Iˇsaˬyaˇ 35:4 - Akha

⁴ Nui ma gʼaˬ baˬ luꞈ-eu tsawˇ haˬ deuˬ-ahˇ, “Gʼaˬ byehˆ maˬ byehˆ-ehˇ maˬ guˆ ni jawˇ-awˬ. Naw maꞈ-ahˇ ka kʼoꞈ nehˬ-awˇ, muiˇ-eu deuˬ-ahˇ kʼehˬ-eu gʼaˇ duˬ, Miˬyehˇ oe luꞈ meh” lehˇ ehˇ nehˬ-awˬ.

Iˇsaˬyaˇ 35:4 ပူးပေါင်းရင်းမြစ်များ

1 Laˬsaˬbaˬ 28:20

Aˬ yawꞈ-euˬ aˬ li Sawˇlaˬmoˬ-ahˇ sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ gʼeh-awˬ. Gaˇ mˇ-eu dawꞈ leˇ-awˇ, aˬ jeˬ pyeuꞈ kʼawꞈ maˬ byehˇ dzeh ni mˇ daˆ leꞈ-awˬ. Ngaˇ gʼoe luꞈ-eu Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a. Aˬ yawꞈ nawˬ-ahˇ maˬ byehˇ dzeh-ehˇ, aˬ yawꞈ-euˬ Uˬ duˬ tahˬ nymˇ nymˇ ma tsoˆ gaˇ taꞈ leˇ-eu yawˬ jeˬ na luꞈ-ahˇ nawˇ mˇ jiˇ ngeh keuˆ ni, nawˬ nehˬ-ehˇ aˬ yawꞈ jawˇ tehꞈ-a.

Jaceuq 116:11

Tsawˇ haˬ tiˬ gʼaˬ-ahˇ-iˬ maˬ jah coeˇ luꞈ-a lehˇ ngaˇ guˆ-awˇ ehˇ luꞈ kʼawꞈ jah-eu gʼaˬ byehˆ maˬ byehˆ.

Jaceuq 145:19

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ kʼaˇ loˬ-eu jeˬ, aˬ yawꞈ tiˬ loꞈ biꞈ nehˬ-awˇ, aˬ yawꞈ maꞈ aˬ yawꞈ-ahˇ kuˇ ngeh ka kʼoꞈ nehˬ-eu meh.

Jaceuq 50:3

Aˬ dui-euˬ Miˬyehˇ oe luꞈ meh. Ciˬ cuˇ ni aˬ yawꞈ maˬ oe-a. Nyehˆ dui dui-eu miˬ dzaˬ jehˆ bymˇ aˬ yawꞈ mehˬ shi oe-awˇ, mˬ jeˬ jaˬ lehˇ gʼahˇ ceh aˬ yawꞈ oe luꞈ-eu meh.

Jaceuq 94:1

Sahˬpaˬ Miˬyehˇ-oˇ, nawˇ-aˬ, kʼehˬ nehˬ kʼaˆ nehˬ-eu Miˬyehˇ meh. Nawˇ nui ma pehˇ-eu jeˬ bi mawˇ-awˬ.

Iˇsaˬyaˇ 1:24

Kʼoeˇ miˇ neh Dawˬ tawˆ kʼoeˇ taˆ huiˬ-eu Sahˬpaˬ Miˬyehˇ, Iˇsaˬleˬlaˆ-euˬ baoˬ huiˬ-eu Miˬyehˇ, heu loꞈ-ehˇ ehˇ-eu meh. “Haw taˬ lawˬ. Ngaˬ-ahˇ muiˇ-eu deuˬ-ahˇ ngaˇ jahˇ kʼoꞈ ma. Aˬ yawꞈ maꞈ ngaˬ-ahˇ maˬ paˇ bi laˆ bahˬ ma.

Iˇsaˬyaˇ 25:9

Kʼoeˇ loꞈ-ehˇ pyeuꞈ laˇ ngeh, tsawˇ haˬ yawˬ gʼaˬ na luꞈ heu loꞈ-ehˇ ehˇ tehꞈ-a. “Aˬ yawꞈ-aˬ, aˬ dui-euˬ Miˬyehˇ ma. Aˬ yawꞈ-ahˇ aˬ dui gʼoe-euˬ loꞈ-ehˇ, aˬ dui-ahˇ aˬ yawꞈ ka kʼoꞈ nehˬ laꞈ-euˬ meh. Aˬ yawꞈ-aˬ, aˬ dui-euˬ Sahˬpaˬ Miˬyehˇ meh. Aˬ yawꞈ-ahˇ aˬ dui gʼoe-euˬ loꞈ-ehˇ, nymˬ-mˇ aˬ dui laˬ kʼaˬ cehˇ nui saˇ za-eu ma. Aˬ jeˬ miˇ neh ehˇ naˇ, aˬ dui-ahˇ aˬ yawꞈ neh ka kʼoꞈ nehˬ laꞈ-euˬ meh.”

Iˇsaˬyaˇ 28:16

Ehˇ kʼawꞈ, Sahˬpaˬ Miˬyehˇ heu loꞈ-ehˇ ehˇ-eu meh. “Ziˇoˬ meuˬ-euˬ dawˬ pehˬ ziꞈ dah ni ngaˇ gawˬ-euˬ ma. ‘Jah-eu ziꞈ-eu jeˬ-aˬ kamˬ coeˇ-eu jeˬ meh’ lehˇ boꞈ taˬ-euˬ, ziꞈ dah ni gʼeh-eu kʼaˬ lo neh, laꞈ coeˇ gawˬ tehˬ-euˬ ma.

Iˇsaˬyaˇ 31:5

Bahˬ kʼoeˇ taˆ zah luꞈ-eu aˇ jiˇ aˬ ma, aˇ jiˇ zaˬ-ahˇ haw piˇ luꞈ-eu loꞈ-ehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, Yeˬluˇsaˬlehˬ meuˬ-ahˇ haw teˬ haw piˇ-eu ma.”

Iˇsaˬyaˇ 32:4

Aˬ yawꞈ maꞈ nui ma yaw nymˇ byehˇ dzeh-awˇ, aˬ cawˬ gʼaˇ duˬ shaˇ noeˬ nya-eu laꞈ kʼoeˇ, dawˇ coe ni ngehˬ tehꞈ tmˇ tehꞈ-a.

Iˇsaˬyaˇ 33:22

Sahˬpaˬ Miˬyehˇ aˬ dui kʼoeˇ taˆ uˆ lahˇ-eu meh. Sahˬpaˬ Miˬyehˇ aˬ dui-ahˇ zahˇ dawˬ kʼoꞈ dawˬ biꞈ laꞈ-awˇ, Sahˬpaˬ Miˬyehˇ aˬ dui-euˬ sahˬ paˬ meh. Aˬ dui-ahˇ aˬ yawꞈ ka kʼoꞈ laꞈ-eu meh.

Iˇsaˬyaˇ 34:8

Ziˇoˬ meuˬ-ahˇ Sahˬpaˬ Miˬyehˇ ka kʼoꞈ le-awˇ, muiˇ-eu deuˬ-ahˇ laꞈ poˆ poˆ nehˬ ngeh nah, kʼoeˇ loꞈ-ehˇ gʼeh-eu jeˬ keuˆ le tehꞈ-a.

Iˇsaˬyaˇ 37:20

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Miˬyehˇ pyeuꞈ-eu gaˇ kawˆ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ ya siˬ ni, Aˬshuˇliˆ tsawˇ jeuˬ-euˬ aˬ laꞈ laꞈ kʼoeˇ, nga maꞈ-ahˇ nawˇ ka kʼoꞈ nehˬ laꞈ-awˬ.”

Iˇsaˬyaˇ 37:6

heu loꞈ-ehˇ tsaꞈ kʼoꞈ gʼeh-euˬ meh. “Sahˬpaˬ Miˬyehˇ nawˬ-ahˇ heu loꞈ-ehˇ ehˇ-eu meh. Sahˬpaˬ Miˬyehˇ naw maꞈ-ahˇ maˬ ka kʼoꞈ nya-aˇ lehˇ Aˬshuˇliˆ sahˬ paˬ ehˇ-awˇ lmˬ luꞈ gaˇ taˬ guˆ lehˇ ehˇ-eu meh.

Iˇsaˬyaˇ 40:2

“Yeˬluˇsaˬlehˬ meuˬ-ahˇ jawˇ-eu deuˬ-ahˇ gʼaˬ biꞈ nehˬ-awˬ. Aˬ yawꞈ maꞈ shaˬ zahˬ mˇ luꞈ-eu myahˇ laˇ-awˇ, nymˬ-mˇ aˬ yawꞈ maꞈ-ahˇ iˬ baˇ pyehˬ nehˬ-euˬ ma. Aˬ yawꞈ maꞈ neh mˇ-euˬ iˬ baˇ aˇ poeˬ, oꞈ-eu geuˇ-eu loꞈ-ehˇ kʼehˬ gʼaˬ kʼaˆ gʼaˬ-euˬ ma.”

Iˇsaˬyaˇ 44:2

Nawˬ-ahˇ beh-euˬ Sahˬpaˬ Miˬyehˇ kʼoeˇ gʼaˬ ngaˇ ma. Nawˇ dehꞈ doˆ le ngeh tiˬ nah neh, nawˬ-ahˇ ngaˇ caw ba nehˬ-euˬ ma. Taˬ guˆ. Nawˇ ngaˬ-euˬ zaˬ kʼaˆ ma. Nawˬ-ahˇ ngaˇ gaˬ-awˇ tseˇ doˆ taˬ-euˬ ma.

Iˇsaˬyaˇ 47:3

Nawˇ neˇ myawˆ ni jawˇ gaˇ aˬ cawˬ ya mawˇ tehꞈ-a. Nawˇ daˬ ga-awˇ shaꞈ dawˇ luꞈ gaˇ aˬ cawˬ ya mawˇ tehꞈ-a. Ngaˇ laꞈ poˆ poˆ nehˬ gaˇ laˆ tsoeˬ nya-eu gʼaˬ maˬ jawˇ-aˬ.”

Iˇsaˬyaˇ 49:25

Sahˬpaˬ Miˬyehˇ ehˇ kʼoꞈ nehˬ-eu, “Kʼoeˇ loꞈ-ehˇ gʼeh-eu jeˬ maˇ maˇ ni pyeuꞈ doˆ laˇ tehꞈ-a. Yehˇ neh paꞈ taˬ-euˬ tsawˇ haˬ bi sheuˬ kʼoꞈ geuꞈ-awˇ, guˆ laˇ paˬ-ehˇ gʼeh-eu gʼaˬ neh deuˆ za-euˬ myawˬ gahˬ deuˬ bi ceh geuꞈ jiˇ tehꞈ-a. Nawˬ-ahˇ guiˇ kʼaˇ deuˆ-eu deuˬ-ahˇ ngaˇ guiˇ deuˆ-awˇ, nawˬ-euˬ zaˬ deuˬ-ahˇ ngaˇ ka kʼoꞈ nehˬ ma.

Iˇsaˬyaˇ 49:4

Ehˇ kʼawꞈ, ngaˇ heu loꞈ-ehˇ ehˇ nehˬ-euˬ ma. “Ngaˇ gaˇ mˇ-euˬ noeˬ tmˬ kʼaˇ maˬ za-a. Ngaˬ-euˬ gʼaˬ jiˇ-euˬ kʼawꞈ gaˇ dahˇ maˬ tsoeˬ leˇ-a.” Ehˇ kʼawꞈ Sahˬpaˬ Miˬyehˇ noeˬ muiˬ nehˬ laꞈ gaˇ noeˬ tmˬ ma. Ngaˬ neh mˇ-euˬ aˇ poeˬ aˬ yawꞈ haw tsaˬ nehˬ laꞈ tehꞈ-a.

Iˇsaˬyaˇ 59:18

Aˬ yawꞈ maꞈ neh kʼaˇ mˇ-euˬ jeˬ aˬ yawꞈ mˇ kʼoꞈ tehꞈ-a. Muiˇ-eu deuˬ-ahˇ aˬ yawꞈ-euˬ nui ma bi mawˇ-awˇ, puiˬ-eu deuˬ-ahˇ yaw doeˇ jahˇ kʼoꞈ tehꞈ-a. Gaˇ mahˇ kaˬ gaˇ jawˇ-eu deuˬ kʼawꞈ maˬ dzeuˇ-iˇ-a.

Iˇsaˬyaˇ 61:2

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ka kʼoꞈ-awˇ, aˬ yawꞈ maꞈ-ahˇ muiˇ-eu deuˬ-ahˇ guiˇ deuˆ gʼaˬ-eu, aˇ nah aˇ yamˬ keuˆ le luꞈ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ pyehˬ leꞈ-euˬ meh. Noeˬ shaˬ noeˬ zahˬ-eu tsawˇ haˬ deuˬ nui ma bi saˇ laˇ ni, aˬ yawꞈ ngaˬ-ahˇ pyehˬ leꞈ-euˬ meh.

Iˇsaˬyaˇ 63:4

Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu, aˇ yamˬ keuˆ laˇ-euˬ ngaˇ noeˬ tsehˆ-eu ma. Aˬ yawꞈ maꞈ-ahˇ muiˇ-eu deuˬ-ahˇ kʼehˬ-eu aˇ yamˬ tsaˬ laˇ-euˬ meh.

Iˇsaˬyaˇ 66:15

Sahˬpaˬ Miˬyehˇ miˬ dzaˬ nehˬ-ehˇ zaꞈ ka le-awˇ, aˬ yawꞈ nui ma pehˇ-eu deuˬ-ahˇ kʼehˬ-eu gʼaˇ duˬ, jaˬ lehˇ lehˇ ma-euˬ aˬ dahˇ kʼoeˇ taˆ dziˬ-awˇ oe tehꞈ-a.

Iˇsaˬyaˇ 7:4

Nui noeˬ yaw beuˇ beuˇ-ehˇ jawˇ-awˇ, nui ma coꞈ ngehˇ ni taˬ-eu laꞈ kʼoeˇ, aˇ dzehˬ-ehˇ maˬ guˆ-ehˇ maˬ noeˬ shaˬ ni jawˇ-awˬ lehˇ ehˇ nehˬ-awˬ. Suˇliˆ sahˬ paˬ Leˬzeˬ hawˇ-eu Leˬmaˬliˇ-euˬ aˬ li sahˬ paˬ Peˬkah aˬ nyaꞈ-euˬ nui pehˇ-aˬ, miˬ dzaˬ doꞈ miˆ-euˬ kawˬ pyaˇ-ahˇ uˬ kʼoeˬ du-eu loˆ ni tehꞈ meh.

Daˬyeˬlaˇ 10:18

Aˬ yawꞈ ngaˬ-ahˇ tiˬ poˆ paˇ nyehꞈ tehꞈ ngeh, gʼaˬ ui cuiˆ paˇ ahˇ dzehˬ laˇ-euˬ miˇ-a.

Daˬyeˬlaˇ 10:19

“Miˬyehˇ nawˬ-ahˇ gaˬ-eu meh. Kʼoeˇ miˇ neh, nawˇ tiˬ jeˬ-ahˇ-iˬ noeˬ shaˬ-awˇ taˬ guˆ” lehˇ aˬ yawꞈ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ ngeh, ngaˇ gʼaˬ paˇ ahˇ dzehˬ laˇ-awˇ, heu loꞈ-ehˇ ehˇ-euˬ ma. “Yaw huiˬ yaw mahˇ gʼaˬ-oˇ, nawˇ ngaˬ-ahˇ dzawˇ nehˬ paˬ-ehˇ gʼeh-eu jeˬ dzawˇ nehˬ laꞈ-awˬ. Nawˬ neh ngaˬ-ahˇ gʼaˬ bi ahˇ dzehˬ laˇ-euˬ miˇ-a.”

Hawˇseˬ 1:7

Ehˇ kʼawꞈ, Yuˇdaˆ miˇ kʼahˬ zaˬ deuˬ-ahˇ ngaˬ-euˬ nui gaˬ bi mawˇ ma. Aˬ yawꞈ maꞈ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ, aˬ yawꞈ maꞈ-ahˇ ka kʼoꞈ nehˬ ma. Ehˇ kʼawꞈ, guiˇ deuˆ-awˇ ka kʼoꞈ nehˬ-eu lehˇ gʼeh-eu maˬ ngeuˇ, mi cehˇ neh maˬ ehˇ, kaˆ neh maˬ ehˇ, kaˆ myaˬ neh maˬ ehˇ, mahˬ neh maˬ ehˇ, mahˬ dziˬ-eu yehˇ deuˬ neh maˬ ehˇ, aˬ yawꞈ maꞈ-ahˇ ka kʼoꞈ-eu lehˇ gʼeh-eu maˬ ngeuˇ.”

Haˬbaˬkuˆ 2:3

Ngaˇ pah mehˬ-eu jeˬ keuˆ le-eu, aˇ yamˬ maˬ tsaˬ laˇ-euˬ miˇ neh, boꞈ doˆ-awˇ tiˬ kʼehˬ dawˬ tawˬ siˬ. Ngaˇ pah mehˬ-eu jeˬ keuˆ le-eu, aˇ yamˬ dawˬ peh peh laˇ-euˬ meh. Yaw kawˇ maˬ keuˆ le gaˇ duˇ kʼawꞈ, tiˬ kʼehˬ dawˬ-awˇ haw tsoˆ taˬ yawˬ. Gʼawˬ myahˇ ni maˬ paˇ nyi naˬ ni, keuˆ le luꞈ-eu yaw duˬ baw meh.

Haˬgaiˇ 2:4

Ehˇ kʼawꞈ, naw maꞈ tiˬ gʼaˬ-iˬ nui ma taꞈ cawˆ. Zeˬluˇbaˬbeˬlaˇ-oˇ, Piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ-oˇ, Miˇ kʼahˬ zaˬ dawˬ tawˆ luꞈ-oˇ, nui ma taˬ cawˆ. Naw maꞈ nehˬ-ehˇ ngaˇ jawˇ ma.

Maˬlaˬkiˇ 3:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ oe-eu gaˇ ma bi laˆ saˆ-eu gʼaˇ duˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ pyehˬ gʼeh leꞈ ma. Kʼoeˇ naˇ, naw maꞈ loꞈ luꞈ-eu Sahˬpaˬ Miˬyehˇ-aˬ, aˬ yawꞈ-euˬ Uˬ duˬ tahˬ nymˇ nymˇ ma-ahˇ ja pyuˬ ni oe keuˆ tehꞈ-a. Naw maꞈ mawˇ mawꞈ-euˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ oe-awˇ, ngaˬ-euˬ dawˬ ma saˇ jaˇ dzawˇ nehˬ le tehꞈ-a.”

Luˇkaꞈ 21:28

Heu loꞈ-ehˇ gʼeh-eu deuˬ pyeuꞈ dahˬ beh laˇ ngeh, uˬ duˬ baꞈ diˇ-awˇ haw-awˬ. Aˬ jeˬ miˇ neh ehˇ naˇ, naw maꞈ-ahˇ ka kʼoꞈ le-eu aˇ yamˬ peh laˇ-euˬ meh.”

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

1 Teˇsaˬloˇni 5:14

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ nga maꞈ heu loꞈ-ehˇ gʼaˬ biꞈ-eu ma. Maˬ mˇ maˬ shaˇ nahˇ-eu tsawˇ haˬ-ahˇ yaw kʼaˆ kʼaˆ-ehˇ mehˬ nehˬ tsoˆ nehˬ-awˬ. Nui ma baˬ-eu tsawˇ haˬ-ahˇ gʼaˬ biꞈ nehˬ-awˬ. Gʼaˬ byehˆ byehˆ-eu tsawˇ haˬ-ahˇ caw ba nehˬ-awˬ. Tsawˇ haˬ yawˬ gʼaˬ na luꞈ kʼoeˇ taˆ nui ma gʼawˬ mahˇ ni taˬ-awˬ.

2 Tiˆmoˇseˬ 2:1

Ngaˬ li-oˇ, Yeˬsuˇ Ka li laꞈ kʼoeˇ aˬ dui za taˬ-euˬ guiˬ lahˬ yaw dzahˇ baˬ da neh gʼaˬ ahˇ-awˬ.

HeˬByehˇ 9:28

Kʼoeˇ gaˇ duˇ ni, tsawˇ haˬ gʼawˬ mya ni-euˬ iˬ baˇ yuˇ dzeh-eu gʼaˇ duˬ, Ka li-euˬ gʼawˇ mawˇ tiˬ poˆ lawˇ dah-euˬ meh. Aˬ yawꞈ tiˬ poˆ paˇ doˆ le tehꞈ-a. Ehˇ kʼawꞈ, iˬ baˇ shawˇ-eu gʼaˇ duˬ oe-euˬ maˬ ngeuˇ-a. Aˬ yawꞈ-ahˇ loꞈ luꞈ-eu tsawˇ haˬ deuˬ-ahˇ ka kʼoꞈ-eu gʼaˇ duˬ oe-euˬ jeˬ pyeuꞈ-eu meh.

Panmaeq 1:7

Haw yawˬ. Aˬ yawꞈ mˬ dmˇ dziˬ-awˇ oe luꞈ meh. Tsawˇ haˬ yawˬ gʼaˬ na luꞈ aˬ yawꞈ-ahˇ ya mawˇ tehꞈ-a. Aˬ yawꞈ-ahˇ gahˬ neh tsawˆ-euˬ deuˬ kʼawꞈ ya mawˇ tehꞈ-a. Aˬ yawꞈ baˬ da neh miˇ tsaˬ zaˬ dawˬ tawˆ luꞈ tsawˇ ngoeˇ ya ngoeˇ tehꞈ-a. Aˬ diˇ ngeuˇ tehꞈ-a. Aˬ miˬ.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.

Panmaeq 22:20

Gaˇ kawˆ heu deuˬ dawˬ tawˆ luꞈ saˇ kiˇ kamˬ-eu gʼaˬ ehˇ-eu, “Ngaˇ yaw kawˇ-ehˇ oe ma. Maˇ maˇ ni yaw kawˇ-ehˇ oe ma.” Aˬ miˬ. Sahˬpaˬ Yeˬsuˇ-oˇ, oe-awˬ.

1 Saˬmeuˬlaˆ 23:17

Yawˇnaˆshaˬ ehˇ-eu, “Taˬ guˆ. Ngaˬ da Sawˇluˆ nawˬ-ahˇ tiˬ jeˬ-iˬ maˬ jahˇ laˇ nya-a. Nawˇ Iˇsaˬleˬlaˆ tsawˇ jeuˬ-euˬ sahˬ paˬ ya pyeuꞈ laˇ-awˇ, ngaˇ nawˬ-euˬ laꞈ oˆ teˬ ni jawˇ-awˇ gaˇ ya mˇ-eu gaˇ kawˆ aˬ yawꞈ siˬ duˬ luꞈ meh.”