Iˇsaˬyaˇ 36:18 - Akha

¹⁸ Sahˬpaˬ Miˬyehˇ naw maꞈ-ahˇ ka kʼoꞈ nehˬ laꞈ tehꞈ-a lehˇ Heˬsaˬgiˇ ehˇ gaˇ naˇ haˬ-awˇ gaˇ ma taˬ bi sheuˬ bahˬ. Aˬshuˇliˆ sahˬ paˬ-euˬ aˬ laꞈ laꞈ oˆ, yawˬ ha-euˬ miˬ yehˇ neh bi ka kʼoꞈ haw-euˬ miˇ kʼahˬ jaˆ meh loˇ.

Iˇsaˬyaˇ 36:18 ပူးပေါင်းရင်းမြစ်များ

Jaceuq 12:4

“Kʼaˇmawꞈ-eu jeˬja geuꞈnya ma. Kʼaˇngehˬmawꞈ-eu jeˬngehˬ-eu ma. aˬsuˇgʼaˬlaˆtsoeˬnya ta” lehˇ, aˬyawꞈmaꞈnui ma huiˬ-eu meh.

Iˇsaˬyaˇ 10:11

Saˬmaˬliˆ meuˬ hawˇ-eu kʼoeˇ gaˇ jaˆ-eu tahˬ pahˬ aˬ ma mawˇ kawˇ deuˬ-ahˇ, ngaˇ laˆ cawˆ-euˬ loꞈ-ehˇ, Yeˬluˇsaˬlehˬ meuˬ hawˇ-eu kʼoeˇ gaˇ jaˆ-eu tahˬ pahˬ aˬ ma mawˇ kawˇ deuˬ-ahˇ kʼawꞈ, ngaˇ paˇ laˆ cawˆ nehˬ ma.”

Iˇsaˬyaˇ 10:7

Ehˇ kʼawꞈ, Aˬshuˇliˆ sahˬ paˬ-aˬ, kʼoeˇ loꞈ-ehˇ maˬ noeˬ ni, tsawˇ jeuˬ gʼawˬ mya jeuˬ-ahˇ laˆ luˬ laˆ seˇ-eu lehˇ, aˬ yawꞈ noeˬ duˬ-euˬ meh.

Iˇsaˬyaˇ 36:10

Sahˬpaˬ Miˬyehˇ ngaˬ-ahˇ maˬ caw ba nehˬ laꞈ ni, naw maꞈ-euˬ miˇ kʼahˬ-ahˇ ngaˇ guiˇ deuˆ-awˇ laˆ cawˆ le-euˬ nga lehˇ naw maꞈ noeˬ te loˇ. Miˇ kʼahˬ heu kʼahˬ-ahˇ guiˇ deuˆ-awˇ laˆ cawˆ nehˬ-eu gʼaˇ duˬ, Sahˬpaˬ Miˬyehˇ ngaˬ-ahˇ dawˬ biꞈ laꞈ-eu meh.”

Iˇsaˬyaˇ 36:15

Sahˬpaˬ Miˬyehˇ-ahˇ gʼoe-awˬ lehˇ Heˬsaˬgiˇ naw maꞈ-ahˇ mehˬ gaˇ taˬ naˇ haˬ. Sahˬpaˬ Miˬyehˇ naw maꞈ-ahˇ ka kʼoꞈ nehˬ le-awˇ, naw maꞈ-euˬ meuˬ-ahˇ nga maꞈ Aˬshuˇliˆ guiˇ maꞈ deuˬ maˬ bi deuˆ gʼaˬ ni Sahˬpaˬ Miˬyehˇ laˆ tsoeˬ tehꞈ-a lehˇ taˬ noeˬ.

Iˇsaˬyaˇ 36:17

Aˬ gaꞈ yaˇ kmˇ mˇ kʼaˇ za-awˇ, dzaˬ la gʼo cehˇ za le-eu naw maꞈ-euˬ miˇ kʼahˬ-ahˇ duˇ dui dui-eu jawˇ duˬ-ahˇ bi jawˇ-eu gʼaˇ duˬ, nga maꞈ-euˬ sahˬ paˬ naw maꞈ-ahˇ maˬ sheuˬ laˬ le kʼoeˇ keuˆ ni, naw maꞈ kʼoeˇ loꞈ-ehˇ ya dehꞈ ya jawˇ tehꞈ-a.

Iˇsaˬyaˇ 36:7

Aˬshuˇliˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ paˇ ehˇ-eu, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nui kʼaˬ tsmˬ-eu ma lehˇ, naw maꞈ ngaˬ-ahˇ paˇ ehˇ nmˇ loˇ. Kʼoeˇ loꞈ-ehˇ ngeuˇ naˇ kʼawꞈ, lawˇ duˬ tiˬ tsahˇ-ahˇ tehꞈ-ehˇ uˬ duˬ ya tahˬ meh lehˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Heˬsaˬgiˇ ehˇ nehˬ ngeh, Sahˬpaˬ Miˬyehˇ-euˬ lawˇ duˬ hawˇ-eu uˬ duˬ tahˬ-eu jawˇ duˬ deuˬ-ahˇ aˬ yawꞈ neh laˆ cawˆ jiˇ-euˬ maˬ ngeuˇ-a loˇ.

Iˇsaˬyaˇ 37:10

Yuˇdaˆ miˇ kʼahˬ-ahˇ heu loꞈ-ehˇ tsaꞈ ahˇ gʼeh-euˬ meh. “Yeˬluˇsaˬlehˬ meuˬ Aˬshuˇliˆ sahˬ paˬ-euˬ laꞈ-ahˇ maˬ ahˇ leˇ-aˇ lehˇ, nawˇ jah luꞈ-eu Miˬyehˇ ehˇ gaˇ taˬ naˇ haˬ.

Iˇsaˬyaˇ 37:11

Aˬshuˇliˆ sahˬ paˬ neh laˆ cawˆ ma lehˇ kʼaˇ noeˬ-euˬ miˇ kʼahˬ deuˬ, aˬ joˆ-ehˇ pyeuꞈ-iˇ-euˬ gaˇ kawˆ nawˇ ya gaˬ-euˬ meh. Nawˇ teuˆ dzeuˇ nya ma lehˇ noeˬ te loˇ.

Iˇsaˬyaˇ 37:4

Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ gʼaˬ-ahˇ pyehˬ gʼeh leꞈ-awˇ, dehꞈ luꞈ-eu Miˬyehˇ-ahˇ yehˬ bawˬ sehˇ lu-ehˇ bi ehˇ le-euˬ meh. Kʼoeˇ loꞈ-ehˇ yehˬ bawˬ sehˇ lu-ehˇ ehˇ-eu dawˬ-ahˇ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, kʼoeˇ loꞈ-ehˇ ehˇ-eu tsawˇ haˬ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ luˬ maˬ seˇ-iˇ-ehˇ dzeˇ-eu aˬ dui-euˬ tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ nehˬ laꞈ-awˬ.”

Yeˬsaˬgeˬlaˇ 31:5

Iˇ cuꞈ za muiˬ-eu baˬ da neh, aˇ bawˇ nui deuˬ maˬ tseˇ goˇ-awˇ, uˬ laꞈ huiˬ dzehˬ mahˇ dzehˬ-eu meh.

Daˬyeˬlaˇ 3:15

Nymˬ-mˇ poˆ jawˇ, daˇ heh baw, bawˬ law baw, deuˇ-mˬ diˬ-eu teˇ saˇ hawˇ-eu, caˇ dawˬ caˇ gaˇ zmˬ-eu keu ka nui deuˬ-euˬ teˇ saˇ mahˇ doˆ laˇ gaˇ naw maꞈ ya gaˬ-eu nehˬ-ehˇ, shuiˇ mawˇ kawˇ kʼoeˇ kawˇ mehˬ shi awˆ byaˆ-awˇ uˬ duˬ tahˬ-awˬ. Naw maꞈ uˬ duˬ maˬ tahˬ de leˇ ngeuˇ naˇ, tiˬ poˆ tehꞈ-ehˇ miˬ dzaˬ doꞈ luꞈ-eu tsawˬ bu-ahˇ biˬ ahˇ ma. Naw maꞈ-ahˇ ka kʼoꞈ nya-eu miˬ yehˇ jawˇ tehꞈ-a lehˇ naw maꞈ noeˬ te loˇ.”