Iˇsaˬyaˇ 30:26 - Akha

²⁶ Ba la yaw shehꞈ nahˇ ma loꞈ-ehˇ bya-eu uˬ taꞈ, nahˇ ma shiꞈ bymˇ bya dzehˬ laˇ-awˇ, shiꞈ nah bya-eu yaw shehꞈ tiˬ nah laꞈ kʼoeˇ bya jiˇ gaˇ duˇ tehꞈ-a. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ diˬ naˇ laˆ naˇ nehˬ-euˬ naˇ gawˇ deuˬ-ahˇ aˬ yawꞈ paˇ laˆ saˆ taˬ ngeh nah, kʼoeˇ deuˬ dawˬ tawˆ luꞈ keuˆ le tehꞈ-a.

Iˇsaˬyaˇ 30:26 ပူးပေါင်းရင်းမြစ်များ

Yawˇbaˆ 5:18

Miˬyehˇ laˆ tahˬ laˆ naˇ-euˬ gaˇ Miˬyehˇ kaꞈ uꞈ-eu meh. Aˬ yawꞈ-euˬ aˬ laꞈ neh laˆ naˇ-awˇ, aˬ yawꞈ-euˬ aˬ laꞈ neh paˇ laˆ taˬ nehˬ-eu meh.

Iˇsaˬyaˇ 11:9

Iˬ ma laˆ shaˆ iˇ cuꞈ byah-eu loꞈ-ehˇ, Sahˬpaˬ Miˬyehˇ-ahˇ siˬ nya-eu jeˬ, miˇ tsaˬ kʼoeˇ taˆ byah-eu miˇ neh, Miˬyehˇ-euˬ muiˬ-eu shawˇ-eu Ziˇoˬ gawˬ jawˬ-ahˇ, lehˬ laˇ ca laˇ duˬ maˬ jaˆ-a.

Iˇsaˬyaˇ 19:22

Iˇjiˇtuˆ tsawˇ haˬ deuˬ-ahˇ Sahˬpaˬ Miˬyehˇ kʼehˬ neh kʼaˆ nehˬ tehꞈ-a. Ehˇ kʼawꞈ, aˬ yawꞈ maꞈ-ahˇ aˬ yawꞈ ngehˬ paˇ gʼeh nehˬ tehꞈ-a. Aˬ yawꞈ maꞈ aˬ yawꞈ jawˇ paw gʼoꞈ kʼoꞈ laˇ-awˇ guiˬ lahˬ shaˇ ngeh, aˬ yawꞈ maꞈ-euˬ shaˇ dawˬ-ahˇ aˬ yawꞈ naˇ haˬ nehˬ-awˇ, ngehˬ gʼeh dah teˬ nehˬ tehꞈ-a.

Iˇsaˬyaˇ 24:23

Baoˬ huiˬ-eu Sahˬpaˬ Miˬyehˇ uˆ lahˇ-eu miˇ neh, ba la yaw zahˇ zahˇ iˇ-awˇ, nahˇ ma yaw shehꞈ maˬ bya-ehˇ pyeuꞈ-iˇ tehꞈ-a. Ziˇoˬ gawˬ jawˬ-ahˇ aˬ yawꞈ maꞈ nuiˇ-awˇ, Yeˬluˇsaˬlehˬ meuˬ-ahˇ uˆ lahˇ ngeh jawˇ, miˇ kʼahˬ zaˬ-euˬ aˬ yuiꞈ aˬ tsu deuˬ, aˬ yawꞈ-euˬ yaw shehꞈ kʼahˬ sehˇ ya mawˇ tehꞈ-a.

Iˇsaˬyaˇ 30:13

Naw maꞈ iˬ baˇ huiˬ dui dui meh. Tsawˬ nga taˬ-euˬ meuˬ lahˇ lahˇ goˇ loꞈ-ehˇ, ja pyuˬ ni coˬ pyaˆ coˬ shaˆ jiˇ tehꞈ-a.

Iˇsaˬyaˇ 30:14

Mui duiˇ oeˬ lahˬ ga meuˇ jiˇ ngeh, miˬ jiˆ pehˆ ahˇ-eu kuˬ cuˇ luˇ pyehˬ maˬ dzeˇ-ehˇ, iˇ cuꞈ kuˬ-eu ni tseuˆ tseuˆ pyehˬ maˬ oꞈ-eu loꞈ-ehˇ, naw maꞈ guiˬ lahˬ doeˇ tehꞈ-a.”

Iˇsaˬyaˇ 33:24

Ziˇoˬ meuˬ laꞈ kʼoeˇ jawˇ-eu tsawˇ haˬ deuˬ, tiˬ gʼaˬ-iˬ naˇ-eu gawˇ-eu maˬ baw-ehˇ, kʼoeˇ gaˇ jawˇ-eu tsawˇ haˬ deuˬ-euˬ iˬ baˇ, dawˬ tawˆ luꞈ pyehˬ nehˬ jiˇ tehꞈ-a.

Iˇsaˬyaˇ 57:18

“Aˬ yawꞈ maꞈ-euˬ dehꞈ jeˬ dehꞈ kawˆ ngaˇ siˬ jiˇ kʼawꞈ, aˬ yawꞈ maꞈ-euˬ naˇ gawˇ ngaˇ laˆ saˆ ma. Aˬ yawꞈ maꞈ-ahˇ ngaˇ sheuˬ gʼeh ngehˬ gʼeh-awˇ, tsawˇ ngoeˇ ngoeˇ luꞈ-eu deuˬ nui ma bi saˇ laˇ ma.

Iˇsaˬyaˇ 58:8

“Kʼoeˇ loꞈ-ehˇ mˇ naˇ, uˬ shawˬ bya-eu nahˇ ma yaw shehꞈ loꞈ-ehˇ, ngaˇ nui ma tsaˬ-eu jeˬ nawˬ-euˬ kʼoeˇ taˆ bya-awˇ, naw maꞈ-euˬ naˇ gawˇ yaw kawˇ-ehˇ taˬ leˇ tehꞈ-a. Naw maꞈ-ahˇ ka kʼoꞈ-eu gʼaˇ duˬ, naw maꞈ dawˬ peh ngaˇ aˬ myah luꞈ jawˇ-eu miˇ neh, guˆ-eu gaˆ-eu jeˬ-ahˇ yawˬ paw na luꞈ dzeuˇ-iˇ tehꞈ-a.

Iˇsaˬyaˇ 61:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ yaw sahˇ, ngaˬ-euˬ kʼoeˇ taˆ keuˆ le-euˬ meh. Yaw shaˬ zaˬ-ahˇ laˬ kʼaˬ cehˇ-eu guiˬ lahˬ dawˬ tsaꞈ gaˬ-eu gʼaˇ duˬ, nui ma tsawˬ paˆ-euˬ deuˬ-ahˇ laˆ saˆ-eu gʼaˇ duˬ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ hawˇ-eu, paꞈ kuˆ laꞈ kʼoeˇ ka lahˇ taˬ-euˬ tsawˇ haˬ deuˬ-ahˇ, ya buˬ ya law-iˇ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-awˇ pyehˬ gʼeh leꞈ-euˬ meh.

Yeˬlaˬmiˇ 30:17

Ziˇoˬ gawˬ jawˬ-aˬ, biˬ dzeh-euˬ myawˬ kuˬ-ahˇ duˇ-awˇ, myaˆ haw cawˬ nehˬ-eu gʼaˬ maˬ jawˇ-a lehˇ, naw maꞈ-ahˇ muiˇ-eu tsawˇ haˬ deuˬ ehˇ kʼawꞈ, naw maꞈ-ahˇ ngaˇ paˇ bi dehꞈ dzaˬ laˇ-awˇ, naw maꞈ-euˬ naˇ gawˇ laˆ taˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Ngoeˇ dawˬ 2:13

Oˇ, Yeˬluˇsaˬlehˬ meuˬ-oˇ, nawˬ-ahˇ aˬ joˆ-ehˇ ehˇ paˬ nga. Aˬ jeˬ-ahˇ shaˇ cehˆ mehˬ paˬ nga. Aˬ joˆ-ehˇ muˇ taˬ nehˬ paˬ nga. Oˇ, Yeˬluˇsaˬlehˬ meuˬ-oˇ, nawˬ-euˬ yaw cawˆ, laˆ shaˆ naꞈ-eu, aˬ suˇ gʼaˬ laˆ muiˬ kʼoꞈ nya nmˇ.

Hawˇseˬ 6:1

Aˬ yawꞈ maꞈ heu loꞈ-ehˇ ehˇ-eu, “Laˇ-awˬ. Sahˬpaˬ Miˬyehˇ jawˇ gaˇ, aˬ dui paˇ gʼoꞈ poˆ leˇ kaˇ-euˇ. Aˬ dui-ahˇ aˬ yawꞈ laˆ naˇ-euˬ aˬ yawꞈ laˆ taˬ nehˬ laꞈ tehꞈ-a. Aˬ dui-ahˇ aˬ yawꞈ laˆ tahˬ-eu, aˬ yawꞈ lahˇ cuꞈ nehˬ laꞈ tehꞈ-a.

Hawˇseˬ 6:2

Nyiˬ nah laꞈ kʼoeˇ bi beuˇ laˇ-awˇ, smˬ nah -ahˇ bi tuˇ poˆ laˇ-awˇ, aˬ yawꞈ mehˬ shi ya jawˇ tehꞈ-a.

Aˬmoˆ 9:11

Sahˬpaˬ Miˬyehˇ ehˇ-eu, “Coˬ pyaˆ coˬ shaˆ taˬ-euˬ nymˇ tiˬ nymˇ-ahˇ duˇ-eu Daˬbiˇ-euˬ miˇ kʼahˬ-ahˇ ngaˇ paˇ ciˬ tuˇ nehˬ-eu aˇ nah keuˆ le tehꞈ-a. Meuˬ meuˬ lahˇ deuˬ-ahˇ ngaˇ gawˬ muiˬ-awˇ, meuˬ deuˬ paˇ tsoˆ muiˬ nehˬ-eu laꞈ kʼoeˇ, aˇ hu ba kʼaˇ jaˆ-euˬ loꞈ-ehˇ aˬ yawꞈ yaw oeˇ-ahˇ duˇ ni laˆ saˆ muiˬ nehˬ ma.

Zaˬkaˬliˇ 12:8

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ haw piˇ-awˇ, gʼaˬ baˬ dui dui-eu tsawˇ haˬ tiˬ gʼaˬ-ahˇ keuˆ ni, Daˬbiˇ naˆ ni gʼaˬ ahˇ tehꞈ-a. Daˬbiˇ-euˬ zaˬ deuˬ uˆ deuˬ, Sahˬpaˬ Miˬyehˇ-euˬ gʼaˬ kʼehˇ loꞈ-ehˇ maˬ ehˇ, Miˬyehˇ-euˬ mawˇ do loꞈ-ehˇ maˬ ehˇ, aˬ yawꞈ maꞈ-ahˇ sheuˬ gʼeh tehꞈ-a.

Zaˬkaˬliˇ 14:7

Yaw zahˇ tiˬ pawꞈ-iˬ maˬ paˇ jaˆ-ehˇ, uˬ ciꞈ paw kʼawꞈ nah gʼahˇ loꞈ-ehˇ yaw shehꞈ bya tehꞈ-a. Kʼoeˇ loꞈ-ehˇ pyeuꞈ laˇ-eu aˇ yamˬ Sahˬpaˬ Miˬyehˇ tehꞈ-ehˇ siˬ nya-eu meh.

Maˬlaˬkiˇ 4:2

Ehˇ kʼawꞈ, ngaˬ-euˬ ehˇ dawˬ naˇ haˬ-eu deuˬ pyeuꞈ-eu naw maꞈ kʼoeˇ taˆ, ngaˬ-euˬ ka kʼoꞈ-eu jeˬ nahˇ ma loꞈ-ehˇ doˆ laˇ-awˇ, naˇ gawˇ laˆ taˬ-eu jeˬ nahˇ ma yaw shehꞈ loꞈ-ehˇ keuˆ le tehꞈ-a. Kuˆ-ahˇ neh pyehˬ doˆ nehˬ-euˬ mawˇ neˇ mawˇ zaˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Dawˬmehˬ 32:39

“‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.

Panmaeq 21:23

Meuˬ kʼoeˇ meuˬ-aˬ, nahˇ ma hawˇ-eu ba la-euˬ yaw shehꞈ maˬ loˬ-a. Aˬ jeˬ miˇ neh ehˇ naˇ, Miˬyehˇ-euˬ yaw shehꞈ kʼahˬ sehˇ kʼoeˇ gaˇ bya-awˇ, Yawˇzaˬ-aˬ, meuˬ kʼoeˇ meuˬ-euˬ tsiˇ kʼmˬ pyeuꞈ-eu meh.

Panmaeq 22:5

Kʼoeˇ gaˇ uˬ ciꞈ ciꞈ le-eu maˬ paˇ baw-ehˇ, tsiˇ kʼmˬ hawˇ-eu nahˇ ma yaw shehꞈ maˬ paˇ loˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ maꞈ-euˬ yaw shehꞈ pyeuꞈ-awˇ, aˬ yawꞈ maꞈ sahˬ paˬ geuꞈ-awˇ mˬ maˬ maˬ byaˆ zaˇ ziˇ ya uˆ lahˇ tehꞈ-a.