Iˇsaˬyaˇ 30:16 - Akha

¹⁶ Naw maꞈ mahˬ paˬ yaw kawˇ dziˬ-awˇ, muiˇ-eu deuˬ-ahˇ cehˆ dzeuˇ-eu lehˇ leh jeh luꞈ meh. Maꞈ cehˆ-ehˇ maˬ gʼeh nya-eu miˇ neh, naw maꞈ mˇ-eu tsaˬ meh. Ehˇ kʼawꞈ, naw maꞈ-euˬ mahˬ yaw kawˇ ma lehˇ noeˬ kʼawꞈ, naw maꞈ-ahˇ teh-eu deuˬ kawˇ dzehˬ meh.

Iˇsaˬyaˇ 30:16 ပူးပေါင်းရင်းမြစ်များ

2 Sahˬpaˬ 25:5

Ehˇ kʼawꞈ, Baˬbuˇloˬ guiˇ maꞈ deuˬ sahˬ paˬ Zeˬdaˬkiˇ-euˬ mehˬ nah teh-awˇ, Yeˬliˇkoˇ meuˬ dawˬ peh jaˆ-eu deh ga-ahˇ, aˬ yawꞈ-ahˇ nyehꞈ mi-euˬ meh. Aˬ yawꞈ-euˬ yehˇ dawˬ tawˆ luꞈ aˬ yawꞈ-ahˇ byehˇ dzeh-awˇ cehˆ-euˬ meh.

Yawˇbaˆ 39:11

Aˬ yawꞈ-euˬ huiˬ-eu gʼaˬ-ahˇ gʼoe-awˇ nawˬ-euˬ gʼaˇ duˬ myawˬ kʼaˆ bi mˇ-eu lehˇ noeˬ tmˬ nya te loˇ.

Jaceuq 147:10

Gʼaˬ kʼaˆ-eu mahˬ paˬ-ahˇ aˬ yawꞈ nui ma maˬ huiˬ-ehˇ, nui kʼaˬ ahˇ-eu yehˇ-ahˇ aˬ yawꞈ laˬ kʼaˬ maˬ cehˇ-a.

Jaceuq 33:17

Guiˇdeuˆdziˬmahˬnya gaˇgʼoe-awˇ, gʼaˬlehˇma lehˇ maˬlmˬnya-a. dziˬmahˬkʼaˆ-eu kawˇ-eu baˬda, yawˬhaˇyawˬha maˬlahˇdzeuˇ-a.

Iˇsaˬyaˇ 2:7

Aˬ yawꞈ maꞈ miˇ kʼahˬ-ahˇ pyuˇ hawˇ-eu shuiˇ byehˬ dui dui-awˇ, maˬ ehˇ jiˇ coeˇ gaˇ keuˆ ni jaˆ-eu meh. Aˬ yawꞈ maꞈ-euˬ miˇ kʼahˬ mahˬ jawˇ myaˬ dui dui-awˇ, mahˬ laˆ lawˬ maˬ gui jiˇ coeˇ-a.

Iˇsaˬyaˇ 31:1

Iˇjiˇtuˆ miˇ kʼahˬ-ahˇ laꞈ jeuˬ shaˇ-iˇ-eu tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-ahˇ maˬ gʼoe-ehˇ, mahˬ deuˬ-ahˇ nui kʼaˬ tsmˬ-awˇ, mahˬ laˆ lawˬ myaˬ gaˇ nui ma huiˬ-eu, mahˬ dziˬ-eu yehˇ deuˬ-euˬ gʼaˬ-ahˇ gʼoe-eu deuˬ, yaw kʼaˆ-ehˇ ya noeˬ shaˬ tehꞈ-a.

Iˇsaˬyaˇ 31:3

Iˇjiˇtuˆ tsawˇ haˬ kʼawꞈ tsawˇ haˬ zaˬ meh. Miˬyehˇ maˬ ngeuˇ-a. Aˬ yawꞈ maꞈ-euˬ mahˬ deuˬ kʼawꞈ shiˬ shaˬ jiˇ meh. Maˬ shiˇ nya-eu yaw sahˇ maˬ ngeuˇ-a. Sahˬpaˬ Miˬyehˇ aˬ laꞈ cawˬ doˆ laꞈ ngeh, aˬ cawˬ-ahˇ caw ba nehˬ-eu miˇ kʼahˬ dawˬ teˇ teˇ-awˇ, aˬ cawˬ-ahˇ gʼoe-eu miˇ kʼahˬ coˬ-iˇ-eu miˇ neh, nyiˬ kʼahˬ tiˬ gaˇ luˬ-iˇ seˇ-iˇ tehꞈ-a.

Yeˬlaˬmiˇ 39:4

Kʼoeˇ loꞈ-ehˇ pyeuꞈ laˇ-euˬ gaˇ, sahˬ paˬ Zeˬdaˬkiˇ hawˇ-eu aˬ yawꞈ-euˬ yehˇ dawˬ tawˆ luꞈ ya mawˇ ngeh, uˬ ciꞈ paw meuˬ laꞈ nyiˇ cehˆ doˆ-eu lehˇ lehˬ hmˬ-euˬ meh. Sahˬ paˬ-euˬ yaˇ kmˇ paw neh aˬ yawꞈ maꞈ doˆ-iˇ-awˇ, meuˬ meuˬ lahˇ nyiˬ tiˆ yaw kaˬ-ahˇ dahˇ-eu lahˇ kʼehˬ-ahˇ neh iˇ doˆ-awˇ, Yawˇdaˬ lawˇ baˬ deh kʼawꞈ paw cehˆ dzeuˇ-euˬ meh.

Yeˬlaˬmiˇ 4:13

Haw yawˬ. Muiˇ-eu gʼaˬ mˬ dmˇ loꞈ-ehˇ oe luꞈ meh. Aˬ yawꞈ-euˬ mahˬ laˆ lawˬ jaˬ lehˇ lehˇ zeuˆ-ahˇ duˇ leˇ-awˇ, aˬ yawꞈ-euˬ mahˬ kʼaˬ dzeˇ naˆ maˬ tseˇ kawˇ-eu meh. Aˬ dui shaˬ zahˬ naꞈ ngaˇ. Aˬ dui ya cawˆ-iˇ ngaˇ.

Yeˬlaˬmiˇ 46:6

Yaw kawˇ deuˬ maˬ cehˆ dzeuˇ nya-ehˇ, yehˇ deuˬ maˬ buˬ-iˇ-a. Kʼoeˇ taˆ paw Uˇpaˬlaˇ lawˇ baˬ lawˇ dzeˇ, sahˬ tiꞈ tiꞈ-awˇ coˬ-iˇ-eu meh.

Yeˬlaˬmiˇ 52:7

meuˬ meuˬ lahˇ pehꞈ-iˇ-euˬ meh. Baˬbuˇloˬ tsawˇ haˬ deuˬ neh meuˬ-ahˇ loꞈ jawˬ taˬ-euˬ kʼawꞈ, yehˇ dawˬ tawˆ luꞈ uˬ ciꞈ paw cehˆ dzeuˇ jiˇ-euˬ meh. Sahˬ paˬ-euˬ yaˇ kmˇ paw neh aˬ yawꞈ maꞈ iˇ-awˇ, meuˬ lahˇ nyiˬ tiˆ aˇ kaˬ-ahˇ dahˇ-eu lahˇ kʼehˬ-ahˇ neh cehˆ doˆ-awˇ, Yawˇdaˬ lawˇ baˬ deh kʼawꞈ paw cehˆ-euˬ meh.

Ngoeˇ dawˬ 4:19

Nga maꞈ-euˬ mehˬ nah teh-eu deuˬ, mˬ taˆ kʼaˬ dzeˇ maˬ tseˇ kawˇ-awˇ, gawˬ jawˬ kʼoeˇ taˆ teh ka leꞈ-awˇ, bawˇ tsahˬ-ahˇ jawˇ-awˇ loꞈ luꞈ meh.

Aˬmoˆ 9:1

Lawˇ duˬ dawˬ peh Sahˬpaˬ Miˬyehˇ yawꞈ luꞈ gaˇ ngaˇ mawˇ-awˇ, heu loꞈ-ehˇ dawˬ biꞈ luꞈ-eu ya gaˬ-euˬ ma. “Uˬ duˬ tahˬ nymˇ nymˇ ma-euˬ dawˬ peh luˆ laˇ-awˇ, tsawˇ haˬ zaˬ deuˬ-euˬ uˬ duˬ-ahˇ coˬ pyaˆ deh ni, Uˬ duˬ tahˬ nymˇ nymˇ ma-euˬ kʼawˇ zeuˇ uˬ du yaw kʼaˆ kʼaˆ-ehˇ kʼoˆ-awˬ. Maˬ shiˇ-ehˇ kʼaˇ dzeuˇ-iˇ-euˬ deuˬ-ahˇ guiˇ deuˆ-eu laꞈ kʼoeˇ ngaˇ bi shiˇ jiˇ-awˇ, tiˬ gʼaˬ-iˬ maˬ paˇ bi buˬ bi law-iˇma.

Miˇkaˬ 1:13

Laˬkiˇshaˆ meuˬ-ahˇ jawˇ-eu tsawˇ haˬ deuˬ-oˇ, mahˬ laˆ lawˬ lehˬ hmˬ-awˬ. Iˇsaˬleˬlaˆ miˇ kʼahˬ iˬ baˇ mˇ-euˬ gaˇ naw maꞈ dzaw geuꞈ-awˇ, Yeˬluˇsaˬlehˬ meuˬ iˬ baˇ mˇ ni naw maꞈ jahˇ-euˬ meh.

Haˬbaˬkuˆ 1:8

“Aˬ yawꞈ maꞈ-euˬ dziˬ mahˬ kʼoeˇ deuˬ, kʼaˬ zuiˬ naˆ maˬ tseˇ kawˇ dzehˬ-awˇ, uˬ ciꞈ gaˆ-eu kʼaˬ yehˇ maˬ tseˇ, guˆ laˇ paˬ-ehˇ gʼeh-eu uˬ taꞈ, gaˇ mahˇ kaˬ gaˇ neh coeˬ leꞈ-euˬ, mahˬ dziˬ kʼehˬ jiˇ jahˇ gʼeh haw-eu, kʼaˬ dzeˇ byoeˇ leꞈ-eu naˆ maˬ tseˇ, mahˬ pyehˬ teh kawˇ dui dui-eu meh.

Dawˬmehˬ 28:25

“Nawˬ-ahˇ muiˇ-eu deuˬ nawˬ-ahˇ gʼaˬ leˇ ni Sahˬpaˬ Miˬyehˇ jahˇ tehꞈ-a. Naw maꞈ dawˬ tawˆ luꞈ tiˬ paw dzeˇ neh tehꞈ-ehˇ iˇ-awˇ aˬ yawꞈ maꞈ-ahˇ guiˇ deuˆ-iˇ kʼawꞈ, teu paw heu paw ehˇ tsaˬ maˬ siˬ ni ya cehˆ byaˆ-awˇ, naw maꞈ kʼoeˇ taˆ keuˆ le teuˇ le-eu jeˬ-ahˇ ya mawˇ ngeh, miˇ tsaˬ kʼoeˇ taˆ jawˇ-eu tsawˇ haˬ dawˬ tawˆ luꞈ tsawˬ guˆ-iˇ dui dui tehꞈ-a.

Dawˬmehˬ 28:49

Mˬ dzeˇ miˇ dzeˇ jawˇ-eu tsawˇ jeuˬ tiˬ jeuˬ-ahˇ, naw maꞈ jawˇ gaˇ Sahˬpaˬ Miˬyehˇ pyehˬ gʼeh leꞈ tehꞈ-a. Aˬ yawꞈ maꞈ-euˬ dawˬ naw maꞈ maˬ siˬ nya-a. Kʼaˬ dzeˇ ga le-eu loꞈ-ehˇ, naw maꞈ jawˇ gaˇ aˬ yawꞈ maꞈ ja pyuˬ ni ga keuˆ le tehꞈ-a.