Iˇsaˬyaˇ 32:12 - Akha

¹² Muiˬ dui dui-eu myawˬ kmˇ yaˇ kmˇ cawˆ-iˇ jiˇ-euˬ miˇ neh, nui ma cawˆ-awˇ kʼahˬ-ahˇ teˇ-awˬ.

Iˇsaˬyaˇ 32:12 ပူးပေါင်းရင်းမြစ်များ

Iˇsaˬyaˇ 24:1

Haw yawˬ. Miˇ tsaˬ tahˬ kʼawˇ-ahˇ Sahˬpaˬ Miˬyehˇ laˆ cawˆ-awˇ, ciˬ cuˇ ni byehˇ dzeh nehˬ tehꞈ-a. Miˇ tsaˬ tahˬ kʼawˇ-ahˇ poˆ laˆ sheu pyawˇ nehˬ-awˇ, miˇ tsaˬ zaˬ deuˬ bi jawˇ byaˆ jiˇ tehꞈ-a.

Iˇsaˬyaˇ 24:7

Aˬ gaꞈ baw duˆ deuˬ nyoeˬ-iˇ-awˇ, aˬ gaꞈ dzaˇ uiˇ shaˬ le-euˬ miˇ neh, yaw beh laˬ kʼaˬ cehˇ-euˬ tsawˇ haˬ deuˬ, nymˬ-mˇ zahˬ leˇ luꞈ meh.

Iˇsaˬyaˇ 32:13

Ngaˬ-euˬ tsawˇ haˬ deuˬ-euˬ yaˇ kʼahˬ yaˇ lahˬ aˬ gah baw duˆ hawˇ-eu yaˇ moꞈ dehꞈ byah-euˬ meh. Laˬ kʼaˬ cehˇ-eu jeˬ byah-eu nymˇ kʼoeˇ deuˬ hawˇ-eu, dehꞈ bym dui dui-eu meuˬ gʼaˇ duˬ, noeˬ shaˬ-awˇ tsawˇ ngoeˇ ngoeˇ nehˬ-awˬ.

Ngoeˇ dawˬ 2:11

Ngaˬ-euˬ myaˆ nuiˆ maˬ ngoeˇ coeˇ-ehˇ, ngaˬ-euˬ saꞈ laˇ maˬ shaˬ coeˇ nya. Ngaˬ-euˬ tsawˇ haˬ shiˇ jiˇ-euˬ gaˇ, nui ma tsawˬ paˆ shaw-euˬ miˇ-a. Zaˬ nahˬ hawˇ-eu zaˬ yaw nyiˇ deuˬ, meuˬ-euˬ gʼahˇ ceh gaˇ ma doe ni, maˬ shiˇ tsehˆ-ehˇ ga luꞈ-eu meh.

Yeˬsaˬgeˬlaˇ 20:15

Kʼoeˇ miˇ neh, ngaˬ neh aˬ yawꞈ maꞈ-ahˇ biꞈ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ maˬ sheuˬ gʼeh nehˬ lehˇ, bawˇ tsahˬ bawˇ dahˇ laꞈ kʼoeˇ ngaˇ ehˇ tsehˆ nehˬ-euˬ ma. Miˇ kʼahˬ kʼoeˇ kʼahˬ-aˬ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ pyeuꞈ-eu miˇ neh, miˇ kʼahˬ dawˬ tawˆ luꞈ naˆ maˬ tseˇ muiˬ dzehˬ-eu meh.

Yeˬsaˬgeˬlaˇ 20:6

Kʼoeˇ ngeh jawˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-awˇ, aˬ yawꞈ maꞈ gʼaˇ duˬ ngaˬ neh tseˇ doˆ taˬ-euˬ miˇ kʼahˬ-ahˇ sheuˬ gʼeh nehˬ ma lehˇ, ngaˇ saˇ jaˇ dzaˬ-euˬ ma. Miˇ kʼahˬ kʼoeˇ kʼahˬ-aˬ, miˇ tsaˬ miˇ muiˬ muiˬ dui dui-awˇ, baw le za le-eu miˇ kʼahˬ pyeuꞈ-eu miˇ neh, miˇ kʼahˬ dawˬ tawˆ luꞈ naˆ maˬ tseˇ muiˬ dzehˬ-eu meh.

Yawˇlaˆ 1:7

Aˬ dui maꞈ-euˬ aˬ gaꞈ yaˇ kmˇ, aˬ yawꞈ maꞈ neh laˆ cawˆ jiˇ-awˇ, siˬ guˬ aˇ bawˇ dawˬ tawˆ luꞈ kʼawꞈ, aˬ yawꞈ maꞈ teuꞈ dzaˬ jiˇ-euˬ meh. Baˆ kʼoˆ dawˬ tawˆ luꞈ dzaˬ jiˇ-awˇ, uˬ laꞈ ba coˬ ni jaˆ-eu meh.

Naˬhmˬ 2:7

Sahˬ paˬ ma-ahˇ aˬ cawˬ nyehꞈ-awˇ, zaˬ kʼaˆ deuˬ noeˬ shaˬ-eu miˇ neh, yawˬ ha-euˬ kʼahˬ-ahˇ teˇ teˇ-ehˇ, kʼaˬ kʼoeˬ zaˬ loꞈ-ehˇ mahˇ tehꞈ-a.