Iˇsaˬyaˇ 3:9 - Akha

⁹ Aˬ yawꞈ maꞈ myaˆ pyawˬ huiˬ nyiˇ tseˇ-euˬ saˇ kiˇ jaˆ-awˇ, aˬ yawꞈ maꞈ-euˬ iˬ baˇ maˬ zaꞈ taˬ ni, Sawˇdoˬ meuˬ-euˬ iˬ baˇ loꞈ-ehˇ bya cehˆ ni jaˆ-eu meh.

Iˇsaˬyaˇ 3:9 ပူးပေါင်းရင်းမြစ်များ

Aˇ dahˬ 13:13

Sawˇdoˬ meuˬ laꞈ kʼoeˇ jawˇ-eu tsawˇ haˬ deuˬ-aˬ, Sahˬpaˬ Miˬyehˇ mehˬ shi iˬ baˇ mˇ-awˇ, haiˬ-eu tsawˇ haˬ deuˬ tehꞈ-ehˇ pyeuꞈ luꞈ-eu meh.

Aˇ dahˬ 19:34

Yawˬ nah yawˬ keuˆ laˇ ngeh, aˬ buˇ aˬ yuiꞈ gʼaˬ aˬ nyiˇ gʼaˬ-ahˇ heu loꞈ-ehˇ ehˇ nehˬ-euˬ meh. “Ngaˇ miˇ ciꞈ aˬ da nehˬ-ehˇ yuꞈ leˇ gʼaˬ-euˬ ma. Nymˇ ciꞈ gʼeh aˬ yawꞈ-ahˇ aˬ gaꞈ dzaˇ uiˇ paˇ bi dawˇ yehꞈ-awˇ, nawˇ paˇ yuꞈ leˇ-awˬ. Aˇ nyaꞈ nyiˬ mehˇ nmˇ luꞈ, aˬ da baˇ neh zaˬ jawˇ le luꞈ-uˇ.”

Aˇ dahˬ 4:5

Ehˇ kʼawꞈ, Gaˬiˇnaˆ-ahˇ maˬ ehˇ, Gaˬiˇnaˆ neh lawˇ nehˬ-euˬ jeˬ-ahˇ maˬ ehˇ, Sahˬpaˬ Miˬyehˇ nui kʼahˇ maˬ shiˇ-a. Kʼoeˇ miˇ neh, Gaˬiˇnaˆ nui ma pehˇ laˇ-awˇ, myaˆ pyawˬ maˬ muiˬ-a.

2 Sahˬpaˬ 9:30

Kʼoeˇ naˇ, Yeˬzaˬleˬlaˇ meuˬ-ahˇ Yeˬhuˇ le-euˬ meh. Gaˇ kawˆ kʼoeˇ Yeˬsaˬbeˬlaˇ ya gaˬ ngeh, myaˆ nuiˆ hawˇ-eu uˬ duˬ tsehˇ kahˇ laˆ muiˬ-awˇ, sahˬ paˬ-euˬ hawˇ nymˇ laˇ gʼoˆ zaˬ-ahˇ yawꞈ-awˇ, gaˇ ma paw ciꞈ pyawˇ-awˇ jawˇ-eu meh.

Jaceuq 10:4

Yaw haiˬdeuˬSahˬpaˬMiˬyehˇ-ahˇ, maˬhaw cawˬni jahˇgʼeh haw-awˇ, Miˬyehˇgaˇdahˇmaˬtsoeˬ-a lehˇ, nui ma laꞈkʼoeˇnoeˬluꞈ-eu meh.

Dawqdaq 15:32

Dawˬ mehˬ maˬ naˇ haˬ-ehˇ-aˬ, yaw ha-ahˇ laˆ shaˬ-awˇ, dawˬ tsoˆ-ahˇ noeˬ poˆ-eu-aˬ, tsawˇ gahˇ lahˬ-mˇ jeˇ.

Dawqdaq 30:13

Yawˬ haˇ yawˬ ha maˬ gaˇ dui dui miˇ-a lehˇ noeˬ-eu tsawˇ haˬ jawˇ-eu meh.

Dawqdaq 8:36

Ehˇ kʼawꞈ, ngaˬ-ahˇ maˬ mawˇ-euˬ tsawˇ haˬ-aˬ, yawˬ haˇ yawˬ ha laˆ shaˬ tehꞈ-a. Ngaˬ-ahˇ kʼaˇ bye-eu tsawˇ haˬ shiˇ-eu jeˬ-ahˇ gaˬ-eu meh.”

Iˇsaˬyaˇ 1:10

Sawˇdoˬ meuˬ kʼoeˇ taˆ uˆ lahˇ-eu deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ. Gawˇmawˇlaˆ meuˬ-ahˇ jawˇ-eu tsawˇ haˬ deuˬ-oˇ, Miˬyehˇ mehˬ-eu tsoˆ-eu dawˬ-ahˇ naˬ bawˇ ciˬ kʼmˇ sheˇ.

Iˇsaˬyaˇ 3:16

Sahˬpaˬ Miˬyehˇ ehˇ-eu, “Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ jahˇ huiˬ gaˇ haw sheˇ. Aˬ yawꞈ maꞈ gaˇ ma cah ngeh kawˬ lahˇ mˇ leuˇ-awˇ, myaˆ nuiˆ haw-eu jahˇ gʼeh-eu jeˬ ahˇ-eu meh. Aˬ yawꞈ maꞈ kuiˇ toꞈ ciˬ-eu mˇ yeuꞈ-awˇ, kuiˇ du-ahˇ duꞈ taˬ-euˬ kuiˇ duꞈ shoe loe shuiˇ luiˇ-ehˇ mahˇ-eu meh.

Iˇsaˬyaˇ 57:20

Ehˇ kʼawꞈ, haiˬ-eu tsawˇ haˬ deuˬ-aˬ, iˇ luˆ dzeh-eu maˬ naˬ leˇ-ehˇ, yaw jawꞈ yaw laꞈ beuˬ poˆ doˆ-eu laˆ shaˆ loꞈ-ehˇ, tiˬ jawˇ-iˬ yaw saˇ maˬ oꞈ-a.

Iˇsaˬyaˇ 59:12

“Sahˬpaˬ Miˬyehˇ nawˬ-ahˇ nga maꞈ mˇ lehˬ dui dui-euˬ ma. Nga maꞈ mˇ-euˬ iˬ baˇ nga maꞈ-ahˇ ceh laˇ-awˇ, yawˬ ha iˬ baˇ ahˇ-eu yawˬ ha siˬ duˬ-eu ma.

Yeˬlaˬmiˇ 2:19

Nawˬ-euˬ yaw lehˬ nawˬ-ahˇ kʼehˬ-awˇ, nawˇ saˇ jaˇ puiˬ-euˬ jeˬ nawˬ-ahˇ laˆ shaˬ tehꞈ-a. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, ngaˬ-ahˇ saˇ jaˇ maˬ ziꞈ ni dehꞈ-eu jeˬ, aˇ naˆ ni lehˬ-awˇ noeˬ shaˬ paˬ-ehˇ gʼeh nga lehˇ, nawˬ-ahˇ siˬ duˬ laˇ tehꞈ-a lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu, Dawˬ tawˆ kʼoeˇ taˆ uˆ lahˇ-eu ngaˇ heu loꞈ-ehˇ ehˇ-eu ma.”

Yeˬlaˬmiˇ 3:3

Kʼoeˇ baˬ da neh uˬ yehˇ maˬ yehˇ le-ehˇ, iˇ cuꞈ iˇ beuˆ maˬ doˆ le ni tsiˇ leˇ-euˬ meh. Ehˇ kʼawꞈ, nawˇ meh maˬ laˇ-euˬ jawˬ gʼehˇ maˬ byehˇ-ehˇ, shaꞈ dawˇ-eu maˬ baw-a.

Yeˬlaˬmiˇ 6:15

Gaˇ yaw jawꞈ heu deuˬ mˇ-euˬ baˬ da neh, aˬ yawꞈ maꞈ maˬ shaꞈ dawˇ-a loˇ. Aˬ yawꞈ maꞈ tiˬ pawꞈ-iˬ maˬ shaꞈ dawˇ-ehˇ, myaˆ pyawˬ tiˬ pawꞈ-iˬ maˬ cawˆ-a. Kʼoeˇ baˬ da neh aˬ cawˬ loꞈ-ehˇ aˬ yawꞈ maꞈ kʼawꞈ ya coˬ-iˇ-awˇ, aˬ yawꞈ maꞈ-ahˇ ngaˇ kʼehˬ nehˬ ngeh, aˬ yawꞈ maꞈ-euˬ aˇ nah jiˇ le meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 8:12

Ngaˬ-euˬ tsawˇ haˬ deuˬ-oˇ, yaw jawꞈ jeˬ-ahˇ mˇ-euˬ miˇ neh shaꞈ dawˇ baw miˇ-a loˇ. Maˬ ngeuˇ-a. Nawˇ shaꞈ maˬ siˬ nya-ehˇ, baˬ ba neˇ laˇ-euˬ maˬ baw-a. Aˬ cawˬ coˬ dzeh-iˇ-euˬ loꞈ-ehˇ, naw maꞈ kʼawꞈ ya coˬ-iˇ tehꞈ-a. Naw maꞈ-ahˇ ngaˇ kʼehˬ ngeh, naw maꞈ gʼaˇ duˬ aˇ saˬ saˬ-eu jeˬ keuˆ le tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Ngoeˇ dawˬ 5:16

Yaw shehꞈ kʼahˬ sehˇ byoˆ jiˇ miˇ-a. Nga maꞈ iˬ baˇ mˇ-euˬ miˇ neh, noeˬ shaˬ noeˬ zahˬ dui dui luꞈ ma.

Yeˬsaˬgeˬlaˇ 16:30

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Shaꞈ dawˇ maˬ baw-eu meh maˬ laˇ loꞈ-ehˇ kʼoeˇ deuˬ dawˬ tawˆ luꞈ nawˇ mˇ jiˇ-euˬ meh.

Yeˬsaˬgeˬlaˇ 16:49

Aˬ yawꞈ hawˇ-eu aˬ yawꞈ-euˬ aˬ buˇ deuˬ-aˬ, nui ma huiˬ kʼaˇ za-eu meh. Aˬ jeˬ miˇ neh ehˇ naˇ, aˬ yawꞈ maꞈ dzaˬ dzaˬ dawˇ dawˇ jaˆ loꞈ-awˇ, nui saˇ oꞈ-eu laꞈ kʼoeˇ ya dehꞈ luꞈ meh. Ehˇ kʼawꞈ, shaˬ zaˬ zahˬ zaˬ deuˬ-ahˇ aˬ yawꞈ maꞈ maˬ caw ba nehˬ-a.

Yeˬsaˬgeˬlaˇ 23:16

Aˬ yawꞈ maꞈ-euˬ aˇ baˇ kʼoeˇ deuˬ-ahˇ aˬ yawꞈ ya mawˇ ngeh, mawꞈ dui dui leˇ-awˇ, Baˬbuˇloˬ miˇ kʼahˬ-ahˇ aˬ yawꞈ maꞈ jawˇ gaˇ tsawˇ kʼaˬ pyehˬ gʼeh-euˬ meh.

Daˬyeˬlaˇ 7:20

Aˬ yawꞈ-euˬ uˬ duˬ-ahˇ tsoꞈ-eu uˬ coeˇ tseˇ kahˬ hawˇ-eu, aˬ cawˬ jeˬ nah doˆ laˇ-awˇ, uˬ coeˇ smˇ kahˬ tahˬ juˆ dzeh-euˬ uˬ coeˇ kʼoeˇ kahˬ-euˬ dawˬ tsuiꞈ ngaˇ siˬ nya mawꞈ-eu ma. Uˬ coeˇ kʼoeˇ kahˬ tsawˇ haˬ-euˬ myaˆ nuiˆ tsoꞈ-awˇ, kʼahˬ sehˇ jehˆ dui dui-eu kʼaˬ meh ti meh tsoꞈ-eu meh. Jeˬ zaˬ kʼoeˇ mawˇ-aˬ, jeˬ zaˬ nui deuˬ naˆ maˬ tseˇ guˆ dui dui laˇ paˬ-ehˇ gʼeh-eu meh.

Hawˇseˬ 13:9

“Iˇsaˬleˬlaˆ tsawˇ haˬ deuˬ-oˇ, naw maꞈ-ahˇ ngaˇ laˆ cawˆ nehˬ ma. Aˬ suˇ gʼaˬ caw ba nehˬ laꞈ nmˇ.

Hawˇseˬ 5:5

Iˇsaˬleˬlaˆ yaw doeˇ mˇ-euˬ, yawˬ ha-ahˇ paˇ guˇ poˆ luꞈ meh. Yawˬ ha neh mˇ-euˬ iˬ baˇ-ahˇ, yawˬ ha pehˆ toˆ-awˇ coˬ-iˇ gaˇ, Yuˇdaˆ tsawˇ haˬ coˬ caw tehꞈ-a.

Lormav 6:23

Aˬ jeˬ miˇ neh ehˇ naˇ, iˬ baˇ-euˬ aˇ poeˬ-aˬ, shiˇ-eu jeˬ pyeuꞈ-eu meh. Ehˇ kʼawꞈ, Miˬyehˇ neh yawꞈ ngehꞈ-ehˇ biꞈ nehˬ laꞈ-euˬ laꞈ sawˬ-aˬ, aˬ dui-euˬ Sahˬpaˬ Yeˬsuˇ Ka li laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Panmaeq 11:8

Aˬ yawꞈ nyaꞈ-euˬ gʼawˇ mawˇ-aˬ, aˬ yawꞈ nyaꞈ-euˬ Sahˬpaˬ-ahˇ laꞈ yaꞈ kʼoeˇ taˆ taꞈ sehꞈ-euˬ jawˇ duˬ pyeuꞈ-eu huiˬ dui dui-eu meuˬ-euˬ gaˇ ma-ahˇ ga tehꞈ-a. Meuˬ kʼoeˇ meuˬ-euˬ tsawˇ myahˇ myahˇ pawꞈ-aˬ, Sawˇdoˬ maˬ ngeuˇ naˇ Iˇjiˇtuˆ lehˇ kuˇ-eu meh.

1 Saˬmeuˬlaˆ 15:32

“Sahˬ paˬ Aˬgaˆ-ahˇ heu gaˇ sheuˬ laꞈ sheˇ” lehˇ, Saˬmeuˬlaˆ dawˬ biꞈ-euˬ meh. Aˬgaˆ yaw dzuˬ dzuˬ dzuˬ-ehˇ aˬ yawꞈ jawˇ gaˇ laˇ-eu laꞈ kʼoeˇ, “Shiˇ-eu jeˬ-ahˇ tahˬ puˬ leˇ-eu heu aˇ naˆ ni shaˬ zahˬ naꞈ law hawˇ maˬ siˬ miˇ-a” lehˇ, aˬ yawˇ yawꞈ noeˬ kʼoeˬ luꞈ-eu meh.