawˇ haˬ deuˬ gʼaˬ maˬ ahˇ-a. Aˬ yawꞈ maꞈ guˆ-awˇ tsoˆ leˇ jiˇ taˬ-euˬ meh. Aˬ yawꞈ maꞈ-aˬ, nahˇ ma doˆ kʼehˬ paw neh baw gʼeh laꞈ-euˬ jaˬ lehˇ zaw leˇ ngeh nyoeˬ-iˇ koˆ-iˇ-eu daˬ yawˬ hawˇ-eu, nymˇ mˬ-ahˇ dehꞈ-eu jaˆ gaˆ-ahˇ duˇ-eu meh.

Iˇsaˬyaˇ 37:27 ပူးပေါင်းရင်းမြစ်များ

Aˇ dahˬ 41:6

Kʼoeˇ naˇ, nahˇ ma doˆ kʼehˬ paw jaˆ-eu kʼaˇ shuiꞈ deh paw neh baw gʼeh leꞈ-euˬ lahˇ dui dui-eu jaˬ lehˇ baˬ da neh, maˬ maˇ leˇ nya-eu cehˇ cehˇ kʼawꞈ shiꞈ nmˇ paˇ doˆ laˇ-euˬ meh.

2 Sahˬpaˬ 19:26

Meuˬ kʼoeˇ deuˬ-ahˇ jawˇ-eu tsawˇ haˬ deuˬ gʼaˬ maˬ ahˇ-a. Aˬ yawꞈ maꞈ guˆ dui dui-awˇ zahˬ leˇ taˬ-euˬ meh. Aˬ yawꞈ maꞈ-aˬ, nahˇ ma doˆ kʼehˬ paw neh baw gʼeh laꞈ-euˬ lahˇ dui dui-eu jaˬ lehˇ zaw leˇ-awˇ nyoeˬ-iˇ jiˇ-euˬ, deh ga-ahˇ dehꞈ-eu daˬ yawˬ hawˇ-eu nymˇ mˬ kʼoeˇ taˆ dehꞈ-eu jaˆ gaˆ-ahˇ duˇ-eu meh.

Jaceuq 103:15

Aˬ dui yaw dehꞈ dehꞈ-eu yaˇ moꞈ loꞈ-ehˇ tehꞈ meh. Bawˇ tsaˬ aˇ yehˆ loꞈ-ehˇ aˬ dui yehˆ laˇ poˬ laˇ kʼawꞈ,

Jaceuq 129:6

Aˬ yawꞈ maꞈ dawˬ tawˆ luꞈ nymˇ mˬ kʼoeˇ taˆ dehꞈ-eu yaˇ moꞈ loꞈ-ehˇ, maˬ dehꞈ laˇ mi naˆ-ehˇ koˆ-iˇ jiˇ luꞈ-uˇ.

Jaceuq 37:2

Jaˆgaˆloꞈ-ehˇkoˆ-iˇjiˇ-awˇ, yaˆmoꞈloꞈ-ehˇ shiˇjiˇtehꞈ-a.

Jaceuq 92:7

Haiˬ-eu tsawˇ haˬ deuˬ yaˇ moꞈ mehˇ laˇ gaˇ duˇ-awˇ, maˬ tsaˬ maˬ dawˇ-eu tsawˇ haˬ deuˬ baw le za le kʼawꞈ, dawˬ tawˆ luꞈ ya luˬ ya seˇ-iˇ jiˇ tehꞈ-a.

Iˇsaˬyaˇ 19:16

Iˇjiˇtuˆ tsawˇ haˬ deuˬ zaˬ miˬ zaˬ loꞈ-ehˇ nui ma baˬ-iˇ-eu aˇ nah keuˆ le tehꞈ-a. Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˇ duˬ Sahˬpaˬ Miˬyehˇ aˬ laꞈ cawˬ ja taˬ-euˬ gaˇ ya mawˇ ngeh, aˬ yawꞈ maꞈ guˆ-awˇ yaw dzuˬ dzuˬ tehꞈ-a.

Yeˬlaˬmiˇ 37:10

Baˬbuˇloˬ guiˇ maꞈ deuˬ-ahˇ nawˇ deuˆ gʼaˬ-awˇ, bi deuˆ naˇ-euˬ tsawˇ haˬ deuˬ tehꞈ-ehˇ dzeuˇ-iˇ-awˇ sehˬ gʼawˆ laꞈ kʼoeˇ ga-eu kʼawꞈ, tsawˇ haˬ kʼoeˇ deuˬ paˇ tuˇ laˇ-awˇ, meuˬ heu meuˬ meuˬ lah-ehˇ kʼawˇ zeuˇ maˬ mawˇ laˇ-ehˇ pyeuꞈ-iˇ ni keuˬ puiˆ byoˆ leꞈ tehꞈ-a lehˇ ehˇ nehˬ-awˬ.”

Yeˬlaˬmiˇ 5:10

Ngaˬ-euˬ tsawˇ haˬ deuˬ-euˬ aˬ gaꞈ baw duˆ bi tuˇ dzeh-eu gʼaˇ duˬ, muiˇ-eu deuˬ-ahˇ ngaˇ pyehˬ gʼeh ma. Ehˇ kʼawꞈ, dawˬ tawˆ luꞈ-ahˇ maˬ bi tuˇ cuˬ jiˇ ni, ngaˬ-ahˇ maˬ taꞈ-eu uˬ laꞈ deuˬ tehꞈ-ehˇ, aˬ yawꞈ maꞈ-ahˇ bi deuˆ dzeh ma.

Yeˬsaˬgeˬlaˇ 35:13

Nawˇ nui ma huiˬ-awˇ kʼahˬ sehˇ jehˆ-eu laꞈ kʼoeˇ, ngaˬ-ahˇ yehˬ bawˬ-ehˇ kʼaˇ ehˇ-euˬ dawˬ ngaˇ gaˬ jiˇ taˬ-euˬ ma.”

Bawˇtsahˬ 14:9

Sahˬpaˬ Miˬyehˇ-ahˇ taˬ puiˬ. Kʼoeˇ gaˇ jawˇ-eu tsawˇ haˬ deuˬ-ahˇ taˬ guˆ. Aˬ yawꞈ maꞈ-ahˇ aˬ dui maꞈ yaw awˇ laꞈ-ehˇ gʼaˬ leˇ tehꞈ-a. Sahˬpaˬ Miˬyehˇ aˬ dui nehˬ-ehˇ jawˇ-awˇ, aˬ yawꞈ maꞈ-ahˇ bo saˆ luꞈ-eu miˬ yehˇ deuˬ-ahˇ gʼaˬ leˇ gʼaˬ-euˬ meh. Kʼoeˇ miˇ neh taˬ guˆ.”

Maꞈtehˬ 10:27

Ngaˬ neh naw maꞈ-ahˇ zahˇ tsui ni gʼeh gaˇ ehˇ nehˬ-euˬ dawˬ heu deuˬ, nah gʼahˇ paw bya cehˆ ni gʼeh gaˇ naw maꞈ paˇ ya ehˇ poˆ-awˇ, ngaˬ neh naw maꞈ-ahˇ kʼoeˬ saˆ nehˬ-euˬ dawˬ heu deuˬ, naw maꞈ nymˇ mˬ kʼoeˇ taˆ daˆ leˇ-awˇ ya guˇ gaˬ tehꞈ-a.

1 Beˬtuˆluˆ 1:24

Jaˇ liꞈ laꞈ kʼoeˇ ehˇ taˬ-euˬ, “Tsawˇ haˬ dawˬ tawˆ yaˇ moˬ pyeuꞈ-awˇ, aˬ yawꞈ maꞈ-euˬ yaw shehꞈ kʼahˬ sehˇ, bawˇ tsahˬ aˇ yehˆ loꞈ-ehˇ tehꞈ meh. Yaˇ moꞈ nyoeˬ-iˇ koˆ-iˇ jiˇ-awˇ, aˇ yehˆ juˬ-iˇ ga-iˇ-eu meh.