Iˇsaˬyaˇ 35:5 - Akha

⁵ Myaˆ behꞈ mawˇ nya laˇ-awˇ, naˬ bawˬ gaˬ nya laˇ tehꞈ-a.

Iˇsaˬyaˇ 35:5 ပူးပေါင်းရင်းမြစ်များ

Yawˇbaˆ 33:16

Aˬ yawꞈ-euˬ dawˬ-ahˇ tsawˇ haˬ zaˬ naˇ haˬ ni aˬ yawꞈ jahˇ ngeh, aˬ yawꞈ mehˬ-eu dawˬ-ahˇ aˬ yawꞈ maꞈ tsawˬ guˆ-iˇ-eu meh.

Jaceuq 146:8

myaˆ behꞈ-ahˇ bi dahˇ laˇ-eu meh. Coˬ-iˇ-euˬ tsawˇ haˬ deuˬ-ahˇ aˬ yawꞈ ciˬ tuˇ nehˬ-awˇ, tsaˬ-eu dawˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Doˆ-iˇ 4:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ zaˬ-ahˇ aˬ suˇ gʼaˬ neh kʼaˬ meh beh tsoꞈ nehˬ taˬ ta. Tsawˇ haˬ zaˬ naˬ bawˬ bawˬ-iˇ ni maˬ ehˇ, aˬ dzawˬ dzawˬ-iˇ ni maˬ ehˇ, aˬ suˇ gʼaˬ jahˇ nehˬ ta. Sahˬpaˬ Miˬyehˇ neh jahˇ nehˬ-euˬ maˬ ngeuˇ-a loˇ.

Dawqdaq 20:12

Gaˬ-eu naˬ bawˇ mawˇ-eu myaˆ nuiˆ, nyiˬ jeˬ luꞈ Sahˬpaˬ Miˬyehˇ beh-euˬ meh.

Iˇsaˬyaˇ 29:18

Aˇ nah aˇ yamˬ kʼoeˇ keuˆ le ngeh, naˬ bawˬ deuˬ sahˬ boꞈ gui gaˇ gaˬ nya-awˇ, yaw zahˇ laꞈ kʼoeˇ jawˇ-euˬ myaˆ behꞈ deuˬ kʼawꞈ, myaˆ nuiˆ bye-awˇ mawˇ nya tehꞈ-a.

Iˇsaˬyaˇ 42:16

“Myaˆ behꞈ tahˬ sawˇ pyeuꞈ-eu ngaˬ-euˬ tsawˇ haˬ deuˬ-ahˇ, maˬ iˇ haw-euˬ gaˇ ma tiˬ kahˇ ngaˇ sheuˬ gʼeh ma. Aˬ yawꞈ maꞈ-euˬ yaw zahˇ-ahˇ ngaˇ yaw shehꞈ bi bya laˇ-awˇ, duˬ kʼahˬ duˬ kʼawꞈ myaˬ-eu miˇ kʼahˬ, aˬ yawꞈ maꞈ-euˬ mehˬ shi bi dzm laˇ ma. Heu-aˬ, ngaˬ-euˬ saˇ jaˇ dawˬ deuˬ pyeuꞈ-awˇ, maˬ byehˇ ni ngaˇ mˇ byah nehˬ ma.

Iˇsaˬyaˇ 42:18

Sahˬpaˬ Miˬyehˇ heu loꞈ-ehˇ ehˇ-eu meh. “Naˬ bawˬ bawˬ-eu tsawˇ jeuˬ ngaˇ ehˇ gaˇ naˇ haˬ sheˇ. Myaˆ behꞈ deuˬ-oˇ, yaw duˬ duˬ-ehˇ haw sheˇ.

Iˇsaˬyaˇ 43:8

Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ jeuˬ-ahˇ yaˇ kʼaˬ daˇ gaˇ kuˇ daˆ-awˬ. Aˬ yawꞈ maꞈ myaˆ nuiˆ tsoꞈ luꞈ kʼawꞈ maˬ mawˇ nya-ehˇ, naˬ bawˇ tsoꞈ kʼawꞈ maˬ gaˬ nya-a.

Iˇsaˬyaˇ 48:8

Nawˬ-ahˇ maˬ jah coeˇ-eu ngaˇ siˬ nya ma. Dehꞈ le ngeh neh ngaˬ-ahˇ puiˬ-eu tsawˇ haˬ lehˇ bi kuˇ-euˬ meh. Kʼoeˇ miˇ neh gaˇ kawˆ heu nawˇ tiˬ jawˇ-iˬ maˬ ya gaˬ haw-ehˇ, nawˬ-euˬ naˬ bawˇ-ahˇ dawˬ tiˬ dawˬ-iˬ maˬ ahˇ leˇ haw-aˬ.

Iˇsaˬyaˇ 50:4

Nui ma cawˆ-eu deuˬ-ahˇ gʼaˬ biꞈ-eu dawˬ ngehˬ nehˬ nya ni, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, ngaˬ-ahˇ mehˬ laꞈ tsoˆ laꞈ-euˬ meh. Aˬ yawꞈ ngaˬ-ahˇ mehˬ nehˬ tsoˆ nehˬ laꞈ-eu jeˬ-ahˇ, ngaˇ nui ma keuˆ-awˇ naˇ haˬ ni, yawˬ shawˬ na luꞈ ngaˬ-ahˇ aˬ yawꞈ laˆ noeˬ-eu meh.

Iˇsaˬyaˇ 50:5

Sahˬpaˬ Miˬyehˇ ngaˬ-ahˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh. Aˬ yawꞈ-ahˇ ngaˇ maˬ puiˬ. Aˬ yawꞈ-ahˇ ngaˇ maˬ byehˇ.

Yeˬlaˬmiˇ 6:10

Ngaˇ heu loꞈ-ehˇ ehˇ kʼoꞈ nehˬ-euˬ ma. “Ngaˬ neh mehˬ-euˬ dawˬ-ahˇ aˬ suˇ gʼaˬ naˇ haˬ nmˇ. Aˬ yawꞈ maꞈ nui ma gʼahˇ-eu baˬ da neh, nawˬ neh bi ehˇ-euˬ dawˬ deuˬ-ahˇ maˬ naˇ haˬ-ehˇ, nawˬ-euˬ dawˬ-ahˇ naˬ gʼa-eu meh.

Maꞈtehˬ 12:22

Kʼoeˇ naˇ, nehꞈ uˇ-eu miˇ neh dawˬ maˬ ngehˬ doˆ nya-eu myaˆ behꞈ tiˬ gʼaˬ-ahˇ, Yeˬsuˇ jawˇ gaˇ sheuˬ laꞈ-euˬ meh. Yeˬsuˇ aˬ yawꞈ-ahˇ laˆ taˬ nehˬ ngeh, myaˆ nuiˆ mawˇ laˇ-awˇ, dawˬ kʼawꞈ ngehˬ doˆ nya laˇ-euˬ meh.

Maꞈtehˬ 21:14

Myaˆ behꞈ hawˇ-eu kuiˇ shiˇ laꞈ shiˇ deuˬ Uˬ duˬ tahˬ nymˇ nymˇ ma-ahˇ Yeˬsuˇ jawˇ gaˇ laˇ-awˇ bi laˆ taˬ-euˬ meh.

Luˇkaꞈ 4:18

“Sahˬpaˬ Miˬyehˇ-euˬ Yaw sahˇ-aˬ, ngaˬ-euˬ kʼoeˇ taˆ keuˆ le-euˬ meh. Aˬ jeˬ miˇ neh ehˇ naˇ, shaˬ-eu zahˬ-eu tsawˇ haˬ deuˬ-ahˇ, guiˬ lahˬ dawˬ bi mehˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-euˬ meh. paꞈ taˬ-euˬ deuˬ-ahˇ pyehˬ nehˬ-awˇ, myaˆ behꞈ deuˬ myaˆ nuiˆ mawˇ laˇ ni, bi kʼehˬ-euˬ deuˬ ya law-iˇ ni, dawˬ tsaꞈ dawˬ dzawˇ mˇ-eu gʼaˇ duˬ, aˬ yawꞈ ngaˬ-ahˇ kʼehˇ leꞈ-euˬ meh.

Yoˇhaˬ 11:37

Ehˇ kʼawꞈ, tiˬ paˆ na deuˬ ehˇ-eu, “Myaˆ behꞈ-ahˇ myaˆ nuiˆ mawˇ nya laˇ ni aˬ yawꞈ jahˇ nehˬ-euˬ maˬ ngeuˇ-a loˇ. Laˬzaˬluˇ maˬ bi shiˇ ni aˬ yawꞈ maˬ jahˇ nehˬ nya taˬ loˇ.”

Yoˇhaˬ 9:39

Yeˬsuˇ ehˇ-eu, “Myaˆ behꞈ deuˬ-ahˇ myaˆ nuiˆ bi mawˇ laˇ-awˇ, myaˆ nuiˆ mawˇ luꞈ-eu deuˬ myaˆ behꞈ bi behꞈ-iˇ ni yaˇ kʼaˬ daˇ-eu gʼaˇ duˬ, miˇ tsaˬ heu kʼoeˇ taˆ ngaˇ oe-euˬ ma.”

Gʼaˬkʼehˇ 26:18

Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.

Eˇpeˇsu 5:14

Aˬ jeˬ miˇ neh ehˇ naˇ, bya cehˆ ni bi mawˇ duˬ laˇ-eu yawˬ jeˬ na luꞈ yaw shehꞈ pyeuꞈ-eu meh. Kʼoeˇ miˇ neh, heu loꞈ-ehˇ ehˇ taˬ-euˬ jaˆ-eu meh. “Yuꞈ kʼaˆ taˬ-euˬ deuˬ noeˬ laˇ-awˇ, shiˇ-euˬ gʼoꞈ dehꞈ laˇ-awˬ. Ka li yaw shehꞈ biꞈ laꞈ tehꞈ-a.” lehˇ ehˇ taˬ-euˬ jaˆ-eu meh.