Iˇsaˬyaˇ 30:19 - Akha

¹⁹ Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ tiˬ jawˇ-iˬ noeˬ shaˬ-awˇ maˬ paˇ ya ngoeˇ meh. Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, caw ba nehˬ laꞈ lehˇ naw maꞈ aˬ yawꞈ-ahˇ shaˇ ngeh, naw maꞈ-euˬ shaˇ dawˬ-ahˇ naˇ haˬ nehˬ laꞈ tehꞈ-a.

Iˇsaˬyaˇ 30:19 ပူးပေါင်းရင်းမြစ်များ

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Iˇsaˬyaˇ 10:24

Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ neh, Ziˇoˬ meuˬ-ahˇ jawˇ-eu aˬ yawꞈ-euˬ tsawˇ haˬ deuˬ-ahˇ heu loꞈ-ehˇ ehˇ nehˬ-euˬ meh. “Aˬshuˇliˆ tsawˇ haˬ deuˬ-ahˇ taˬ guˆ. Iˇjiˇtuˆ tsawˇ haˬ deuˬ neh naw maꞈ-ahˇ kʼehˬ nehˬ laꞈ haw-euˬ loꞈ-ehˇ, aˬ yawꞈ maꞈ naw maꞈ-ahˇ kʼehˬ nehˬ laꞈ kʼawꞈ, naw maꞈ taˬ guˆ.

Iˇsaˬyaˇ 25:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-aˬ, shiˇ-eu jeˬ-ahˇ mˬ maˬ maˬ byaˆ zaˇ ziˇ laˆ cawˆ nehˬ tehꞈ-a. Tsawˇ haˬ yawˬ gʼaˬ na luꞈ-euˬ myaˆ biˇ aˬ yawꞈ shiˆ shawˇ nehˬ-awˇ, miˇ tsaˬ kʼoeˇ taˆ kʼaˇ jawˇ-eu aˬ yawꞈ-euˬ tsawˇ haˬ deuˬ ya daˬ luꞈ-eu yaw doeˇ dawˬ tawˆ luꞈ-ahˇ, aˬ yawꞈ laˆ byoˆ nehˬ tehꞈ-a lehˇ, Sahˬpaˬ Miˬyehˇ ehˇ taˬ-eu jaˆ-eu meh.

Iˇsaˬyaˇ 33:2

Sahˬpaˬ Miˬyehˇ-oˇ, nga maꞈ-ahˇ gʼawˬ shaˬ gaˬ nehˬ laꞈ-awˬ. Nga maꞈ nawˬ-ahˇ noeˬ tmˬ luꞈ-eu ma. Yawˬ nah na luꞈ nga maꞈ-ahˇ haw piˇ-awˇ, guˆ-eu gaˆ-eu jeˬ laꞈ kʼoeˇ ka kʼoꞈ nehˬ laꞈ-awˬ.

Iˇsaˬyaˇ 35:10

Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ guˇ guˇ-ehˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ le keuˆ tehꞈ-a. Aˬ yawꞈ maꞈ mˬ maˬ maˬ byaˆ zaˇ ziˇ laˬ kʼaˬ cehˇ-awˇ, noeˬ shaˬ noeˬ zahˬ-eu jeˬ hawˇ-eu myaˆ biˇ doˆ-eu jeˬ-ahˇ, mˬ maˬ maˬ byaˆ zaˇ ziˇ buˬ-iˇ law-iˇ tehꞈ-a.

Iˇsaˬyaˇ 41:17

“Ngaˬ-euˬ tsawˇ haˬ iˇ cuꞈ mehꞈ-awˇ poˆ ngeh, aˬ yawꞈ maꞈ-euˬ kuˬ byahˬ gui ngeh, Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-euˬ shaˇ dawˬ naˇ haˬ nehˬ ma. Iˇsaˬleˬlaˆ-euˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ tiˬ jawˇ-iˬ maˬ byehˇ dzeh.

Iˇsaˬyaˇ 46:13

Gʼaˬ leˇ-eu aˇ nah kʼoeˇ ngaˇ bi peh le luꞈ ma. Gaˇ mahˇ maˬ paˇ kaˬ meh. Ngaˇ gʼaˬ leˇ-eu aˇ nah maˬ paˇ nyi naˬ nya meh. Yeˬluˇsaˬlehˬ meuˬ-ahˇ ngaˇ ka kʼoꞈ-awˇ, Iˇsaˬleˬlaˆ-ahˇ kʼoeˇ gaˇ ciˬ huiˬ nehˬ ma.”

Iˇsaˬyaˇ 58:9

Naw maꞈ guiˬ lahˬ shaˇ ngeh ngaˇ naˇ haˬ-awˇ, naw maꞈ ngaˬ-ahˇ kuˇ ngeh ngaˇ naˬ bawˇ ciˬ kʼmˇ ma. “Naw maꞈ aˬ cawˬ-ahˇ kʼehˬ-eu jeˬ byehˇ-awˇ, aˬ cawˬ-ahˇ yehˬ bawˬ-ehˇ maˬ gʼeh-eu uˬ taꞈ, dawˬ doeˇ maˬ paˇ ngehˬ ni dehꞈ naˇ,

Iˇsaˬyaˇ 60:20

Shaˬ zahˬ naꞈ-eu nawˬ-euˬ aˇ nah aˇ yamˬ dzeuˇ-awˇ, Sahˬpaˬ Miˬyehˇ pyeuꞈ-eu ngaˇ-aˬ, mˬ maˬ maˬ byaˆ zaˇ ziˇ nawˬ-euˬ yaw shehꞈ pyeuꞈ-awˇ, nahˇ ma hawˇ-eu ba la maˬ tseˇ gmˬ ma.

Iˇsaˬyaˇ 65:18

Ngaˬ neh beh-euˬ jeˬ-ahˇ, mˬ maˬ maˬ byaˆ zaˇ ziˇ laˬ kʼaˬ cehˇ-awˬ. Ngaˬ neh beh-euˬ Yeˬluˇsaˬlehˬ yaw shuiꞈ laꞈ kʼoeˇ, laˬ kʼaˬ cehˇ duˬ tiˬ byah jaˆ-awˇ, kʼoeˇ gaˇ jawˇ-eu tsawˇ haˬ deuˬ laˬ kʼaˬ cehˇ tehꞈ-a.

Iˇsaˬyaˇ 65:19

Yeˬluˇsaˬlehˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ, ngaˬ-euˬ gʼawˇ mawˇ laˬ kʼaˬ ya cehˇ tehꞈ-a. Kʼoeˇ gaˇ noeˬ shaˬ noeˬ zahˬ-eu maˬ jaˆ-ehˇ, caw ba nehˬ laꞈ lehˇ ngoeˇ-eu maˬ paˇ ya gaˬ meh.

Iˇsaˬyaˇ 65:24

Aˬ yawꞈ maꞈ guiˬ lahˬ shaˇ gʼaˬ-euˬ maˬ dah ni, aˬ yawꞈ maꞈ shaˇ-eu jeˬ ngaˇ biꞈ nehˬ ma.

Iˇsaˬyaˇ 65:9

Yuˇdaˆ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ, ngaˇ guiˬ lahˬ biꞈ nehˬ ma. Aˬ yawꞈ maꞈ-euˬ zaˬ deuˬ uˆ deuˬ-ahˇ, ngaˬ-euˬ miˇ kʼahˬ gawˬ jawˬ gawˬ duˇ oꞈ leˇ tehꞈ-a. Ngaˬ-euˬ nui kʼahˇ poˆ-eu ngaˬ neh tseˇ doˆ-euˬ tsawˇ haˬ deuˬ kʼoeˇ gaˇ ya jawˇ tehꞈ-a.

Yeˬlaˬmiˇ 30:12

Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ehˇ-eu, “Naw maꞈ-euˬ maˇ naˇ maˬ laˆ byoˆ nya-ehˇ, naw maꞈ-euˬ maˇ kʼehˬ maˬ yaˇ taˬ nya-a.

Yeˬlaˬmiˇ 31:12

Aˬ yawꞈ maꞈ Ziˇoˬ gawˬ jawˬ-ahˇ laˇ-awˇ, laˬ kʼaˬ cehˇ-eu caˇ dawˬ caˇ laˇ tehꞈ-a. Ngaˬ neh biꞈ-euˬ laꞈ sawˬ pyeuꞈ-eu, dzaˬ la gʼo cehˇ, aˬ gaꞈ dzaˇ uiˇ, saˬ loˬ tsiˇ deuˬ hawˇ-eu, mawˇ nyoˬ jeˬ kaˇ deuˬ-ahˇ aˬ yawꞈ maꞈ nui kʼahˇ shiˇ tehꞈ-a. Iˇ cuꞈ tiˬ loꞈ za-eu yaˇ kmˇ tiˬ kmˇ loꞈ-ehˇ, aˬ yawꞈ maꞈ ehˇ kʼaˇ maˬ za ni dehꞈ dzaˬ tehꞈ-a.

Yeˬlaˬmiˇ 31:16

Sahˬpaˬ Miˬyehˇ heu loꞈ-ehˇ ehˇ-eu meh. “Maˬ ngoeˇ ni taˬ leˇ-awˬ. Myaˆ biˇ shiˆ shawˇ dzeh-awˬ. Nawˬ li kʼoeˇ deuˬ gʼaˇ duˬ nawˬ neh mˇ-euˬ gaˇ deuˬ, yawꞈ ngehꞈ-ehˇ maˬ ngeuˇ-aˇ. Muiˇ-eu deuˬ-euˬ miˇ kʼahˬ-ahˇ neh, aˬ yawꞈ maꞈ gʼoꞈ doˆ laˇ tehꞈ-a.

Yeˬlaˬmiˇ 31:6

Meuˬ-ahˇ loꞈ piˇ-eu tsawˇ haˬ deuˬ, aˬ dui maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ, Ziˇoˬ gawˬ jawˬ-ahˇ le beuˇ lehˇ, Eˇpaˬleˬ miˇ kʼahˬ gawˬ jawˬ gawˬ duˇ kʼoeˇ taˆ guˇ tehꞈ-a.”

Yeˬlaˬmiˇ 31:9

Myaˆ biˇ yoeˇ-awˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ haˬ ngaˬ-euˬ mehˬ nah caw teh kʼoꞈ laꞈ tehꞈ-a. Iˇ cuꞈ lawˇ gawˆ yoeˇ-eu paw sheuˬ gʼeh-awˇ, pehˆ toˆ kʼaˇ maˬ za-eu gaˇ ma yaw juiˇ paw neh, aˬ yawꞈ maꞈ-ahˇ ngaˇ sheuˬ doˆ kʼoꞈ laꞈ ma. Ngaˇ Iˇsaˬleˬlaˆ-euˬ aˬ da loꞈ-ehˇ gʼeh-awˇ, Eˇpaˬleˬ ngaˬ-euˬ aˬ li aˬ yuiꞈ yuiꞈ saˬ ma.”

Yeˬlaˬmiˇ 33:3

“Ngaˬ-ahˇ kuˇ naˇ, ngaˇ oˬ toˬ nehˬ ma. Nawˇ tiˬ pawꞈ-iˬ maˬ siˬ nya-eu zahˬ dui dui leˇ paˬ-ehˇ gʼeh-eu gaˇ kawˆ deuˬ, nawˬ-ahˇ ngaˇ ehˇ nehˬ ma.

Yeˬlaˬmiˇ 50:28

Baˬbuˇloˬ miˇ kʼahˬ-ahˇ neh cehˆ doˆ laˇ-euˬ tsawˇ haˬ deuˬ Yeˬluˇsaˬlehˬ meuˬ-ahˇ cehˆ laˇ-awˇ, aˬ yawꞈ-euˬ Uˬ duˬ tahˬ nymˇ nymˇ ma-ahˇ Baˬbuˇloˬ tsawˇ haˬ deuˬ yehˬ bawˬ sehˇ lu-ehˇ jahˇ yaꞈ-euˬ baˬ da neh, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ maꞈ-ahˇ aˬ joˆ-ehˇ paˇ jahˇ poˆ nehˬ-euˬ gaˇ kawˆ dzawˇ le-euˬ meh.

Yeˬlaˬmiˇ 51:10

Sahˬpaˬ Miˬyehˇ ehˇ-eu, “ ‘Aˬ dui maꞈ tsaˬ-euˬ gaˇ kawˆ Sahˬpaˬ Miˬyehˇ bi siˬ duˬ laꞈ-euˬ meh. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh jahˇ-euˬ jeˬ gaˇ kawˆ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ehˇ nehˬ leˇ kaˇ-euˇ’ lehˇ, ngaˬ-euˬ tsawˇ haˬ deuˬ ehˇ-eu meh.”

Yeˬsaˬgeˬlaˇ 20:40

Ngaˬ-euˬ muiˬ-eu shawˇ-eu gawˬ jawˬ pyeuꞈ-eu Iˇsaˬleˬlaˆ gawˬ jawˬ yaw goˇ kʼoeˇ taˆ, naw maꞈ Iˇsaˬleˬlaˆ tsawˇ haˬ dawˬ tawˆ luꞈ ngaˬ-ahˇ uˬ duˬ tahˬ tehꞈ-a. Naw maꞈ-ahˇ ngaˇ nui kʼahˇ shiˇ-awˇ, naw maꞈ-euˬ lawˇ-eu shehˇ-eu jeˬ, damˬ-eu jeˬ hawˇ-eu, muiˬ-eu shawˇ-eu laꞈ sawˬ deuˬ-ahˇ ngaˇ ha geuꞈ ma.

Yeˬsaˬgeˬlaˇ 36:37

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ ngaˬ-ahˇ laꞈ jeuˬ paˇ bi shaˇ-awˇ, yawˇ yawˇ maꞈ myaˬ laˇ behˇ laˇ-eu loꞈ-ehˇ, aˬ yawꞈ maꞈ tsawˇ haˬ bi jeuˬ bi o le ma.

Miˇkaˬ 4:9

Aˬ jeˬ miˇ neh nawˇ yaw kʼaˆ-ehˇ guˇ guˇ-ehˇ ngoeˇ te. Aˬ jeˬ miˇ neh zaˬ baw luꞈ-eu zaˬ miˬ zaˬ tiˬ gʼaˬ loꞈ-ehˇ nawˇ shaˬ zahˬ mˇ luꞈ te. Nawˬ-euˬ sahˬ paˬ hawˇ-eu nawˬ-ahˇ nui noeˬ nui duˇ biꞈ-eu deuˬ maˬ jawˇ-ehˇ pyeuꞈ-iˇ-euˬ miˇ neh te loˇ.

Luˇkaꞈ 6:21

“Naw maꞈ nymˬ-mˇ mehꞈ luꞈ shuꞈ luꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya dzaˬ ya dawˇ dehˆ tehꞈ-a. “Naw maꞈ nymˬ-mˇ ya ngoeˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya uiˇ tehꞈ-a.

Lormav 11:26

Kʼoeˇ ngeh jawˇ, Iˇsaˬleˬlaˇ tsawˇ haˬ dawˬ tawˆ luꞈ ka kʼoꞈ-eu jeˬ za tehꞈ-a. Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Ka kʼoꞈ le-eu yaw sahˇ kʼoeˇ gʼaˬ, Ziˇoˬ gawˬ jawˬ-ahˇ neh oe-awˇ, Yaˬkoˆ-euˬ zaˬ deuˬ uˆ deuˬ-euˬ, maˬ muiˬ maˬ jaˬ-eu yaw haiˬ jeˬ, dawˬ tawˆ luꞈ yuˇ dzeh nehˬ tehꞈ-a.

Eˇpeˇsu 3:20

Aˬ dui maˬ noeˬ keuˆ maˬ shaˇ keuˆ nya gaˇ keuˆ ni, aˬ dui laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ-ahˇ gʼoe-awˇ biꞈ byah nehˬ laꞈ nya-eu gʼaˬ pyeuꞈ-eu

Panmaeq 5:4

Sahˬ boꞈ paˇ yoˆ kʼoeˇ-ahˇ pah haw geuˇ-eu tsawˇ haˬ tiˬ gʼaˬ-iˬ maˬ jawˇ-eu miˇ neh, ngaˇ ngoeˇ dui dui-euˬ ma.

Panmaeq 7:17

Aˬ jeˬ miˇ neh ehˇ naˇ, dzoeˬ dzaˬ nuiˇ mahˬ-euˬ gʼahˇ ceh nuiˇ luꞈ-eu Yawˇzaˬ-aˬ, aˬ yawꞈ maꞈ-ahˇ bo-eu yawˇ bo-eu yaw sahˇ pyeuꞈ-awˇ, dehꞈ-eu saꞈ laˇ lawˇ gawˆ-ahˇ aˬ yawꞈ maꞈ-ahˇ sheuˬ gʼeh tehꞈ-a. Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ Miˬyehˇ siˆ shawˇ nehˬ tehꞈ-a.