Iˇsaˬyaˇ 33:2 - Akha

² Sahˬpaˬ Miˬyehˇ-oˇ, nga maꞈ-ahˇ gʼawˬ shaˬ gaˬ nehˬ laꞈ-awˬ. Nga maꞈ nawˬ-ahˇ noeˬ tmˬ luꞈ-eu ma. Yawˬ nah na luꞈ nga maꞈ-ahˇ haw piˇ-awˇ, guˆ-eu gaˆ-eu jeˬ laꞈ kʼoeˇ ka kʼoꞈ nehˬ laꞈ-awˬ.

Iˇsaˬyaˇ 33:2 ပူးပေါင်းရင်းမြစ်များ

Jaceuq 123:2

Zaˬ kʼaˆ tiˬ gʼaˬ aˬ yawꞈ-euˬ baw leˬ-ahˇ haw-eu loꞈ-ehˇ, zaˬ miˬ zaˬ zaˬ kʼaˆ tiˬ gʼaˬ aˬ yawꞈ-euˬ meh leˬ-ahˇ haw-eu loꞈ-ehˇ, nga maꞈ-euˬ Miˬyehˇ pyeuꞈ-euˬ Sahˬpaˬ Miˬyehˇ nawˇ nga maꞈ-ahˇ gʼawˬ shaˬ gaˬ nehˬ laꞈ ni, nawˬ-ahˇ nga maꞈ haw tsoˆ taˬ-euˬ ma.

Jaceuq 143:8

Nawˬ-ahˇ ngaˇ gʼoe luꞈ-eu miˇ neh, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ, yawˬ shawˬ na luꞈ ngaˬ-ahˇ bi noeˬ mawˇ laꞈ. Ngaˬ-euˬ shaˇ dawˬ nawˇ jawˇ gaˇ le keuˆ ngeh, ngaˇ ya iˇ-eu gaˇ ma mehˬ laꞈ.

Jaceuq 25:3

Nawˬ-ahˇnoeˬtmˬluꞈ-eu deuˬ-ahˇ, sm-iˇgaˇnawˇmaˬbi keuˆ-a. Ehˇkʼawꞈ nawˬ-ahˇpuiˬ-eu deuˬ-aˬ, sm-iˇ-awˇ daˬya ga tehꞈ-a.

Jaceuq 27:1

SahˬpaˬMiˬyehˇngaˬ-euˬyaw shehꞈ, ngaˬ-ahˇka kʼoꞈ-eu yaw sahˇmeh. Aˬsuˇgʼaˬ-ahˇngaˇpaˇguˆnmˇ. SahˬpaˬMiˬyehˇngaˬ-euˬgʼaˇduˬ, ziꞈdui dui-eu taˆpyeuꞈ-eu meh. Aˬgeu jeˬ-ahˇngaˇpaˇguˆnmˇ.

Jaceuq 33:22

Sahˬpaˬ Miˬyehˇ-oˇ, nga maꞈnawˬ-ahˇ noeˬtmˬluꞈngeh, maˬtsehˆleˇ-eu nawˇgaˬ-eu jeˬ, nga maꞈkʼoeˇtaˆbi keuˆle laꞈ.

Jaceuq 37:39

Yaw tsaˬyaw dawˇtsawˇhaˬdeuˬ-ahˇ, SahˬpaˬMiˬyehˇ ka kʼoꞈnehˬ-awˇ, shaˬ-eu zahˬ-eu jeˬkeuˆle ngeh, maˬbyehˇdzeh ni haw piˇ-eu meh.

Jaceuq 46:1

Miˬyehˇ-aˬ, aˬ dui-euˬ gʼoe duˬ hawˇ-eu aˬ dui-euˬ gʼaˬ pyeuꞈ-awˇ, shaˬ-eu zahˬ-eu aˇ yamˬ laꞈ kʼoeˇ, aˬ dui-ahˇ caw ba nehˬ laꞈ-eu meh.

Jaceuq 46:5

Meuˬ kʼoeˇ meuˬ-ahˇ Miˬyehˇ jawˇ-awˇ, tiˬ jawˇ-iˬ maˬ cawˆ-iˇ nya-a. Uˬ bya bya laˇ ngeh meuˬ kʼoeˇ meuˬ-ahˇ aˬ yawꞈ caw ba le-eu meh.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 60:11

Muiˇ-eu deuˬ-ahˇ nga maꞈ guiˇ deuˆ gaˇ caw ba nehˬ laꞈ. Tsawˇ haˬ zaˬ caw ba-eu gaˇ dahˇ maˬ tsoeˬ-a.

Jaceuq 62:1

Miˬyehˇ ngaˬ-ahˇ ka kʼoꞈ le gaˇ, ngaˇ oˇ-awˇ dawˬ luꞈ-eu ma. Aˬ yawꞈ-ahˇ tehꞈ-ehˇ ngaˇ gʼoe-eu ma.

Jaceuq 62:5

Miˬyehˇ-ahˇ tehꞈ-ehˇ ngaˇ gʼoe-eu ma. Aˬ yawꞈ laꞈ kʼoeˇ ngaˇ noeˬ tmˬ kʼaˇ za-eu ma.

Jaceuq 62:8

Ngaˬ-euˬ tsawˇ haˬ deuˬ-oˇ, Miˬyehˇ-ahˇ aˬ myah luꞈ gʼoe-awˬ. Naw maꞈ-euˬ shaˬ zahˬ dawˬ tawˆ luꞈ aˬ yawꞈ-ahˇ dzawˇ nehˬ-awˬ. Aˬ yawꞈ-aˬ, aˬ dui-euˬ gʼoe duˬ meh.

Jaceuq 90:15

Nga maꞈ shaˬ zahˬ naꞈ dui dui-euˬ aˇ kʼoꞈ aˇ la deuˬ laꞈ kʼoeˇ, nawˬ neh nga maꞈ-ahˇ biꞈ laꞈ-euˬ noeˬ shaˬ-eu jeˬ myaˆ ni, laˬ kʼaˬ cehˇ-eu jeˬ paˇ biꞈ laꞈ-awˬ.

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Doˆ-iˇ 14:27

Kʼoeˇ ngeh, Moˇseˬ aˬ laꞈ cawˬ ja-awˇ, mˬ bya laˇ ngeh, iˇ cuꞈ kʼoeˇ deuˬ aˬ yawꞈ yaw oeˇ loꞈ-ahˇ paˇ dahˬ dzm laˇ-euˬ meh. Iˇjiˇtuˆ tsawˇ haˬ kʼoeˇ deuˬ iˇ cuꞈ dahˬ pymˬ laꞈ gaˇ cehˆ dzeuˇ-eu lehˇ leh jeh kʼawꞈ, Sahˬpaˬ Miˬyehˇ aˬ yawꞈ maꞈ-ahˇ iˬ ma laˆ shaˆ laꞈ kʼoeˇ biˬ puꞈ nehˬ-euˬ meh.

Iˇsaˬyaˇ 17:10

Iˇsaˬleˬlaˆ tsawˇ haˬ deuˬ-oˇ, naw maꞈ gʼaˇ duˬ lo guˇ loꞈ-ehˇ ziꞈ-euˬ, naw maꞈ-ahˇ ka kʼoꞈ-euˬ miˬ yehˇ-ahˇ, naw maꞈ byehˇ dzeh yaꞈ-awˇ, aˬ cawˬ tsawˇ jeuˬ-euˬ Miˬyehˇ-ahˇ uˬ duˬ tahˬ-eu gʼaˇ duˬ, muiˬ-eu shawˇ-eu yaˇ kmˇ mˇ-euˬ miˇ neh,

Iˇsaˬyaˇ 25:4

Mehꞈ-eu shuꞈ-eu deuˬ hawˇ-eu shaˬ-eu zahˬ-eu deuˬ, nawˇ jawˇ gaˇ cehˆ laˇ-awˇ, guˆ-eu gaˆ-eu jeˬ-ahˇ buˬ-iˇ-euˬ meh. Jaˬ lehˇ lehˇ ma baw ngeh aˬ yawꞈ maꞈ-ahˇ nawˇ haw lahˇ-awˇ, nahˇ tsaˇ kʼaˆ ngeh naˇ shmˇ bi awˆ-euˬ meh. Haiˬ-eu tsawˇ haˬ deuˬ neh mˇ-euˬ yaw doeˇ jeˬ-aˬ, kaˇ pyawˇ-ahˇ ciˬ tahˬ ciˬ tuˆ-eu jaˬ lehˇ lehˇ ma -ahˇ duˇ-awˇ,

Iˇsaˬyaˇ 25:9

Kʼoeˇ loꞈ-ehˇ pyeuꞈ laˇ ngeh, tsawˇ haˬ yawˬ gʼaˬ na luꞈ heu loꞈ-ehˇ ehˇ tehꞈ-a. “Aˬ yawꞈ-aˬ, aˬ dui-euˬ Miˬyehˇ ma. Aˬ yawꞈ-ahˇ aˬ dui gʼoe-euˬ loꞈ-ehˇ, aˬ dui-ahˇ aˬ yawꞈ ka kʼoꞈ nehˬ laꞈ-euˬ meh. Aˬ yawꞈ-aˬ, aˬ dui-euˬ Sahˬpaˬ Miˬyehˇ meh. Aˬ yawꞈ-ahˇ aˬ dui gʼoe-euˬ loꞈ-ehˇ, nymˬ-mˇ aˬ dui laˬ kʼaˬ cehˇ nui saˇ za-eu ma. Aˬ jeˬ miˇ neh ehˇ naˇ, aˬ dui-ahˇ aˬ yawꞈ neh ka kʼoꞈ nehˬ laꞈ-euˬ meh.”

Iˇsaˬyaˇ 26:16

Sahˬpaˬ Miˬyehˇ nawˇ nawˬ-euˬ tsawˇ haˬ-ahˇ, kʼehˬ nehˬ kʼaˆ nehˬ-euˬ baˬ da neh, aˬ yawꞈ maꞈ noeˬ shaˬ dui dui-eu laꞈ kʼoeˇ, nawˬ-ahˇ guiˬ lahˬ shaˇ luꞈ-eu meh.

Iˇsaˬyaˇ 26:8

Nawˬ-euˬ nui kʼahˇ nga maꞈ poˆ-awˇ, nawˬ-ahˇ nga maꞈ noeˬ tmˬ-eu ma. Nga maꞈ nui kʼahˇ shiˇ duˬ nawˇ meh.

Iˇsaˬyaˇ 37:3

Aˬ yawꞈ maꞈ-ahˇ Iˇsaˬyaˇ jawˇ gaˇ heu loꞈ-ehˇ bi ehˇ iˇ-euˬ meh. “Iˬ nah-aˬ, noeˬ shaˬ noeˬ zahˬ-eu aˇ nah meh. Zaˬ ciˬ deˇ le-awˇ maˬ ciˬ doˆ nya ni shaˬ gaˇ duˇ miˇ-a.

Iˇsaˬyaˇ 40:10

Haw yawˬ. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ , aˬ yawꞈ neh ka kʼoꞈ-euˬ tsawˇ haˬ deuˬ-ahˇ sheuˬ-awˇ, aˬ yawꞈ-euˬ baoˬ neh uˆ lahˇ-eu lehˇ oe luꞈ meh.

Iˇsaˬyaˇ 51:5

Ngaˇ yaw kawˇ-ehˇ oe-awˇ aˬ yawꞈ maꞈ-ahˇ ka kʼoꞈ le ma. Ngaˇ gʼaˬ leˇ-eu aˇ yamˬ dawˬ peh peh laˇ luꞈ meh. Tsawˇ jeuˬ dawˬ tawˆ luꞈ-ahˇ ngaˇ uˆ lahˇ ma. Gaˇ mahˇ kaˬ-eu miˇ kʼahˬ deuˬ ngaˬ-ahˇ dawˬ luꞈ meh. Aˬ yawꞈ maꞈ-ahˇ ngaˇ ka kʼoꞈ nehˬ le gaˇ noeˬ tmˬ luꞈ meh.

Iˇsaˬyaˇ 59:16

Kʼehˬ nehˬ kʼaˆ nehˬ gaˇ ya daˬ-euˬ tsawˇ haˬ deuˬ-ahˇ, caw ba nehˬ-eu gʼaˬ maˬ jawˇ gaˇ aˬ yawꞈ zahˬ leˇ-eu meh. Kʼoeˇ miˇ neh aˬ yawꞈ-euˬ baoˬ zmˬ-awˇ, aˬ yawꞈ maꞈ-ahˇ ka kʼoꞈ nehˬ-eu laꞈ kʼoeˇ, yaw tsaˬ yaw dawˇ jeˬ neh laˆ gʼaˬ tehꞈ-a.

Iˇsaˬyaˇ 8:17

Sahˬpaˬ Miˬyehˇ-aˬ, aˬ yawꞈ-euˬ tsawˇ haˬ deuˬ maˬ bi mawˇ-eu gʼaˇ duˬ, jawˇ zaꞈ luꞈ-eu meh. Ehˇ kʼawꞈ, aˬ yawꞈ-ahˇ ngaˇ gʼoe-awˇ, noeˬ tmˬ-eu laꞈ kʼoeˇ loꞈ luꞈ-eu ma.

Yeˬlaˬmiˇ 14:8

Iˇsaˬleˬlaˆ noeˬ tmˬ duˬ nawˇ tehꞈ meh. Guˆ-eu gaˆ-eu laꞈ kʼoeˇ ka kʼoꞈ nehˬ laꞈ-eu nawˇ tehꞈ meh. Aˬ jeˬ miˇ neh nga maꞈ miˇ kʼahˬ laꞈ kʼoeˇ, boeˇ miˬ siˬ kʼaˬ loꞈ-ehˇ gʼeh nehˬ laꞈ te. Uˬ ciꞈ tiˬ miˇ tehꞈ-ehˇ yaꞈ-eu daˬ yah loꞈ-ehˇ, aˬ jeˬ miˇ neh gʼeh nehˬ laꞈ te.

Ngoeˇ dawˬ 3:23

yawˬ shawˬ na luꞈ shuiꞈ teˇ poˬ ni, saˇ jaˇ huiˬ-eu ziꞈ dah ni meh.

Hawˇseˬ 14:2

Guiˬ lahˬ shaˇ dawˬ heu yuˇ laꞈ-awˇ, lawˇ-eu shehˇ-eu tiˬ jeˬ loꞈ-ehˇ, Sahˬpaˬ Miˬyehˇ-ahˇ damˬ nehˬ-awˬ. “Nga maꞈ-euˬ iˬ baˇ pyehˬ laꞈ-awˇ, nga maꞈ shaˇ dawˬ naˇ haˬ nehˬ laꞈ. Nga maꞈ saˇ jaˇ dzaˬ-euˬ loꞈ-ehˇ, nawˬ-ahˇ nga maꞈ ja ceuˬ-eu ma.