Iˇsaˬyaˇ 33:14 - Akha

¹⁴ Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Iˇsaˬyaˇ 33:14 ပူးပေါင်းရင်းမြစ်များ

Yawˇbaˆ 18:11

Guˆ-eu gaˆ-eu jeˬ aˬ yawꞈ-euˬ tiˬ jawˬ loꞈ luꞈ-awˇ aˬ yawꞈ kuiˇ toꞈ kʼaˇ ciˬ gaˇ caw teh luꞈ meh.

Jaceuq 11:6

Miˬlmˇdoˆ-eu miˬjiˆhawˇ-eu, miˬdzaˬdoꞈ-eu miˬdzaˇdzaˇshuiˇ, tsawˇdoeˇkʼoeˇtaˆtahˬdaˆleꞈ-awˇ, lahˇdui dui-eu jaˬlehˇbaw-awˇ, aˬyawꞈmaꞈ-ahˇkʼehˬnehˬ-eu meh.

Jaceuq 21:9

Miˬdzaˬloꞈ-ehˇsahˬpaˬoe ngeh, aˬyawꞈmaꞈ-ahˇlaˆcawˆtehꞈ-a. SahˬpaˬMiˬyehˇnui ma pehˇ-awˇ, aˬyawꞈmaꞈ-ahˇ myoꞈahˇjiˇ-awˇ, miˬdzaˬneh laˆcawˆnehˬtehꞈ-a.

Jaceuq 50:3

Aˬ dui-euˬ Miˬyehˇ oe luꞈ meh. Ciˬ cuˇ ni aˬ yawꞈ maˬ oe-a. Nyehˆ dui dui-eu miˬ dzaˬ jehˆ bymˇ aˬ yawꞈ mehˬ shi oe-awˇ, mˬ jeˬ jaˬ lehˇ gʼahˇ ceh aˬ yawꞈ oe luꞈ-eu meh.

Jaceuq 53:5

Aˬ yawꞈ-euˬ tsawˇ haˬ-ahˇ muiˇ-eu deuˬ-euˬ shaˬ yoeˬ-ahˇ, Miˬyehˇ ngawˬ kʼehꞈ ngawˬ kʼoeˆ-awˇ byaˆ dzeh ngeh, tiˬ jawˇ-iˬ maˬ puˬ maˬ mawˇ haw-euˬ guˆ-eu gaˆ-eu jeˬ, aˬ yawꞈ maꞈ tahˬ puˬ-awˇ laˇ baˇ-iˇ tehꞈ-a. Aˬ yawꞈ maꞈ-ahˇ Miˬyehˇ byehˇ dzeh nehˬ-euˬ miˇ neh Iˇsaˬleˬlaˆ tsawˇ jeuˬ aˬ yawꞈ maꞈ-ahˇ nui kʼahˇ tiˬ shiˇ gʼaˬ leˇ tehꞈ-a.

Dawqdaq 28:1

Maˬ sui maˬ dawˇ-eu tsawˇ haˬ deuˬ-aˬ, aˬ cawˬ maˬ caw teh gaˇ guˆ guˆ-ehˇ cehˆ-eu meh. Ehˇ kʼawꞈ, yaw sui yaw dawˇ tsawˇ haˬ aˇ laˬ jaˬ shiˇ loꞈ-ehˇ kʼaˬ duˬ ni dehꞈ-eu meh.

Iˇsaˬyaˇ 1:28

Ehˇ kʼawꞈ, puiˬ-eu deuˬ hawˇ-eu iˬ baˇ mˇ-eu deuˬ, tiˬ kawˆ loꞈ-ehˇ bi laˆ cawˆ-awˇ Sahˬpaˬ Miˬyehˇ-ahˇ byehˇ dzeh-euˬ deuˬ, bi laˆ meh jiˇ tehꞈ-a.

Iˇsaˬyaˇ 10:16

Kʼoeˇ miˇ neh, Baoˬ huiˬ-eu Sahˬpaˬ Miˬyehˇ-aˬ, naˇ gawˇ yaw kʼaˆ pyehˬ gʼeh leꞈ-awˇ, deuˇ dui dui-eu yehˇ deuˬ-ahˇ kʼehˬ nehˬ kʼaˆ nehˬ tehꞈ-a. Aˬ yawꞈ-euˬ yaw shehꞈ kʼahˬ sehˇ uˬ moˆ miˬ dzaˬ doꞈ laˇ-awˇ, miˬ lmˇ doˆ le tehꞈ-a.

Iˇsaˬyaˇ 10:6

Miˬyehˇ maˬ baw-eu tsawˇ jeuˬ hawˇ-eu, ngaˇ nui ma pehˇ-eu tsawˇ haˬ deuˬ jawˇ gaˇ, aˬ yawꞈ-ahˇ ngaˇ pyehˬ gʼeh-awˇ, aˬ yawꞈ maꞈ-euˬ pyuˇ shuiˇ myawˬ gahˬ bi ceh geuꞈ-awˇ, gaˇ ma-ahˇ jaˆ-eu shaˬ jehˆ nawˬ pahˬ-eu loꞈ-ehˇ, aˬ yawꞈ maꞈ-ahˇ bi nawˬ pahˬ ma.

Iˇsaˬyaˇ 29:13

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

Iˇsaˬyaˇ 29:6

mˬ jeˬ jaˬ lehˇ hawˇ-eu miˇ luˆ luˆ-eu laꞈ kʼoeˇ, Baoˬ huiˬ-eu Sahˬpaˬ Miˬyehˇ nawˬ-ahˇ ka kʼoꞈ tehꞈ-a. Jaˬ lehˇ lehˇ ma hawˇ-eu miˬ dzaˬ miˬ lmˇ, aˬ yawꞈ pyehˬ leꞈ tehꞈ-a.

Iˇsaˬyaˇ 32:11

Saˇ lehˆ ni dehꞈ-eu zaˬ miˬ zaˬ deuˬ-oˇ, yaw dzuˬ dzuˬ dui dui-awˬ. Kʼahˬ lahˇ kʼaˇ maˬ za-eu aˬ buˇ deuˬ-oˇ, yaw dzuˬ dzuˬ gah gah-awˬ. Naw maꞈ mehˬ tsoeˬ lehˆ dzeh jiˇ-awˇ, guˬ daˇ pehˇ zeuˇ joꞈ-ahˇ lahˇ-awˇ jawˇ-awˬ.

Iˇsaˬyaˇ 34:9

Eˬdoˬ miˇ kʼahˬ-ahˇ yoeˇ-eu lawˇ baˬ lawˇ gawˆ deuˬ, miˬ shuˬ miˬ dziˬ pyeuꞈ-iˇ jiˇ-awˇ, miˇ tsaˬ miˬ dzaˇ dzaˇ shuiˇ pyeuꞈ-iˇ jiˇ-euˬ miˇ neh, miˇ kʼahˬ kʼahˬ lah miˬ shuˬ doꞈ-eu loꞈ-ehˇ puiˆ dzaˬ tehꞈ-a.

Iˇsaˬyaˇ 47:14

“Aˬ yawꞈ maꞈ gʼo yoeˬ-ahˇ duˇ-awˇ, miˬ dzaˬ bi puiˆ dzaˬ jiˇ tehꞈ-a. Aˬ yawꞈ maꞈ yawˬ haˇ yawˬ ha maˬ ka kʼoꞈ nya-a. Miˬ dzaˬ miˬ lmˇ kʼoeˇ aˬ yawꞈ maꞈ-ahˇ lahˇ dui dui tehꞈ-a. Yaw gaˆ lmˇ-eu miˬ jiˆ-ahˇ maˬ duˇ-a.

Iˇsaˬyaˇ 5:24

Kʼoeˇ miˇ neh, gʼo yoeˬ hawˇ-eu uˬ jiˇ, miˬ dzaˬ miˬ lmˇ laꞈ kʼoeˇ byoˆ-iˇ-eu loꞈ-ehˇ, aˬ yawꞈ maꞈ-euˬ duˬ ciˇ peuˬ-iˇ jiˇ-awˇ, aˬ yawꞈ maꞈ-euˬ aˇ yehˆ kʼaˬ lehˇ loꞈ-ehˇ bi baw byoˆ jiˇ tehꞈ-a. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ, aˬ yawꞈ maꞈ byehˇ dzeh jiˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ dawˬ-ahˇ, aˬ yawꞈ maꞈ naˬ bawˇ maˬ ciˬ kʼmˇ-a.

Iˇsaˬyaˇ 66:24

“Aˬ yawꞈ maꞈ gʼoꞈ doˆ-iˇ ngeh, ngaˬ-ahˇ puiˬ-eu tsawˇ haˬ deuˬ shiˇ taˬ-awˇ ga gaˇ ya mawˇ tehꞈ-a. Aˬ yawꞈ maꞈ-ahˇ dzaˬ-eu buˬ joe deuˬ shiˇ-eu maˬ baw-ehˇ, aˬ yawꞈ maꞈ-ahˇ puiˆ-eu miˬ dzaˬ miˆ-iˇ-eu maˬ baw-a. Aˬ yawꞈ maꞈ-aˬ, miˇ tsaˬ zaˬ dawˬ tawˆ luꞈ gʼaˇ duˬ jawꞈ dui dui-eu jeˬ pyeuꞈ tehꞈ-a.”

Iˇsaˬyaˇ 7:2

Suˇliˆ guiˇ maꞈ deuˬ Iˇsaˬleˬlaˆ miˇ kʼahˬ-ahˇ oe uiˬ taˬ-euˬ gaˇ kawˆ Yuˇdaˆ sahˬ paˬ ya gaˬ ngeh, aˬ yawꞈ hawˇ-eu aˬ yawꞈ-euˬ tsawˇ haˬ deuˬ dawˬ tawˆ luꞈ guˆ dui dui-iˇ-awˇ, jaˬ lehˇ neh bi baw nyeh-euˬ aˇ bawˇ loꞈ-ehˇ yaw dzuˬ dzuˬ dui dui-euˬ meh.

Iˇsaˬyaˇ 9:17

Kʼoeˇ miˇ neh zaˬ guˬ deuˬ-ahˇ Sahˬpaˬ Miˬyehˇ maˬ taˬ nehˬ-ehˇ, muˇ coeˬ aˬ nmˇ hawˇ-eu miˬ coeˬ miˬ ma-ahˇ gʼawˬ shaˬ maˬ gaˬ ni, tiˬ gʼaˬ-iˬ maˬ bi dzeuˇ-iˇ-a. Aˬ yawꞈ maꞈ Miˬyehˇ maˬ baw-ehˇ, yaw haiˬ tehꞈ-ehˇ mˇ-eu uˬ taꞈ, dawˬ ngehˬ-eu yaw muiˬ maˬ ahˇ-eu miˇ neh meh. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ shuꞈ-iˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ, maˬ baꞈ ka ni bi jaˆ tehꞈ-a.

Iˇsaˬyaˇ 9:18

Yaw haiˬ jeˬ miˬ dzaˬ doꞈ doˆ laˇ-awˇ, aˬ gah baw duˆ hawˇ-eu yaˇ saˬ-ahˇ puiˆ tehꞈ-a. Sahˬ kʼaˆ ma-ahˇ doꞈ nyawˬ leˇ-awˇ, uˬ kʼoeˬ mˬ-ahˇ lehˬ yoˆ daˆ leꞈ tehꞈ-a.

Iˇsaˬyaˇ 9:19

Baoˬ huiˬ-eu Sahˬpaˬ Miˬyehˇ-euˬ nui pehˇ baˬ da neh, miˇ kʼahˬ kʼahˬ lah-ehˇ miˬ dzaˬ doꞈ laˇ tehꞈ-a. tsawˇ haˬ zaˬ miˬ dzaˬ miˬ doꞈ loꞈ-ehˇ bi puiˆ dzaˬ-awˇ, mehˇ nmˇ yaw kaˬ gʼawˬ shaˬ maˬ gaˬ nya-aˇ.

Aˬmoˆ 9:10

‘Maˬ muiˬ-eu jeˬ aˬ dui kʼoeˇ taˆ keuˆ le ni Miˬyehˇ maˬ jahˇ-aˇ’ lehˇ ehˇ luꞈ-eu iˬ baˇ ahˇ-eu ngaˬ-euˬ tsawˇ haˬ deuˬ, guiˇ deuˆ-eu laꞈ kʼoeˇ ya shiˇ tehꞈ-a.”

Naˬhmˬ 1:6

Aˬ yawꞈ nui ma pehˇ-eu jeˬ-ahˇ, dehꞈ dzeuˇ nya-eu aˬ suˇ jawˇ ta. Nui pehˇ miˬ lmˇ shehˆ daˆ leꞈ ngeh, lo gahˬ lo guˇ byaˆ ka le-awˇ, kʼaˬ lehˇ loꞈ-ehˇ meuˇ jiˇ-eu meh.

Maˬlaˬkiˇ 3:2

Ehˇ kʼawꞈ, aˬ yawꞈ oe ngeh nah aˬ suˇ gʼaˬ daˬ coeˇ nmˇ, Aˬ yawꞈ doˆ le ngeh, maˬ shiˇ-ehˇ dzeuˇ-iˇ-eu aˬ suˇ gʼaˬ jawˇ nmˇ. Aˬ yawꞈ-aˬ, taˆ dui dui-eu shaˇ byaˬ hawˇ-eu, shmˇ baw guiˇ-eu miˬ dzaˬ-ahˇ duˇ-eu meh.

Maꞈtehˬ 18:8

“Nawˇ jah-eu nui ma byoˆ-iˇ ni, nawˬ-euˬ aˬ laꞈ neh maˬ ehˇ, aˬ kuiˇ neh maˬ ehˇ, jahˇ-euˬ ngeuˇ naˇ, deuˆ tsehˆ-awˇ biˬ dzeh-awˬ. Aˬ kuiˇ aˬ laꞈ aˇ sehˇ byah-awˇ mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ bi baꞈ puiˆ-eu naˆ maˬ tseˇ, aˬ kuiˇ aˬ laꞈ aˇ sehˇ dahˬ-iˇ-awˇ dehꞈ-eu jeˬ za-eu-aˬ muiˬ dzehˬ tehꞈ-a.

Maꞈtehˬ 22:12

‘Cawˬ-oˇ, oeˇ mˇ baˇ gaˇ kʼaˇ laˇ-eu tsawˇ haˬ deuˬ ya dm-eu mehˬ tsoeˬ maˬ dm ni, nawˇ heu gaˇ aˬ joˆ-ehˇ laˇ uˇ-awˇ jawˇ te’ lehˇ sahˬ paˬ aˬ yawꞈ-ahˇ naˇ haˬ kʼawꞈ, tsawˇ haˬ kʼoeˇ gʼaˬ dawˬ maˬ tmˇ-a.

Maꞈtehˬ 24:51

Kʼoeˇ ngeh jawˇ, baw leˬ gʼaˬ neh zaˬ kʼaˆ kʼoeˇ gʼaˬ-ahˇ shiˇ taw tehˬ ni diˬ-awˇ, awꞈ-aˬ tahˬ kʼoˬ-ahˇ duˇ-eu tsawˇ haˬ deuˬ ya mˇ-eu shaˬ zahˬ aˬ yawꞈ-ahˇ bi mˇ tehꞈ-a. Kʼoeˇ gaˇ, aˬ yawꞈ ngoeˇ-awˇ seuˬ teuꞈ teuꞈ-ehˇ ya jawˇ tehꞈ-a.

Maꞈtehˬ 25:41

“Kʼoeˇ naˇ, Sahˬ paˬ-euˬ aˇ caˇ paw jawˇ-eu tsawˇ haˬ deuˬ-ahˇ, Sahˬ paˬ heu loꞈ-ehˇ ehˇ nehˬ tehꞈ-a. ‘Miˬyehˇ neh yaˬ kʼehˇ bi yaˬ-euˬ tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˇ, Nehꞈ sahˬ paˬ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ gʼaˇ duˬ lehˬ hmˬ taˬ-euˬ, mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ uˇ-iˇ-awˬ.

Maꞈtehˬ 25:46

Aˬ yawꞈ maꞈ-aˬ, mˬ maˬ maˬ byaˆ zaˇ ziˇ kʼehˬ-eu kʼaˆ-eu jeˬ-ahˇ ya daˬ-awˇ, yaw tsaˬ yaw dawˇ tsawˇ haˬ deuˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za tehꞈ-a.”

Dawˬmehˬ 4:24

Aˬ jeˬ miˇ neh ehˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, puiˆ dzaˬ laˇ-eu miˬ dzaˬ-ahˇ duˇ-awˇ, myaˆ naˆ-eu Miˬyehˇ meh.

2 Teˇsaˬloˇni 1:8

Miˬyehˇ-ahˇ Miˬyehˇ meh lehˇ maˬ sawˇ-ehˇ, aˬ dui-euˬ Sahˬpaˬ Yeˬsuˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ naˇ haˬ geuꞈ-eu tsawˇ haˬ deuˬ-ahˇ kʼehˬ-eu gʼaˇ duˬ Sahˬpaˬ Yeˬsuˇ oe ngeh, miˬ dzaˬ miˬ lmˇ hehˇ leꞈ tehꞈ-a.

HeˬByehˇ 12:29

Aˬ jeˬ miˇ neh ehˇ naˇ, aˬ dui-euˬ Miˬyehˇ-aˬ, maˇ maˇ ni laˆ luˬ laˆ seˇ-eu miˬ dzaˬ pyeuꞈ-eu meh.

Panmaeq 14:10

Miˬyehˇ-euˬ nui ma pehˇ-eu kʼmˬ maˬ laꞈ kʼoeˇ, taˆ dui dui-eu Miˬyehˇ nui ma pehˇ-eu aˬ gaꞈ dzaˇ uiˇ ya dawˇ tehꞈ-a. Kʼoeˇ loꞈ-ehˇ gʼeh-eu tsawˇ haˬ dawˬ tawˆ luꞈ, muiˬ-eu shawˇ-eu mˬ taˆ gʼaˬ kʼehˇ deuˬ hawˇ-eu Yawˇzaˬ-euˬ mehˬ shi, miˬ dzaˬ hawˇ-eu miˬ dzaˇ dzaˇ shuiˇ neh kʼehˬ nehˬ gaˇ ya daˬ tehꞈ-a.

Panmaeq 20:10

Kʼoeˇ naˇ, aˬ yawꞈ maꞈ-ahˇ jaˬ myawꞈ mehˇ shuiˇ shuiˇ-euˬ Nehꞈ sahˬ paˬ-aˬ, jeˬ zaˬ yaw haiˬ kʼoeˇ mawˇ hawˇ-eu maˬ ngeuˇ-eu Miˬyehˇ gʼaˇ duˬ ngehˬ dah-eu gʼaˬ-ahˇ baꞈ ahˇ nehˬ-euˬ lah pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ lah kʼoeˇ lah-ahˇ bi baꞈ ahˇ tehꞈ-a. Aˬ yawꞈ maꞈ-aˬ, mˬ maˬ maˬ byaˆ zaˇ ziˇ uˬ ciꞈ nah gʼahˇ maˬ ehˇ ya shaˬ ya zahˬ dui dui tehꞈ-a.