Iˇsaˬyaˇ 34:3 - Akha

³ Aˬ yawꞈ maꞈ shiˇ-awˇ baꞈ dzeh-euˬ, yaw buꞈ yoˆ yoˆ-ehˇ ya ga-awˇ, gawˬ jawˬ-ahˇ shiˬ neˇ tseuˆ ni jaˆ tehꞈ-a.

Iˇsaˬyaˇ 34:3 ပူးပေါင်းရင်းမြစ်များ

Iˇsaˬyaˇ 10:4

Aˬ cawˬ neh bi deuˆ sehꞈ-eu jeˬ hawˇ-eu, aˬ cawˬ miˇ kʼahˬ-ahˇ bi nyehꞈ gʼeh-eu nyiˬ jeˬ uˬ taꞈ, gaˇ ma yawˬ kahˇ yawˬ maˬ dahˇ-a. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ taˬ leˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ, maˬ baꞈ ka ni bi jaˆ tehꞈ-a.

Iˇsaˬyaˇ 34:7

Nehꞈ nyoˬ hawˇ-eu mawˇ neˇ sehꞈ dzeh nehˬ-eu loꞈ-ehˇ, aˬ yawꞈ maꞈ ya coˬ sehꞈ jiˇ-awˇ, aˬ yawꞈ maꞈ-euˬ shiˬ hawˇ-eu tsiˇ, miˇ tsaˬ tiˬ gʼoeˬ yoeˇ dahˬ tehꞈ-a.

Iˇsaˬyaˇ 66:24

“Aˬ yawꞈ maꞈ gʼoꞈ doˆ-iˇ ngeh, ngaˬ-ahˇ puiˬ-eu tsawˇ haˬ deuˬ shiˇ taˬ-awˇ ga gaˇ ya mawˇ tehꞈ-a. Aˬ yawꞈ maꞈ-ahˇ dzaˬ-eu buˬ joe deuˬ shiˇ-eu maˬ baw-ehˇ, aˬ yawꞈ maꞈ-ahˇ puiˆ-eu miˬ dzaˬ miˆ-iˇ-eu maˬ baw-a. Aˬ yawꞈ maꞈ-aˬ, miˇ tsaˬ zaˬ dawˬ tawˆ luꞈ gʼaˇ duˬ jawꞈ dui dui-eu jeˬ pyeuꞈ tehꞈ-a.”

Yeˬlaˬmiˇ 22:19

Mahˬ tahˬ laˆ shiˇ ngeh gʼeu dzeh-eu loꞈ-ehˇ, Yeˬluˇsaˬlehˬ meuˬ-euˬ lahˇ kʼehˬ laꞈ nyiˇ, aˬ yawꞈ-ahˇ gʼeu dzeh ha tehꞈ-a.”

Yeˬlaˬmiˇ 25:33

Aˇ yamˬ kʼoeˇ keuˆ le ngeh, Sahˬpaˬ Miˬyehˇ neh sehꞈ dzeh taˬ-euˬ tsawˇ haˬ deuˬ, miˇ tsaˬ tahˬ kʼawˇ kʼoeˇ dzeˇ heu dzeˇ doˆ ni, tiˬ byah ni ga tehꞈ-a. Aˬ yawꞈ maꞈ-ahˇ tsawˇ ngoeˇ ngoeˇ-awˇ baꞈ pahˬ nehˬ-eu gʼaˬ maˬ jawˇ-ehˇ, mawˇ neˇ keˬ loꞈ-ehˇ ga tehꞈ-a.

Yeˬsaˬgeˬlaˇ 14:19

“Miˇ kʼahˬ kʼoeˇ kʼahˬ laꞈ kʼoeˇ yaw jaw naˇ-eu naˇ gawˇ gawˇ ma bi keuˆ le-awˇ, ngaˇ nui ma pehˇ-eu laꞈ kʼoeˇ tsawˇ haˬ hawˇ-eu jeˬ zaˬ gʼawˬ mya ni bi shiˇ naˇ,

Yeˬsaˬgeˬlaˇ 32:4

Nawˬ-ahˇ ngaˇ miˇ tsa baꞈ dzeh -awˇ, miˇ tsaˬ kʼoeˇ taˆ kʼaˇ jawˇ luꞈ-eu, jeˬ zaˬ hawˇ-eu aˇ jiˇ dawˬ tawˆ, kuˇ uiˬ-awˇ nawˬ-ahˇ bi dzaˬ ma.

Yeˬsaˬgeˬlaˇ 35:6

Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ kʼaˇ dehꞈ kʼoeˇ keuˆ ni, shiˇ-eu jeˬ nawˬ-ahˇ oꞈ-awˇ, nawˇ maˬ cehˆ buˬ nya-aˇ. Nawˇ aˬ cawˬ-ahˇ sehꞈ-euˬ iˬ baˇ pi luꞈ-eu loꞈ-ehˇ, shiˇ-eu jeˬ nawˬ-euˬ mehˬ nah caw teh tehꞈ-a.

Yeˬsaˬgeˬlaˇ 38:22

Naˇ gawˇ hawˇ-eu shiˬ doˆ le ni laˆ tahˬ laˆ zaw-eu jeˬ aˬ yawꞈ kʼoeˇ taˆ bi keuˆ le ma. Uˬ yehˇ yehˇ ma hawˇ-eu uˬ yehˇ aˇ siˬ nehˬ-ehˇ, miˬ dzaˬ hawˇ-eu miˬ dzaˇ dzaˇ shuiˇ bi yehˇ keuˬ le-awˇ, aˬ yawꞈ hawˇ-eu aˬ yawꞈ-euˬ guiˇ maꞈ kʼoeˇ taˆ maˬ ehˇ, aˬ yawꞈ jawˇ paw kʼaˇ pyawˬ-eu miˇ kʼahˬ deuˬ kʼoeˇ taˆ maˬ ehˇ, bi yehˇ shehˬ ma.

Yeˬsaˬgeˬlaˇ 39:11

Sahˬpaˬ Miˬyehˇ ehˇ-eu, “Gaˇ kawˆ kʼoeˇ dawˬ tawˆ luꞈ pyeuꞈ laˇ ngeh, Gawˇgaˆ gʼaˇ duˬ, Iˇsaˬleˬlaˆ miˇ kʼahˬ laꞈ kʼoeˇ Shiˇ-eu iˬ ma laˆ shaˆ-euˬ nahˇ ma doˆ kʼehˬ paw jaˆ-eu, Daˬyah-euˬ deh kʼawꞈ lehˇ kuˇ-eu tsahˇ-ahˇ lmˬ bymˇ miˇ tsaˬ tiˬ tsahˇ biꞈ ma. Gawˇgaˆ hawˇ-eu aˬ yawꞈ-euˬ guiˇ maꞈ maꞈ lah-ehˇ, kʼoeˇ gaˇ bi baꞈ pahˬ-awˇ, deh kʼawꞈ kʼoeˇ kʼawꞈ-ahˇ Gawˇgaˆ guiˇ maꞈ-euˬ Deh kʼawꞈ lehˇ kuˇ tehꞈ-a.

Yeˬsaˬgeˬlaˇ 39:4

Gawˇgaˆ hawˇ-eu aˬ yawꞈ-euˬ guiˇ maꞈ deuˬ maˬ ehˇ, aˬ yawꞈ jawˇ paw kʼaˇ pyawˬ-eu deuˬ maˬ ehˇ, Iˇsaˬleˬlaˆ gawˬ jawˬ deuˬ kʼoeˇ taˆ coˬ sehꞈ jiˇ-awˇ, aˬ yawꞈ maꞈ-euˬ gʼawˇ mawˇ, aˇ jiˇ hawˇ-eu bawˇ tsahˬ jeˬ zaˬ deuˬ neh bi dzaˬ ma.

Yawˇlaˆ 2:20

Kʼoeˇ taˆ paw neh zaꞈ ka le-euˬ, nyehˇ bahˇ baˬ maꞈ ngaˇ teh byoˆ-awˇ, kʼaˇ shuiꞈ deh paw teh byaˆ nehˬ ma. Mehˬ huˬ huˬ-eu aˇ maꞈ deuˬ-ahˇ, Shiˇ-eu laˆ shaˆ-ahˇ teh puꞈ-awˇ, mehˬ nahˬ nahˬ-eu aˇ maꞈ deuˬ-ahˇ, Gʼahˇ ceh laˆ shaˆ-ahˇ teh puꞈ ma. Aˬ yawꞈ maꞈ shiˇ gahˬ taˬ-euˬ kʼoeˇ yaw buꞈ yoˆ yoˆ-ehˇ jaˆ tehꞈ-a. Naw maꞈ-ahˇ jahˇ doeˇ-euˬ aˇ poeˬ, aˬ yawꞈ maꞈ-ahˇ ngaˇ laˆ cawˆ ma.

Aˬmoˆ 4:10

“Iˇjiˇtuˆ miˇ kʼahˬ kʼoeˇ taˆ bi keuˆ le-euˬ loꞈ-ehˇ gʼeh-eu yaw jaw naˇ-eu naˇ gawˇ gawˇ ma naw maꞈ kʼoeˇ taˆ ngaˇ bi keuˆ le-euˬ ma. Naw maꞈ-euˬ aˬ li zaˬ guˬ deuˬ-ahˇ guiˇ deuˆ-eu laꞈ kʼoeˇ ngaˇ bi shiˇ-awˇ, naw maꞈ-euˬ mahˬ deuˬ ngaˇ teh byoˆ gʼeh-euˬ ma. Naw maꞈ-euˬ taˆ laꞈ kʼoeˇ shiˇ taˬ-awˇ ga-eu tsawˇ haˬ deuˬ-euˬ yaw buꞈ naw maꞈ-euˬ naˇ mehˇ tiˬ teuˇ bi behꞈ laꞈ-euˬ ma. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a.

Naˬhmˬ 3:3

Gahˬ, mi cehˇ guiˇ nyiˬ ni baꞈ-awˇ, mahˬ dziˬ-eu deuˬ coeˬ uˇ leꞈ ngeh, tsawˇ shiˇ duˬ gahˬ pu cu cu-awˇ, tsawˇ shiˇ-ahˇ tsawˇ shiˇ pehˆ toˆ-ehˇ, shiˇ tsaˬ maˬ paˇ tsoˆ jiˇ coeˇ meh.

Panmaeq 14:20

Aˬ gaꞈ aˇ siˬ kʼoeˇ deuˬ-aˬ, meuˬ-euˬ laꞈ nyiˇ paw jaˆ-eu aˬ gaꞈ dzaˇ uiˇ nawˬ duˬ-ahˇ bi nawˬ pyehˆ-awˇ, aˬ gaꞈ dzaˇ uiˇ nawˬ duˬ-ahˇ shiˬ yoeˇ doˆ le-euˬ meh. Shiˬ lawˇ gawˆ kʼoeˇ gawˆ-aˬ, mahˬ-euˬ naˇ mehˇ-ahˇ keuˆ ni naꞈ-awˇ, tiˬ yaˇ yehꞈ tseˇ laˇ kaˬ gaˇ keuˆ ni yoeˇ keuˆ-eu meh.