Iˇsaˬyaˇ 33:1 - Akha

¹ Laˆ luˬ laˆ seˇ-eu gʼaˬ-oˇ, nawˇ ya noeˬ shaˬ dui dui tehꞈ-a. Nawˇ ya luˬ ya seˇ-iˇ-eu aˇ nah maˬ keuˆ le dah-aˬ siˬ. Saˇ jaˇ puiˬ-eu gʼaˬ-oˇ, nawˇ ya noeˬ shaˬ dui dui tehꞈ-a. Aˬ cawˬ nawˬ-ahˇ saˇ jaˇ puiˬ-eu aˇ nah maˬ keuˆ le dah-aˬ siˬ. Nawˇ aˬ cawˬ-ahˇ laˆ luˬ laˆ seˇ-eu naˬ leˇ ngeh, aˬ cawˬ nawˬ-ahˇ laˆ luˬ laˆ seˇ nehˬ laꞈ tehꞈ-a. Nawˇ saˇ jaˇ puiˬ-eu naˬ leˇ ngeh, aˬ cawˬ nawˬ-ahˇ saˇ jaˇ puiˬ tehꞈ-a.

Iˇsaˬyaˇ 33:1 ပူးပေါင်းရင်းမြစ်များ

Dawqdaq 22:23

Sahˬpaˬ Miˬyehˇ aˬ yawꞈ maꞈ jawˇ paw pyawˬ-awˇ, aˬ yawꞈ maꞈ-ahˇ laˆ shaˬ-eu tsawˇ haˬ uˬ kʼawˇ deuˬ ni jahˇ kʼoꞈ nehˬ tehꞈ-a. -2-

Iˇsaˬyaˇ 10:12

Ziˇoˬ gawˬ jawˬ hawˇ-eu Yeˬluˇsaˬlehˬ meuˬ kʼoeˇ taˆ, mˇ paˬ-ehˇ gʼeh-eu gaˇ deuˬ-ahˇ Sahˬpaˬ Miˬyehˇ mˇ gʼaˬ ngeh, nui ma huiˬ-eu mahˇ-eu laꞈ kʼoeˇ kʼahˬ sehˇ jehˆ luꞈ-eu Aˬshuˇliˆ sahˬ paˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a.

Iˇsaˬyaˇ 14:25

Ngaˬ-euˬ miˇ tsaˬ Iˇsaˬleˬlaˆ miˇ kʼahˬ laꞈ kʼoeˇ, Aˬshuˇliˆ tsawˇ haˬ deuˬ-ahˇ ngaˇ laˆ cawˆ ma. Ngaˬ-euˬ gawˬ jawˬ deuˬ kʼoeˇ taˆ, aˬ yawꞈ maꞈ-ahˇ ngaˇ nawˬ pyehˆ ma. Ngaˬ-euˬ tsawˇ haˬ deuˬ-ahˇ aˬ yawꞈ maꞈ neh ciˬ baꞈ ciˬ pi nehˬ-euˬ, kʼaˆ baꞈ kʼaˆ behˆ dawˬ tawˆ luꞈ-ahˇ, ngaˇ yuˇ dzeh nehˬ jiˇ ma.

Iˇsaˬyaˇ 17:14

Uˬ ciꞈ paw keuˆ le-eu guˆ-eu gaˆ-eu jeˬ, uˬ bya maˬ bya laˇ mi naˆ-ehˇ byoˆ jiˇ-eu meh. Aˬ dui miˇ kʼahˬ-ahˇ guiˇ deuˆ le-awˇ, myawˬ gahˬ ceh geuꞈ le-eu deuˬ-euˬ guiˬ lahˬ, kʼoeˇ naˆ ni doeˇ-eu meh.

Iˇsaˬyaˇ 21:2

Kʼehˬ-eu kʼaˆ-eu jeˬ hawˇ-eu ceh geuꞈ lu geuꞈ-eu jeˬ maˬ ehˇ, saˇ jaˇ puiˬ-eu jeˬ hawˇ-eu laˆ luˬ laˆ seˇ-eu jeˬ maˬ ehˇ, yaw sahˇ laꞈ kʼoeˇ ngaˇ ya mawˇ-euˬ ma. Eˇlamˬ guiˇ maꞈ deuˬ-oˇ, guiˇ deuˆ-awˬ. Meˬdiˇ guiˇ maꞈ deuˬ-oˇ, meuˬ deuˬ-ahˇ loꞈ jawˬ-awˬ. Baˬbuˇloˬ meuˬ baˬ da neh myaˆ biˇ ya yoeˇ-eu jeˬ, Miˬyehˇ aˇ saˬ bi saˬ tehꞈ-a.

Iˇsaˬyaˇ 24:16

Yaw tsaˬ yaw dawˇ gʼaˬ-ahˇ ja ceuˬ-eu caˇ dawˬ, mˬ dzeˇ miˇ dzeˇ miˇ kʼahˬ-ahˇ neh gaˬ le tehꞈ-a. Ehˇ kʼawꞈ, ngaˇ noeˬ tmˬ kʼaˇ maˬ za-ehˇ, teˬ le byoˆ le miˇ-a. Saˇ jaˇ puiˬ-eu deuˬ gʼaˬ kʼaˆ laˇ-awˇ, yaw haiˬ jeˬ myaˬ laˇ luꞈ meh.

Iˇsaˬyaˇ 31:8

“Tsawˇ haˬ zaˬ neh maˬ tehˆ-euˬ mi cehˇ kʼehˬ-ahˇ, tsawˇ haˬ zaˬ neh maˬ deuˆ-euˬ mi cehˇ kʼehˬ-ahˇ, Aˬshuˇliˆ tsawˇ haˬ deuˬ ya shiˇ tehꞈ-a. Mi cehˇ kʼehˬ-ahˇ ya cehˆ byaˆ-awˇ, aˬ yawꞈ maꞈ-euˬ zaˬ yo aˬ cawˬ zaˬ kʼaˆ ya geuꞈ tehꞈ-a.

Iˇsaˬyaˇ 48:8

Nawˬ-ahˇ maˬ jah coeˇ-eu ngaˇ siˬ nya ma. Dehꞈ le ngeh neh ngaˬ-ahˇ puiˬ-eu tsawˇ haˬ lehˇ bi kuˇ-euˬ meh. Kʼoeˇ miˇ neh gaˇ kawˆ heu nawˇ tiˬ jawˇ-iˬ maˬ ya gaˬ haw-ehˇ, nawˬ-euˬ naˬ bawˇ-ahˇ dawˬ tiˬ dawˬ-iˬ maˬ ahˇ leˇ haw-aˬ.

Yeˬsaˬgeˬlaˇ 39:10

Aˬ yawꞈ maꞈ deh ga-ahˇ miˬ dzaˬ gʼoˆ-eu maˬ loˬ-ehˇ, sahˬ kʼaˆ-ahˇ aˇ bawˇ tuˇ-awˇ miˬ dzaˬ kʼehꞈ-eu maˬ loˬ-a. Aˬ jeˬ miˇ neh ehˇ naˇ, miˬ dzaˬ doꞈ-eu gʼaˇ duˬ byehˇ dzeh taˬ-euˬ guiˇ deuˆ-eu keu ka deuˬ ga-eu meh. Aˬ yawꞈ maꞈ-ahˇ pyuˇ shuiˇ myawˬ gahˬ ceh geuꞈ laˇ-euˬ tsawˇ haˬ deuˬ-euˬ pyuˇ shuiˇ myawˬ gahˬ deuˬ, aˬ yawꞈ maꞈ paˇ ya ceh geuꞈ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Zeˬpaˬniˇ 3:19

Nawˬ-ahˇ kʼehˬ-eu tsawˇ haˬ deuˬ-ahˇ, ngaˇ paˇ kʼehˬ paˇ kʼaˆ poˆ nehˬ-awˇ, kuiˇ kuˆ deuˬ ka kʼoꞈ doˆ laꞈ-awˇ, teh byaˆ-euˬ deuˬ sheuˬ kʼoꞈ laꞈ-eu, aˇ nah kʼoeˇ nah keuˆ le luꞈ meh. Naw maꞈ ya shaꞈ dawˇ dui dui-euˬ, daˬ ga-euˬ jeˬ poˆ laˆ laˆ-awˇ, ciˬ huiˬ nehˬ-eu jeˬ bi oꞈ ma. Miˇ tsaˬ zaˬ dawˬ tawˆ tuˇ laˇ-awˇ, aˬ yawꞈ maꞈ-ahˇ ja ceuˬ tehꞈ-a.

Maꞈtehˬ 7:2

Aˬ jeˬ miˇ neh ehˇ naˇ, aˬ cawˬ-ahˇ naw maꞈ yaw lehˬ poˆ-eu loꞈ-ehˇ, naw maꞈ-ahˇ kʼawꞈ Miˬyehˇ yaw lehˬ poˆ tehꞈ-a. Naw maꞈ aˬ cawˬ-ahˇ kʼaˇ haw doeˇ-euˬ naˆ ni, naw maꞈ-ahˇ Miˬyehˇ haw doeˇ tehꞈ-a.

Panmaeq 13:10

Aˬ cawˬ neh bi paꞈ-eu lehˇ dehꞈ le-euˬ tsawˇ haˬ-aˬ, maˇ maˇ ni ya bi paꞈ tehꞈ-a. Mi cehˇ neh bi sehꞈ-eu lehˇ dehꞈ le-euˬ tsawˇ haˬ-aˬ, maˇ maˇ ni mi cehˇ neh ya bi sehꞈ tehꞈ-a. Heu-aˬ, Miˬyehˇ-euˬ tsawˇ haˬ deuˬ daˬ dzeuˇ oˇ dzeuˇ-awˇ jah-eu gʼaˇ duˬ ehˇ-eu jeˬ pyeuꞈ-eu meh.”

Panmaeq 16:6

Nawˬ-euˬ bawˇlawˇpeh deuˬ hawˇ-eu, muiˬ-eu shawˇ-eu tsawˇ haˬ deuˬ-ahˇ, yawꞈ maꞈ shiˬ sehꞈ yoeˇ-euˬ miˇ neh, yawꞈ maꞈ-ahˇ shiˬ bi dawˇ-eu-aˬ, oꞈ-eu geuˇ-eu jeˬ pyeuꞈ-eu meh.”

Panmaeq 17:17

Aˬ jeˬ miˇ neh ehˇ naˇ, Miˬyehˇ neh ehˇ taˬ-euˬ dawˬ byah laˇ ngeh keuˆ ni, aˬ yawꞈ maꞈ kuiˇ ciˬ laꞈ ciˬ gm-awˇ, aˬ yawꞈ maꞈ-euˬ baoˬ jeˬ zaˬ yaw haiˬ kʼoeˇ mawˇ-ahˇ a nehˬ-eu laꞈ kʼoeˇ, Miˬyehˇ-euˬ nui noeˬ mˇ-eu nui ma aˬ yawꞈ maꞈ-ahˇ Miˬyehˇ dawˆ ahˇ nehˬ taˬ-euˬ meh.

Yaˇ kʼaˬ daˇ 1:7

Aˬdoˬniˇbeˬzehˇ ehˇ-eu, “Kuiˇ ma laꞈ ma bi toˆ tsehˆ-euˬ sahˬ paˬ shiꞈ tseˇ gʼaˬ, ngaˬ-eu hawˬ jeh uˬ moˆ dzaˬ dzeh dawˇ dzeh gʼoˆ dzaˬ-euˬ meh. Aˬ yawꞈ maꞈ-ahˇ ngaˬ neh jahˇ nehˬ-euˬ jeˬ, Miˬyehˇ ngaˬ-ahˇ paˇ bi keuˆ le laꞈ-euˬ nga.” Aˬ yawꞈ-ahˇ Yeˬluˇsaˬlehˬ meuˬ-ahˇ nyehꞈ kʼoꞈ gʼeh-awˇ, kʼoeˇ gaˇ shiˇ-euˬ meh.

Yaˇ kʼaˬ daˇ 9:23

Kʼoeˇ naˇ, Aˬbiˇmaˬlehˆ hawˇ-eu Sheˬkmˬ meuˬ-ahˇ jawˇ-eu tsawˇ haˬ deuˬ tiˬ gʼaˬ tiˇ gʼaˬ muiˇ ni, Miˬyehˇ jahˇ nehˬ-awˇ, aˬ yawꞈ maꞈ Aˬbiˇmaˬlehˆ-ahˇ puiˬ-euˬ meh.