Iˇsaˬyaˇ 36:20 - Akha

²⁰ Saˬmaˬliˆ meuˬ-ahˇ ka kʼoꞈ nehˬ-euˬ gʼaˬ jawˇ meh loˇ. Nga maꞈ miˇ kʼahˬ uˆ lahˇ-eu uˬ moˆ maˬ ya jawˇ ni, miˇ kʼahˬ heu deuˬ-ahˇ aˬ yawꞈ maꞈ-euˬ miˬ yehˇ neh ka kʼoꞈ doˆ nehˬ-euˬ aˇ myaˆ poˆ jaˆ ta. Toˆ-ehˇ ngeuˇ naˇ, Yeˬluˇsaˬlehˬ meuˬ-ahˇ Sahˬpaˬ Miˬyehˇ ka kʼoꞈ tehꞈ-a lehˇ naw maꞈ aˬ joˆ-ehˇ noeˬ tmˬ peuˬ-eu nya.”

Iˇsaˬyaˇ 36:20 ပူးပေါင်းရင်းမြစ်များ

1 Sahˬpaˬ 20:23

Sahˬ paˬ Beˬhaˬdaˇ-euˬ gaˇ mˇ-eu yaw huiˬ yaw mahˇ deuˬ sahˬ paˬ Beˬhaˬdaˇ-ahˇ ehˇ nehˬ-eu, “Iˇsaˬleˬlaˆ tsawˇ jeuˬ-euˬ miˬ yehˇ deuˬ-aˬ, gawˬ jawˬ gawˬ duˇ miˬ yehˇ deuˬ pyeuꞈ-eu miˇ neh, Iˇsaˬleˬlaˆ tsawˇ haˬ deuˬ neh aˬ dui-ahˇ guiˇ deuˆ gʼaˬ-euˬ meh. Ehˇ kʼawꞈ, deh ga-ahˇ aˬ dui maꞈ aˬ yawꞈ maꞈ-ahˇ deuˆ ceh ceh naˇ, aˬ dui maꞈ aˬ diˇ gʼaˬ leˇ tehꞈ-a.

1 Sahˬpaˬ 20:28

Miˬyehˇ gʼaˇ duˬ ngehˬ dah-eu tiˬ gʼaˬ sahˬ paˬ Aˬhaˆ jawˇ gaˇiˇ-awˇ, heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ ehˇ-eu, Ngaˇ-aˬ, gawˬ jawˬ gawˬ duˇ miˬ yehˇ pyeuꞈ-awˇ, deh ga-euˬ miˬ yehˇ maˬ ngeuˇ-a lehˇ Suˇliˆ tsawˇ haˬ deuˬ ehˇ-eu miˇ neh, huiˬ dui myaˬ dui dui-eu aˬ yawꞈ maꞈ-euˬ guiˇ maꞈ deuˬ kʼoeˇ taˆ, nawˬ-ahˇ ngaˇ bi gʼaˬ leˇ ma. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ, nawˇ hawˇ-eu nawˬ-euˬ tsawˇ haˬ deuˬ ya siˬ tehꞈ-a lehˇ ehˇ-eu meh.”

2 Laˬsaˬbaˬ 32:15

Heˬsaˬgiˇ naw maꞈ-ahˇ jaˬ myawꞈ myawꞈ-awˇ mehˇ shuiˇ shuiˇ gaˇ taˬ naˇ haˬ. Aˬ yawꞈ ehˇ gaˇ taˬ jah. Miˇ kʼahˬ aˬ geu kʼahˬ-euˬ miˬ yehˇ maˬ kaˬ, yawˬ ha-euˬ tsawˇ jeuˬ-ahˇ Aˬshuˇliˆ sahˬ paˬ-euˬ laꞈ-ahˇ neh maˬ ka kʼoꞈ nehˬ nya-a. Kʼoeˇ miˇ neh naw maꞈ-euˬ miˬyehˇ teu gʼaˬ kʼawꞈ, naw maꞈ-ahˇ maˬ ka kʼoꞈ nehˬ nya-eu yaw duˬ baw meh.”

2 Laˬsaˬbaˬ 32:19

Tsawˇ haˬ zaˬ-euˬ aˬ laꞈ neh tehˆ taˬ-euˬ tahˬ pahˬ aˬ ma mawˇ kawˇ pyeuꞈ-eu tsawˇ jeuˬ nui deuˬ-euˬ miˬ yehˇ deuˬ gaˇ kawˆ aˬ yawꞈ maꞈ ja gaˇ duˇ ni, Yeˬluˇsaˬlehˬ-euˬ Miˬyehˇ gaˇ kawˆ aˬ yawꞈ maꞈ ja-eu meh.

Jaceuq 50:21

Naw maꞈ kʼoeˇ loꞈ-ehˇ dehꞈ doeˇ kʼawꞈ ngaˇ dawˬ maˬ tmˇ-eu miˇ neh, ngaˇ naw maꞈ-ahˇ nui kʼahˇ shiˇ meh lehˇ naw maꞈ noeˬ luꞈ meh. Ehˇ kʼawꞈ naw maꞈ maˬ muiˬ-eu gaˇ kawˆ ngaˇ ja doˆ-awˇ, naw maꞈ-euˬ yaw lehˬ bya cehˆ ni bi doˆ laˇ ma.

Jaceuq 73:9

Mˬ taˆ Miˬyehˇ-ahˇ dawˬ doeˇ ngehˬ-awˇ, miˇ tsaˬ zaˬ deuˬ-ahˇ lmˬ-eu meh.

Doˆ-iˇ 5:2

Ehˇ kʼawꞈ, sahˬ paˬ kʼoeˇ gʼaˬ ehˇ-eu, “Aˬ yawꞈ-euˬ ehˇ dawˬ-ahˇ ngaˇ naˇ haˬ-awˇ, Iˇsaˬleˬlaˆ tsawˇ haˬ-ahˇ pyehˬ nehˬ paˬ-ehˇ, Sahˬpaˬ Miˬyehˇ ehˇ-eu aˬ suˇ gʼaˬ-a. Sahˬpaˬ Miˬyehˇ-ahˇ ngaˇ maˬ siˬ. Iˇsaˬleˬlaˆ tsawˇ haˬ-ahˇ kʼawꞈ ngaˇ maˬ pyehˬ nehˬ.”

Iˇsaˬyaˇ 36:15

Sahˬpaˬ Miˬyehˇ-ahˇ gʼoe-awˬ lehˇ Heˬsaˬgiˇ naw maꞈ-ahˇ mehˬ gaˇ taˬ naˇ haˬ. Sahˬpaˬ Miˬyehˇ naw maꞈ-ahˇ ka kʼoꞈ nehˬ le-awˇ, naw maꞈ-euˬ meuˬ-ahˇ nga maꞈ Aˬshuˇliˆ guiˇ maꞈ deuˬ maˬ bi deuˆ gʼaˬ ni Sahˬpaˬ Miˬyehˇ laˆ tsoeˬ tehꞈ-a lehˇ taˬ noeˬ.

Iˇsaˬyaˇ 37:4

Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ gʼaˬ-ahˇ pyehˬ gʼeh leꞈ-awˇ, dehꞈ luꞈ-eu Miˬyehˇ-ahˇ yehˬ bawˬ sehˇ lu-ehˇ bi ehˇ le-euˬ meh. Kʼoeˇ loꞈ-ehˇ yehˬ bawˬ sehˇ lu-ehˇ ehˇ-eu dawˬ-ahˇ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, kʼoeˇ loꞈ-ehˇ ehˇ-eu tsawˇ haˬ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ luˬ maˬ seˇ-iˇ-ehˇ dzeˇ-eu aˬ dui-euˬ tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ nehˬ laꞈ-awˬ.”

Yeˬsaˬgeˬlaˇ 35:13

Nawˇ nui ma huiˬ-awˇ kʼahˬ sehˇ jehˆ-eu laꞈ kʼoeˇ, ngaˬ-ahˇ yehˬ bawˬ-ehˇ kʼaˇ ehˇ-euˬ dawˬ ngaˇ gaˬ jiˇ taˬ-euˬ ma.”

Daˬyeˬlaˇ 3:15

Nymˬ-mˇ poˆ jawˇ, daˇ heh baw, bawˬ law baw, deuˇ-mˬ diˬ-eu teˇ saˇ hawˇ-eu, caˇ dawˬ caˇ gaˇ zmˬ-eu keu ka nui deuˬ-euˬ teˇ saˇ mahˇ doˆ laˇ gaˇ naw maꞈ ya gaˬ-eu nehˬ-ehˇ, shuiˇ mawˇ kawˇ kʼoeˇ kawˇ mehˬ shi awˆ byaˆ-awˇ uˬ duˬ tahˬ-awˬ. Naw maꞈ uˬ duˬ maˬ tahˬ de leˇ ngeuˇ naˇ, tiˬ poˆ tehꞈ-ehˇ miˬ dzaˬ doꞈ luꞈ-eu tsawˬ bu-ahˇ biˬ ahˇ ma. Naw maꞈ-ahˇ ka kʼoꞈ nya-eu miˬ yehˇ jawˇ tehꞈ-a lehˇ naw maꞈ noeˬ te loˇ.”