Iˇsaˬyaˇ 30:32 - Akha

³² Aˬshuˇliˆ tsawˇ haˬ deuˬ-ahˇ Sahˬpaˬ Miˬyehˇ tiˬ poˆ saˇ-iˬ tiˬ poˆ kʼehˬ nehˬ ngeh, aˬ yawꞈ-euˬ tsawˇ haˬ deuˬ tahˬ hawˇ-eu deuˇ-mˬ tiˬ poˆ saˇ-iˬ tiˬ poˆ diˬ caw tehꞈ-a. Miˬyehˇ-euˬ gʼawˇ mawˇ Aˬshuˇliˆ tsawˇ haˬ deuˬ-ahˇ guiˇ deuˆ tehꞈ-a.

Iˇsaˬyaˇ 30:32 ပူးပေါင်းရင်းမြစ်များ

Aˇ dahˬ 31:27

Aˬ jeˬ miˇ neh, ngaˬ-ahˇ tiˬ pawꞈ-iˬ maˬ bi siˬ ni tsawˇ gahˇ gahˇ dzeuˇ-awˇ cehˆ kʼoeˬ kʼoeˬ te. Nawˇ ngaˬ-ahˇ yaw muiˬ paˬ-ehˇ ehˇ gaˬ law nmˇ-aˬ, tahˬ hawˇ-eu deuˇ-mˬ diˬ-awˇ gaˇ nyeh nyeh-eu laꞈ kʼoeˇ, gaˇ pehˇ sheuˬ keuˆ ha laˇ-eu ma tawˇ.

2 Laˬsaˬbaˬ 32:8

Aˬ yawꞈ-aˬ, tsawˇ haˬ zaˬ-euˬ baoˬ tehꞈ-ehˇ jaˆ-eu meh. Ehˇ kʼawꞈ, aˬ dui-aˬ, aˬ dui-ahˇ caw ba-awˇ guiˇ deuˆ-eu gʼaˇ duˬ aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ jawˇ ma.” Yuˇdaˆ sahˬ paˬ Heˬsaˬgiˇ kʼoeˇ loꞈ-ehˇ ehˇ ngeh, aˬ yawꞈ-euˬ tsawˇ haˬ deuˬ gʼaˬ ahˇ laˇ-euˬ meh.

Yawˇbaˆ 16:12

Ngaˇ saˇ suˬ ni jawˇ luꞈ ngeh, Miˬyehˇ ngaˬ-ahˇ kuˬ byahˬ-ahˇ nyehꞈ-awˇ, ciˬ jeˬ ciˬ joˆ joˆ-awˇ, ciˬ tahˬ ciˬ tuˆ nehˬ laꞈ-euˬ meh. Aˇ pyaˇ daˬ-awˇ beuˆ haw-eu loꞈ-ehˇ, kʼaˇ jahˇ mawꞈ-eu jeˬ jahˇ nehˬ laꞈ-euˬ meh.

Iˇsaˬyaˇ 10:24

Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ neh, Ziˇoˬ meuˬ-ahˇ jawˇ-eu aˬ yawꞈ-euˬ tsawˇ haˬ deuˬ-ahˇ heu loꞈ-ehˇ ehˇ nehˬ-euˬ meh. “Aˬshuˇliˆ tsawˇ haˬ deuˬ-ahˇ taˬ guˆ. Iˇjiˇtuˆ tsawˇ haˬ deuˬ neh naw maꞈ-ahˇ kʼehˬ nehˬ laꞈ haw-euˬ loꞈ-ehˇ, aˬ yawꞈ maꞈ naw maꞈ-ahˇ kʼehˬ nehˬ laꞈ kʼawꞈ, naw maꞈ taˬ guˆ.

Iˇsaˬyaˇ 10:26

Awˇleˇbaˆ lo guˇ dawˬ peh Miˇdiˬyaˬ tsawˇ haˬ deuˬ-ahˇ ngaˇ yahˬ caˆ neh juiꞈ-euˬ loꞈ-ehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ juiꞈ ma. Iˇjiˇtuˆ tsawˇ haˬ deuˬ-ahˇ ngaˬ neh kʼehˬ nehˬ-euˬ loꞈ-ehˇ, Aˬshuˇliˆ tsawˇ haˬ deuˬ-ahˇ ngaˇ kʼehˬ nehˬ ma.

Iˇsaˬyaˇ 11:15

Iˇjiˇtuˆ miˇ kʼahˬ-euˬ laˆ shaˆ lahˇ gʼoꞈ-ahˇ, Sahˬpaˬ Miˬyehˇ bi gui-iˇ-awˇ, Uˇpaˬlaˇ lawˇ baˬ tsiˇ-iˇ ni, aˬ yawꞈ jaˬ lehˇ yaw lahˇ bi baw-euˬ miˇ neh, tsawˇ haˬ yawˬ gʼaˬ na luꞈ tsehˆ doˆ nya-eu gawˆ laꞈ shiꞈ gawˆ tehꞈ-ehˇ dzeˇ laˇ tehꞈ-a.

Iˇsaˬyaˇ 19:16

Iˇjiˇtuˆ tsawˇ haˬ deuˬ zaˬ miˬ zaˬ loꞈ-ehˇ nui ma baˬ-iˇ-eu aˇ nah keuˆ le tehꞈ-a. Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˇ duˬ Sahˬpaˬ Miˬyehˇ aˬ laꞈ cawˬ ja taˬ-euˬ gaˇ ya mawˇ ngeh, aˬ yawꞈ maꞈ guˆ-awˇ yaw dzuˬ dzuˬ tehꞈ-a.

Iˇsaˬyaˇ 2:19

Sahˬpaˬ Miˬyehˇ miˇ tsaˬ tahˬ kʼawˇ-ahˇ ngawˬ nyeh le ngeh, aˬ yawꞈ-euˬ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ-eu lehˇ, tsawˇ haˬ zaˬ deuˬ lo byoe doe ni cehˆ uˇ-awˇ, duˬ kʼahˬ doe ni cehˆ zaꞈ tehꞈ-a.

Iˇsaˬyaˇ 24:1

Haw yawˬ. Miˇ tsaˬ tahˬ kʼawˇ-ahˇ Sahˬpaˬ Miˬyehˇ laˆ cawˆ-awˇ, ciˬ cuˇ ni byehˇ dzeh nehˬ tehꞈ-a. Miˇ tsaˬ tahˬ kʼawˇ-ahˇ poˆ laˆ sheu pyawˇ nehˬ-awˇ, miˇ tsaˬ zaˬ deuˬ bi jawˇ byaˆ jiˇ tehꞈ-a.

Iˇsaˬyaˇ 24:8

Cehˇ lehˇ ciˆ-awˇ byawˬ gʼa-eu maˬ paˇ baw-ehˇ, bawˬ law baw-eu teˇ saˇ byoˆ le-awˇ, deuˇ-mˬ diˬ-eu teˇ saˇ maˬ paˇ ya gaˬ haw meh.

Iˇsaˬyaˇ 30:29

Ehˇ kʼawꞈ, Miˬyehˇ-euˬ tsawˇ haˬ deuˬ pyeuꞈ-eu naw maꞈ deuˬ-aˬ, muiˬ-eu shawˇ-eu bawˬ-iˬ gʼeh-eu uˬ ciꞈ tiˬ miˇ loꞈ-ehˇ, laˬ kʼaˬ cehˇ-awˇ caˇ dawˬ ya caˇ tehꞈ-a. Iˇsaˬleˬlaˆ-ahˇ haw piˇ-eu gʼaˬ pyeuꞈ-eu, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ, bawˬ law baw-awˇ le-eu tsawˇ haˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Iˇsaˬyaˇ 31:4

Sahˬpaˬ Miˬyehˇ ngaˬ-ahˇ ehˇ-eu, “Yawˇ bo-eu deuˬ aˇ naˆ guˇ kʼawꞈ, yawˇ kawꞈ sehꞈ-eu aˇ laˬ jaˬ shiˇ, maˬ luˆ laˇ ni jawˇ-eu loꞈ-ehˇ, Ziˇoˬ gawˬ jawˬ-ahˇ haw piˇ-eu, Baoˬ huiˬ-eu Sahˬpaˬ Miˬyehˇ pyeuꞈ-eu ngaˬ-ahˇ tiˬ jeˬ-iˬ maˬ teh luˆ nya-a.

Yeˬlaˬmiˇ 31:4

Miˬ shuiꞈ-ahˇ duˇ-eu Iˇsaˬleˬlaˆ-oˇ, nawˬ-ahˇ paˇ bi dehꞈ doˆ laˇ ma. Nawˇ cehˇ lehˇ ciˆ ciˆ-ehˇ, laˬ kʼaˬ cehˇ-awˇ gaˇ nyeh ya nyeh tehꞈ-a.

Yeˬsaˬgeˬlaˇ 28:13

Miˬyehˇ yaˇ kmˇ kmˇ muiˬ kmˇ jaˬ, Eˬdeˬ yaˇ kmˇ-ahˇ nawˇ jawˇ-awˇ, Aˇ poeˬ kʼaˆ-eu kʼaˬ lo sehˇ deuˬ, lo neˇ, lo nyoeˇ, lo byaꞈ kʼoeˇ deuˬ nawˇ tiˬ byah ni geuꞈ taˬ-euˬ meh. Nawˬ-ahˇ beh ngeh nah neh daˬ-awˇ, sehˇ kʼoeˇ deuˬ lehˬ hmˬ taˬ-euˬ meh.

Yeˬsaˬgeˬlaˇ 32:10

Ngaˬ neh nawˬ-ahˇ jahˇ nehˬ-euˬ gaˇ, tsawˇ jeuˬ gʼawˬ mya ni tsawˬ guˆ-iˇ tehꞈ-a. Ngaˬ-euˬ mi cehˇ sheu juiꞈ mehˬ ngeh, sahˬ paˬ deuˬ laˇ baˇ-iˇ tehꞈ-a. Nawˇ coˬ le ngeh nah, aˬ yawꞈ maꞈ dawˬ tawˆ luꞈ yawˬ ha uˬ kʼawˇ deuˬ laˇ gaˇ kʼahˬ lahˇ dui dui tehꞈ-a.”

HeˬByehˇ 12:26

Yaw beh poˆ ngehˬ-euˬ aˬ yawꞈ-euˬ dawˬ kʼoeˇ, miˇ tsaˬ heu-ahˇ gʼeu nyeh-euˬ meh. Kʼoeˇ naˆ maˬ tseˇ, nymˬ-mˇ poˆ jawˇ-aˬ, “Miˇ tsaˬ-ahˇ tehꞈ-ehˇ maˬ ngeuˇ ni, mˬ-ahˇ kʼawꞈ ngaˇ paˇ gʼeu nyeh ma” lehˇ, aˬ yawꞈ saˇ jaˬ dzaˬ taˬ-euˬ jaˆ-eu meh.

1 Saˬmeuˬlaˆ 10:5

Kʼoeˇ naˇ, Piˇliˇtiˆ tsawˇ haˬ deuˬ-euˬ taˆ tiˬ taˆ jaˆ-eu jawˇ duˬ pyeuꞈ-eu, Giˇbyaˬ meuˬ-ahˇ jaˆ-eu Miˬyehˇ-euˬ gawˬ jawˬ-ahˇ nawˇ ya le tehꞈ-a. Meuˬ-euˬ lahˇ kʼehˬ dawˬ peh nawˇ le keuˆ ngeh, tahˬ diˬ deuˇ-mˬ diˬ-awˇ, bawˬ law baw, cehˇ lehˇ ciˆ-eu laꞈ kʼoeˇ, gawˬ jawˬ-ahˇ neh yaꞈ ka le luꞈ-eu Miˬyehˇ gʼaˇ duˬ ngehˬ dah-eu tsawˇ haˬ tiˬ deuˬ-ahˇ nawˇ ya tahˬ puˬ tehꞈ-a. Tsawˇ haˬ kʼoeˇ deuˬ gaˇ nyeh nyeh nyeh-ehˇ guˇ luꞈ tehꞈ-a.

1 Saˬmeuˬlaˆ 18:6

Daˬbiˇ Gawˇliˇyaˆ-ahˇ sehꞈ gʼaˬ-awˇ gʼoꞈ laˇ-eu loꞈ-ehˇ, yehˇ dawˬ tawˆ luꞈ kʼawꞈ yawˬ ha-euˬ nymˇ-ahˇ yawˬ ha gʼoꞈ laˇ luꞈ ngeh, Iˇsaˬleˬlaˆ miˇ kʼahˬ meuˬ yawˬ meuˬ na luꞈ laꞈ kʼoeˇ jawˇ-eu zaˬ miˬ zaˬ dawˬ tawˆ luꞈ, sahˬ paˬ Sawˇluˆ-ahˇ ha laˬ le-euˬ meh. Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ, tahˬ hawˇ-eu deuˇ-mˬ diˬ-awˇ gaˇ nyeh nyeh-eu meh.