Iˇsaˬyaˇ 31:8 - Akha

⁸ “Tsawˇ haˬ zaˬ neh maˬ tehˆ-euˬ mi cehˇ kʼehˬ-ahˇ, tsawˇ haˬ zaˬ neh maˬ deuˆ-euˬ mi cehˇ kʼehˬ-ahˇ, Aˬshuˇliˆ tsawˇ haˬ deuˬ ya shiˇ tehꞈ-a. Mi cehˇ kʼehˬ-ahˇ ya cehˆ byaˆ-awˇ, aˬ yawꞈ maꞈ-euˬ zaˬ yo aˬ cawˬ zaˬ kʼaˆ ya geuꞈ tehꞈ-a.

Iˇsaˬyaˇ 31:8 ပူးပေါင်းရင်းမြစ်များ

Aˇ dahˬ 49:15

Ehˇ kʼawꞈ, aˬ yawꞈ yuꞈ duˬ muiˬ dui dui-awˇ, Yawˬ jawˇ miˇ yawˬ kʼahˬ saˇ ma lehˇ yawˬ haˇ yawˬ ha noeˬ muiˬ tehꞈ-a. Kʼaˆ daˬ bi baꞈ daˆ-eu gʼaˇ duˬ daˇ tsuiꞈ awˆ daˬ-awˇ, Zaˬ kʼaˆ loꞈ-ehˇ aˬ cawˬ neh bi kʼehˇ dzaˬ tehꞈ-a.

2 Laˬsaˬbaˬ 32:21

Sahˬpaˬ Miˬyehˇ neh mˬ taˆ gʼaˬ kʼehˇ pyehˬ gʼeh leꞈ-awˇ, Aˬshuˇliˆ guiˇ maꞈ-euˬ yehˇ deuˬ hawˇ-eu yaw huiˬ yaw mahˇ deuˬ-ahˇ bi sehꞈ-euˬ meh. Kʼoeˇ miˇ neh, Aˬshuˇliˆ sahˬpa kʼoeˇ gʼaˬ nui ma cawˆ-eu laꞈ kʼoeˇ, aˬ yawꞈ-euˬ miˇ kʼahˬ-ahˇ gʼoꞈ leˇ-euˬ meh. Kʼoeˇ naˇ, aˬ yawꞈ-euˬ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ jawˇ luꞈ-eu aˇ nah tiˬ nah-ahˇ, aˬ yawꞈ-euˬ aˬ li tiˬ deuˬ mi cehˇ yuˇ-awˇ aˬ yawꞈ-ahˇ sehꞈ-euˬ meh.

Iˇsaˬyaˇ 10:12

Ziˇoˬ gawˬ jawˬ hawˇ-eu Yeˬluˇsaˬlehˬ meuˬ kʼoeˇ taˆ, mˇ paˬ-ehˇ gʼeh-eu gaˇ deuˬ-ahˇ Sahˬpaˬ Miˬyehˇ mˇ gʼaˬ ngeh, nui ma huiˬ-eu mahˇ-eu laꞈ kʼoeˇ kʼahˬ sehˇ jehˆ luꞈ-eu Aˬshuˇliˆ sahˬ paˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a.

Iˇsaˬyaˇ 10:25

Aˬ yawꞈ maꞈ naw maꞈ-ahˇ kʼehˬ-eu kʼaˆ-eu jeˬ, tiˬ kʼehˇ laˇ kʼehˬ laꞈ kʼoeˇ aˇ saˬ bi saˬ-awˇ, aˬ yawꞈ maꞈ-ahˇ ngaˇ laˆ luˬ laˆ seˇ nehˬ ma.

Iˇsaˬyaˇ 14:2

Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ miˇ kʼahˬ laꞈ kʼoeˇ gʼoꞈ jawˇ leˇ nya ni, tsawˇ jeuˬ gʼawˬ mya jeuˬ aˬ yawꞈ maꞈ-ahˇ caw ba nehˬ-awˇ, tsawˇ jeuˬ kʼoeˇ deuˬ Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ maꞈ-euˬ zaˬ kʼaˆ geuꞈ laˇ tehꞈ-a. Yaw beh aˬ yawꞈ maꞈ-ahˇ deuˆ gʼaˬ-euˬ tsawˇ haˬ deuˬ-ahˇ aˬ yawꞈ maꞈ paˇ deuˆ gʼaˬ-awˇ, aˬ yawꞈ maꞈ-ahˇ kʼehˬ-euˬ tsawˇ haˬ deuˬ kʼoeˇ taˆ, aˬ yawꞈ maꞈ paˇ uˆ lahˇ tehꞈ-a.

Iˇsaˬyaˇ 14:25

Ngaˬ-euˬ miˇ tsaˬ Iˇsaˬleˬlaˆ miˇ kʼahˬ laꞈ kʼoeˇ, Aˬshuˇliˆ tsawˇ haˬ deuˬ-ahˇ ngaˇ laˆ cawˆ ma. Ngaˬ-euˬ gawˬ jawˬ deuˬ kʼoeˇ taˆ, aˬ yawꞈ maꞈ-ahˇ ngaˇ nawˬ pyehˆ ma. Ngaˬ-euˬ tsawˇ haˬ deuˬ-ahˇ aˬ yawꞈ maꞈ neh ciˬ baꞈ ciˬ pi nehˬ-euˬ, kʼaˆ baꞈ kʼaˆ behˆ dawˬ tawˆ luꞈ-ahˇ, ngaˇ yuˇ dzeh nehˬ jiˇ ma.

Iˇsaˬyaˇ 17:13

Iˇ cuꞈ iˇ kʼawˇ oe-eu loꞈ-ehˇ, miˇ kʼahˬ tsawˇ jeuˬ deuˬ oe leꞈ kʼawꞈ, Miˬyehˇ aˬ yawꞈ maꞈ-ahˇ lmˬ ngeh, naˇ kʼah paw cehˆ gʼoꞈ-awˇ, gawˬ jawˬ uˬ du jaˆ-eu kʼaˬ lehˇ, jaˬ lehˇ neh bi baw byoˆ-eu loꞈ-ehˇ, jaˆ guˬ jaˆ gaˆ-ahˇ jaˬ lehˇ lehˇ ma hehˇ dzaˬ gʼeh-eu loꞈ-ehˇ, bi teh byoˆ jiˇ tehꞈ-a.

Iˇsaˬyaˇ 21:15

Mi cehˇ gʼawˇ doˆ, kaˆ ngoꞈ daˆ-awˇ, guiˇ mˇ gaˇ guˆ-eu baˬ da neh, uˬ kʼawˇ buˬ ni aˬ yawꞈ maꞈ cehˆ byaˆ luꞈ-eu meh.

Iˇsaˬyaˇ 27:7

Muiˇ-eu deuˬ-ahˇ Sahˬpaˬ Miˬyehˇ kʼehˬ-eu naˆ ni, Iˇsaˬleˬlaˆ-ahˇ maˬ kʼehˬ nehˬ haw-aˬ. Muiˇ-eu deuˬ-ahˇ jahˇ nehˬ-euˬ loꞈ-ehˇ, tsawˇ haˬ gʼawˬ nya ni maˬ bi laˆ cawˆ haw-aˬ.

Iˇsaˬyaˇ 29:5

Yeˬluˇsaˬlehˬ meuˬ-oˇ, nawˬ-ahˇ guiˇ kʼaˇ deuˆ le-eu tsawˇ jeuˬ deuˬ, kʼaˬ lehˇ loꞈ-ehˇ bi baw byoˆ jiˇ-awˇ, guˆ laˇ paˬ-ehˇ gʼeh-eu guiˇ maꞈ kʼoeˇ deuˬ, gʼo yoeˬ loꞈ-ehˇ bi baw dzeh jiˇ tehꞈ-a. Maˬ noeˬ maˬ duˇ-euˬ laꞈ kʼoeˇ ja pyuˬ ni,

Iˇsaˬyaˇ 33:1

Laˆ luˬ laˆ seˇ-eu gʼaˬ-oˇ, nawˇ ya noeˬ shaˬ dui dui tehꞈ-a. Nawˇ ya luˬ ya seˇ-iˇ-eu aˇ nah maˬ keuˆ le dah-aˬ siˬ. Saˇ jaˇ puiˬ-eu gʼaˬ-oˇ, nawˇ ya noeˬ shaˬ dui dui tehꞈ-a. Aˬ cawˬ nawˬ-ahˇ saˇ jaˇ puiˬ-eu aˇ nah maˬ keuˆ le dah-aˬ siˬ. Nawˇ aˬ cawˬ-ahˇ laˆ luˬ laˆ seˇ-eu naˬ leˇ ngeh, aˬ cawˬ nawˬ-ahˇ laˆ luˬ laˆ seˇ nehˬ laꞈ tehꞈ-a. Nawˇ saˇ jaˇ puiˬ-eu naˬ leˇ ngeh, aˬ cawˬ nawˬ-ahˇ saˇ jaˇ puiˬ tehꞈ-a.

Iˇsaˬyaˇ 37:7

Sahˬ paˬ kʼoeˇ gʼaˬ aˬ yawꞈ-euˬ miˇ kʼahˬ-ahˇ maˬ gʼoꞈ leˇ-ehˇ maˬ jawˇ tehˬ nya ni, gaˇ kawˆ gʼawˬ mya jeˬ aˬ yawꞈ-euˬ naˬ bawˇ-ahˇ bi gaˬ le-awˇ, aˬ yawꞈ-euˬ miˇ kʼahˬ laꞈ kʼoeˇ aˬ yawꞈ-ahˇ bi sehꞈ ni Sahˬpaˬ Miˬyehˇ jahˇ tehꞈ-a.”

Iˇsaˬyaˇ 66:16

Iˬ baˇ kʼaˇ ahˇ-eu miˇ tsaˬ zaˬ deuˬ-ahˇ, miˬ dzaˬ hawˇ-eu mi cehˇ neh kʼehˬ nehˬ-eu miˇ neh, tsawˇ haˬ gʼawˬ mya ni shiˇ tehꞈ-a.

Yeˬlaˬmiˇ 46:10

Aˇ nah heu Dawˬ tawˆ kʼoeˇ taˆ uˆ lahˇ-eu-aˬ, Baoˬ huiˬ-eu Sahˬpaˬ Miˬyehˇ-euˬ aˇ nah meh. Iˬ nah aˬ yawꞈ laꞈ poˆ poˆ-awˇ, muiˇ-eu deuˬ-ahˇ kʼehˬ nehˬ tehꞈ-a. Aˬ yawꞈ mi cehˇ aˬ yawꞈ maꞈ-euˬ shaˬ jiˇ tiˬ dehˆ dzaˬ-awˇ, aˬ yawꞈ maꞈ-euˬ shiˬ tiˬ dehˆ dawˇ tehꞈ-a. Iˬ nah kʼoeˇ taˆ paw Uˇpaˬlaˇ lawˇ baˬ dawˬ peh, Baoˬ huiˬ-eu gʼaˬ tsawˇ shiˇ kʼoeˇ deuˬ lawˇ tehꞈ-a.

Yeˬsaˬgeˬlaˇ 21:28

“Tsawˇ haˬ zaˬ-oˇ, ngaˬ-euˬ gʼaˇ duˬ ngehˬ dah-awˬ. Iˇsaˬleˬlaˆ tsawˇ jeuˬ-ahˇ ja bu ja doeˇ luꞈ-eu Aˬmoˬ tsawˇ jeuˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. ‘Yaw cawˆ jeˬ-euˬ mi cehˇ lehˬ hmˬ taˬ meh. mˬ myawꞈ loꞈ-ehˇ naˇ guiˇ guiˇ ni, sehꞈ-eu gʼaˇ duˬ siˬ taˆ-euˬ meh.’

Hawˇseˬ 1:7

Ehˇ kʼawꞈ, Yuˇdaˆ miˇ kʼahˬ zaˬ deuˬ-ahˇ ngaˬ-euˬ nui gaˬ bi mawˇ ma. Aˬ yawꞈ maꞈ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ, aˬ yawꞈ maꞈ-ahˇ ka kʼoꞈ nehˬ ma. Ehˇ kʼawꞈ, guiˇ deuˆ-awˇ ka kʼoꞈ nehˬ-eu lehˇ gʼeh-eu maˬ ngeuˇ, mi cehˇ neh maˬ ehˇ, kaˆ neh maˬ ehˇ, kaˆ myaˬ neh maˬ ehˇ, mahˬ neh maˬ ehˇ, mahˬ dziˬ-eu yehˇ deuˬ neh maˬ ehˇ, aˬ yawꞈ maꞈ-ahˇ ka kʼoꞈ-eu lehˇ gʼeh-eu maˬ ngeuˇ.”