Iˇsaˬyaˇ 32:11 - Akha

¹¹ Saˇ lehˆ ni dehꞈ-eu zaˬ miˬ zaˬ deuˬ-oˇ, yaw dzuˬ dzuˬ dui dui-awˬ. Kʼahˬ lahˇ kʼaˇ maˬ za-eu aˬ buˇ deuˬ-oˇ, yaw dzuˬ dzuˬ gah gah-awˬ. Naw maꞈ mehˬ tsoeˬ lehˆ dzeh jiˇ-awˇ, guˬ daˇ pehˇ zeuˇ joꞈ-ahˇ lahˇ-awˇ jawˇ-awˬ.

Iˇsaˬyaˇ 32:11 ပူးပေါင်းရင်းမြစ်များ

Jaceuq 123:4

Smˇ muiˬ aˬ da dawˬ doeˇ ngehˬ-awˇ, smˇ kʼaˆ aˬ da yehˬ bawˬ-ehˇ jahˇ laˇ gaˇ, nga maꞈ ya daˬ myahˇ laꞈ-euˬ ma.

Doˆ-iˇ 33:4

Kʼoeˇ loꞈ-ehˇ ehˇ gaˇ Iˇsaˬleˬlaˆ tsawˇ haˬ deuˬ ya gaˬ ngeh, tsawˇ ngoeˇ ngoeˇ-awˇ, aˇ poeˬ kʼaˆ-eu myawˬ guˇ deuˬ maˬ paˇ geuꞈ ni byehˇ dzeh-euˬ meh.

Iˇsaˬyaˇ 15:3

Meuˬ-euˬ gaˇ ma doe ni cah-eu deuˬ, guˬ daˇ pehˇ zeuˇ mehˬ tsoeˬ dm-awˇ, Nymˇ mˬ-ahˇ daˆ-eu deuˬ hawˇ-eu meuˬ-euˬ pu ka jawˇ-eu deuˬ, myaˆ biˇ ju ni tsawˇ ngoeˇ ngoeˇ luꞈ-eu meh.

Iˇsaˬyaˇ 2:19

Sahˬpaˬ Miˬyehˇ miˇ tsaˬ tahˬ kʼawˇ-ahˇ ngawˬ nyeh le ngeh, aˬ yawꞈ-euˬ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ-eu lehˇ, tsawˇ haˬ zaˬ deuˬ lo byoe doe ni cehˆ uˇ-awˇ, duˬ kʼahˬ doe ni cehˆ zaꞈ tehꞈ-a.

Iˇsaˬyaˇ 2:21

Sahˬpaˬ Miˬyehˇ miˇ tsaˬ tahˬ kʼawˇ-ahˇ ngawˬ nyeh le ngeh, aˬ yawꞈ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ nya ni, lo kʼahˬ lo guˇ zaꞈ gʼaˇ doe ni, tsawˇ haˬ zaˬ deuˬ cehˆ zaꞈ tehꞈ-a.

Iˇsaˬyaˇ 20:4

Miˇ kʼahˬ kʼoeˇ nyiˬ kʼahˬ laꞈ kʼoeˇ Aˬshuˇliˆ sahˬ paˬ neh kʼaˇ bi nyehꞈ-euˬ tsawˇ haˬ deuˬ, neˇ myawˆ ni bi sheuˬ byoˆ gʼeh tehꞈ-a. Zaˬ guˬ tsawˇ kʼaˆ maˬ ehˇ, mehˬ tsoeˬ maˬ dm sehˬ nawˆ maˬ nawˬ ni, dawˬ kʼmˬ mawˇ laˇ mawˇ laˇ-ehˇ ya cah-eu miˇ neh, Iˇjiˇtuˆ miˇ kʼahˬ kʼoeˇ taˆ shaꞈ dawˇ dui dui-eu jeˬ keuˆ le tehꞈ-a.

Iˇsaˬyaˇ 22:12

Kʼoeˇ naˇ, nawˇ noeˬ shaˬ-awˇ ngoeˇ-eu laꞈ kʼoeˇ, uˬ jehˆ jehˆ-awˇ guˬ daˇ pehˇ zeuˇ mehˬ tsoeˬ dm-eu gʼaˇ duˬ, Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ, nawˬ-ahˇ kuˇ le tehꞈ-a.

Iˇsaˬyaˇ 3:24

Tsiˇ yaw saw jeˬ maˬ paˇ ya lehꞈ ni, uˬ nyawˬ behꞈ laꞈ tehꞈ-a. Joꞈ dzahˬ maˬ paˇ ya dzahˬ ni, aˇ caˆ caˆ pyehꞈ ya dzahˬ tehꞈ-a. Haw muiˬ dui dui-eu uˬ duˬ tsehˇ kahˇ maˬ paˇ tsoꞈ ni, uˬ duˬ buˇ coeˆ ni jaˆ tehꞈ-a. Muiˬ dui dui-eu pehˇ kʼahˬ pehˇ mahˇ maˬ paˇ ya dm ni, guˬ daˇ pehˇ zeuˇ ya tsahˇ lahˇ tehꞈ-a. Yaw beh aˇ gʼehˇ muiˬ-euˬ kʼawꞈ, shaꞈ dawˇ dui dui paˬ-ehˇ pyeuꞈ-iˇ tehꞈ-a.

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Iˇsaˬyaˇ 47:8

“Byawˬ-eu mo-eu jeˬ-ahˇ gaˬ-eu gʼaˬ-oˇ, ngaˇ ehˇ gaˇ naˇ haˬ sheˇ. Guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za lehˇ nawˇ noeˬ luꞈ meh. Miˬyehˇ naˆ ni huiˬ ma lehˇ nawˇ ehˇ-awˇ, nawˬ-ahˇ duˇ-eu gʼaˬ maˬ jawˇ-a lehˇ ehˇ luꞈ meh. Tiˬ jawˇ-iˬ miˬ coeˬ maˬ ya coeˬ-iˇ-ehˇ, zaˬ bi shiˇ-eu maˬ baw lehˇ nawˇ noeˬ meh.

Yeˬlaˬmiˇ 4:8

Guˆ laˇ paˬ-ehˇ gʼeh-eu Sahˬpaˬ Miˬyehˇ-euˬ nui ma pehˇ-eu jeˬ, Yuˇdaˆ miˇ kʼahˬ-ahˇ maˬ byehˇ-eu miˇ neh, guˬ daˇ pehˇ zeuˇ mehˬ tsoeˬ dm-awˇ ngoeˇ dui dui-awˬ.

Yeˬlaˬmiˇ 49:3

Heˬshaˬboˬ meuˬ-ahˇ jawˇ-eu deuˬ-oˇ, yaw kʼaˆ-ehˇ ngoeˇ-awˬ. Aˬiˇ meuˬ maˬ paˇ baw meh. Laˬbah meuˬ-ahˇ jawˇ-eu zaˬ miˬ zaˬ deuˬ-oˇ, tsawˇ ngoeˇ ngoeˇ-awˬ. Guˬ daˇ pehˇ zeuˇ mehˬ tsoeˬ dm-awˇ ngoeˇ-awˬ. Gʼoꞈ laˆ gʼoꞈ dmˇ-ehˇ cehˆ cehˆ-ehˇ shaˬ gʼa-awˬ. Naw maꞈ-euˬ miˬ yehˇ Miˇlaˬkoˬ-aˬ, aˬ yawꞈ-euˬ piˇ ma deuˬ hawˇ-eu sahˬ paˬ zaˬ yo deuˬ nehˬ-ehˇ, tiˬ kawˆ loꞈ-ehˇ bi nyehꞈ byoˆ gʼeh tehꞈ-a.

Yeˬlaˬmiˇ 6:26

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ heu loꞈ-ehˇ ehˇ-eu meh. “Guˬ daˇ pehˇ zeuˇ mehˬ tsoeˬ dm-awˇ, kʼaˬ lehˇ tsahˬ-ahˇ mahˬ poˆ poˆ-awˬ. Aˬ li tiˬ gʼaˬ tehꞈ-euˬ gʼaˇ duˬ tsawˇ ngoeˇ ngoeˇ-eu loꞈ-ehˇ, nui ma shaˬ zahˬ mˇ dui dui-awˬ. Aˬ jeˬ miˇ neh ehˇ naˇ, naw maꞈ-ahˇ laˆ cawˆ le-eu muiˇ-eu deuˬ, ja pyuˬ ni guiˇ deuˆ le tehꞈ-a.

Hawˇseˬ 2:3

Dawˬ tsoˆ gʼoˆ-awˇ maˬ dehꞈ paˇ naˇ, aˬ yawꞈ dehꞈ doˆ le ngeh loꞈ-ehˇ, mehˬ tsoeˬ lehˆ neˇ-awˇ bi shaˬ ma. Koˆ dui dui-awˇ gui dui dui-eu, bawˇ tsahˬ bawˇ dahˇ tiˬ tsahˇ loꞈ-ehˇ, iˇ cuꞈ mehꞈ-awˇ bi shiˇ leˇ ma.

Yawˇlaˆ 1:8

Dahˬ dzaˬ-iˇ-eu lehˬ hmˬ taˬ-euˬ, zaˬ kʼaˬ shiˇ shaw-euˬ baˬ da neh, tsawˇ ngoeˇ ngoeˇ-eu zaˬ miˬ loꞈ-ehˇ, miˇ kʼahˬ zaˬ dawˬ tawˆ luꞈ ngoeˇ-awˬ.

Aˬmoˆ 4:12

“Kʼoeˇ miˇ neh, Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ-oˇ, naw maꞈ-ahˇ ngaˇ kʼehˬ nehˬ kʼaˆ nehˬ-eu lehˇ gʼeh-eu ma. Ngaˇ kʼoeˇ loꞈ-ehˇ kʼehˬ-eu kʼaˆ-eu lehˇ lehˬ hmˬ taˬ-euˬ miˇ neh, ngaˬ neh yaˇ kʼaˬ daˇ-euˬ gaˇ daˬ-eu gʼaˇ duˬ naw maꞈ yaw muiˬ paˬ-ehˇ lehˬ hmˬ taˬ-awˬ.”

Zeˬpaˬniˇ 2:15

Baoˬ huiˬ gʼaˬ kʼaˆ kʼahˬ sehˇ jehˆ-awˇ, Meuˬ ziꞈ ngaˇ taꞈ maˬ jaˆ ma lehˇ, guˆ kʼaˇ maˬ za lehˇ duˇ-euˬ meuˬ, kʼoeˇ naˆ ni ga byoˆ leꞈ tehꞈ-a. Tsawˇ teˇ maˬ ya gaˬ-eu meuˬ tsoeˬ, bawˇ tsahˬ jeˬ zaˬ yuꞈ duˬ pyeuꞈ-awˇ, kʼaˇ iˇ kʼaˇ laˇ tsehˆ-eu tsawˇ haˬ, laꞈ du cawˬ doˆ-awˇ lmˬ tehꞈ-a.

Dawˬmehˬ 28:48

Kʼoeˇ miˇ neh, Sahˬpaˬ Miˬyehˇ neh nawˇ jawˇ gaˇ pyehˬ gʼeh leꞈ-euˬ muiˇ-eu deuˬ-ahˇ nawˇ gaˇ ya mˇ nehˬ tehꞈ-a. Nawˇ-aˬ, hawˬ hawˇ-eu iˇ cuꞈ ya dzahˬ-awˇ, mehˬ tsoeˬ maˬ ya dm-ehˇ neˇ nyawˆ ni ya jawˇ-eu uˬ taꞈ, maˬ loˬ-eu tiˬ jeˬ-iˬ maˬ baw ni ya dehꞈ tehꞈ-a. Nawˇ ya luˬ ya seˇ-iˇ ngeh keuˆ ni, Sahˬpaˬ Miˬyehˇ nawˬ-ahˇ yaw kʼaˆ kʼaˆ-ehˇ kʼehˬ nehˬ laꞈ tehꞈ-a.

Yaˬkoˆ 5:5

Miˇ tsaˬ heu kʼoeˇ taˆ naw maꞈ yaw dehꞈ dehꞈ-euˬ-aˬ, laˬ kʼaˬ tiˬ cehˇ, nui kʼahˇ tiˬ shiˇ dehꞈ-euˬ meh. Bi sehꞈ dzaˬ-eu aˇ nah kʼoeˇ nah-euˬ gʼaˇ duˬ, naw maꞈ yawˬ haˇ yawˬ ha cu tsuˇ taˬ-euˬ meh.