Iˇsaˬyaˇ 30:20 - Akha

²⁰ Naw maꞈ kʼoeˇ taˆ, shaˬ-eu zahˬ-eu aˇ nah aˇ yamˬ Sahˬpaˬ Miˬyehˇ bi keuˆ le tehꞈ-a. Ehˇ kʼawꞈ, aˬ yawꞈ-euˬ gʼawˇ mawˇ naw maꞈ-ahˇ mehˬ nehˬ tsoˆ nehˬ le-awˇ, naw maꞈ aˬ yawꞈ-ahˇ poˆ poˆ-ehˇ, maˬ paˇ ya shaˬ meh.

Iˇsaˬyaˇ 30:20 ပူးပေါင်းရင်းမြစ်များ

1 Sahˬpaˬ 22:27

Ngaˇ tiˬ jeˬ-iˬ maˬ ca ni gʼoꞈ keuˆ laˇ ngeh keuˆ ni, tsawˇ haˬ heu gʼaˬ-ahˇ tawˬ-ahˇ nyehꞈ ahˇ-awˇ, kaˬ muˇ hawˇ-eu iˇ cuꞈ tehꞈ-ehˇ bi dzaˬ bi dawˇ-eu laꞈ kʼoeˇ bi jawˇ tawˬ-awˬ lehˇ ehˇ nehˬ lawˬ.”

2 Laˬsaˬbaˬ 18:26

Ngaˇ tiˬ jeˬ-iˬ maˬ ca laˇ ni gʼoꞈ keuˆ laˇ ngeh keuˆ ni, tsawˇ haˬ heu gʼaˬ-ahˇ paꞈ kuˆ-ahˇ dawˆ-awˇ, kaˬ muˇ hawˇ-eu iˇ cuꞈ tehꞈ-ehˇ bi dzaˬ bi dawˇ-awˇ bi jawˇ tawˬ-awˬ.”

Jaceuq 102:9

Kʼaˬ lehˇ-ahˇ hawˬ loꞈ-ehˇ ngaˇ dzaˬ-awˇ, myaˆ biˇ keuˬ-eu iˇ cuꞈ dawˇ luꞈ-eu ma.

Jaceuq 127:2

Uˬ shawˬ yaw naꞈ-ehˇ tuˇ-awˇ uˬ ciꞈ zahˇ le ngeh keuˆ ni, yaw dehꞈ dehꞈ dzaˬ-eu gʼaˇ duˬ mˇ sehꞈ leꞈ kʼawꞈ tiˬ jeˬ-iˬ gaˇ dahˇ maˬ tsoeˬ-a. Aˬ jeˬ miˇ neh ehˇ naˇ, Sahˬpaˬ Miˬyehˇ gaˬ-eu tsawˇ haˬ deuˬ-ahˇ, yuꞈ kʼaˆ luꞈ ngeh aˬ yawꞈ dzaˬ tuiˆ dawˇ tuiˆ biꞈ nehˬ-eu meh.

Jaceuq 30:5

Aˬyawꞈnui ma pehˇ-eu jeˬ-aˬ, tiˬkʼehˇlaˇkʼehˬ tehꞈ-ehˇgmˬ-awˇ, aˬyawꞈnui ma muiˬ-eu jeˬ-aˬ, tiˬziˇjiˇtiˬyehˆjuˬ-eu meh. Uˬciꞈmyaˆbiˇya yoeˇbya kawꞈ, uˬbya laˬkʼaˬcehˇ-eu oe meh.

Jaceuq 74:9

Nga maꞈ-euˬ muiˬ-eu shawˇ-eu mˇ myawˬ keu ka dawˬ tawˆ luꞈ bi laˆ byoˆ jiˇ-awˇ, Miˬyehˇ gʼaˇ duˬ ngehˬ dah-eu tsawˇ haˬ kʼawꞈ, tiˬ gʼaˬ-iˬ maˬ dzeˇ-a. Aˇ myah keuˆ ni heu loꞈ-ehˇ ya shaˬ-eu tiˬ gʼa-iˬ maˬ siˬ nya-a.

Jaceuq 80:5

Nawˇ nga maꞈ-ahˇ noeˬ shaˬ noeˬ zahˬ-eu jeˬ bi dzaˬ laꞈ-awˇ, myaˆ biˇ kʼmˬ maˬ tiˬ byah ni bi dawˇ laꞈ-euˬ meh.

Iˇsaˬyaˇ 28:9

Aˬ yawꞈ maꞈ ngaˬ-ahˇ bye-awˇ ehˇ-eu, “Tsawˇ haˬ teu gʼaˬ aˬ suˇ gʼaˬ-ahˇ mehˬ-eu tsoˆ-eu gʼeh ta. Aˬ yawꞈ mehˬ gaˇ aˬ suˇ gʼaˬ naˇ haˬ mawꞈ nga jeˇ. Aˬ coeˇ byehˇ-euˬ zaˬ nahˬ-ahˇ mehˬ luꞈ-uˇ.

Iˇsaˬyaˇ 33:16

Kʼoeˇ loꞈ-ehˇ dehꞈ-eu gʼaˬ nui saˇ oꞈ-awˇ, ziꞈ dah ni gʼeh-eu taˆ laꞈ kʼoeˇ jawˇ-eu loꞈ-ehˇ, guˆ-eu gaˆ-eu jeˬ-ahˇ dzeuˇ-eu uˬ taꞈ, dzaˬ-eu dzaˇ hawˇ-eu dawˇ-eu iˇ cuꞈ gʼaˇ duˬ, kʼahˬ maˬ lahˇ ni ya dehꞈ tehꞈ-a.

Iˇsaˬyaˇ 51:14

Paꞈ kuˆ-ahˇ uˇ-eu deuˬ yaw kawˇ-ehˇ bi pyehˬ doˆ tehꞈ-a. aˬ yawꞈ maꞈ maˬ dzaˬ maˬ dawˇ jiˇ coeˇ ni dehꞈ-awˇ, ziˇ baw ziˇ za tehꞈ-a.

Maꞈtehˬ 9:38

Kʼoeˇ miˇ neh, aˬ yawꞈ-euˬ cehˇ yehˬ duˬ-ahˇ cehˇ yehˬ zaˬ deuˬ gʼawˬ mya ni bi oe-eu gʼaˇ duˬ, Yaw sahˇ gʼaˬ-ahˇ guiˬ lahˬ shaˇ-awˬ.”

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

Eˇpeˇsu 4:11

“Miˇ tsaˬ zaˬ-ahˇ laꞈ sawˬ biˬ-euˬ” gʼaˬ-aˬ, aˬ yawꞈ meh. Tiˬ paˆ na deuˬ-ahˇ gʼaˬ kʼehˇ bi geuꞈ-awˇ, tiˬ paˆ na deuˬ-ahˇ Miˬyehˇ gʼaˇ duˬ ngehˬ dah-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Ka li zaˬ aˇ muˇ-ahˇ sheuˬ gʼeh-eu saˬ laˬ bi geuꞈ-eu gʼaˇ duˬ maˬ ehˇ, mehˬ-eu tsoˆ-eu saˬ laˬ bi geuꞈ-eu gʼaˇ duˬ maˬ ehˇ, aˬ yawꞈ laꞈ sawˬ biꞈ-euˬ meh.

Dawˬmehˬ 16:3

Bawˬ-iˬ heu hmˬ dzaˬ ngeh, dehˬ tseˬ dawˆ taˬ-euˬ kaˬ muˇ taˬ dzaˬ. Iˇjiˇtuˆ miˇ kʼahˬ laꞈ kʼoeˇ neh naw maꞈ tehˬ law baw law-ehˇ ya doˆ le ngeh dzaˬ-euˬ loꞈ-ehˇ, shiꞈ nah keuˆ ni dehˬ tseˬ maˬ dawˆ-euˬ kaˬ muˇ nawˇ ya dzaˬ meh. Shaˬ-eu zahˬ-eu jeˬ-ahˇ ya daˬ-euˬ jawˇ duˬ pyeuꞈ-eu Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ le-euˬ aˇ nah kʼoeˇ nah-ahˇ, maˬ shiˇ tiˬ ziˇ naw maꞈ maˬ ya ngehˇ ni, shaˬ-eu zahˬ-euˬ jeˬ-ahˇ ya daˬ-euˬ kaˬ muˇ lehˇ kuˇ-eu kaˬ muˇ kʼoeˇ dzaˬ-awˬ.