Iˇsaˬyaˇ 37:2 - Akha

² Kʼoeˇ naˇ, sahˬ paˬ-euˬ nymˇ-ahˇ haw-eu pyaˆ-eu paw aˬ yuiꞈ geuꞈ luꞈ-eu Eˇliˇkmˬ, saˇ naˇ-ahˇ gaˇ nyehꞈ tehˬ-eu Sheˬbaˬnaˬ hawˇ-eu, piˇ ma yaw huiˬ deuˬ-ahˇ, Aˬmoˆ-euˬ aˬ li Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Iˇsaˬyaˇ jawˇ gaˇ pyehˬ gʼeh-euˬ meh. Aˬ ha smˇ gʼaˬ kʼawꞈ, guˬ daˇ pehˇ zeuˇ mehˬ tsoeˬ dm-awˇ iˇ-euˬ meh.

Iˇsaˬyaˇ 37:2 ပူးပေါင်းရင်းမြစ်များ

2 Sahˬpaˬ 18:18

Kʼoeˇ naˇ, aˬ yawꞈ maꞈ tsawˇ haˬ pyehˬ gʼeh-awˇ, sahˬ paˬ Heˬsaˬgiˇ-ahˇ bi kuˇ laˬ leˇ ngeh, sahˬ paˬ Heˬsaˬgiˇ-euˬ gaˇ mˇ-eu yaw huiˬ yaw mahˇ smˇ gʼaˬ oe-euˬ meh. Yaw huiˬ yaw mahˇ kʼoeˇ smˇ gʼaˬ-aˬ, Hiˇlaˬkiˇ-euˬ aˬ li pyeuꞈ-eu sahˬ paˬ-euˬ nymˇ-ahˇ haw-eu pyaˆ-eu Eˇliˇkmˬ, saˇ naˇ gaˇ mˇ-eu paw aˬ yuiꞈ geuꞈ-eu Sheˬbaˬnaˬ, Jaˇlaˇ yuˇ-eu paw aˬ yuiꞈ geuꞈ-eu Aˬsaˆ-euˬ aˬ li Yoˇaˬ, heu deuˬ meh.

2 Sahˬpaˬ 19:2

Kʼoeˇ naˇ, sahˬ paˬ-euˬ hawˇ nymˇ-ahˇ haw-eu pyaˆ-eu yaw huiˬ yaw mahˇ pyeuꞈ-eu Eˇliˇkmˬ, saˇ naˇ gaˇ paw haw-eu yaw huiˬ yaw mahˇ pyeuꞈ-eu Sheˬbaˬnaˬ hawˇ-eu, piˇ ma deuˬ laꞈ kʼoeˇ aˬ yuiꞈ geuꞈ luꞈ-eu deuˬ-ahˇ, Aˬmoˆ-euˬ aˬ li pyeuꞈ-eu Miˬyehˇ gʼaˇ duˬ ngehˬ dah-eu Iˇsaˬyaˇ jawˇ gaˇ aˬ yawꞈ pyehˬ gʼeh-euˬ meh. Aˬ yawꞈ maꞈ kʼawꞈ, guˬ daˇ pehˇ zeuˇ mehˬ tsoeˬ dm luꞈ-eu meh.

2 Laˬsaˬbaˬ 20:20

Yawˬ nah yawˬ uˬ shawˬ yaw naꞈ-ehˇ, Teˬkawˬ meuˬ dawˬ peh jaˆ-eu bawˇ tsahˬ bawˇ dahˇ-ahˇ aˬ yawꞈ maꞈ iˇ-euˬ meh. Aˬ yawꞈ maꞈ doˆ-iˇ ngeh, aˬ yawꞈ maꞈ-ahˇ Yeˬhawˇshaˬpaˇ heu loꞈ-ehˇ ehˇ nehˬ-euˬ meh. “Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ gʼoe-awˇ, nui ma ziꞈ dah ni taˬ-awˬ. Aˬ yawꞈ-euˬ gʼaˇ duˬ ngehˬ dah-eu gʼaˬ neh ehˇ-euˬ dawˬ-ahˇ naw maꞈ jah-awˬ. Kʼoeˇ loꞈ-ehˇ jah naˇ, naw maꞈ gʼaˬ leˇ tehꞈ-a.”

Iˇsaˬtaˆ 4:1

Pyeuꞈ laˇ-euˬ gaˇ kawˆ kʼoeˇ deuˬ dawˬ tawˆ luꞈ-ahˇ Mawˬdaˬkehˇ ya siˬ ngeh, noeˬ shaˬ noeˬ zahˬ-eu laꞈ kʼoeˇ aˬ yawꞈ dm luꞈ-eu mehˬ tsoeˬ cehˬ pyaˬ-euˬ meh. Kʼoeˇ naˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ-awˇ, meuˬ gʼahˇ lahˇ ceh ngoeˇ ngoeˇ-ahˇ cah-euˬ meh.

Iˇsaˬyaˇ 1:1

Sahˬ boꞈ heu taꞈ laꞈ kʼoeˇ ahˇ-eu gaˇ kawˆ deuˬ-aˬ, sahˬ paˬ Awˇziˇ, sahˬ paˬ Yoˇdaˬ, sahˬ paˬ Aˬkaˆ, sahˬ paˬ Heˬsaˬgiˇ aˬ ha maꞈ Yuˇdaˆ miˇ kʼahˬ-ahˇ uˆ lahˇ-euˬ ziˇ kʼoeˇ ziˇ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ taꞈ leˇ-awˇ, Aˬmoˆ-euˬ aˬ li Iˇsaˬyaˇ-ahˇ Miˬyehˇ neh pah mehˬ nehˬ-awˇ bi ngehˬ dah-euˬ gaˇ kawˆ deuˬ meh.

Iˇsaˬyaˇ 20:2

Kʼoeˇ-euˬ mehˬ hu smˇ kʼoꞈ huˬ-ehˇ, “Nawˇ nawˬ luꞈ-eu sehˬ nawˆ hawˇ-eu, nawˇ dm luꞈ-eu guˬ daˇ pehˇ zeuˇ mehˬ tsoeˬ lehˆ dzeh-awˬ” lehˇ, Aˬmoˆ-euˬ aˬ li Iˇsaˬyaˇ-ahˇ Sahˬpaˬ Miˬyehˇ ehˇ nehˬ-euˬ meh. Kʼoeˇ ngeh, Iˇsaˬyaˇ mehˬ tsoeˬ maˬ dm, sehˬ nawˆ maˬ nawˬ ni, smˇ kʼoꞈ cah-euˬ meh.

Iˇsaˬyaˇ 22:12

Kʼoeˇ naˇ, nawˇ noeˬ shaˬ-awˇ ngoeˇ-eu laꞈ kʼoeˇ, uˬ jehˆ jehˆ-awˇ guˬ daˇ pehˇ zeuˇ mehˬ tsoeˬ dm-eu gʼaˇ duˬ, Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ, nawˬ-ahˇ kuˇ le tehꞈ-a.

Iˇsaˬyaˇ 22:15

Sahˬ paˬ-euˬ nymˇ-ahˇ haw-eu pyaˆ-eu paw aˬ yuiꞈ geuꞈ luꞈ-eu gʼaˬ pyeuꞈ-eu Sheˬbaˬnaˬ jawˇ gaˇ le-awˇ heu loꞈ-ehˇ ehˇ nehˬ leˇ-eu gʼaˇ duˬ, Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ ngaˬ-ehˇ kʼehˇ-eu meh.

Iˇsaˬyaˇ 22:20

Sheˬbaˬnaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Kʼoeˇ loꞈ-ehˇ pyeuꞈ laˇ ngeh jawˇ, Hiˇlaˬkiˇ-euˬ aˬ li pyeuꞈ-eu ngaˬ-euˬ zaˬ kʼaˆ Eˇliˇkmˬ-ahˇ ngaˇ bi sheuˬ laˬ-iˇ ma.

Iˇsaˬyaˇ 36:3

Sahˬ paˬ-euˬ nymˇ-ahˇ haw-eu pyaˆ-eu gʼaˬ pyeuꞈ-eu Hiˇlaˬkiˇ-euˬ aˬ li Eˇliˇkmˬ, saˇ naˇ-ahˇ gaˇ nyehꞈ tehꞈ-eu gʼaˬ pyeuꞈ-eu Sheˬbaˬnaˬ hawˇ-eu, jaˇ laˇ yuˇ-eu paw aˬ yuiꞈ geuꞈ-eu gʼaˬ pyeuꞈ-eu Aˬsaˆ-euˬ aˬ li Yoˇaˬ, aˬ ha smˇ gʼaˬ meuˬ laꞈ kʼoeˇ neh doˆ laˇ-awˇ, aˬ yawꞈ-ahˇ tahˬ puˬ laˇ-euˬ meh.

Iˇsaˬyaˇ 37:14

Dawˬ tsaꞈ dawˬ dzawˇ mˇ le-euˬ tsawˇ haˬ kʼoeˇ deuˬ neh yuˇ leꞈ-euˬ sahˬ boꞈ-ahˇ, sahˬ paˬ Heˬsaˬgiˇ gui haw-euˬ meh. Kʼoeˇ naˇ, Uˬ duˬ tahˬ nymˇ nymˇ ma-ahˇ aˬ yawꞈ le-awˇ, sahˬ boꞈ kʼoeˇ dzeh Sahˬpaˬ Miˬyehˇ mehˬ shi bi jaˆ-awˇ,

Iˇsaˬyaˇ 37:21

Aˬmoˆ-euˬ aˬ li Iˇsaˬyaˇ neh, sahˬ paˬ Heˬsaˬgiˇ-ahˇ heu loꞈ-ehˇ dawˬ tsaꞈ tsaꞈ kʼoꞈ nehˬ-euˬ meh. “Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. Aˬshuˇliˆ sahˬ paˬ Saˬneˬkaˬliˇ-ahˇ taꞈ leˇ-awˇ, nawˇ ngaˬ-ahˇ guiˬ lahˬ shaˇ-euˬ meh.

Iˇsaˬyaˇ 38:1

Aˇ yamˬ kʼoeˇ yamˬ-ahˇ, sahˬ paˬ Heˬsaˬgiˇ shiˇ taw tehˬ ni naˇ luꞈ-eu meh. Aˬmoˆ-eu aˬ li Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Iˇsaˬyaˇ aˬ yawꞈ-ahˇ haw leˇ-awˇ ehˇ-eu, “Yawˬ jeˬ na luꞈ lehˬ hmˬ laˆ dah yaꞈ jiˇ-awˬ. Aˬ jeˬ miˇ neh ehˇ naˇ, nawˇ naˇ-eu maˬ paˇ taˬ leˇ nya meh. Shiˇ-eu gʼaˇ duˬ lehˬ hmˬ-awˬ lehˇ Sahˬpaˬ Miˬyehˇ ehˇ-eu meh.”

Yawˇlaˆ 1:13

Lawˇ duˬ-ahˇ jawˇ-eu piˇ ma deuˬ guˬ daˇ pehˇ zeuˇ dm-awˇ ngoeˇ-awˬ. Uˬ duˬ tahˬ nymˇ nymˇ ma laꞈ kʼoeˇ, uˬ ciꞈ miˇ lah-ehˇ ngoeˇ leˇ-awˬ. Naw maꞈ-euˬ Miˬyehˇ-ahˇ damˬ-eu, aˬ gaꞈ dzaˇ uiˇ hawˇ-eu cehˇ pyuˇ, laˬ doˆ-iˇ kʼaˇ maˬ paˇ za meh.