Iˇsaˬyaˇ 35:9 - Akha

⁹ Aˇ laˬ jaˬ shiˇ deuˬ kʼoeˇ gaˇ maˬ jawˇ-ehˇ, haiˬ-eu jeˬ zaˬ kʼoeˇ gaˇ maˬ cah tsehˆ-a. Sahˬpaˬ Miˬyehˇ neh ka kʼoꞈ nehˬ-euˬ tsawˇ haˬ deuˬ, iˇ kahˇ gʼoꞈ leˇ-eu gaˇ ma meh.

Iˇsaˬyaˇ 35:9 ပူးပေါင်းရင်းမြစ်များ

Jaceuq 107:2

Aˬ yawꞈ neh ka kʼoꞈ nehˬ-euˬ tsawˇ haˬ dawˬ tawˆ luꞈ-oˇ, Sahˬpaˬ Miˬyehˇ-ahˇ tiˬ poˆ saˇ-iˬ tiˬ poˆ ja ceuˬ-awˬ. Muiˇ-eu deuˬ aˬ laꞈ laꞈ kʼoeˇ, aˬ yawꞈ naw maꞈ-ahˇ ka kʼoꞈ-awˇ,

Doˆ-iˇ 15:13

Nawˬ-euˬ saˇ jaˇ nawˇ ziꞈ-awˇ, nawˬ neh ka kʼoꞈ-euˬ tsawˇ haˬ-ahˇ nawˇ sheuˬ gʼeh-euˬ meh. Nawˬ-euˬ baoˬ-ahˇ gʼoe-awˇ, muiˬ-eu shawˇ-eu nawˬ-euˬ miˇ kʼahˬ-ahˇ, aˬ yawꞈ maꞈ-ahˇ nawˇ sheuˬ gʼeh-euˬ meh.

Iˇsaˬyaˇ 1:27

Ziˇoˬ meuˬ-ahˇ yaw sui yaw dawˇ jeˬ neh bi ka kʼoꞈ-awˇ, kʼoeˇ gaˇ jawˇ-eu noeˬ paˇ-euˬ tsawˇ haˬ deuˬ-ahˇ, yaw tsaˬ yaw dawˇ jeˬ neh bi ka kʼoꞈ tehꞈ-a.

Iˇsaˬyaˇ 30:21

Naw maꞈ gaˇ oˆ gaˇ taˆ cah lehˬ iˇ lehˬ ngeh, “Gaˇ ma heu gaˇ dahˇ meh. Gaˇ ma-ahˇ cah-awˬ” lehˇ, naw maꞈ-euˬ naˇ kʼah aˬ yawꞈ jawˇ-awˇ ehˇ tehꞈ-a.

Iˇsaˬyaˇ 30:6

Heu-aˬ, laꞈ oˆ paw kʼaˇ shuiꞈ deh yaˇ-ahˇ jawˇ-eu, jeˬ zaˬ deuˬ-ahˇ taꞈ-eu Miˬyehˇ-euˬ dawˬ meh. “Aˇ laˬ jaˬ shiˇ hawˇ-eu doꞈ kʼaˆ-eu aˇ lawˇ deuˬ jawˇ duˬ, zaw nya-eu byaˆ yahˬ deuˬ gaˆ dzaˬ luꞈ-eu guˆ laˇ paˬ-ehˇ gʼeh-eu jawˇ duˬ tiˬ tsahˇ-ahˇ, miˇ kʼahˬ tsawˇ kaˬ geuꞈ-eu deuˬ cah tsehˆ luꞈ-eu meh. Aˬ yawꞈ maꞈ-ahˇ ngehˬ maˬ gʼeh nehˬ nya-eu tsawˇ jeuˬ gʼaˇ duˬ, aˇ poeˬ kʼaˆ dui dui-eu laꞈ sawˬ deuˬ-ahˇ, mahˬ tahˬ laˆ neh tawˬ-awˇ cah luꞈ-eu meh.

Iˇsaˬyaˇ 43:19

Haw yawˬ, nymˬ-mˇ ngaˇ yaw shuiꞈ tiˬ jeˬ paˇ mˇ luꞈ-eu ma. Nymˬ-mˇ pyeuꞈ laˇ luꞈ gaˇ naw maꞈ ya mawˇ tehꞈ-a. Bawˇ tsahˬ bawˇ dahˇ-ahˇ ngaˇ gaˇ ma paˇ shaˇ dahˇ-awˇ, naw maꞈ gʼaˇ duˬ lawˇ gawˆ bi yoeˇ le ma.

Iˇsaˬyaˇ 5:29

Aˬ yawꞈ maꞈ lmˬ-eu teˇ saˇ, aˇ laˬ jaˬ shiˇ jeˬ zaˬ baꞈ-awˇ, tiˬ gʼaˬ-iˬ maˬ teh ka peuˬ ni, lmˬ lmˬ-ehˇ cah gaˇ duˇ tehꞈ-a.

Iˇsaˬyaˇ 51:10

Nawˬ neh ka kʼoꞈ-euˬ deuˬ tsehˆ doˆ nya ni, iˬ ma laˆ shaˆ gui coˇ ni laˆ pyeuꞈ-awˇ, iˇ cuꞈ gʼahˇ ceh gaˇ jawˬ shaˇ dahˇ-euˬ kʼawꞈ nawˇ meh.

Iˇsaˬyaˇ 62:10

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ tsawˇ haˬ deuˬ gʼoꞈ laˇ-eu gʼaˇ duˬ, meuˬ laꞈ nyiˇ doˆ-iˇ-awˇ gaˇ ma shaˇ dahˇ nehˬ-awˬ. Gaˇ jawˬ jawˬ ma shaˇ dahˇ nehˬ-awˇ, kʼaˬ lo maˬ bi tsoeˬ ni ngawˬ dzeh jiˇ-awˇ, miˇ kʼahˬ tsawˇ jeuˬ deuˬ siˬ nya ni byaꞈ byaꞈ taˬ-awˬ.

Iˇsaˬyaˇ 62:12

“Miˬyehˇ-euˬ muiˬ-eu shawˇ-eu tsawˇ jeuˬ” lehˇ, “Sahˬpaˬ Miˬyehˇ neh ka kʼoꞈ nehˬ-euˬ tsawˇ jeuˬ” lehˇ, aˬ cawˬ naw maꞈ-ahˇ kuˇ tehꞈ-a. “Miˬyehˇ gaˬ-eu meuˬ” lehˇ, “Miˬyehˇ maˬ byehˇ dzeh-eu meuˬ” lehˇ, Yeˬluˇsaˬlehˬ meuˬ-ahˇ ya kuˇ tehꞈ-a.

Iˇsaˬyaˇ 63:4

Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu, aˇ yamˬ keuˆ laˇ-euˬ ngaˇ noeˬ tsehˆ-eu ma. Aˬ yawꞈ maꞈ-ahˇ muiˇ-eu deuˬ-ahˇ kʼehˬ-eu aˇ yamˬ tsaˬ laˇ-euˬ meh.

Iˇsaˬyaˇ 65:25

Kʼaˬ yehˇ hawˇ-eu yawˇ zaˬ tiˬ gaˇ gaˆ-awˇ, aˇ laˬ jaˬ shiˇ mawˇ neˇ nehˬ-ehˇ gʼo yoeˬ dzaˬ-awˇ, aˇ lawˇ maˬ toˆ laˇ-ehˇ pyeuꞈ-iˇ tehꞈ-a. Ngaˬ-euˬ muiˬ-eu shawˇ-eu Ziˇoˬ gawˬ jawˬ kʼoeˇ taˆ, yaw haiˬ jeˬ hawˇ-eu guˆ-eu gaˆ-eu jeˬ, dawˬ tawˆ luꞈ byoˆ-iˇ jiˇ tehꞈ-a.”

Yeˬlaˬmiˇ 30:10

“Ngaˬ-euˬ tsawˇ haˬ deuˬ-oˇ, taˬ guˆ. Iˇsaˬleˬlaˆ tsawˇ haˬ deuˬ-oˇ, nui ma taˬ baˬ. Naw maꞈ-ahˇ nyehꞈ daˆ gʼeh-awˇ bi jawˇ-euˬ, gaˇ mahˇ kaˬ gaˇ jaˆ-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ-ahˇ ngaˇ ka kʼoꞈ doˆ ma. Naw maꞈ iˇ kahˇ gʼoꞈ keuˆ laˇ-awˇ, nui saˇ oꞈ-eu laꞈ kʼoeˇ ya dehꞈ tehꞈ-a. naw maꞈ kʼahˬ lahˇ kʼaˇ maˬ za-ehˇ, noeˬ guˆ kʼaˇ maˬ za ni ya dehꞈ tehꞈ-a.

Yeˬsaˬgeˬlaˇ 34:25

Aˬ yawꞈ maꞈ guˆ kʼaˇ maˬ za-ehˇ ya dehꞈ ni, aˬ yawꞈ maꞈ nehˬ-ehˇ ngaˇ dawˬ ma saˇ jaˇ dzaˬ ma. Ngaˬ-euˬ yawˇ deuˬ deh ga-ahˇ nui ma saˇ lehˆ ni ya gaˆ-awˇ, sahˬ kʼaˆ uˬ moˆ ciˬ cuˇ ni ya yuꞈ-eu gʼaˇ duˬ, bawˇ tsahˬ jeˬ zaˬ yaw haiˬ dawˬ tawˆ luꞈ ngaˇ laˆ byoˆ ma.

Yeˬsaˬgeˬlaˇ 34:27

Aˇ bawˇ deuˬ aˇ siˬ siˬ le-awˇ, deh yaˇ-ahˇ dzaˬ la gʼo cehˇ loˆ le-eu uˬ taꞈ, yawˬ gʼaˬ na luꞈ yawˬ ha-euˬ miˇ tsaˬ-ahˇ guˆ kʼaˇ maˬ za ni ya jawˇ tehꞈ-a. Ngaˬ-euˬ tsawˇ haˬ deuˬ daˬ luꞈ-eu shmˇ caˆ ngaˇ gʼeu tsehˆ-awˇ, aˬ yawꞈ maꞈ-ahˇ zaˬ kʼaˆ bi geuꞈ-euˬ deuˬ-euˬ laꞈ-ahˇ bi buˬ-iˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ siˬ duˬ tehꞈ-a.

Hawˇseˬ 2:18

Aˇ yamˬ kʼoeˇ yamˬ keuˆ laˇ ngeh jawˇ, ngaˬ-euˬ tsawˇ haˬ heu deuˬ kʼoeˇ taˆ, maˬ coeˬ maˬ ciˆ nehˬ-eu gʼaˇ duˬ, bawˇ tsahˬ jeˬ zaˬ dawˬ tawˆ hawˇ-eu, kʼoeˇ taˆ zaw-eu aˇ jiˇ maˬ ehˇ, miˇ tsa joe-eu deuˬ-ahˇ maˬ ehˇ, ngaˇ saˇ jaˇ dzaˬ taꞈ-eu lehˇ ma. Miˇ kʼahˬ heu kʼahˬ laꞈ kʼoeˇ jaˆ-eu, guiˇ deuˆ-eu keu ka dawˬ tawˆ luꞈ, mi cehˇ hawˇ-eu kaˆ dawˬ tawˆ luꞈ, ngaˇ laˆ piˬ laˆ byoˆ nehˬ jiˇ-awˇ, ngaˬ-euˬ tsawˇ haˬ heu deuˬ dawˬ tawˆ, nui saˇ oꞈ-awˇ ya dehꞈ tehꞈ-a.

Uˬ duˬ 26:6

“Miˇ kʼahˬ saˇ-eu jeˬ, naw maꞈ-euˬ miˇ kʼahˬ kʼoeˇ taˆ ngaˇ bi keuˆ le-awˇ, tsawˇ haˬ tiˬ gʼaˬ-ahˇ-iˬ guˆ kʼaˇ maˬ za ni, naw maꞈ ya yuꞈ ya jawˇ tehꞈ-a. Miˇ kʼahˬ kʼoeˇ kʼahˬ laꞈ kʼoeˇ, haiˬ-eu jeˬ zaˬ deuˬ ngaˇ laˆ byoˆ-awˇ, guiˇ deuˆ-eu jeˬ kʼawꞈ maˬ jaˆ ni pyeuꞈ-iˇ tehꞈ-a.

Gaˬlaˬtiˆ 3:13

Ehˇ kʼawꞈ, aˬ dui gʼaˇ duˬ yaˬ kʼehˇ yaˬ-eu jeˬ-ahˇ Ka li daˬ-awˇ, Zahˇ dawˬ kʼoꞈ dawˬ neh aˬ dui kʼoeˇ taˆ bi keuˆ le-euˬ yaˬ kʼehˇ yaˬ-eu jeˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-euˬ meh. Aˬ jeˬ miˇ neh ehˇ naˇ, “Aˇ bawˇ kʼoeˇ taˆ kʼaˇ paꞈ gʼeu sehꞈ-euˬ tsawˇ haˬ-aˬ, Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ-euˬ tsawˇ haˬ meh” lehˇ, Jaˇ liꞈ laꞈ kʼoeˇ ehˇ taˬ-euˬ meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

1 Beˬtuˆluˆ 1:18

Aˬ jeˬ miˇ neh ehˇ naˇ, naw maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh dehꞈ ka leꞈ-euˬ poeˬ sawˇ lawˬ maˬ baw-eu yaw dehꞈ dehꞈ-eu jeˬ laꞈ kʼoeˇ naw maꞈ-ahˇ bi buˬ bi law-iˇ-eu gʼaˇ duˬ, aˬ geu jeˬ aˇ poeˬ biꞈ-awˇ zeuˇ kʼoꞈ taˬ-euˬ naw maꞈ siˬ nya meh. Pyuˇ hawˇ-eu shuiˇ loꞈ-ehˇ gʼeh-eu piˬ-iˇ byoˆ-iˇ nya-eu jeˬ biꞈ-awˇ zeuˇ kʼoꞈ taˬ-euˬ maˬ ngeuˇ-a.

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.