Iˇsaˬyaˇ 30:13 - Akha

¹³ Naw maꞈ iˬ baˇ huiˬ dui dui meh. Tsawˬ nga taˬ-euˬ meuˬ lahˇ lahˇ goˇ loꞈ-ehˇ, ja pyuˬ ni coˬ pyaˆ coˬ shaˆ jiˇ tehꞈ-a.

Iˇsaˬyaˇ 30:13 ပူးပေါင်းရင်းမြစ်များ

1 Sahˬpaˬ 20:30

Maˬ bi deuˆ sehꞈ-ehˇ kʼaˇ dzeˇ-eu deuˬ Aˬpyehˇ meuˬ-ahˇ cehˆ leˇ-awˇ, meuˬ meuˬ lahˇ neh nyiˬ muiˇ shiꞈ heˇ gʼaˬ bi coˬ tehˬ sehꞈ-euˬ meh. Beˬhaˬdaˇ gʼaˬ kʼawꞈ meuˬ kʼoeˇ meuˬ laꞈ kʼoeˇ cehˆ uˇ leˇ-awˇ, nymˇ tiˬ nymˇ-euˬ naˬ shuˬ-ahˇ dzuˇ zaꞈ-euˬ meh.

Yawˇbaˆ 36:18

Laꞈ nmꞈ nmꞈ-eu jeˬ neh nawˬ-ahˇ mehˇ shuiˇ bi shuiˇ-awˇ, pyuˇ shuiˇ myawˬ gahˬ neh gaˇ ma maˬ bi sheuˬ bah ni yahˇ-awˬ.

Jaceuq 62:3

Coˬ pyaˆ taˬ-euˬ kmˇ cehˇ naˆ ni tehꞈ-ehˇ deuˇ-eu tsawˇ haˬ tiˬ gʼaˬ-ahˇ, naw maꞈ aˬ myah keuˆ ni ga uiˬ-awˇ ceh-eu gʼeh te.

Jaceuq 62:4

Aˬ yawꞈ-euˬ myaˆ pyawˬ naˇ mehˇ-ahˇ naw maꞈ laˆ cawˆ-eu lehˇ gʼeh-eu meh. Jaˬ myawꞈ myawꞈ-eu jeˬ-ahˇ naw maꞈ laˬ kʼaˬ cehˇ-eu meh. Naw maꞈ-euˬ mehˬ boeˬ dawˬ ngehˬ gʼeh nehˬ luꞈ kʼawꞈ, nui ma laꞈ kʼoeˇ aˬ yawꞈ-ahˇ yaˬ kʼehˇ yaˬ luꞈ meh.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Dawqdaq 6:15

Kʼoeˇ miˇ neh, aˬ yawꞈ kʼoeˇ taˆ, guˆ-eu gaˆ-eu jeˬ ja pyuˬ ni keuˆ le-awˇ, tiˬ jawˇ-iˬ maˬ laˆ saˆ taˬ nya ni kʼehꞈ-iˇ kʼoeˆ-iˇ tehꞈ-a.

Iˇsaˬyaˇ 22:14

Baoˬ huiˬ-eu Sahˬpaˬ Miˬyehˇ ngaˬ-ahˇ ehˇ-eu, “Aˬ yawꞈ maꞈ ziˇ jiˇ ngeh keuˆ ni, iˬ baˇ heu ngaˇ maˬ pyehˬ nehˬ lehˇ, Dawˬ tawˆ kʼoeˇ taˆ uˆ lahˇ-eu Baoˬ huiˬ-eu ngaˇ Sahˬpaˬ Miˬyehˇ ehˇ-eu ma.”

Iˇsaˬyaˇ 26:21

Haw yawˬ, Sahˬpaˬ Miˬyehˇ aˬ yawꞈ-euˬ jawˇ duˬ-ahˇ luˆ laˇ-awˇ, iˬ baˇ mˇ-eu miˇ tsaˬ zaˬ-ahˇ kʼehˬ-eu lehˇ oe luꞈ meh. Miˇ tsaˬ kʼoeˇ taˆ sehꞈ kʼoeˬ shiˇ kʼoeˬ kʼoeˬ-awˇ, laˆ zaꞈ laˆ byoˆ taˬ-euˬ dawˬ tawˆ, bya cehˆ ni doˆ laˇ jiˇ tehꞈ-a.

Iˇsaˬyaˇ 29:5

Yeˬluˇsaˬlehˬ meuˬ-oˇ, nawˬ-ahˇ guiˇ kʼaˇ deuˆ le-eu tsawˇ jeuˬ deuˬ, kʼaˬ lehˇ loꞈ-ehˇ bi baw byoˆ jiˇ-awˇ, guˆ laˇ paˬ-ehˇ gʼeh-eu guiˇ maꞈ kʼoeˇ deuˬ, gʼo yoeˬ loꞈ-ehˇ bi baw dzeh jiˇ tehꞈ-a. Maˬ noeˬ maˬ duˇ-euˬ laꞈ kʼoeˇ ja pyuˬ ni,

Iˇsaˬyaˇ 30:26

Ba la yaw shehꞈ nahˇ ma loꞈ-ehˇ bya-eu uˬ taꞈ, nahˇ ma shiꞈ bymˇ bya dzehˬ laˇ-awˇ, shiꞈ nah bya-eu yaw shehꞈ tiˬ nah laꞈ kʼoeˇ bya jiˇ gaˇ duˇ tehꞈ-a. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ diˬ naˇ laˆ naˇ nehˬ-euˬ naˇ gawˇ deuˬ-ahˇ aˬ yawꞈ paˇ laˆ saˆ taˬ ngeh nah, kʼoeˇ deuˬ dawˬ tawˆ luꞈ keuˆ le tehꞈ-a.

Iˇsaˬyaˇ 47:11

Nawˬ-euˬ kʼoeˇ taˆ guˆ-eu gaˆ-eu jeˬ keuˆ le meh. Nyiˇ paˬ shaˆ ma neh maˬ dehˬ tsoeˬ nya-a. Nawˬ neh yuꞈ maˆ maˬ maˆ haw-euˬ luˬ-iˇ seˇ-iˇ-eu jeˬ, nawˬ-euˬ kʼoeˇ taˆ ja pyuˬ ni ga keuˆ le tehꞈ-a.

Iˇsaˬyaˇ 48:3

Iˇsaˬleˬlaˆ-ahˇ Sahˬpaˬ Miˬyehˇ ehˇ-eu, “Pyeuꞈ dzeuˇ-euˬ gaˇ kawˆ deuˬ aˇ hu ba neh ngaˇ ehˇ taˬ-awˇ, ja pyuˬ ni bi pyeuꞈ laˇ-euˬ ma.

Iˇsaˬyaˇ 58:12

Aˇ hu ba neh cawˆ-iˇ dzeuˇ-euˬ jeˬ-ahˇ, dawˬ pehˬ yaw oeˇ aˬ yawꞈ kʼoeˇ taˆ, nawˬ-euˬ tsawˇ haˬ deuˬ paˇ tsoꞈ ziꞈ leˇ tehꞈ-a. Byaˆ-iˇ taˬ-euˬ meuˬ lahˇ paˇ gawˬ ziꞈ-awˇ, nymˇ yaw cawˆ deuˬ paˇ tsoˆ muiˬ-eu tsawˇ haˬ nga lehˇ, aˬ cawˬ naw maꞈ-ahˇ kuˇ tehꞈ-a.”

Iˇsaˬyaˇ 65:7

Aˬ yawꞈ maꞈ-euˬ iˬ baˇ hawˇ-eu aˬ poeˬ aˬ bawˇ deuˬ-euˬ iˬ baˇ, dawˬ tawˆ luꞈ aˬ yawꞈ maꞈ-ahˇ ngaˇ ciˬ pi nehˬ ma. Gawˬ duˇ kʼoeˇ taˆ lawˇ ciꞈ zaˬ uˬ duˬ tahˬ-eu jawˇ duˬ-ahˇ, tsiˇ yaw saw jeˬ aˬ yawꞈ maꞈ doꞈ daˆ-awˇ, ngaˬ-ahˇ yaw doeˇ ehˇ taˬ-euˬ jaˆ-eu meh. Kʼoeˇ miˇ neh aˬ yawꞈ maꞈ mˇ dzeuˇ shaˇ dzeuˇ taˬ-euˬ loꞈ-ehˇ, aˬ yawꞈ maꞈ-ahˇ ngaˇ paˇ kʼehˬ poˆ nehˬ ma.”

Maꞈtehˬ 7:27

Uˬ yehˇ yehˇ le-awˇ, iˇ jeuˬ jeuˬ le-eu uˬ taꞈ, jaˬ lehˇ lehˇ ma ciˬ tahˬ ciˬ tuˆ laˇ ngeh, nymˇ kʼoeˇ nymˇ coˬ dzeh-iˇ-eu meh. Coˬ dzeh-iˇ-eu kʼoeˇ-aˬ, coˬ pyaˆ coˬ shaˆ jiˇ-eu meh.”

Luˇkaꞈ 6:49

Ehˇ kʼawꞈ, ngaˬ neh mehˬ-euˬ dawˬ gaˬ-awˇ maˬ naˇ haˬ geuꞈ-eu tsawˇ haˬ-aˬ, dawˬ pehˬ maˬ laˆ ziꞈ ni nymˇ tsoˆ-euˬ tsawˇ haˬ-ahˇ duˇ-eu meh. Iˇ jeuˬ jeuˬ le-awˇ nymˇ kʼoeˇ nymˇ-ahˇ ciˬ tahˬ ciˬ tuˆ ngeh, tiˬ poˆ tehꞈ-ehˇ coˬ dzeh-iˇ-awˇ, coˬ pyaˆ coˬ shaˆ jiˇ-eu meh.