Iˇsaˬyaˇ 33:9 - Akha

⁹ Miˇ kʼahˬ ngoeˇ doˆ laˇ-awˇ gʼaˬ baˬ-iˇ luꞈ meh. Leˬbaˬnoˬ sahˬ kʼaˆ nyoeˬ-iˇ-awˇ, miˇ muiˬ muiˬ-eu Shaˬloˬ deh kʼawꞈ, kʼaˇ shuiꞈ deh yaˇ pyeuꞈ-iˇ-euˬ meh. Baˬshaˬ miˇ tsaˬ hawˇ-eu Gaˬlaˬmeˬlaˇ gawˬ jawˬ, aˇ bawˇ aˇ paꞈ ga jiˇ-euˬ meh.

Iˇsaˬyaˇ 33:9 ပူးပေါင်းရင်းမြစ်များ

Yawˇbaˆ 15:33

Maˬ gʼahˇ laˇ-euˬ aˇ siˬ deuˬ bi ga jiˇ-euˬ aˬ gaꞈ baw duˆ hawˇ-eu, aˇ yehˆ ga jiˇ-euˬ saˬ loˬ aˇ bawˇ-ahˇ aˬ yawꞈ duˇ leˇ tehꞈ-a.

Dawˬ caˇ 2:1

Ngaˇ-aˬ, Shaˬloˬ meuˬ dzeˇ dehꞈ-eu bawˇ tsahˬ aˇ yehˆ loˆ ni tehꞈ ma. Gʼaˬ lawˬ lawˬ mehˇ-ahˇ dehꞈ-eu ka paꞈ aˇ yehˆ loˆ ni tehꞈ ma.

Iˇsaˬyaˇ 10:34

Sahˬ kʼaˆ ma-ahˇ deuˆ haˬ neh tuˇ byoˆ-awˇ, Leˬbaˬnoˬ gawˬ jawˬ-ahˇ dehꞈ-eu muiˬ dui dui-eu aˇ bawˇ bawˇ ma deuˬ coˬ le-eu loꞈ-ehˇ, Sahˬpaˬ Miˬyehˇ aˬ yawꞈ maꞈ-ahˇ jahˇ nehˬ tehꞈ-a.

Iˇsaˬyaˇ 14:8

‘Nymˬ-mˇ nawˇ ga awˆ-iˇ-euˬ-aˬ, nga maꞈ-ahˇ tuˇ dzeh laˇ-eu gʼaˬ maˬ paˇ jawˇ ngaˇ’ lehˇ, guˇ baˬ luˇ aˇ bawˇ hawˇ-eu shuˬ liˇ aˇ bawˇ, sahˬ paˬ kʼoeˇ gʼaˬ-ahˇ ehˇ luꞈ meh.

Iˇsaˬyaˇ 2:13

Leˬbaˬnoˬ gawˬ jawˬ-ahˇ dehꞈ-eu, goˇ dui dui-awˇ jahˇ gʼeh luꞈ-eu shuˬ liˇ aˇ bawˇ dawˬ tawˆ luꞈ hawˇ-eu, Baˬshaˬ miˇ tsaˬ-ahˇ dehꞈ-eu tsuiꞈ kaˆ aˇ bawˇ dawˬ tawˆ luꞈ coˬ le tehꞈ-a.

Iˇsaˬyaˇ 24:1

Haw yawˬ. Miˇ tsaˬ tahˬ kʼawˇ-ahˇ Sahˬpaˬ Miˬyehˇ laˆ cawˆ-awˇ, ciˬ cuˇ ni byehˇ dzeh nehˬ tehꞈ-a. Miˇ tsaˬ tahˬ kʼawˇ-ahˇ poˆ laˆ sheu pyawˇ nehˬ-awˇ, miˇ tsaˬ zaˬ deuˬ bi jawˇ byaˆ jiˇ tehꞈ-a.

Iˇsaˬyaˇ 29:2

Kʼoeˇ naˇ, Miˬyehˇ-euˬ lawˇ duˬ lehˇ kuˇ-euˬ meuˬ kʼoeˇ-ahˇ, Miˬyehˇ guˆ-eu gaˆ-eu jeˬ bi keuˆ le tehꞈ-a. Guˇ guˇ-ehˇ ngoeˇ-eu teˇ saˇ byah jiˇ-awˇ, meuˬ meuˬ lah-ehˇ shiˬ yoeˇ kʼaˇ-eu lawˇ duˬ-ahˇ duˇ tehꞈ-a.

Iˇsaˬyaˇ 3:26

Meuˬ meuˬ lahˇ tsawˇ ngoeˇ ngoeˇ-awˇ, meuˬ-euˬ jawˬ gʼehˇ dzawˇ ngeh, neˇ myawˆ ni miˇ tsa nuiˇ-eu zaˬ miˬ zaˬ-ahˇ duˇ tehꞈ-a.

Iˇsaˬyaˇ 35:2

Kʼaˇ shuiꞈ deh yaˇ caˇ dawˬ caˇ-awˇ, laˬ kʼaˬ cehˇ-awˇ guˇ tehꞈ-a. Kʼaˇ shuiꞈ deh yaˇ kʼoeˇ Leˬbaˬnoˬ gawˬ jawˬ loꞈ-ehˇ, haw muiˬ dui dui laˇ-awˇ, Gaˬlaˬmeˬlaˇ gawˬ jawˬ hawˇ-eu Shaˬloˬ deh kʼawꞈ loꞈ-ehˇ, miˇ tsaˬ miˇ muiˬ muiˬ laˇ tehꞈ-a. Sahˬpaˬ Miˬyehˇ-euˬ yaw shehꞈ kʼahˬ sehˇ, huiˬ-eu mahˇ-eu jeˬ hawˇ-eu baoˬ-ahˇ, yawˬ gʼaˬ na luꞈ ya mawˇ tehꞈ-a.

Iˇsaˬyaˇ 37:24

Nawˬ-euˬ zaˬ kʼaˆ-ahˇ nawˇ pyehˬ gʼeh leꞈ-awˇ, goˇ dui dui-eu Leˬbaˬnoˬ gawˬ jawˬ-ahˇ nawˬ neh deuˆ gʼaˬ-euˬ gaˇ kawˆ, ngaˇ jawˇ gaˇ kʼahˬ sehˇ bi jehˆ le-euˬ meh. Kʼoeˇ gaˇ, goˇ dui dui-eu shuˬ liˇ aˇ bawˇ hawˇ-eu guˇ baˬ luˇ aˇ bawˇ deuˬ nawˇ tuˇ dzeh-awˇ, sahˬ kʼaˆ jeˬ dui dui-eu tsahˇ-ahˇ iˇ keuˆ-euˬ gaˇ kawˆ, nawˇ kʼahˬ sehˇ jehˆ-eu meh.

Iˇsaˬyaˇ 65:10

Aˬ yawꞈ maꞈ ngaˬ-ahˇ uˬ duˬ tahˬ-eu laꞈ kʼoeˇ, nahˇ ma ga kʼehˬ paw Shaˬloˬ deh ga-ahˇ maˬ ehˇ, nahˇ ma doˆ kʼehˬ paw Shaˬ zahˬ deh kʼawꞈ-ahˇ maˬ ehˇ, aˬ yawꞈ maꞈ-euˬ yawˇ hawˇ-eu mawˇ neˇ deuˬ ya bo tehꞈ-a.

Yeˬlaˬmiˇ 50:19

Ehˇ kʼawꞈ, Iˇsaˬleˬlaˆ tsawˇ haˬ deuˬ-ahˇ-aˬ, aˬ yawꞈ maꞈ-euˬ miˇ kʼahˬ-ahˇ sheuˬ kʼoꞈ gʼeh nehˬ ma. Gaˬlaˬmeˬlaˇ gawˬ jawˬ hawˇ-eu Baˬshaˬ gahˬ kaˬ-ahˇ dehꞈ-eu dzaˇ deuˬ aˬ yawꞈ maꞈ dzaˬ-awˇ, Eˇpaˬleˬ miˇ kʼahˬ hawˇ-eu Giˇlaˆ miˇ kʼahˬ laꞈ kʼoeˇ dehꞈ-eu dzaˬ la gʼo cehˇ deuˬ, aˬ yawꞈ maꞈ kʼaˇ dzaˬ mawꞈ-eu dzaˬ tehꞈ-a.

Hawˇseˬ 4:3

Kʼoeˇ loꞈ-ehˇ gʼeh-eu baˬ da neh, miˇ kʼahˬ heu tsawˇ ngoeˇ ngoeˇ laˇ-awˇ, meuˬ zaˬ deh zaˬ dawˬ tawˆ hawˇ-eu, bawˇ tsahˬ jeˬ zaˬ dawˬ tawˆ maˬ ehˇ, kʼoeˇ taˆ zaw-eu aˇ jiˇ hawˇ-eu, laˆ shaˆ ngaˬ shaˬ ngaˬ deˇ maˬ ehˇ, piˬ-iˇ byoˆ-iˇ jiˇ gaˇ keuˆ meh.”

Aˬmoˆ 1:2

Aˬmoˆ ehˇ-eu, “Ziˇoˬ meuˬ-euˬ gawˬ jawˬ kʼoeˇ taˆ, Sahˬpaˬ Miˬyehˇ lmˬ luꞈ-eu meh. Yeˬluˇsaˬlehˬ meuˬ laꞈ kʼoeˇ neh, yawꞈ-euˬ teˇ saˇ gaˬ doˆ laˇ-eu, mˬ jeˬ tsawˬ tehˆ tehˆ gaˇ duˇ meh. Jeˬ zaˬ gaˆ kʼahˬ gui-iˇ jiˇ-awˇ, Gaˬlaˬmeˬlaˇ gawˬ jawˬ uˬ du, yaˇ moꞈ nyoeˬ jiˇ koˆ jiˇ-euˬ meh.”

Miˇkaˬ 7:14

Sahˬpaˬ Miˬyehˇ-oˇ, yawˇ bo-eu yaw sahˇ yawˇ zaˬ deuˬ-ahˇ haw piˇ-eu loꞈ-ehˇ, nawˬ neh tseˇ doˆ-euˬ nawˬ-euˬ tsawˇ jeuˬ-ahˇ haw piˇ-awˬ. Aˬ yawꞈ maꞈ bawˇ tsahˬ-ahˇ jawˇ ceuˆ taˬ-euˬ kʼawꞈ, aˬ yawꞈ maꞈ-euˬ jawˬ jawˬ-ehˇ miˇ muiˬ muiˬ-eu miˇ tsaˬ jaˆ-eu meh. Aˇ hu ba aˬ yawꞈ maꞈ neh mˇ dzaˬ kʼawꞈ dawˇ yaꞈ-euˬ miˇ tsaˬ miˇ muiˬ muiˬ dui dui-eu Baˬshaˬ hawˇ-eu Giˇlaˆ gahˬ kaˬ-ahˇ, aˬ yawꞈ maꞈ-ahˇ bi mˇ dzaˬ bi kʼawꞈ dawˇ poˆ-iˇ-awˬ.

Naˬhmˬ 1:4

Laˆ shaˆ-ahˇ aˬ yawꞈ dawˬ biꞈ-awˇ, laˆ shaˆ iˇ cuꞈ bi gui-iˇ-awˇ, lawˇ baˬ iˇ cuꞈ gui jiˇ-eu meh. Gaˬlaˬmeˬlaˇ gawˬ jawˬ koˆ-iˇ, Baˬshaˬ deh ga gui-iˇ jiˇ-awˇ, Leˬbaˬnoˬ gawˬ jawˬ-ahˇ poˬ-eu, aˇ yehˆ nyoeˬ jiˇ koˆ jiˇ-eu meh.

Gʼaˬkʼehˇ 9:35

Luˇda meuˬ hawˇ-eu Shaˬloˬ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ tsawˇ haˬ kʼoeˇ gʼaˬ-ahˇ ya mawˇ ngeh, Sahˬpaˬ Yeˬsuˇ jawˇ paw pyawˇ laˇ jiˇ-euˬ meh.

Dawˬmehˬ 3:4

Kʼoeˇ ngeh, aˬ yawꞈ maꞈ-euˬ meuˬ koꞈ tseˇ meuˬ, tiˬ meuˬ-iˬ maˬ bi dzeuˇ-iˇ ni aˬ dui maꞈ deuˆ geuꞈ-awˇ, Baˬshaˬ meuˬ-ahˇ jawˇ-eu sahˬ paˬ Awˇgaˆ uˆ lahˇ-eu Aˬgawˆ miˇ kʼahˬ kʼahˬ lah ni aˬ dui maꞈ deuˆ za-euˬ ma.